يرحم والديكم عاونوني

[~أميرة أميري~]

سلام عليكم ان شاء الله تكونو كامل بخير
راني في حالة ياخاوتي وماعرفتش واش ندير رسبت العام لي فات فلباك وزيد السنة مع انو قرييييييييت وتعبت وحليت مواضيع وكنت متأكدة من نجاحي جاتني صدمة ماكنتش نستنى فيها
خاب املي سورتو يمى كي قلتلها رسبت صرخت صرخة مازالها لدوكا فوذني وبابا حط يدو على قلبو ودمعة طاحتلو
تمنيت نموت ومانشوفش ديك الحالة تمنيت الارض تنشق وتبلعني اسمحولي لازم نحكي لانو راح نقتل روحي
ماكانش لي كان يقلي ماجيبيهش لانهم شافوني كيفاش كنت نتعب ونسهر وحتى كي كنا نجوزو للباك كنت نجي فرحانة للدار ونقلهم الحمد لله لانو المواضيع ماكانتش صعيبة
ستنيت يوم النتيجة بفارغ الصبر كي خرجتلي راسب ما أمنتش ودوكا راني في صدمة نفسية صعيبة يمى تحلل فيا وتقلي عاوديه حرة وانا مارانيش حابة الناس كامل قالولي عاوديه مي انا نضريت ماقدرتش وكرهت حاجة اسمها باك في حياتي
مارانيش عارفة كيفاش نعاود نجبد لي كايي ونقرى كيما العام لي فات ونشوف الصفحات لي كنت كاتبة فيهم باك 2015 ان شاء الله يا انا يا هو
انصحوني كيفاش ندير وكيفاش نقرى في الدار وحتى كي نجي رايحة نجوز نروح لبلاد من غير البلاد لي راني فيها
علابالي هاد العام راح يفوت عليا كحل خصوصا انتظار النتيجة
راني خايفة بزاف اسمحولي طولت عليكم مي واحد ماراه حاس بيا
الخرجة وتحواس وماخرجتش كي ناس علابالي وين نروح يجبدولي على الباك وانا مارانيش قادرة نهدر
انصحوني خصوصا المتفوقين كيفاش كنتو تقراو في الدار واذا درتو دروس خصوصية والوقت كيفاش نضمتوه ماتبخلوش عليا راني رايحة نموت والله
بارك الله فيكم

[المانجيكيو]

أختي عليك التحلي بالصبر و الإيمان و عليك المراجعة من بداية السنة و نظمي وقتك ولا تنسي الدعاء في الصلاة و الباقي على ربي

[bilel_bob2]

عليك بالصبر اختي ولازمك تعاوديه باه تفرحي ميمتك و بوك

[زكرياء97]

اصبري يا أختي مادام أنه كاين فرص أخرى فلا تخافي ولا تحزني


اما بخصوص المراجعة انا أنصحك ان تبداي بيها من منتصف سبتمبر و ننصحك بالدروس الخصوصية.

[طالبة العلم 07]

السلام عليكم ورحمة الله تعالى وبركاته

انا انصحك اختي بتقبل هذا الامر وتذكري دائما عسى ان تكرهوا شيئا وهو خير لكم
حاولي التقرب الى الله بالصلاة والدعاء ولا تنسي المراجعة ثم المراجعة بالطريقة الصحيحة
انا كذلك قد تفاجأت في البيام بنتيجتي لقد نجحت ولكن المعدل لم اتوقعه والان الحمد لله عرفت اين الخطأ هو في المراجعة
فأنا مثلا لم اجيب في الرياضيات مع انني كنت اعتقد انني اجبت
ولكن بعد النجاح والصدمة عرفت انني لم اكن اراجع الرياضيات بالطريقة الصحيحة فلم احل الكثييييييييييييييييييييييييييييييييييييير من التمارين كنت اعتمد كثيرا على الحفظ

لذلك انصحك بوضع كل ما تحتاجينه العام القادم من كتب وكراريس وملفات وحملي قدر ما استطعت من امتحانات سابقة وتلخيصات تحتاجينها
لتكون جاهزة في العام الدراسي وان تأخذي وقتك الآن في تقبل النتيجة والراحة والاسترخاء ولا تضغطي على نفسك


اتمنى ان لا اكون قد اطلت عليك
تحياتي لك ولي عودة ان شاء الله

[ابتسام smile &hope]

