قولولي الصح يحمر الوجه ويعمر العين ولالا؟؟؟

*نآدرة~ · 2013-08-18, 13:49

مساء الخير يا وجوه الخير،ان شاء الله تكنوا كامل بخير
شوفوا عندي عرس واحد يقربلي ودرتلو قاطو بغيتكم تعطوني رايكم فيه بكل صدق وصراحة،يادرا يحمر الوجه ويعمر العين ولا لا،هو قاطو عادي راكم عارفين يفوتوا بيه الضياف،خبروني الصح الصح
راني نقارع تقولولي رايكم لخاطر يهمني بزااااااااااااااااااف
شوفوهم هذا الاول:خدمتو البارح
اسمو قاطو النشا
ومقاديره كالتالي:

:المقادير:
4 صفار بيض،2 بيضات كاملين،كاس سكر رطب،2خمارة،لفاني،500غ زبدة،كاس فرينة،المايزينة
التحضير،اخدمي الزبدة بيديك مليح ومن بعد زيديلها البيض السكر لافاني،والخميرة الكيميائية والفرينة ولمي بالمايزينة حتى تتحصلي على عجينة طرية،اعملي كويرات صغار ووضعيهم في ليكيسات يطيبو باه يدو شكل مليح ويطيبو كامل كيف كيف كي يطيب خرجيه من الفرن وديريلو القلاصاج

اضغطي هنا وشوفي القلاصاج تاعي أسهل قلاصاج في العالم،ما يتعبش خلاص وبلا بيض

لونت القلاصاج باللون الوردي ودرت خطوط من نفس القلاصاج بالصح خليتو ابيض هذامكان

وهذا الزاوج خدمتو اليوم الصباح،مازال مادرتوش في ليكيسات
اسمو قاطو بجوز الهند
مقاديره
205غ زبدة،كاس كبير سكر ،كاس زيت،كاس جوز الهند،فانيلا،2 بيضات،1 خميرة الحلويات،والفرينة
التزيين:شكولاطة،وجوز الهند
تخدمي الزبدة مليح وتضيفيلها السكر والبيض وكاس الزيت وجوز الهند والفانيلا والخمارة والفرينة حتى تتلم
تقطعي بطابع كيما تاعي،طويل ومبرج مع الجوانب،وديريه يطيب
كي يطيب غطسي الجهة الي من الفوق في الشيكولا المذابة مع شوية حليب ومغرف صغيرة زيت ورمدي في جوز الهند
وزيد صورتو ببورتابل عيان شوية،نعاود نصورو بتلفون مليح باه يبان

الصح الصح مليح ولالا،غير قولو بصراحة والله مانزعف
راني نستنى في الردود والآراء

بشرى2008 · 2013-08-18, 13:54

والله غير هايل انا ثان خدمت قاطو عادي ياش يشربو القهوة

ام الهضاب · 2013-08-18, 13:59

مليح و الله غير متحوف و باهي و زيد منوع واحد مقلاسي و واحد بالكاكاو المهم انك مابخلتيش في خدمتك وعاونتيهم بلي تعرفي

staifia · 2013-08-18, 14:00

والله باهي اختي يعطيك الصحة

إلهام07 · 2013-08-18, 14:05

لكان غير نتاع الضياف ماشي نتاع عروسة ملاح الاول بريزونتابل والثاني ديكورو بسيط بصح مالفة نديرو بنين يهبل وهو أول قاطو يخلاص ههههههههههههههههه
يعطيك الصحة ويجعلها في ميزان حسناتك

natacabell · 2013-08-18, 14:08

yaatik esaha ana ajbouni baraka lahou fik kich derti 2 men fadlak

ou koulchi mabrouk

لميس اميرة · 2013-08-18, 14:11

يعطيك الصحة اختي

كاين شي نساء قاطو المحقن ما يعرفوش يديروه و كاين لي تعرف تخدم القاطو لكن تعرف غير تشري

بارك الله فيك و يعطيك الصحة هايلين في زوج الثاني سامبل الاول تقدري تزيدي تبهيه بورود وحدة كبيرة بيضاء و وحدة صغيرة وردي بعجينة التزيين رح يخرج تحفة

عجبني بزاف القاطو الثاني حطينا الوصفات حتى نعرفو المقادير

s@r@h11 · 2013-08-18, 14:12

يعطيك الصحة قلشتيهم

*نآدرة~ · 2013-08-18, 14:35

اقتباس:

المشاركة الأصلية كتبت بواسطة بشرى2008

والله غير هايل انا ثان خدمت قاطو عادي ياش يشربو القهوة

يسلمك أختي بشرى،فرحت من قلبي كي قلتيلي هكذا،ايه تاع قهوة ماراهوش رايح يصدر،شكرا لمرورك الله يفرحك

اقتباس:

المشاركة الأصلية كتبت بواسطة ام الهضاب

مليح و الله غير متحوف و باهي و زيد منوع واحد مقلاسي و واحد بالكاكاو المهم انك مابخلتيش في خدمتك وعاونتيهم بلي تعرفي

