سؤال يزعج النساء خاصة

[أبو عبد المالك2007]

لماذا المرأة تكره أن يعدد عليها زوجها؟هل تخاف أن يهملها بعد أن يتزوج أخرى أو ثالثة أو رابعة؟هل من شرع الأمر يريد السوء للإنسان؟ ماذا تختار المرءة أن يتزوج بالحلال بإمرأة ثانية أم يخونها مع امرأة ثانية؟ خاصة ونحن في زمن الفتنةوالنساء يمشين كاسيات عاريات...أرجوكم علقو على الأمر بشفافية وبموضوعية ودعوكم من الأنانية

[๑هــد{الفـجـر}وء๑]

المراة غيورة بطبعها .... ومابالك اذا تعلّق الامر بزوجها.....أكيد ستريده لوحدها.....هذه هي الحقيقة للأسف

[صيد الصيد]

التعدد أمر شرعي
من حق الرجل
لكن لكل رأيه ورغبته
مشكوووور أخي

[brahim_barca]

انا الحق واحدة تكفيني المهم تكون بنت فاميلية وعقليتها فووور

[عبد اللطيفْ]

moi shu zun mec et j'aime po ces trucs d'polygamie
maintenant la vie est chère

[أبو عبد المالك2007]

الرزق على ربي يالطيف ألي يرزقك يرزقهم لل4

[أبو عبد المالك2007]

مشكورة الأخت موناليزا على رأيك ولكن ماذا لو خيرتي بين خيانة الزوج في السر وهذا الأمر يحدث كثيرا في وقتنا الحالي أو الزوجة الثانية؟

[عبد اللطيفْ]

المشاركة الأصلية كتبت بواسطة toufikart

الرزق على ربي يالطيف ألي يرزقك يرزقهم لل4

عندك الحق يا أخي
سبحانو هو الرزاق

بصح صعيبة شوية عمليا لا لا ؟

[doniamel]

يا خوي صعيبة بزاف مش غير شوية ، ما نقدرش نتصور زوجي يحب امرأة ثانية من غيري ، لازم كل قلبه يكون لي وحدي ، أنا الأولى و التالية و إذا حب يتزوج أهون علي نطلق و ما نشوفش هاذ الشي يا لوكان يحط دراهم الدنيا قدامي . الزواج حب مش دراهم.....و بالمقابل ما نقصر في والو من حقه باش ما نخليهش يحوس على الحاجة لي تنقصه في امرأة أخرى

[أبو عبد المالك2007]

يا دنيا راني معاك وهذا الرأي يخدم الأنانية أكثر من الموضوعية ولكن إذا قدر الله ووجدت المرأة زوجها مفتون بالنساء هل تتركه يعبث ويخالط النساء أم تقبل أن يتزوج بأخرى وهذا ما يوافقه الشرع

[sousouhalima]

انا ما نعرفش خير من ربي والله بصحتو حتى ربعة كيما قال الشرع بشرط ان يعدل بيننا .اما اذا كان هو مفتون بالنساء كيما راك تقول والله كون نكونو في ربعة اميرات الجمال لن يتوب عن هذا الامر وسيريد المزيد .وعن نفسي كون يغنيني ما نسحقوش و تلافو يجيب خلافو كيما يقولو.

[منى]

بين المرين أختار أن يتزوج في الحلال

[๑هــد{الفـجـر}وء๑]

المشاركة الأصلية كتبت بواسطة toufikart

مشكورة الأخت موناليزا على رأيك ولكن ماذا لو خيرتي بين خيانة الزوج في السر وهذا الأمر يحدث كثيرا في وقتنا الحالي أو الزوجة الثانية؟

أكيد الزوجة الثانية أجازه الشرع ....لكنّ كلّ مراة و حتى اذا لم تقله الا انّها تعتبر الزوجة الثانية خيانة، خيانة مشاعر، خاصة اذا كانت تحب ذلك الزوج فستقول في نفسها: لو كان يحبني لما فكرّ في الأمر ..... ألا أكفي له؟؟.... وأشياء أخري تجرح مشاعرها
اظنّ انّ هكذا تفكرّ كل النساء ....للأسف وهذا هو سبب خيانة الزوج في السرّ

[0602 - امين]

[روضة الانوار]

مكاش وحدة في هذه الدنيا تقبل يكون في حياة زوجها مرة غيرها سواء في الحلال كزوجة ثانية أو في الحرام كخيانة,و هذه أنانية طبعا /حب بلا أنانية كالأم بلا حنية/.
لكن كي نختار بين الحالتين أكيد زوجة ثانية ماشي خيانة/شو لي جبرك على المر غير لي أمر منو/.