الجمارك الجزائرية لسنة 2009 2010

[sofianeddr]

السلام عليكم انا باغي نفدفع في الجمارك نسكن في وهرن عندي مستوى ثانية جاميعي شحال من واحد قالي دفعلهم مستوى ثانوي انصحوني خوتي كي ندير وفهموني الرتبة لي ندخلها وين نحط الدوسي تاعي وشكرا

[عبد النور مكي]

للأخ الوهراني ....الرتبة نتاعك بمستواك الحالي هي ضابط فرق (نجمة) ..و اذا بغيت تدفع بالثانوي تدخل عون نورمال....
علاش قالولك ادفع مستوى ثانوي ؟ لانه المناصب للضباط قليلة و لازم العرف باش تدخل بهذي الرتبة....راك عارف هذي البلاد ...و على كل حال الاستخارة هي الحل...
التوفيق للجميع
و انا عندي سؤال فيما يخص السورسي
مزال ما جبتوش علاخاطرش مزال ماعيطوليش....حبيت نخرجو بصح قالولي صحابي لازم الديره في جانفي باش يعطوك تأجيل تاع عام كامل ..ما يعطوهلش دروك حتى الجانفي.....كاين منها هذي؟.....

[هواري عابد]

بارك الله فيك يا أختي على هذه المعلومات.

[OULDBOSTAMI]

السلام عليكم
أود الاستفسار

انا عندي دبلوم في الاعلام والاتصال ...تخصص اتصال وعلاقات عامة..

ماهي الرتبة التي يمكنني ان انخرط فيها..

من فضلكم نموذج للطلب الخطي
شكرا

[وردة مستغانم]

السلام عليكم
بالنسبة للجمارك فالحظ قليل في هاته السنة
وملاحظة موجه للاخ لي يسكن في وهران علاش عليك تدفع بالتانوي لا خويا ادفع بالمستوى لي راك فيه وساعفني ادفع فالاعوان وماتخافش راه يقبلوك مية بالمية ان شاء الله اعلى خاطرش الظباط قلال هاد العام وما تخافش راك كاين ترقية ان شاء الله ====== حقا انتوما في وهران تدفعو في المدرسة العليا للجمارك الجزائرية حي سي رضوان السينيا===========
و للاخ نور الدين روح جيب السورسي دروك قبل ما يفوت الحال وتاني روح لمركز الشرطة و سقسي بالاك يقدرو يفيدوك وتاني ادا عندك الوالد ما يخدمش ولا يقدر يدير شهادة طبية على انه غير معافى و انتا زعما المسؤول عليه رايحين يعطولك اعفاء و السورسي من المستحيلات السبع انو يقبلوه على خاطرش غير تاجيل برك ويجي النهار لي يعيطولك للخدمة الوطنية وكيفاش هادي روح جيب الاعفاء وخلاص

وللاخ الدي يبحت عن الطلب الخطي اكتب فيه جميع المعلومات الخاصة بك بكل اختصار وتاني اكتب على انك قادر وجاهز للعمل ليلا نهارا و في كل وقت خدمة للوطن
والديبلوم نتاع الاعلام الالي راهو يجوز ان شاء الله وزيد راه كاين هاد العام اجهزة جديدة تحتاج لحاملي هده الشهادات
بارك الله فيكم و بالتوفيق ولا تنسو الاستخارة

[مونيا غنية]

نا من ولاية برج بوعريريج واريد الاستفسار منك عن مسابقة الجمارك لسنة 2009/2010 هل تم الاعلان عليها و في حالة ابلغيني من فضلك وشكرا

[sofianeddr]

الى الاخت المستغنمية انا غادي نفع مع الاعوان بالمستوى الجامعي والدوسي تاعي زعما يقبلوه

[hamidsalamandre]

يا بنت بلادي فهمينا..
الملف يتم دفعه في وهران أو كما قال الأخ في العاصمة وفقا لنمط الجديد للمسابقة. و هل بلفعل مناصب الضباط قليلة هاده السنة!

[بيولوجي48]

السلام عليكم
بداو يدفعو الدوسيات ولا مزال و قتاش اخر اجل .علما انا من الغرب الجزائري يعني ندفع في وهران

[عبد النور مكي]

جائني خبر من احد افراد العائلة و هو جمركي انه تم الاعلان عن مسابقة الاتحاق بسلك الجمارك في احد الجرائد و اخبرني انه سيأتيني به يوم الخميس اثناء عودته من العمل
ارجو تأكيد الخبر

[hibato arahman]

السلام عليكم لقد ظهرت كل شيء يتعلق بالالتحاق لصفوف الجمارك هذه السنة ستجدونه في الموقع التالي:www.douane.gov.dz الله يوفق الجميع

[عبد النور مكي]

تم الاعلان عن التوظيف في الجمارك لسنة 2009/2010
بالنسبة للأعوان
https://www.douane.gov.dz/former_fichiers/ac09ar.pdf
بالنسبة لضباط الفرق
https://www.douane.gov.dz/former_fichiers/ob09ar.pdf
التوفيق للجميع

[وردة مستغانم]

السلام عليكم خلاص راهو جاء البيان تاع الانخراط في الجمارك الجزائرية ؤ
واعلمكم هاد السنة راح تكون في جزائر العاصمة
واخوتي المستاغنميين ادفعو في جزائر العاصمة شخصيا ماشي عبر البريد ولا حاجة
وتاني خيي صفيان ادفع بالمستوى تاعك فالاعوان نورمال ما تخممش فيها
ملاحظة حظوظ العمل هاد السنة قليلة بزاف
وترقبو جريدة النهار راه فيها الجديد
وكاش جديد راني نقوللكم

[smail1982]

شكرا على هذا الجهد

[وردة مستغانم]

هيا خفو وجدو رواحكم خوتي مابقاش الوقت ازربز ازربو السنة بعدوها علينا من زهرنا بصح ماعليش الوالفة خيرمن التالفة
وربي يجيب الخير والحفظ والسلامة وشكورين