روحي لطبيبة نفسية
فكرتيني في وحدة عام كامل وهي تبكي

[R.Nabila]

المشاركة الأصلية كتبت بواسطة souzy manita

سلام عليكم ان شاء الله تكونو كامل بخير
راني في حالة ياخاوتي وماعرفتش واش ندير رسبت العام لي فات فلباك وزيد السنة مع انو قرييييييييت وتعبت وحليت مواضيع وكنت متأكدة من نجاحي جاتني صدمة ماكنتش نستنى فيها
خاب املي سورتو يمى كي قلتلها رسبت صرخت صرخة مازالها لدوكا فوذني وبابا حط يدو على قلبو ودمعة طاحتلو
تمنيت نموت ومانشوفش ديك الحالة تمنيت الارض تنشق وتبلعني اسمحولي لازم نحكي لانو راح نقتل روحي
ماكانش لي كان يقلي ماجيبيهش لانهم شافوني كيفاش كنت نتعب ونسهر وحتى كي كنا نجوزو للباك كنت نجي فرحانة للدار ونقلهم الحمد لله لانو المواضيع ماكانتش صعيبة
ستنيت يوم النتيجة بفارغ الصبر كي خرجتلي راسب ما أمنتش ودوكا راني في صدمة نفسية صعيبة يمى تحلل فيا وتقلي عاوديه حرة وانا مارانيش حابة الناس كامل قالولي عاوديه مي انا نضريت ماقدرتش وكرهت حاجة اسمها باك في حياتي
مارانيش عارفة كيفاش نعاود نجبد لي كايي ونقرى كيما العام لي فات ونشوف الصفحات لي كنت كاتبة فيهم باك 2015 ان شاء الله يا انا يا هو
انصحوني كيفاش ندير وكيفاش نقرى في الدار وحتى كي نجي رايحة نجوز نروح لبلاد من غير البلاد لي راني فيها
علابالي هاد العام راح يفوت عليا كحل خصوصا انتظار النتيجة
راني خايفة بزاف اسمحولي طولت عليكم مي واحد ماراه حاس بيا
الخرجة وتحواس وماخرجتش كي ناس علابالي وين نروح يجبدولي على الباك وانا مارانيش قادرة نهدر
انصحوني خصوصا المتفوقين كيفاش كنتو تقراو في الدار واذا درتو دروس خصوصية والوقت كيفاش نضمتوه ماتبخلوش عليا راني رايحة نموت والله
بارك الله فيكم

السلام عليكم ، أختي الكريمة ، قبل كل شيئ ، عسى أن تكرهوا شيئا و هو خير لكم ، منذ 11 سنة عشت نفس تجربتك ، رسبت في الباكلوريا رغم كوني تلميذة مجتهدة ، و دخلت في دوامة - كرهت البك و مانزيدش نعاودو ... - كرهت نفسي و انطويت عليها ، لم أعد أرغب في فعل أي شيء ، كنت أمضي يومي كله منعزلة في غرفتي المظلمة و أنا أبكي ، لم أتقبل الأمر - كنت حشمانة باش نقابل الناس لكانوا حاطيني راه نجيبو - المهم ، أنا أنصحك فعلا بزيارة طبيب نفسي ، ليساعدك على تخطي الموضوع ، و أنصحك أكثر بالتقرب إلى الله و تقبل الأمر بصدر واسع ، لا تجعلي من الباكالوريا عائق في حياتك يمنعك من السير قدما ، ايضا ... أدرسي حالتك .. ربما أنت في شعبة غير التي يجدر بك أن تكون فيها ؟ هل فكرت في الموضوع ؟ تحلي بالصبر و الايمان و اجعلي فكرة المكتوب راسخة في ذهنك ، و أعيدي الباكالوريا مرة و اثنين و ثلاثة .... أخي نالها في المرة الثالثة ، و هو اليوم أستاذ رياضة بالثانوية ، و قريبتي في المرة السادسة و هي اليوم معلمة فرنسية في فرنسا .... أما عن نفسي ، فقد نلتها سنة 2005 شعبة آداب و علوم انسانية و درست الحقوق ، و نلتها هذه السنة أيضا شعبة لغات أجنبية ... رغم أنها أولا مرة أجتازها فيها ... ان أردت الاتصال بي ، ابحثي عن مجموعة الدراسة - طلبة اللغات الأجنبية - في الفايسبوك و لن أبخل عليك بمساعدتي ، ان شاء الله ربي يشرحلك صدرك .