زواج عازبة في الـ50 سنة

[life is life]

السلام عليكم اخواني اخواتي
كيف حالكم جميعا ؟ ان شاء الله بالف صحة
المهـــم ليوم جيتكم بقصة من الواقع
لعمي صديق مسن ارمل تركت له زوجته ابناءو بنات و صبره عليهم و كبرهم في طاعة ربي سبحانه و زوجهم
و قعد وحيــد لا مؤنس لا رفيق فقالو له لو تتزوج احسن حتى تجد من يهتم بك و يعينك على ما بقي لك من عمر تعيشه في سعادة و هناء بعد ما بذلته لاجل ابنائك
المهم توجه الاخير الى عمـي و طلب منه المساعدة و ما كان يهم الرجل سوا ان تكون ذات خلق و دين و تكون صادقة و حنونة معه و مع ابنائه

فكان ذلك و وجدت اخت ( زوجة عمي ) إمرأة عازبة في ال50 من عمرها و كان هنالك قبول من ناحية المعني بالامر و ابنائه حاليا و الحمد لله كل شيء بخير
و ستذهب بناته لرؤيتها و ان شاء الله ربي يكمل بالخيـــر

المهم الرجل و الحمد لله راضي و الجميع راضي

و لكنني سمعت بعض التعليـــقات تقول : عازبة ذات ال 50 و تتزوج ؟؟ ، صعيـــــــبة هادي في ال50 تتزوج ؟؟؟ ، قعدت بايرة بايرة و درك تخمم تتزوج ؟؟؟ ، كانت تموت عزبة خيرلها ؟؟

و التدخلات الكثيرة ووو الكلام ××× الكلام الذي لا ينتهي عند عربنا ابدا ابددا

و الان اخبروني ( مع اني اراه امر عادي و بل رائع ) ان اختار امرأة واعية و على حسابه يعني

اخبروووني ما الإشكال ؟؟؟ وين المشكل و علاه لعرب تاوعنا توجور يدخلو رواحتيهم
و رغم انها عزباء ما سلكتش المخلوقة
ما يعرفوش انو مكتوبها انها قعدت عزبة حتى جا هوا او غير يديها

مع اني نعرف لي كبرو و ماتو عزبات و ما سلكوش من الهدرة فقبورهم مساكن الله يرحمهم

درك اعطوني رايكم ؟ علاه اي حاجة على مرأة عازبة و تأخرت في الزواج ما تسلكش من لسان لعرب "" هادي غي العزبة وين عاد المطلقة و الارملة الخ الخ ""

مممم اليكم الخط

[راية الاسلام1]

السلاام عليكم
يا اختي نصيحة من عندي لا تاخذي بكلام المجتمع
المجتمع في كل الحالات ينتقد
ان اخترت ابنة العشرين يقولون شايب عاادم راح يتزوج فتاة في عمر حفيدته
ان تزوج ابنة الثلاثين يقولون تزوجته من اجل ماله
وهكذا دواليك، يعني لاازم يلقااو سبة ينتقدو بيها اي ظااهرة

ضعي كلاام الناس ورااء ظهرك، مادام انك في الحلاال لا يضرنك شيء
ربي يكملووو ويهنيه بزواجه الثااني
بووركت

[eBusiness]

يو يو يو يو يو يو يو يو يو كلشي مبروك
كلام ناس خرطي في خرطي، الحلال حلال ولو كانت في عمرها 60 سنة، دعي كلام ناس ورائك وقولينا يرحم باباك با بنت الأكابر العرس وين باه نجيو راهو في خاطري زيتون لعراس، هل العرس في مدينة تلمسان، مغنية، سبدو، الرمشي، الحناية، بني سنوس، ندرومة، مسيردة، الغزوات أو أين بالظبط؟؟؟ كم جميل أن يقبل رجل مثل هذا بزوجة في الخمسين، باينة عليه شارب عقلو، رب يسخرلهم ويهنيهم يا رب

[موسى عبد الله]

الله يهنيهم يويرزقهم الذرية الصالحة ويا السي عبد المجيد اللي كلا دجاجات الناس غير يسمن دجاجاته ، السيد في عمرو 77 سنة زاد تزوج و انت مازال مالقيتش 1 ، شوفنا العنوان نتاعو و نروحو نباركولو

[زينب 83]

سبحان الله كيف يحرم هذا المجتمع ما احل الله الم يتزوج النبي صلى الله عليه و سلم الكبيرة و الصغيرة ، من يطبق شرع الله لايهمه عباده لان رضاهم غاية لا تدرك

[life is life]

المشاركة الأصلية كتبت بواسطة راية الاسلام1

السلاام عليكم
يا اختي نصيحة من عندي لا تاخذي بكلام المجتمع
المجتمع في كل الحالات ينتقد
ان اخترت ابنة العشرين يقولون شايب عاادم راح يتزوج فتاة في عمر حفيدته
ان تزوج ابنة الثلاثين يقولون تزوجته من اجل ماله
وهكذا دواليك، يعني لاازم يلقااو سبة ينتقدو بيها اي ظااهرة

ضعي كلاام الناس ورااء ظهرك، مادام انك في الحلاال لا يضرنك شيء
ربي يكملووو ويهنيه بزواجه الثااني
بووركت

