زوجتي الصغيرة

[مشكلتي]

أنا رجل 34 سنة تاجر و ميسور الحال , كنت قد تزوجت بامرأة لمدة 6 سنوات ككرهتلي حياتي كانت سحارة تسحرني و خسرتلي علاقاتي مع اهلي و اصدقائي و خلاتني عبد عندهاو الحمد لله طلقتها و تهنيت منها لكنها خلاتلي صدمة و كرهت النسا , تكفلت يما بزواجي للمرة الثانية و خطبتلي بنت صغيرة 19 سنة , انا ما شفتها ما حوست عليها لاني كنت كاره , و كي شفتها صعقت ماشاء الله عليها قمر بصح باين لي تزوجتني ذراع عليها خاطرش عايلتهم فقراء و زوجوها بيا فقط ليرتاحوا من مسؤوليتها , ضرك راهي في داري و راني فرحان بيها بلبزاف بصح مشكلتي ماناش عايشين كزوجين لانها صغيرة و مانيش حاب نجبرها على شي مراهيش حاباتو خاصة و انها ديما تبكي خفية عني , و شي لي نطلبو ديرو بهدوء , هي امراة كاملة من كل النواحي عاقلة و راكزة و زينة بزاف و الكمال لله . حاب تقولولي وش ندير معاها باه نخليها تحبني و تقبلني كزوجها لاني كبير و حاب نجيب اولاد و ايضا حبيتها و منيش حاب نطولو هاك .

[thmaster100]

مانيش حاب نجبرها على شي مراهيش حاباتو خاصة و انها ديما تبكي خفية عني , و شي لي نطلبو ديرو بهدوء , هي امراة كاملة من كل النواحي عاقلة و راكزة و زينة بزاف و الكمال لله

كان عليك ان تسألها سبب بكائها ام ترى امك او حماتك عليه

لانك بنفس الجملة قلت انه عاقلة ورزينة

اسألها فالسؤال سيد المعرفة

حتى تعرف ما بهـا

والله اعلم

[الأمين®]

حاول التقرب إليها تدريجيا ربما هي كما قلت كانت رافضة الزواج بمن يكبرها ب15 سنة و أجبرت حاول أن تحببها فيك و سايسها بلغقل برك

و لا حول ولا قوة إلا بالله ما زال ناس تجبر بناتها على الزواج

[سيف الدين الطيار]

تخيل انك في عمر 21 او22او 23
واحبها

[محمد جديدي التبسي]

جيبلها الهدايا واصبر عليها أعرف أن الأمر صعب لكن نتائجه تستاهل تصبر لنحقيقها
أكيد ان قلبها سيلين مع الوقت وستقدر صبرك وانتظارك ربي يسعدك أخي
حاول ايضا أن تحضر كتب او محاضرات تعليمية عن الزواج وحقوق الزوج
ان طال الأمر يمكن ان توصل الامر لوالدتك -ان تأكدت انها لن تحدث مشاكل- وهي تعرف كيف تنصحها وتوعيها والله يعينك استعن بالدعاء دائما

[بن سعيدان موح]

إن أردت أن تكون جنتك على الأرض فكن جنتها في السماء.......كل شئ راه في يدك أخي أحسن التصرف

[بن سعيدان موح]

عليك بالولوج لقلبها وإكرامها

[azertata]

عليكم بالحوار اخي و معرفة اسباب النفور بينكما

[kalli]

مبروك عليك الزواج . يجب عليك أن تصبر عليها و مادامت صغيرة في السن اكيد أنها لا تعرف الكثير من الأمور المعيشية و ليس لها تجحربة في المسؤولية لذا المسؤولية الأكبر عليك أخي ، ارحم ضعفها و فراقها أهلها و كن أنت والدها و أمها أخوها و اصبر على أخطاءها و هفواتها و علمها بالتي هي احسن دون رفع صوت أو تكشير وجه .

[ZINA 98]

بالنسبة للعمر عادي جدا كي تكون ناس ملاح و تعاملها زين و تحبها فارق العمر ماهوش رايح ياثر فيها
و انت دوكا راها زوجتك حاول تحكي معها و سقسيها علاه تبكي حاول تبينلها بلي راك تحبها و تفهمها و فارق العمر ماخلاش بيناتكم حواجز
ربي يهنيكم و يرزقكم الذرية الصالحة

[أثيلة]

ببساطة اعطها الحب الذي هي بحاجة اليه و اعطها الحنان التي تطمح له أي أنثى و حاول أن تضحك معاها و تأخد رأيها في كل الأمور طبعا العائلية و أيضا عاملها كصديقة قبل ماتعاملها كزوجة أو حبيبة

[أثيلة]

اما العمر أخي عادي أنا خطيبي الأول ربي يرحمو كان أكبر مني ب12 سنة و كنت نحبو ونعزو وللعلم أخي مش انا عرفتو أهلي لي جبروني نتزوجو

[imen kasem]

اخي مبروك عليك الزواج وان شاء الله ربي يعوضك بالشيء الي فات عليك
اما البنت انا ننصحك توسع بالك معاها ومعليهش مع مرور الوقت تتعود على الامر فمن عادة النساء انها تغلب عليهم العاطفة واكيد كي تلقى هاد الشيء معاك راح تحبك وتميل اليك ربي يرزقك حبها وعشرتها

[sabrine82]

عملها باللين و بين ليها حبك و تعلقك بيها و بين كل فترة قدم لها هدية حتى ولو جد بسيطة و شوف واش تحب و ديرهولها يعني كان تحب الخروج خرجها و لو لنزهة بسيطة و عليك بالدعاء و صلي بيها جماعة و ان شاء الله يحن قلبها عليك

[سفير الأيام]

35 سنة على الاقل الطفلة مولات 23 سنة ماشي 19 خويا

بصح شوف السن دوره يفيدك انت تعرف علاه انت شارب عقلك وتخمم مليح للمستقبل

حاول تقربها ليك بخوفك عليها وحبك الحقيقي لها


حداري من شيء واحد لا ترى في المراة على انها جسد يشبع غريزتك وتنجب اولاد فقط فالمشاعر اكبر من مثل هده النوايا الحيوانية

احبها بعفوية وصدق ستراها لا تستطيع مفارقتك