ادخلو شوفو معاناتي و انصحوني ربي يحفظكم

منال ريم · 2021-06-13, 11:05

انا امرأة متزوجة من 6 سنوات .تزوجت مع زوجي عن حب مع العلم انا موظفة و زوجي عاطل عن العمل.اول زواجي كنا لاباس علينا حتى يجي خبر دخولو للسجن بسبب قضية تهريب قديمة .قلت قدر الله ما شاء فعل دخل للسجن وقفت معاه و قبلها رزقني ربي ببنت.الحمد لله.قمت بواجبي معاه على اتم وجه.خرج من الحبس فرحت فرحة كبيرة.نسبت واش قاسيت في غيابو.من بعد تبدل معايا زوجي في معاملتو ليا معاملتو ليا معاناة الحيوانات حقرة و ذل و قهر و ظلم متعمد المهم صبرت و قلت بالاك لانو ما بخدمش و مالقاش خدمة رجع عليا.حملت السب و الشتم .جا وقت ظهرت عندو غرامة عند الجمارك و قالولو يا تخلص يا تدخل للحبس نتاع نفس القضية الي حكم فيها الحبس.المهم خفت لا يدخل للحبس بعت ذهبي و سلفت دراهم سلكت نصف المبلغ و الباقي على دفعات.درنا حل و خلاص المهم كل شهر نسلك الدين و نسلك الديوانة .نقصت الشهريه وليت نخلص قليل و هاذا ماعجبوش الحال قتلو الله غالب حوس على خدمة نحسنو من وضعيتنا.المهم لا يخدم لا والو بالعكس رجع. عليا اكثر من قبل و عاد يخون فيا و حكمتو. ماهي مرة ماهي زوج تقابضنا و هددتو نروح و نخليه .لكن علابالو مانديرهاش لانو عندي اختي مطلقة و نزيد انا و المجتمع ما يرحمش.انصحوني راني مرضت من جهة نخم على بنتي مانحبش نيتمها و نقول نزيد نصبر و من جهة ما حملتش الخيانة و القهر نتاعو انا اختكم وريولي واش ندير راني في حيرة من امري

أتقي الله · 2021-06-13, 11:23

السلام عليكم ورحمه الله وبركاته

نسال الله لكي الثبات والصبر

وهو عند الله عظيم

حضرتك بنت اصول ربي يهدي زوجك ويحفظكم

اشهدي عليه والده والدته اخوه اعمامه

اربنا يصلح حاله

❣سڪڕ❣ · 2021-06-13, 17:47

ربي يفرج عليك خيتي ويرفع عليك ويهدي زوجك ربي معاك ...

Ali Harmal · 2021-06-13, 17:57

اقتباس:

المشاركة الأصلية كتبت بواسطة أتقي الله

السلام عليكم ورحمه الله وبركاته

نسال الله لكي الثبات والصبر

وهو عند الله عظيم

حضرتك بنت اصول ربي يهدي زوجك ويحفظكم

اشهدي عليه والده والدته اخوه اعمامه

اربنا يصلح حاله

نعم خيتي خذي بنصيحة الأخت أتقى الله واطلعيهم بما يحدث ما تتاخري ربي يةفقك ويحفظك من كل شر وطفلتك .

مـراس السلام · 2021-06-24, 21:20

أنت الوحيدة القادرة على تقييم الوضع،
* إن كنت تريدين الإصلاح وكنت قادرة على ذلك:
-عليك أن تسامحيه ولو بينك وبين نفسك.
- إنسي المشكلة وإعتني بنفسك وإصنعي أي شيء تحبينه حتى إلعبي مع إبنتك.
- إرتحت فكري في سبب المشكلة لماذا تغير؟ هل كنت تفعلين هذا من غير قصد: تذكرينه بفضلك عليه وأنك من يتحمل المسؤولية لوحده أو تقللين من رأيه أو شأنه أو تشعرين بالشفقة عليه إسألي نفسك: لماذا تغيرت نظرتي إليه؟
- ابنتك تشعر بإنعدام الأمان والإستقرار واللذان لا يتحققان إلا بوجود تفاهم واحترام بينكما.
-أعيدي تقدير زوجك كما كان في السابق أنظري إلى محاسنه ومعاملته لإبنته، إن تمكنت من مساعدته ليبدأ ولو مشروع صغير إفعلي ذلك لكن إنسي أنك ساعدته أخلصي النية لله عز وجل. وتذكري دائما لا للتضحية نعم للعمل المأجور بإذن الله.
-أنت شجاعة تابعي ما تقومين به انت الآن في مقام المتصدقة فلا تبطليها بالمن والأذى.
* إن لم تقدري وتعبت حقا فافعلي ما يرحيك ولا تلتفتي لأحد ولكن استخيري.
أسأل الله العلي العظيم أن يوفقك ويعينك ويقويك ويفرج همك.

زهرة ملوح · 2021-06-30, 15:53

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،

اميرة الامواج · 2021-06-30, 16:48

بارك الله فيك

هذا متروحيش معاه بعيد

علاش حاملة هذا الذل والهانة والغبينة على جال طفلة وحدة ...
الناس 5 وبلا خدمة و طلقوا وانتي قاعدة
لهذا الهم ...
شوفي انتي راكي عارفة بلي راجلك مايصلحش ومراحلش يتسقم وكان يضربك
و المصيبة الكبيرة روحتي بيعتي ذهبك على جالوا .....
الذهب مديور لعقوبة زمانك ماشي باه تبيعيه على جال راجلك
نندب على المرأة الجايحة
روحي روحي اجري على روحك ...

واقفزي شوية على روحك ...

طلقي ب بنت خير من 4 ولا 5.....

هذا والله غيرى شربلك المرار ...

شافك ضعيفة بزاف راه غير يزيد يدحس عليك ودرك يقضي عليك نهائيا

ولهذا اتغداي بيه قبل مايتعشى بيك ...

مليح انتي متحملة المسؤولية وتخدمي وتنضربي و تخلصي على أخطائه ويزيد يخونك ومن الفوق قاعدة وعاجبك الحال ....

قوليلي برك واش راه مقعدك ....

علاه راكي قاعدة عندوا ....ممكن نقدر نساعدك ...

روحي اربحي صحتك وكرامتك واخطيك من المجتمع وهدرة الناس .

المجتمع ماهوش عايش الذل والحقرة والإهانة و الضرب ...

انتي اللي راكي فيه وانتي الوحيدة اللي تقدري تخرجي منوا.....

سلام من قلب يحب السلام

ناصف الورداني · 2021-07-01, 22:22

يسّر الله أمورك أختاه
السّلأام عليكم