اين انتن ايتها السطايفيات و البرايجيات

nouhati · 2011-03-08, 21:36

دخل الربيع بحلاوتو و انتن مازال ماوريتوناش كيفاش اديرو لبراج انا عن نفسي دقتها من عند ناس سطيف رووووووووووووووعة ياريت وحدة فحلة تتقدم وتعطينا لاغوسات بالتفصيل صح ربيعكم

*شهد العسل* · 2011-03-09, 08:42

https://www.djelfa.info/vb/showthread.php?t=529698
شوفي هذ الطريقة

*شهد العسل* · 2011-03-09, 08:44

https://www.djelfa.info/vb/showthread.php?t=530484
وهذي طريقة روعة

nadiem · 2011-03-09, 12:27

حنا طريقتنا كيما تاع الاخت isra05 لاكن بدون مكسرات الغرس تعجنيه بلماء وماء ورد +زيت+ جلجلانية+قرنفل+قرفة .باه يولي طري .اما العجينة تلميها بللا ما تعجني 3كيلات سميد+كيلة من الزيت والزبدة .+ملح وجلجلانية.وقبل ما تلمي بالماء نحي منو شوي باه تحرشي بيه.....يعني حطي شوي منو وحطي فوقو نص لعجينة ثم الغرس ثم النص تاع لعجينة ثم باقي لي تحرشي بيه...اضغطي بيدك باه تولي دائرة بسمك 1.5سم وقطعي مقروطات اعدلي كل وحدة بين كف يديك وطيبي في طاجين لحديد
نشالله تكوني فهمتيني

khalisa · 2011-03-09, 17:47

شوفي حبيبة احنا الغرس نعجنوه بماء الزهر وقطرات زيت

nouhati · 2011-03-09, 19:21

يعطيك الصحة ياشهد يسلمو يديك

nouhati · 2011-03-09, 19:23

اقتباس:

المشاركة الأصلية كتبت بواسطة nadiem

حنا طريقتنا كيما تاع الاخت isra05 لاكن بدون مكسرات الغرس تعجنيه بلماء وماء ورد +زيت+ جلجلانية+قرنفل+قرفة .باه يولي طري .اما العجينة تلميها بللا ما تعجني 3كيلات سميد+كيلة من الزيت والزبدة .+ملح وجلجلانية.وقبل ما تلمي بالماء نحي منو شوي باه تحرشي بيه.....يعني حطي شوي منو وحطي فوقو نص لعجينة ثم الغرس ثم النص تاع لعجينة ثم باقي لي تحرشي بيه...اضغطي بيدك باه تولي دائرة بسمك 1.5سم وقطعي مقروطات اعدلي كل وحدة بين كف يديك وطيبي في طاجين لحديد

نشالله تكوني فهمتيني

صح انا الليدقتهم كيما هاك جايين حرش من الفوق بصح كيتحطي الطبقات الثلاث تحطيهم بعد ما تبسطيهم الى1.5و الا تحطيم فوق بعضهم و مباعد تبسطيهم؟ و الغرس نفوريه و لاتخليه كيما هو؟

nadiem · 2011-03-10, 10:45

حبيبتي الغرس مايفورش=تجيبي لي يتباع في غطاء تاع بلاستيك 1كغ في البلاكة .تنحيلو كاش مافيه عظم وتعجنيه بالبهارات والما ورد وتزيدي حتى يولي طري بزاف اما الزيت تدهني بيه الغرس من فوق ويديك تاني باه مايلصقش برك ...ترشي فوق المايدة شوي حرشة وتحطي فوقو نص العجينة تحليها بيدك شوي وفي نفس الوقت تكاي عليها باه ماتبقاش مشققة ..ثم حلي الغرس بين يديك وحطي قدام بعضاه حتى يتغطى وجه العجينة كامل..ثم زيدي النص الثاني تاع العجينة وتكاي عليه باه تتلم الشقوق..ورشي باقي الحرشة على كامل الوجه وكملي تكاى عليها تولي دائرة 1.5سم في الارتفاع اما القطر يكون حسب ما درتي الكمية.......الخ.....لامفهتيش ختي زيد نشرحلك ماكانش مشكل

