شكون اللي تعرف وصفة هذا القاطو البنيييييييييين بزاف؟

نورانيات · 2013-06-07, 12:22

جمعة مباركة على الجميع راني حابة تعاونوني في وصفة واحد القاطو بنين بزاف كليتو في العرس راهو مخدوم بالشكولاطة الموضوعة في قوالب السليكون ومحشي بمزيج من نستلي والجوز المهروش خشين كيما وصفة أم رامي تقريبا بصح موضوع على طبقة دائرية رقيقة من عجينة الصابلي الممزوجة بالكاكاو ومن فوق مزين بالبريو . راه رايع واللي دارتو ما حبتش تمدلي الوصفة نتاعو كلما نسقسيها تتهرب شكون اللي تقدر تعاوني وتقلي كيفاش يتخدم راني عول عليكم

fari gimo · 2013-06-07, 12:38

سلام
تحبي ندبر عليك ديري كيما انا لما تعجبني وصفة و ما تكونش عندي الوصفة المضبوطة نبدا زعمة نخترع و ندخل المقادير اللي يخرجو على بعضاهم و نسلك راسي
ديري الشوكولا المحشية وحدها و ديري اي عجينة صابلي و قطعيها قد حبات الشوكولا و بعد ما تطيبيهم لصقي فوقهم حبات الشوكولا المحشية بالمربى او بالشوكولا وهكدا انت اللي تروحي تفيسي على اللي ما حبتش تمدلك الوصفة ههههه.
واذا استطاعو الاخوات يلقاولك الوصفة المضبوطة اللي تحوسي عليها يكون افضل

نورانيات · 2013-06-07, 13:23

ربي يخليك اختي راني حنجرب نخترع بلاك تطلعلي مليحة .

سارةالتلمسانية · 2013-06-07, 13:25

سامحني اختي ليس لي ادنى فكرة

المستغفرة · 2013-06-07, 15:02

اقتباس:

المشاركة الأصلية كتبت بواسطة نورانيات

جمعة مباركة على الجميع راني حابة تعاونوني في وصفة واحد القاطو بنين بزاف كليتو في العرس راهو مخدوم بالشكولاطة الموضوعة في قوالب السليكون ومحشي بمزيج من نستلي والجوز المهروش خشين كيما وصفة أم رامي تقريبا بصح موضوع على طبقة دائرية رقيقة من عجينة الصابلي الممزوجة بالكاكاو ومن فوق مزين بالبريو . راه رايع واللي دارتو ما حبتش تمدلي الوصفة نتاعو كلما نسقسيها تتهرب شكون اللي تقدر تعاوني وتقلي كيفاش يتخدم راني عول عليكم

اختي شوفي هذي الحلوة هيا ولا والو
هذي تاع الاخت ام اثير

حياتي باستغفاري · 2013-06-07, 15:14

السلام عليكم اختي المستغفرة ممكن رابط الوصفة هادي من فضلك و ان شاء الله تكون هي اللي ظلبتها الاخت

نورانيات · 2013-06-07, 17:32

لالا أختي ماشي هذه الحلوة اللي أسمها ألف ليلة وليلة شكرا على تفاعلكن

sajdaa · 2013-06-07, 18:28

هذي الوصفة على ما أظن هي مكونة من عجينة صابلي مدورة و فوقها نصف دائرة من الشيكولاطة محشية بالمكسرات مع نسلي إذا كانت هي راهي مدتها السيدة يعلى وعندي الوصفة

المستغفرة · 2013-06-07, 18:57

اقتباس:

المشاركة الأصلية كتبت بواسطة حياتي باستغفاري

السلام عليكم اختي المستغفرة ممكن رابط الوصفة هادي من فضلك و ان شاء الله تكون هي اللي ظلبتها الاخت

اختي هذي من blogام اثير اكتبيها
في قوقل تلقايه
اسفة

نورانيات · 2013-06-07, 22:18

أختي ساجدة ممكن تفيديني بالوصفة رجاءا

oum anas 69 · 2013-06-08, 08:40

هذي صورة عندي من منتدى آخر إذا كان يشبهلو قوليلي نجبدلك الوصفة
و الله نحير في عباد يبخلوا حاجة إسمها قاطو يعني القاطو يتعرف وكل عام يخرج الجديد

ام محمد و ملاك · 2013-06-08, 09:04

اختي اجبديلنا الوصفة باين مليح تعيشي

sajdaa · 2013-06-08, 16:07

أختي أصبري عليا نحوسلك عليها ونحط هالك راني مع إمتحانات إبني

sajdaa · 2013-06-08, 21:25

قلات بالشيكولاطة :
علبة شيكولاطة تباع علبة بلاستيك بالميزان أو في علب نشد علبة كيما هي و نفورهاونغطيها فوق كسكاس حتى تذوب نأخذ مول سليكون فيه فراغات مثل حبة بيض سامبل دوائر كي الحفرة نفتح علبة الشيكولاطة ونملئ الفراغات ونمشي على الحواف ونتركها تنشف ونعاود المرة الثانية حتى نكمل ونتركهاتبرد
العجينة:250غ زبدة
1كأس ناقص شوية سكر قلاس
1بيض
1ملعقة كاكاو
نصف كأس نشاء
1كيس خميرة
فاني
نشفي بالفرينة
نتحصل على عجينة صابلي نحلها بالحلال ونقطع دوائر 6سم نطهيها بعدما تطهى نمسح الوجه بالمربى ونحضر الحشو:مكسرات وزبدة وعسل وتطهى على النار ونحرك بملعقة خشب ونزيد زبيب وحلوة الترك ونشكل كريات نملئها في الشيكولاطة ونقلبها فوق القاطو المدهون بالمربى ونرش بستاش على الحواف المتبقية تاع القاطو يكون الشكل مثل الشابو

اية الرحمن1988 · 2013-06-08, 21:32

السلام عليكم
أخت ساجدة ممكن تقوليلي واش من منتدى راكي تهزي منو
عجبتني الوصفة ربي يبارك فيك
وان شاء الله يوفق ابنك وينجحو