لعيد الاضحى المبارك حلوى الملفوف باالخطوات وبشكل جديد - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم الطبخ و المأكولات > قسم الحلويات

قسم الحلويات قسم مخصص للحلويات و المواضيع فيه حصرية للمنتدى

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

لعيد الاضحى المبارك حلوى الملفوف باالخطوات وبشكل جديد

إضافة رد
 
أدوات الموضوع انواع عرض الموضوع
قديم 2013-10-05, 21:42   رقم المشاركة : 1
معلومات العضو
ام اماني77
عضو مميّز
 
الأوسمة
وسام التقدير المرتبة الثانية 
إحصائية العضو










New1 لعيد الاضحى المبارك حلوى الملفوف باالخطوات وبشكل جديد

السلام عليكم اخواتي
اولا اعتذر من الاخوات على الغياب بسبب انقطاع النت وفي بعض الاحيان بسبب انشغالاتي المهم نحاول نكون معاكم كل ماسمحت لي الظروف.

بما ان عيد الاضحى على الابواب اخترت لكم حلوى اقتصادية وبنينة سبق وحطيتها موضوع وهي حلوى الملفوف لكن هذا المرة بشكل جديد رائع مع تعديل بسيط في الوصفة ومع الخطوات المصورة لان كاين بعض الاخوات لي جربوها ومانجحوش فيها وكاين لي جاتو صعيبة في عملها رغم انها سهلة اذا اتبعنا الخطوات.

https://

قبل مانحط مقادير العجينة نشرح اكثر
هذا الحلوى كي نعملها بزبدة ستار تجي احسن في الذوق لان كيما نعرف الزبدة بنينة على المرقرين ويمكن نعمل مزيج بين المرقرين والزبدة ولي ماعندهاش الزبدة تعملها بالمرقرين فقط
انا استعملت مزيج زبدة ومرقرين

https://

المقادير:

رطل فرينة
250غ مرقرين انا استعمات لابال
50غ زبدة ستار
100غ سكر رطب
نصف باكي خميرة
2 صفار بيض ونحتفظ بالبياض
5م ك حليب
م ص فاني
2 م ك نشاء
الحشو:
2كيسان نواد كوكو مرحي
كاس سكر رطب
3م ك كاكاو نوار
2بياض البيض لي كنا احتفظنا بيه من العجينة
كمية من الحليب
للطلاء
شكولة
للتزيين:
عجينة اللوز الاصطناعية
ملون ابيض
لماع فضي

الطريقة:

اولا نحضر ورقة التزيين لي تجي من فوق
ناخذ عجينة اللوز الاصطناعية نضيفلها شوية نشاء وكمية من الملون الابيض ونعجنها لازم ماتلصقش في اليد حتى يسهل تشكيلها
نفرش النيلون ونرش النشاء ونبسط عجينة اللوز وبالحلال وبواسطة طابع على شكل ورقة نشكل اورراق ثم لوي الورقةوهي طرية وحطيها تبس فوق ورق الزبدة من الاحسن نحضر الاوراق صباحا ونعمل بهم في المساء
هذا شكلهم

https://

الان نحضر العجينة

بواسطة الخلاط الكهربائي نخلط المرقرين+الزبدة+السكر جيدا نضيف صفار البيض +5م ك حليب نحرك ثم نضيف الفرينة والنشاء والخميرة ونلم العجينة دون عجنها

الان نمسح طاولة العمل بقطعة قماش فيها الماء ونفرش النيلون لان كي تكون الطاولة مندية النيلون مايتحركش وهذا يساعدك على العمل

https://

نحط العجينة فوق النيلون بعد نرش السطح بالفرينة ونزيد نرش العجينة من فوق بشوية فرينة نبسطها شوية بالحلال

https://

من بعد نزيد نغطي العجينة بالنيلون ونكمل بسطها بالحلال بشكل مستطيل ونرققها كل مانرققها يكون احسن لاحظو كيفاه رققتها

https://

الان نحضر الحشو
نخلط النواد كوكو المرحي والسكر الرطب والكاوكاو +بياض 2 بيض لي بقى من العجينة ونبل بالحليب نضيف بالشوية ونحرك لازم يكون الحشو طري حتى يسهل تمديدها فوق العجينة