بارك الله فيك اختي على كلامك و تفكيرك الراقي
و الله الواحد كون يدير على كلام الناس ما يسلكش ربي يجيب الخير
و انا من رأي الشخصي لوكان كل واحد يديها في روحه قبل ما يهدر في الناس و الله يعجز عن حل ما عليه
و المشكل هناك من ينسى نفسه كليا و يتحدث عن صغائر غيره

و مادام هذا حلال لا افهم ما المشكلة لديهم

شكرا على مرورك الطيب

[life is life]

المشاركة الأصلية كتبت بواسطة ebusiness

يو يو يو يو يو يو يو يو يو كلشي مبروك
كلام ناس خرطي في خرطي، الحلال حلال ولو كانت في عمرها 60 سنة، دعي كلام ناس ورائك وقولينا يرحم باباك با بنت الأكابر العرس وين باه نجيو راهو في خاطري زيتون لعراس، هل العرس في مدينة تلمسان، مغنية، سبدو، الرمشي، الحناية، بني سنوس، ندرومة، مسيردة، الغزوات أو أين بالظبط؟؟؟ كم جميل أن يقبل رجل مثل هذا بزوجة في الخمسين، باينة عليه شارب عقلو، رب يسخرلهم ويهنيهم يا رب

يبارك فيك اخي ابن الاكابر ، معك حق و لو حتى كانت عجوز للعلم عمرها 50 سنة و لكنه غير بادي عليها ابدا
اما عن العرس فهو في مدينة مغنية لا اعرف العنوان بالضبط فهو صديق عمي فقط
على ما يبدو اخي كلانا من ولاية تلمسان فهل نحن من نفس المدينة !؟

و كما قلت اخي ان هذا الرجل قد احسن الاختيار حقا ، فهنيئا له بذلك و ربي يكملّه على خير يا رب

[life is life]

المشاركة الأصلية كتبت بواسطة موسى عبد الله

الله يهنيهم يويرزقهم الذرية الصالحة ويا السي عبد المجيد اللي كلا دجاجات الناس غير يسمن دجاجاته ، السيد في عمرو 77 سنة زاد تزوج و انت مازال مالقيتش 1 ، شوفنا العنوان نتاعو و نروحو نباركولو

اللهم آميـــن و نتوما تاني يا خاوتي ربي يرزقكم ببنات الحلال على قد نيتكم ان شاء الله

[life is life]

المشاركة الأصلية كتبت بواسطة زينب 83

سبحان الله كيف يحرم هذا المجتمع ما احل الله الم يتزوج النبي صلى الله عليه و سلم الكبيرة و الصغيرة ، من يطبق شرع الله لايهمه عباده لان رضاهم غاية لا تدرك

بارك الله فيك اختي الكريمة كلام في الصميم ربي يهدي ما خلق

[sunshine2013]

إرضاء الناس غاية ﻻ تدرك و بالنسبة لي لم تعد غاية

[موسى عبد الله]

المشاركة الأصلية كتبت بواسطة ebusiness

والله يا سي موسى الحالة ماراهيش تعجب خلاص، كلامك قلته للكثير من الذين أعرفهم وأعادو الزواج أنهم تزوجوا الثانية وأنا حاصل في إيجاد الأولى، والله يا أخي رانا روطار هههههههههه لكن روطار أحسن من أن يضربك كار ههههههههه
حينما تعطينا الأخت العنوان سأمر على أخي ونذهب لنبارك للرجل

الله يسهل بالاك غير ثم ونقضيو الصلاح ، وما تخافش الكادو راه من عندي

[موسى عبد الله]

المشاركة الأصلية كتبت بواسطة life is life

اللهم آميـــن و نتوما تاني يا خاوتي ربي يرزقكم ببنات الحلال على قد نيتكم ان شاء الله

بارك الله فيك اختي الله يعطيك الخير و الله غير توحشت تلمسان ، و بالضبظ بلدية سبع شيوخ

[زرقـآء اليمآمـة]

السلام عليكم
مبروك عليها ....... الزواج مكتوب .... وهذا وين جا مكتوبها ..... والناس التي تنسى امورها و تحوس على الاخرين دائما في ثرثرة عقيمة ...... ان شاء الله ربي يعطيهم كية تكويهم ويبليهم بما بلاها واخريات كثيرات ويحسوا وينشغلوا برواحهم ... والله سبحانه يمهل ولا يهمل ....... و شكرا

[life is life]

المشاركة الأصلية كتبت بواسطة موسى عبد الله

بارك الله فيك اختي الله يعطيك الخير و الله غير توحشت تلمسان ، و بالضبظ بلدية سبع شيوخ

و فيك بركة اخي صراحة لا ادري ما الذي لفت انتباهك في بلدية سبع شيوخ غير السبع بنايات زاوية او لا ادري كيف تسمى
انا من الولاية و لكن زرت سبع شيوخ اربع مرات او خمس فقط

اكيد اخي eBusiness يعرف اكثر مني في ذلك
و اهلا و سهلا بك في تلمسان أخي
و ارحب بك في بيت اخي eBusiness بدلا عنه

[life is life]

المشاركة الأصلية كتبت بواسطة sunshine2013

إرضاء الناس غاية ﻻ تدرك و بالنسبة لي لم تعد غاية

و الله معك حق كيف ما يدير الواحد ما يسلكش