رجعت من تونس وجبتلكم بعض الصور

ninafret · 2013-07-13, 13:08

السلام عليكم اخواني ورمضان كريم تقبل الله صيامكم وقيامكم

كنت في تونس الاسابيع الماضية انا وابي وامي من اجل ذلك لم أكن ادخل للمنتدى بقينا عدة ايام بعدها رجعت لحضور حفلة نجاح قريبتي (( سلفتي )) الصغيرة . اردتكم ان تشاركوني بعض الصور اتمنى ان تعجبكم .

معظمها من تونس العاصمة فيها البعض من البحيرات والبعض من بارك كبير او حديقة اسمها "بلفيدير" وهي اكبر حديقة في العاصمة

اولا نبدا بالبيت اللي كريناه في حي اسمو العمران او بل بلحمر راهو موجود في قلب العاصمة

هدا من الداخل روعة كانو قصر نتاع باي

هدا المطبخ

هادي لاسال آمونجي

هادي غرفة النوم

هدا الحمام اكرمكم الله

الصالون ماصورتوش كل الصور فيها انا وبابا وماما

وهادي حديقة العمران بجنب البيت اللي سكنا فيه

وهادي بعض الصور من حديقة بلفدير اللي فيها هاد البارك للراحة وفيها فبة الهواء ونادي خاص للفروسية ومكتبة خضراء ...هدا بابا

وهدا ماناج خاص بالاطفال

هادي شجرة ضخمة باتم معنى الكلمة سبحان الله

هادي انا وماما نتجولو في الحديقة محيت الوجه وخليتلكم غير الكاركاس هههههههههههههه

========

وهادو بعض مقتنياتي

هادي توابل نتاع سمك وبهار دجاج وكاري هندي وبهار شاورما

شوية حلويات لدار شيخي

هادي تشكيلة من البهارات جابتهم ماما تابل وكروية وراس الحانوت وكمون وفلفل حار او جواوات وكركم وزعفران وغيرها .................

هادو عجبوني شريتهم نزين بيهم غرفتي بصح بينانا غاليين بزاف بزاف كي رجعت وعاودت حسابي ندمت هههههههههه

هدا تدكار ليا انا وزوجي

hanane220 · 2013-07-13, 13:25

بصحتكم انا تمنيت صور طبيعة تونس و محلات و البحر باش نتحمسو و نروحو تونس زيارة

ninafret · 2013-07-13, 14:28

اقتباس:

المشاركة الأصلية كتبت بواسطة hanane220

بصحتكم انا تمنيت صور طبيعة تونس و محلات و البحر باش نتحمسو و نروحو تونس زيارة

الله يسلمك حبيبتي تعرفي كل الصور تقريبا فيها انا وامي وابي ماقدرتش نحطهم عملنا صور على الشاطىء فقط وحبيبتي مانقدرش نصور الناس وهي تعوم وراني ماتعمقتش من جيهة البحر
لاني ملتزمة مانعومش
رانا راجعين بعد رمضان بحول الله راح نصورلك مناضر خير من هادي ان شاء الله

الف شكر على المرور حبيبتي

نور البراءة · 2013-07-13, 14:50

الله يبارك

بارك الله فيك بصحتك على الرحلة

فاطمة1987 · 2013-07-13, 15:46

بصحتك التحويسة الله يبارك

blessful · 2013-07-13, 15:50

بصحتييييييييييييييييك معليش نقرعج شحال كريتو الدار و شحال تكلفة الرحلة راني حابة نروح انا وزوجي و شكرا مسبقا

ninafret · 2013-07-13, 16:07

شكرا لكن اخواتي على المرور
اختي اللي سقساتني على الكراء احنا كرينا في قلب العاصمة ب 50 دينار تونسي لليلة الواحدة يعني 350 الف نتاعنا وكيما شفتي في الصور البيت واسع ويتسع لعائلتين ولا 3 باولادهم وقالول بلي في المدن الصغيرة يكون الكراء اقل وممكن حتى يكون ب 35 دينار تونسي وحقا نسيت نقلك كل بلاد يكرولها بسعر احنا الجزائريين يحبونا ومايغلوش علينا قبل ماتكري يسقسيك انتي منين لوكان تشوفي الليبيين يكرولهم بضعف الجزائريين وتاني احنا رحنا بسيارتنا ماشي بالطائرة واخدينا قلاسيار فيها كل مايلزم يعني ماكلفتلناش بزاف
نتمنى تروحي انتي وزوجك ربي يسهللكم وتجوزو ايام ملاح

blessful · 2013-07-14, 00:11

ربي يخليك و يعطيك ما تتمناي على الاهتمام

راجية غفران ربها · 2013-07-14, 00:13

4444444444444444444444444444444444fw

طهراوي ياسين · 2013-07-14, 00:15

بصحتكم
الله يبارك
رمضان مبارك

samia05 · 2013-07-14, 04:06

بصحتكم تحويسة في تونس خير من الدنيا وما فيها تعاودوها بصحتكم

soriaalg · 2013-07-14, 07:49

ماشاء الله بصحتكم رحلة تزيد في العمر بصحتكم اختي لعاقبة لينا نحوسو ان شاء الله ياااااارب
شكرا لك هلى الصورالجميلة

sarah.. · 2013-07-14, 11:08

ماشااااء الله بصحتكم التحويييييييسة ان شاء تعيشي ماخير منها وربي يهنيك ويسعدك

كنت متخوفة من تووونس الايام الماضية ..... بصح حسب فرحتك بالرحلة يتسمى الامن راهو مليح !!

بصحتــــــــــــــــــــــــــــــــــــــــــــــ ــــــــــــــــــــــــكم مرة اخرى

naima40 · 2013-07-14, 11:54

bsahtek ya okhti w nchallah nchoufou tsawar okhrine mine tabiaa

ميمي 180 · 2013-07-14, 13:15

lah ybareeeeeeeeeeeeeeek raw3a ya khti ch3al kritou dar ?