ننزع النيلون لي من فوق العجينة ونحط الحشو بشكل متناثر

https://

بواسطة سباتولا نمدد الحشو على كل العجينة غير بالعقل

https://

نبدا نلف من الاتجاهين بالتساوي

https://

نستمر في اللف حتى نكمل

https://

بواسطة سكين نقطع العجينة من المنتصف راح نتحصل على زوج حرابش نقطع كل واحد على اثنان نحطهم في بلا مستطيل وندخلهم للثلاجة حتى يتماسكو جيدا لتسهيل عملية التقطيع
من بعد نقطعهم بواسطة سكين حاد بهذا الشكل

https://

ندخلهم للفرن على180درجة كي يطيبو من تحت نشعل عليهم من فوق
بعد الطهي نخليهم يبردو تماما

الان نذوب الشكولة على حمام مائي نضيفلها شوية حليب ونحرك
نغطس الحلوى في الشكولة من فوق ونحطها فوق مشبك

https://

نحط فوق كل حبة حلوى ورقة من عجينة التزيين لي كنا حضرناها قبل وهذا قبل ما تشيح الشكولة

https://

ونزين بالملمع الفضي نحط بشكل مائل

https://

بعد ماتشيح الشكولة نحط الحلوى في ليكسات ونقدمها وهذا شكلها النهائي

https://


https://

صراحة ذوقها راااائع النواد كوكو مع الشكولة امممممم

https://

وهذا شكلها من الداخل

https://

ان شاء الله تكون الشرح كافي والخطوات واضحة هكذا لي تجربها تنجح فيها
ولاتنسوني غالياتي من صالح الدعاء
في امان الله









 


رد مع اقتباس
قديم 2013-10-05, 21:48   رقم المشاركة : 2
معلومات العضو
hayat-48
عضو مبـدع
 
إحصائية العضو










افتراضي

حلوة رائعة يعطيك الصحة جزاك الله كل الخير شكرا










رد مع اقتباس
قديم 2013-10-05, 21:48   رقم المشاركة : 3
معلومات العضو
المستغفرة
عضو مميّز
 
الصورة الرمزية المستغفرة
 

 

 
إحصائية العضو










افتراضي

الف شكر ام اماني رزقكي الله الفردوس
وصفة رائعة










رد مع اقتباس
قديم 2013-10-05, 21:52   رقم المشاركة : 4
معلومات العضو
ام عصام
عضو مشارك
 
إحصائية العضو










افتراضي

مشاء الله الله يبارك انتظري تطبيقي ام اماني










رد مع اقتباس
قديم 2013-10-05, 21:52   رقم المشاركة : 5
معلومات العضو
tong2
عضو متألق
 
الصورة الرمزية tong2
 

 

 
إحصائية العضو










افتراضي

الله يبــــــــــــــــارك ما شــــــــــاء الله

يــــــعــــطيك الصــــحة حــــبيبة











رد مع اقتباس
قديم 2013-10-05, 21:52   رقم المشاركة : 6
معلومات العضو
حياتي نبع امل
عضو متألق
 
الصورة الرمزية حياتي نبع امل
 

 

 
الأوسمة
وسام التقدير وسام المتوجات 
إحصائية العضو










افتراضي

اممممممممممم بارك الله فيك
هدي غيبة توحشناك يالغالية ربي يجازيك عنا احسن الجزاء










رد مع اقتباس
قديم 2013-10-05, 21:56   رقم المشاركة : 7
معلومات العضو
ام اماني77
عضو مميّز
 