nouhati · 2011-03-11, 21:05

[QUOTE=nadiem;5242354]حبيبتي الغرس مايفورش=تجيبي لي يتباع في غطاء تاع بلاستيك 1كغ في البلاكة .تنحيلو كاش مافيه عظم وتعجنيه بالبهارات والما ورد وتزيدي حتى يولي طري بزاف اما الزيت تدهني بيه الغرس من فوق ويديك تاني باه مايلصقش برك ...ترشي فوق المايدة شوي حرشة وتحطي فوقو نص العجينة تحليها بيدك شوي وفي نفس الوقت تكاي عليها باه ماتبقاش مشققة ..ثم حلي الغرس بين يديك وحطي قدام بعضاه حتى يتغطى وجه العجينة كامل..ثم زيدي النص الثاني تاع العجينة وتكاي عليه باه تتلم الشقوق..ورشي باقي الحرشة على كامل الوجه وكملي تكاى عليها تولي دائرة 1.5سم في الارتفاع اما القطر يكون حسب ما درتي الكمية.......الخ.....لامفهتيش ختي زيد نشرحلك ماكانش مشكل
[يعطيك الصحة اختي ناديام تعيشي على الشرح الوفير وراني درتهم اليوم وجاوني رووووووووووووعة كيما الي دقهم و اللهه بارك الله فيك و يجعلها في ميزان حسناتك

faizabdessemade · 2011-03-11, 21:17

انت متعرفيش تعملي البراج
مين انت الاخت الكريمة؟

رحيق القلوب · 2011-03-11, 23:01

سلام اختي هاي جات لبرايجية
اليكم طريقة تحضير لمبرجة
كيلات دقيق خشن (احرش) كيلةونصف زبدة ذائبة و غرس (معجون التمر) قليل من ماء الزهر

قليل من الملح و قليل من القرفة و الماء

التحضير

يوضع الدقيق في قصعة مع اضافة الزبدة ويدعك جيدا حتى يمتزج ثم نضيف اليه الملح

ونبلله بالماء دافئ ونتركه يرتاح جانبا ومن جهة اخرى ناخذ الغرس وننقيها ثم نرحيها و نضيف لها القرفة

و نرشها بماء الزهر حتى تصبح طرية ثم ندهنها بالزيت و نجعلها قرصة كبيرة ثم نعود الى العجين

نقسمه الى قسمين وناخذ القصعة و نفرغ على كل سطحها قليلا من الدقيق الخشن وناخذ

نصف العجين ونبسطه في القصعة على شكل قرص كبير ثم نبسط فوقها قرص الغرس(معجون

التمر) ثم نغطيه بكميت العجين المتبقية على شكل القرص ثم نرشها بالدقيق الخشن من فوق

ونبسطها جيدا في القصعة بكف اليد ونقطعها على شكل مضلع ونطهيها على طاجين الكسرة

يمكن انك تعجني العجينة بالماء مضاف اليها عصير البرتقال والليمون للذوق فقط

شهية طيبة
وليوم الي تخرج فيه العائلات للطبيعة الاطفال يردون العبارة التالية * يا الربيع الربعاني كل عام تلقاني فرحان و زهواني في الفيلاج الفوقاني *

nadiem · 2011-03-12, 10:08

راني فرحت كي جربتيه ونجحلك ....بصحتكم وصح ربيعكم.....nouhati

nouhati · 2011-03-12, 10:31

اقتباس:

المشاركة الأصلية كتبت بواسطة nadiem

راني فرحت كي جربتيه ونجحلك ....بصحتكم وصح ربيعكم.....nouhati

ربي يخليك اختي ناديام كل ربيع و انتي زاهية