لمخاخ بكريمة الجبن حصريا من مطبخي

ام اماني77 · 2013-06-05, 21:53

السلام عليكم اخواتي
لمخاخ عبارة عن سيقار محشي وانا اليوم عملتو بكريمة الجبن هذا الحلوى تقدم مع المشروبات الباردة نخليكم مع الوصفة.
المقادير:
250غ فرينة،50غ زبدة بحرارة الغرفة،رشة ملح،25غ سكر احرش،نصف ملعقة صغيرة فاني،بيضة،3م ك عصير ليمون صافي،3م ك ماء
الكريمة:
300غ جبن كيري،150غ سكر رطب،50غ شكولة بيضاء من النوع الجيد،من 2الى 3م ك حليب،زاست حبة كبيرة برتقال واذا ماكانش نعوضة بزاست حبة كبيرة قارص

الطريقة:
نرمل الزبدة والفرينة والسكر والملح بالاصابع ثم البيضة والماء والعصير واذا ما تلمتش العجينة نضيف قليلا فقط من الماءحتى نتحصل على عجينة متماسكة
هذا شكلها

https://

نعجن العجينة براحة الايدي حتى تولي مطاطية وملساء

https://

نغطيها ونخليها ترتاح لمدة نصف ساعة

بعدها نعاودو نعجنو العجينة مرة ثانية ونقسمها كويرات نغطيها بالنيلون ونخليها ترتاح مرة ثانية

https://

في هذا الوقت نحضر الكريمة راح نحتاح لفرماج كيري او فرماج كريمي
نخلط 300غ من الجبن مع 150غ سكر رطب و2 الى 3 ملاعق كبار حليب بالباتور جيدا ثم نضيف الشكولة البيضاء المبشورة في لاراب نتاع الزاست يعني رقيقةوفي الاخير نضيف الزاست نتاع البرتقال كمية مليحة وممكن نعوضه بالزاست نتاع القارص
نحتفظ بالكريمة في الثلاجة.
نرجع للعجينة
نرش طاولة العمل بشوية نشاء ونحل العجينة بالحلال ثم نفوتها في الماشينةانا حليتها حتى الرقم 2 كل اخت والماشينة نتاعها نقطعها مربعات انا عملت حبات كبار عملت مربع على9 سم ممكن نصغر في الحبة

https://

ناخذ لي مول نتاع السيقار نحط الاسطوانة في المنتصف اثني الزاوية الاولى على الاسطوانة ثم ضعي بياض البيض وحطي فوقها الزاوية الثانية والصورة توضح

https://

https://

نسخن الزيت في مقلاة تكون غاوصة لازم النار تكون ضعيفة نحط حبة الحلوى في الزيت بحيث نبقى ضاغطة بالشوكة من الجهة لي غلقناها حتى تحكم روحها نطلقها ونخليها حتى تطيب نحطها فوق ورق مصاص للتخلص من الزيت الزائد
نخليها تبرد شوية وننزعها من لي مول وهذا شكلها

https://

بعدها نذرذر عليها السكر الرطب ونحط الكريمة في لابوش ادوي ونحشيها بالكريمة وممكن نزينها على الجوانب بالفروي كونفي مقطعين مربعات صغار وهذا شكلهم النهائي

https://

https://

https://

https://

نتمنى تعجبكم الحلوى ولا تنسوني من صالح دعائكن
في امان الله
ملاحظة:
1ـ هذا الحلوى تقطع تقريبا32 حبة بالحجم الكبير لكن من الاحسن نعمل حجم صغير اي نصغر في طول المربع لان الكريمة تحتوي على الجبن وكيما نعرفو ان ان كريمة الجبن بنينة بزاف بصح تجي ثقيلة شوية وممكن نعملها في لي مول نتاع لي كورني نقطع دوائر بحجم متوسط ونلفها على الكورني ونلصقها ببياض البيض.

2ـ في هذا الكمية من العجينة نحتاج تقريبا الى 24حبة فرماج كيري وكل حبة فيها16غ.

أم عبد الناصر · 2013-06-05, 22:02

امممممممممممممممممممممممم اروع مايكون..................سعيدة جدا كوني اول من رد عليك

الله يعطيك الصحة ويحقق امنايتك يا ام اماني يامبدعه يافنانة

4444444444444444444444444444 تحفة ................
ان شاء الله نجربه للعيد باذن الله

سؤالي
شعال يشد من يوم لازم يتاكل
بما انه يحتوي على كريمة الجبن
تستاهلي احلى تقيم لاحلى شيف ام اماني

ام اماني77 · 2013-06-05, 22:11

اقتباس:

المشاركة الأصلية كتبت بواسطة أم عبد الناصر

امممممممممممممممممممممممم اروع مايكون
الله يعطيك الصحة ويحقق امنايتك يا ام اماني يامبدعه يافنانة
4444444444444444444444444444 تحفة
ان شاء الله نجربه للعيد باذن الله

سؤالي
شعال يشد من يوم لازم يتاكل
بما انه يحتوي على كريمة الجبن
تستاهلي احلى تقيم لاحلى شيف ام اماني

الله يسلمك اختي ام عبد الناصر فرحتني بردك ربي يفرحك ويسعدك
ممكن تحضري السيقار قبل وتحتفظي به في علبة لكن الحشو من الافضل في نفس اليوم لي تقدمي فيه الحلوى لان فيها جبن وحليب وكيما حطيت الملاحظة من الاحسن نعمل حبات صغار لان كريمة الجبن بنينة بصح ثقيلة شوية .

دعاء القلوب · 2013-06-05, 22:20

يعطيك الصحة هايلة

imane khaled · 2013-06-05, 23:11

شكرا عودتينا على وصفاتك الذيذة هذي شوية غريبة على وصفاتي نشاء الله نجربها شكرا حبيبتي

oumjiji · 2013-06-05, 23:28

روعة روعة روعة روعةةةةةةةةةةةةةةةةةةةةةةةةةةةةةةةةةةةةةةةةةةةةةةة ةةةةةةةةةةةةةةةةةةةةة راكي نجمة في سماء المنتدى كي تغيبي المنتدى تنقصو النجمة الي تضويه ربي يرزقك ويزيدك من نعيمو

موجة هآدئة · 2013-06-05, 23:28

ممممممم ماشاء الله عليك يهبلوااااا مشكورة

هجيرة1 · 2013-06-05, 23:29

يعطيك الصحة هايلة

هجيرة1 · 2013-06-05, 23:31

من فضلك

ام اماني تعيشي حبيت نسقسيك على القاطو ليزاموندين بالمورانغ الرائع يصلح نديرو للعرس ولا لا يعني يصلح يتخبى عادي قبل العرس بيامات
هل نقدر نعوض للوزبالكوكاو