يسلمك أختي أم الهضاب،اسعدني ردك،ايه صح قد الصوالح وقد الوقت المهم خدمت ومانروحش بيديا فارغين
شكرا لمرورك ربي يخليك

اقتباس:

المشاركة الأصلية كتبت بواسطة staifia

والله باهي اختي يعطيك الصحة

والله مرورك هو الباهي،وزهاني بزااااااف،الله يسلمك ربي يعطيك ماتتمناي

اقتباس:

المشاركة الأصلية كتبت بواسطة إلهام07

لكان غير نتاع الضياف ماشي نتاع عروسة ملاح الاول بريزونتابل والثاني ديكورو بسيط بصح مالفة نديرو بنين يهبل وهو أول قاطو يخلاص ههههههههههههههههه
يعطيك الصحة ويجعلها في ميزان حسناتك

ايه الهام نتاع ضياف،مازال ماتلونسيتش باه نخدم تاع العرايسراني في البداية،يسلمك شكرا على ردك الهايل،ايه الثاني والله كنت مستهزيا بيه جا يهبل بالصح الله غالب مابانش مليح البورتابل تصاورو عيانين
آمين ربي يعلي شانك ربي يفرحك الهام

*نآدرة~ · 2013-08-18, 14:40

اقتباس:

المشاركة الأصلية كتبت بواسطة natacabell

yaatik esaha ana ajbouni baraka lahou fik kich derti 2 men fadlak

ou koulchi mabrouk

اللهيسلمك أختي ربي يخليك ويعطيك ماتتمناي طلعتولي المورال،ضرك نكتبلك الوصفة وان شاء الله تسييها وتعجبك
ردك فرحني ربي يفرحك

اقتباس:

المشاركة الأصلية كتبت بواسطة zawali.dz

يعطيك الصحة اختي

كاين شي نساء قاطو المحقن ما يعرفوش يديروه و كاين لي تعرف تخدم القاطو لكن تعرف غير تشري

بارك الله فيك و يعطيك الصحة هايلين في زوج الثاني سامبل الاول تقدري تزيدي تبهيه بورود وحدة كبيرة بيضاء و وحدة صغيرة وردي بعجينة التزيين رح يخرج تحفة

عجبني بزاف القاطو الثاني حطينا الوصفات حتى نعرفو المقادير

الله يسلمك ويفرحك،ايه صح كاين هذوك الانواع توع النسا،فكرت كيما انت نزيد نديكوري الاول بالصح ماعنديش عجينة التزيين للاسف،خلاص في خاطركم ندير الوصفة
طلعتيلي المورال وفرحتيني بزاااف ربي يخليك

اقتباس:

المشاركة الأصلية كتبت بواسطة s@r@h11

يعطيك الصحة قلشتيهم

الله يسلمك حنةنة،ايه تاع الصح
شكرا لمرورك

راية الاسلام1 · 2013-08-18, 14:49

السلام عليكم

ماتخافيش أختي ملااااح ... المهم نتي درتي فيهم مزية وعاونتيهم

ياك يشربوا بيه القهوة برك

سلمت يداااك

*نآدرة~ · 2013-08-18, 14:56

اقتباس:

المشاركة الأصلية كتبت بواسطة راية الاسلام1

السلام عليكم

ماتخافيش أختي ملااااح ... المهم نتي درتي فيهم مزية وعاونتيهم

ياك يشربوا بيه القهوة برك

سلمت يداااك

الهلا بيك راية الاسلام،وعليكم السلام ورحمة الله تعالى وبركاته
صحيتي شجعتيني،ايه صح المهم نيتي
ايه تاع قهوة برك
وسلمت من كل اذى وشر
شكرا لك

البحث هن العلم · 2013-08-18, 15:05

رووووووووووعة ويستاهل التجربة
يعطيك الصحة

لميس اميرة · 2013-08-18, 15:44

صحيتي الفحلة

شكرا على الوصفات

عجبوني في زوج 444444444

الاول ان شاء الله نديرو و نحشيه حلوة الترك و نديرلو خطوط شكولا فقط عائلتي ما تحبش القلاساج في حلويات مع لحليب العودة الى المدارس على الابواب باش نفطرو اطفالنا ان شاء الله

و الثاني قوليلي تطبعيه رقيق كي الصابلي و تلصقي زوج مع بعض و تغطسيهم من فوق

او تطبعيه خشين شوية و تغطسي حبة فقط

*نآدرة~ · 2013-08-18, 15:53

اقتباس:

المشاركة الأصلية كتبت بواسطة البحث هن العلم

رووووووووووعة ويستاهل التجربة
يعطيك الصحة

يسلمك حنونة
بالتوفيق ان شاء الله يخرجلك شباب وتتفكريني بدعوة خير
ربي يوفقكحنونة ومشكورة على المرور