الجواب الشافي ...لن تسأل بعد اليوم ...القانون الجديد

[THIAGUNOU]

السلام عليكم و رحمة الله
أولا القانون يخص كل المواليد من 1985 الى 1992
وشروط الاستفادة منه هي :

1- انهاء الدراسة او تركها قبل 2011
2- اجتياز الفحص الطبي
3- ان لا يكون عندك امر بالالتحاق o aor
هدا لخبر رسمي بعد مكالمة مع صديق لي يعمل بوحدة قسنطينة اليوم

المهم بعد النظر في شروط تطبيقه اقول انا هدا القرار سيستفيد منه نسبة 01% من المتاخرين
فلا يعقل ان تجد شخصا من مواليد 1985 مثلا و لا يملك oaor
سلامي الحار
و صح فطوركم
اخوكم عبد الغني من جيجل

[سجّل أنا جزائري]

يا اخي كاين لي قال الفحص ليس ضروري

[THIAGUNOU]

دعه يقل يا اخي الكلام باطل
المهم هدا هو الرسمي

[saada48]

السلام عليكم اخي ممكن تفسر الوضعية الخاص بي انا من مواليد 1988 متخرج من الجامعة جوان 2010 جوزت الفحص الطبي في اوت 2006 وكان عندي تاجيل انتهي في 31-12-2010 في سنة 2012 بعثولي استدعاء مكاتبين فيه لا oa ولا oacaمتاخر للمنزل ومن بعذ ارجعه الاب نتاعي لفرقة الدرك الوطني من تما لم ياتني اي اسدعاء الى غاية يومنا هذا
في هذه الحالةهل استفيد من هذا اقانون ؟؟؟؟ الله يجزيكم بخير
مع العلم بانني اتصلت بصديق يعمل بوزارة الدفاع الوطني ارسلت له رقم التسجيل ونظر في تطبيقة الاعلام الاالي قالي عندك الحق فالتسوية باذن الله تعالي مع العلم بانني من ولاية غليزان

[هشام_525]

كل جهة واش يقولو
كاين مراكز يطلبو الفحص الطبي و كاين مراكز لا يطلبونه

كل واحد يخترع قانون على هواه

[أحمد زابانة]

سمعت ان الفحص الطبي ليس شرط ...... المهم أن لا يخرج لك إستدعاء oa or يعني أمر إلتحاق + أنهيت الدراسة تماما قبل 31-12-2011 و لم تزاول أي تكوين بعدها .
هذه هي الشروط

[smith.mehdi]

شكرا على المعلومات

[AZOU_DILMI]

انا الان روشارشي من 2واش تنصحوني خاوتي مع اني عندي محل كانكاري

[mustapha1042]

السلام عليكم
انا من مواليد 1988 متخرج في 2010
ذهبت الى مكتب الخدمة الوطنية بميلة.
لا يوجد شرط الفحص الطبي
لكن عندي 3 استدعاءات و الثالث فيه oaor
قالي لا تستفيد من الاعفاء رجعوني...
مع العلم انو الاستدعاء 3 لحقني متاخرا ب 20 يوم وعندما ذهبت اليهم في شهر مارس قلولي نتاكد من خلال محضر الدرك الوطني
ان كان الاستدعاء صح متاخر هنا يلغى و يزيد يخرج واحد اخر....
المهم لا علينا هذي هيا البلاد مخدومة هكذا شئنا ام ابينا..

المحير في الامر

اليوم في الجريدة اعفاء 5000 سجين بمناسبة 5 جويلية.....الشروط اللي حاطينهم انو يكون متحصل على شهادة...

هذا عدل ؟؟؟؟؟؟؟

المجرم يعفوا عليه....و المواطن الجامعي المحترم يسمى عاصي و يبحثوا عليه عبر كل الوطن روشارشي ثم يعامل كمجرم...

حسبي الله و نعم الوكيل....

[عبد الغني زين]

سلام عليكم يا خاوتي راني في مشكل كبير انا اليوم رحت لمكتب الخدمة الوطنية من مواليد 1990 انهيت دراسة في 2010 والشهادة تثبت ذلك كي رحت شافلي في الحاسوب قالي راك جوزت 3 مرات الباكالوريا قلت له سبحان الله انا جوزت مرة فقط وكرهته واللله ما جوزته قالي راه يقول 3 قلتله راه غالط راه للكوموندو طول معاه في الهدرة قالي ارواح خويا روح للثانوية نتاعك يعطولينا اثبات بلي ما قريتش 2011 ؟ عجب وشهادة المدرسية مش اثبات ؟؟؟؟؟ واش ندير قلتله صحا بصح هل هذا يعقل ؟؟؟ظ نبغي نفسير للذي جرى معي

[THIAGUNOU]

البلاد تسير الى الهاوية

[karimjsp]

وعلاش هوما يقولونا فالقوانين بلا وثائق تثبت صحة كلامهم و احنا نقدمولهم الوثائق باش يصدقونا؟

[mohamed 787]

انا نجحت في المسابقة لكني في مشكل عويص الا هو بطاقة تجنيد لان ليس لدي تاجيل من لديه فكرة لحل اكبر مشكلة في حياتي واجره على الله وشكرا اريد اجابة مقنعة

[hamou 19]

انا اليوم ذهبت الى مركز التجنيد سطيف ,,,علما انني من مواليد 85 متزوج انهيت دراستي 2010 وا عطوني استدعاء 15 اكتوبر 2015 مصحوب بصورتان شمسيتان و بطاقة التعريف
الفحص الطبي ليس اجباري
الذين جاءتهم استدعاءات للخدمة الوطنية في ماي المنصرم لا يستفدون من الاعفاء
انصح الاخوة الذين هم عصاة لا يذهبوا لانه يعطيكم استدعاء الى المحكمةالعسكرية
سلام

[سجّل أنا جزائري]

المشاركة الأصلية كتبت بواسطة عبد الغني زين

سلام عليكم يا خاوتي راني في مشكل كبير انا اليوم رحت لمكتب الخدمة الوطنية من مواليد 1990 انهيت دراسة في 2010 والشهادة تثبت ذلك كي رحت شافلي في الحاسوب قالي راك جوزت 3 مرات الباكالوريا قلت له سبحان الله انا جوزت مرة فقط وكرهته واللله ما جوزته قالي راه يقول 3 قلتله راه غالط راه للكوموندو طول معاه في الهدرة قالي ارواح خويا روح للثانوية نتاعك يعطولينا اثبات بلي ما قريتش 2011 ؟ عجب وشهادة المدرسية مش اثبات ؟؟؟؟؟ واش ندير قلتله صحا بصح هل هذا يعقل ؟؟؟ظ نبغي نفسير للذي جرى معي

لا حول ولا قوة الا بالله هذي حاجة لي ما تخطرلكش فالبال بفففف تمسخير كبير هذا