ساعدوني في غسالة اواني كوندور تعيشو

[لجين وفاء]

انا حابة نشري غسالة اواني الماركات الاخرى جاوني غاليين واش رايكم في غسالة اواني كوندور الي جربها ينصحني وجازاكم الله كل خير

[ninaricci]

اختي لجين وفاء اعتمدي عليها و ما تندميش راهي عندي كوندور هايلة و اي سؤال راني في الخدمة طبعا بخصوصها

[لجين وفاء]

شكرا ليك ربي يعيشك حبيت نسالك ماهو الوقت للغسيل يعني فيها لوبسيون تاع ساعة او نصف ساعة .هل فيها رمز++يعني توفر الماء والكهرباء .الحجم تاعها كبير ولا صغيرة .تغسل مليح يعني الطناجر والمقالي الي فيهم ليدام يخرجو مليح وشحال عندك ملي شريتيها. .قتلتك بالاسىءلة اختي.وبقداش شريتيها.وشكرا ليك حبيبتي ربي يجازيك عني كل خير والله راني محتاجتها وسواردي قلال .شكرا ليك

[ninaricci]

اقل وقت للغسيل هو نص ساعة هذا يغسل لماعن اللي انت نحيتيلهم لوسخ او الاواني لي تقريبا نضاف يغسل على 40درجة مئوية انا شخصيا لا اعتمده وكاين نتاع 50دقيقة يغسل على 65 درجة مئوية هايل للاواني الموسخة هذا اللي نعتمد ديما وكاين اقتصادي يغسل علي مرتين 65 و95 درجة لمدة ساعتين ونصف وكاين برامج اخري تقريبا انا قلتلك على اللى نستعملهم دائما

[ninaricci]

نعم فيها رمز a++ الذي يدل علي انها اقتصادية للماء و الكهرباء اما الحجم نتاعي راهو متوسط 12 كوفار لكن راهي تهز الخير والبركة الطناجر والمقالي اللي فيهم ليدام يخرجو مليح لكن لازم تنحيلهم الوسخ الكبير قبل ما تحطيهم واذا لاصقة فيهم شوية ماكلة او حريق لازم تحكيهم شوية اما الوسخ العادي ما عليك غير تفوتي بورق جينيك وخلاص باه يتنحى بواقي الاكل الكبيرة وما تتبوشاش لاففيسال

[ninaricci]

انا عندي تقريبا 6 اشهر منين شريتها ب 3ملاين و 6 مية الف اذا دراهمك قلال غير اعتمديها راهي كيفها كيف الغاليين هكذا قالي مول المحل اللي شريتها من عندو

[biba2012]

بصتك يا ختي انا حاب نشري وحدة بصح انتي اشترتها الان او ليها سنين الان راهم غالين راهم بأربعة ملاين وخمسة نتاعك رخيصة