الأوسمة
وسام التقدير المرتبة الثانية 
إحصائية العضو










افتراضي

شكرا غالياتي على المرور نورتو الموضوع










رد مع اقتباس
قديم 2013-10-05, 21:56   رقم المشاركة : 8
معلومات العضو
زنجبيل11
عضو مميّز
 
الأوسمة
وسام شرف المشاركة 
إحصائية العضو










افتراضي

ما شاء الله يعطيك الصحة دخلت في جال نشكرك انتي روعة










رد مع اقتباس
قديم 2013-10-05, 21:58   رقم المشاركة : 9
معلومات العضو
أوتار*
عضو مميّز
 
الصورة الرمزية أوتار*
 

 

 
إحصائية العضو










افتراضي

صراحة انت مبدعة نتمنى نتعلم منك ولو 10%










رد مع اقتباس
قديم 2013-10-05, 22:02   رقم المشاركة : 10
معلومات العضو
ام اماني77
عضو مميّز
 
الأوسمة
وسام التقدير المرتبة الثانية 
إحصائية العضو










افتراضي

اقتباس:
المشاركة الأصلية كتبت بواسطة زنجبيل11 مشاهدة المشاركة
ما شاء الله يعطيك الصحة دخلت في جال نشكرك انتي روعة
الاروع مرورك اختي الكريمة
ان لي نشكرك ونشكر كل الاخوات على ردودكم المشجعة دائما
احبكن في الله









رد مع اقتباس
قديم 2013-10-05, 22:06   رقم المشاركة : 11
معلومات العضو
أنآحلُم
عضو نشيط
 
الصورة الرمزية أنآحلُم
 

 

 
إحصائية العضو










افتراضي

ماشاء الله ديما نستنى جديدك
ربي يحفظك ويحفظ عائلتك










رد مع اقتباس
قديم 2013-10-05, 22:07   رقم المشاركة : 12
معلومات العضو
ام اماني77
عضو مميّز
 
الأوسمة
وسام التقدير المرتبة الثانية 
إحصائية العضو










افتراضي

اقتباس:
المشاركة الأصلية كتبت بواسطة أوتار* مشاهدة المشاركة
صراحة انت مبدعة نتمنى نتعلم منك ولو 10%
اهلا غاليتي
هذا تواضع منك علابالي راكي شاطرة ماشاء
صدقني راني نحط الوصفات من قلبي والهدف انكم تتعلمو وتنجحو فيهم 100 بالمئة









رد مع اقتباس
قديم 2013-10-05, 22:10   رقم المشاركة : 13
معلومات العضو
meriama13
عضو محترف
 
إحصائية العضو










افتراضي

امممممممممممممممم مذاقها رووعة كنت جربتها من قبل عدة مرات و طرقة تزيينك الحلوى هايلة الله يعطيك الصحة










رد مع اقتباس
قديم 2013-10-05, 22:23   رقم المشاركة : 14
معلومات العضو
ladymillion
عضو محترف
 
إحصائية العضو










افتراضي

ماشاء الله بارك الله فيك

انا جربت الوصفة لي حطيتيها مع الاول ونجحت فيها الحمد لله جا يذوب في الفم ماشاء الله قاطو هايل وكنت متمنية نديروا ومعرفتش الوصفة لكن الحمد لله تبعت وصفتك ونجحت جا يهبل والله مشكووووووووووورة وربي يحفظك










رد مع اقتباس
قديم 2013-10-05, 22:23   رقم المشاركة : 15
معلومات العضو
أمـــــــــــــــيرة
عضو مميّز
 
الصورة الرمزية أمـــــــــــــــيرة
 

 

 
إحصائية العضو










افتراضي

الحمد لله على سلامتك نوّرتي أختي أماني
الحلوى هاااايلة
ودائما نقول
وهل يحلوا العيد بدون حلويّات أم أماني ؟
الله يحلّي أيامك ويخليك يا غالية










رد مع اقتباس
إضافة رد

الكلمات الدلالية (Tags)
لعيد, الملفوف, الاضحى, باالخطوات, حلوى, جديد, وتشكل

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 03:15

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc