قلة احترام قبل الزواج

[مشكلتي]

قلة احترام قبل الزواج لسلام عليكم ارجوكم انصحوني بدون تجريح ........ خطيبي منين يصرا اي مشكل يهيني و يسبني و يسب دارنا و يقولي ندمت كي خطبتك بصح يولي عادي كان شيئا لم يكن و السبب لي يخليني منقدرش ندافع على روحي هو اني درت غلطة قبل ما يخطبني مع انسان اخر و هو علابالو ودارنا علابالهم لانو هذاك الانسان كان يهدد فيا بصوري بصح الحمد لله ابي و خطيبي عاونوني بزاف ......... خطيبي عاوني على اساس زميلي و نهار جا يخطبني ابي رفض قالي حاكم عليك غلطه يولي يحقرك بصح انا اصريت و امنت هدرتو بلي نسا كلش و مدام استعرفت قدام دارن بالغلطه عادي لكن في الواقع شيء اخر ابسط مشكل يجبدلي وش صرالي و يعايرني انا مليت مالاهانات حابه نبطل بصح حشمت من دارنا لي وقفت ضدهم باش يقبلو و عندي عامين خطبة و هو ثاني حبني انا لي نبطل مش حاب يربح العيب مع دارهم قولولي وش ندييييييييييييييييييييييييييييييييييييييير

[imi02i]

حاولي معرفة السبب الذي يدفعه دائما إلى شتمك وإهانتك
إذا كان يعامل فيك هكذا على أساس الخطأ اللي ارتكبتيه فما بالك يوم تتزوجين به
لازم تشوفي لبعيد وتخمي بعقلك في المصير تاعك
وإذا راكي حابة تبطلي صح ومكيش مرتاحة مع هذا الإنسان هذا حقك ومكانش اللي يرغم عليك
وليكن في علمك أيضا أن الكمال لله وحده أي أنه مكانش إنسان مغلطش في حياتو
أخيرا أقول لك لاخاب من استخار ولاندم من استشار
استخيري وربي يقدم اللي فيها الخير

[حقائب فرح]

والله لا اعلم شيئ انتظري ردا من الاخوة في المنتدي واذا ذاقت بك الدنيا عليك بدعاء الله والاستخارة

[سلاف26]

هذا في فترة الخطوبة و يفعل هذا بعد الزواج ماذا يفعل؟؟
والدك تنبأ بالأمر لانه رجل و يعرف كيف يفكر الرجل و قد نصحك ارى إن تكررت هذه الأفعال أتركيه و ربي يعوضك بالأحسن

[محفوظ البسكري]

هداه الله

ولكني ارى انه سوف يعل اكثر من هذا بعد الزواج

نسال الله الواحد القهار الاحد ذو الجلال و الاكرام العلي القدير ان يهديه

[sali-sali]

ايه هدي الغلطة نتاعك وحدك
لما الانسان يخمم بقلبه يولي اعمى
اكيد راح يعايرك وماعندك ماتديري
وماتقدريش تردي عليه
احكي مع يماك وقولها حبيت نبطل وهي تشرح للاب نتاعك
قبل ماتولي عنده وتولي في كارثة
والا احكي معاه الحوار تاني مفيد..قال يا ولد ناس خلينا نتفاهمو صح غلطت وخلاص مكاش لي مايغلطش وخلاص راك خاطبني يلزم احترام........
والباقي تعرفيه
المهم يكون حل قبل الزواج

[أنين المذنبين]

أهربي بريشك أحسن

خيرا لك من حياة تعيسة

[zeyar zeyar]

انا انصحك بان تفسخي العلاقة وترتبطي بشخص لا يعرف ما جرى لك ....هدا الشخص عمره ما ينسى ماضيك

[إيناس2005]

المشاركة الأصلية كتبت بواسطة zeyar zeyar

انا انصحك بان تفسخي العلاقة وترتبطي بشخص لا يعرف ما جرى لك ....هدا الشخص عمره ما ينسى ماضيك

سيكون زواج مبني على الغش ولما يعرف سيتكرر نفس المشكل الازم تفكر قبل ما تغلط رب يهدينا

[khawlita.dz]

المشاركة الأصلية كتبت بواسطة مشكلتي

قلة احترام قبل الزواج لسلام عليكم ارجوكم انصحوني بدون تجريح ........ خطيبي منين يصرا اي مشكل يهيني و يسبني و يسب دارنا و يقولي ندمت كي خطبتك بصح يولي عادي كان شيئا لم يكن و السبب لي يخليني منقدرش ندافع على روحي هو اني درت غلطة قبل ما يخطبني مع انسان اخر و هو علابالو ودارنا علابالهم لانو هذاك الانسان كان يهدد فيا بصوري بصح الحمد لله ابي و خطيبي عاونوني بزاف ......... خطيبي عاوني على اساس زميلي و نهار جا يخطبني ابي رفض قالي حاكم عليك غلطه يولي يحقرك بصح انا اصريت و امنت هدرتو بلي نسا كلش و مدام استعرفت قدام دارن بالغلطه عادي لكن في الواقع شيء اخر ابسط مشكل يجبدلي وش صرالي و يعايرني انا مليت مالاهانات حابه نبطل بصح حشمت من دارنا لي وقفت ضدهم باش يقبلو و عندي عامين خطبة و هو ثاني حبني انا لي نبطل مش حاب يربح العيب مع دارهم قولولي وش ندييييييييييييييييييييييييييييييييييييييير

انا نضن ان افضل حل انك تنفصلى عن هدا الشخص
مهما صار ماهوش حا ينسى حكايتك لقديمة...............وراح يبقى موسوس منك...........هدا انسان
و باباك عندو حق فى واش قال

[محمد جديدي التبسي]

إذا كان الحل الوحيد هو الانفصال وهذا ما أراه فالرجل لا يريدك ويهينك في كل مناسبة
لا تنظري لهذا الشخص إنو دار فيك مزية بما أنه ستر عليك أول الأمر فهذه المزية بين قوسين لا معنى لها كونه يعايرك بها دائما ولم يفهم معنى أن يستر عليك ويحترمك وهذا يدل على طبع سيء فيه
أنت ضعي ثقتك في ربّك وتوبي إليه واسأليه من فضله ولن يضيعك أبدا وسيرزقك بمن هو خير منه.. ربي يفتح عليكم

[soussoudarine]

المشاركة الأصلية كتبت بواسطة محمد جديدي التبسي

إذا كان الحل الوحيد هو الانفصال وهذا ما أراه فالرجل لا يريدك ويهينك في كل مناسبة
لا تنظري لهذا الشخص إنو دار فيك مزية بما أنه ستر عليك أول الأمر فهذه المزية بين قوسين لا معنى لها كونه يعايرك بها دائما ولم يفهم معنى أن يستر عليك ويحترمك وهذا يدل على طبع سيء فيه
أنت ضعي ثقتك في ربّك وتوبي إليه واسأليه من فضله ولن يضيعك أبدا وسيرزقك بمن هو خير منه.. ربي يفتح عليكم

انا اوفق الاخ في كلامه
واكيد خطيبك راح يبقى يذكر فيك بالماضي نتاعك وبعد الزواج ممكن يتفاقم الامر الى الشك والريبة والاهانات المستمرة اظن من الافضل تخبري والدتك وهي اكيد راح تنصحك بالافضل لك وان شاء الله ربي يفتح عليك

[Rima mimi25]

الراجل لي مايديرش قيمة للمرأة مابقاتش معيشاة معاه أديها من عندي أختي الفاضلة و إلا بعد الزواج سترينا ما لم تتوقعي رؤيته و ستندمين غلى اليوم الذي قبلت به

معذرة و إنما هذا هو الصح

[alasad]

يا اختي غلطتك انك تباني انسانة نية وعفوية وتوثقي بزاف في الرجال المرة الاولى غلطة والمرة الثانية وثقتي في خطيبك وبقى كل مرة يجبدلك غلطتك ,,, خيتي انا راجل وفاهم الرجال قليل الثقة فيهم الا من رحم ربي ,, نصيحتي صارحيه مباشرة قلو خاف ربي اذا ديما تجبدلي الموضوع مش رايحين نعيشو مليح ياتنسى الغلطة ياكل واحد يشوف حالو ,,, قلو تخيل ليصارلي صار لختك ,,,, ونصيحة ليه اتقو الله في النساء اتقو الله في النساء,,,, وكثري الدعاء راه ربي ماينساكش لخلق مايضيع خيتي

[moha75]

لماذا عندما تخطأ المرأة تعامل باحتقار وظلم شديدين،
بينما هناك من الرجال من كل حياته أخطاء لكن يشار إليه بالبنان على أنه رجل ومهما أخطأ فلن يحط من قيمته شيئا.

هي نظرة المجمتع الخاطئة للمرأة، وكأنها منزهة عن الأخطاء ومعصومة منها،
العصمة لله وحده وكلنا مخطؤون، لكن الأجمل أن نرى اعترافا بالخطأ والعزم عن عدم تكراره والتوبة منه.

مهمها كانت غلطتك فليس هناك مبرر لإهانتك وسبك مرار وتكرارا فأنت خلقت حرة لا عبدا،

أنصحك بإنهاء العلاقة بينكما فمن يهينك اليوم وأنت أجنبية عنه ،سيجعل من حياتك جحيم عند الزواج.

لا بد ان تعلمي جيدا أن الله هو الرزاق ذو القوة المتين، وأن هذا الرجل ما هو إلا عبد مثلك ليس بأحسن منك.

عليك بالدعاء والصلاة في جوف الله ، بأن يرزقك الله زوجا صالحا يعرف قدرك ويحسن معاملتك ويكون نعم الزوج في السراء والضراء لأن هذا هو الاساس.

ربي يوفقك لكل خير ان شاء الله.