مكانش وصفة بلفلفل لحلو

[yousra kiki]

سلام اني ندور في الصفحات نلقا غير وصفات الحم والجاج لازم نبدلو شوية

شكون عندو وصفة الفلفل محشي ولا

[enar]

السلام عليكم
اليك اختي وصفة الشافة أم انس من مواضيع هذا المنتدى

نحضر مرق أبيض بالدجاج عادي كيما تاع الكباب أو السفيرية و نخليه يطيب حتى تخثار المرق و يقعد غير شوية

من جهة أخرى كنت غليت شوية أرز أبيض مع ورقة رند
في مقلة عميقة طيبت كمية من اللحم المفروم مع بصل و ثوم و التوابل في قليل من الزيت أو السمن و زدتلو فنجان ماء صغيرباش يطيب مليح ثم أضفت الأرز و زدتلو شوية فلفل و لفاح و قليل من القرفة ثم طفيت و أضفت المعدنوس بكثرة + 3 قطع جبن للنكهة و يخلي الأرز مجمول

نجو الآن للفلفل خيري الحبات لي مجوفين مليح الداخل أغسليهم و قطريهم و نشفيهم مليح

أقطعي بسكين الرأس الفوقاني و فرغيهم من الزريعة ثم ذري فيهم شوية ملح باش مايجيش سامط أوكي

عمريهم بالحشو بواسطة يدك أو ملعقة قهوة

كي تكملي ستفيهم في سينية الفرن هكذا باش تحكمهم السخانة مليح ههههه و أدهنيهم بشوية زيت مليح لزم تدهني الحبة كامل أوكي ..... الحق أنا نستعمل يدي نحط شوية زيت و نحكم الحبة ندهنها مليح
هذه هي طريقتي أفضل من أنك تقليه في الزيت و تتعبي و تتحرقي و الزيت يترتق و يتطاير و نتي هاربة هههههههههههه ووووووووووو

دخلي الصينية للفرن طلعيها الفوق و شعلي الشواية فقط شوفي

كي تشوفي بلي تحمر منافوق أقلبي الحبات و رجعي للفرن و هكذا على كل الجهات ... راه مايشدش وقت بزاف

هنا طابو خلاص

و هنا المرق كذلك طاب و ككل مرة نقول بلي إذا كان للضيوف صفوا المرق من البصل
وعصرت عليه رشة ليمون مممممم

قشري حبات الفلفل المحشي و حطي في صحن التقديم ثم ضعي عليه القليل من المرق و زينيه بالمعدنوس و قدميه لضيوفك أو لعائلتك بالصحة والراحة

إن شاء الله ينال إعجابكم و تجربوه لأنه فعلا لذيذ جدا جدا و مايتشبعش
واذا وجدت الرابط راح نوضعو ان شاء الله
هذا هو رابط الوصفة
https://www.djelfa.info/vb/showthread.php?t=1329789