قبل التحاق بالخدمة وطنية اهم النصائح وتوجيهات 2020 - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى التوظيف و المسابقات > قسم مستخدمي النظام العسكري و الخدمة الوطنية

قسم مستخدمي النظام العسكري و الخدمة الوطنية يهتم بمعالجة قضايا، انشغالات و مشاكل المستخدمين العسكريين و شبه عسكريين و كل ما يتعلق بالخدمة الوطنية في الجزائر

منتديات الجلفة ... أكثر من 14 سنة من التواجد على النت ... قم بالتسجيل في أكبر تجمع جزائري - عربي و استفد من جميع المزايا، تصفّح دون اعلانات، اشترك في المواضيع التي تختارها ليصلك الجديد على بريدك الالكتروني

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

قبل التحاق بالخدمة وطنية اهم النصائح وتوجيهات 2020

إضافة رد
 
أدوات الموضوع انواع عرض الموضوع
قديم 2020-09-07, 14:25   رقم المشاركة : 1
معلومات العضو
ضابط كبير
عضو فعّال
 
إحصائية العضو










B11 قبل التحاق بالخدمة وطنية اهم النصائح وتوجيهات 2020

نصائح قبل وبعد الذهاب الى الخدمة الوطنية (متجدد 2020)
.
للمقبلين على أداء الخدمة الوطنية في جانفي او ماي او سبتمبر نصائح من اخ لكم
ﺃﻭﻻ : ﻗﺒﻞ ﺍﻹﻟﺘﺤﺎﻕ .
- خويا وجد روحك نفسيا و انوي بلي راح جوزها و متتكلش على الفائض و بلي راح يخرجوك ...اذا كنت قاري وجد روحك راح يبعثوك لمدرسه عسكرية و الا راح تروح لكزيرنه .
- وجد كابتك وكل شئ و هاهي بعض الأدوات التي تسحقهم :
-ﺳﺮﺑﻴﺘﺔ ﻭ ﻓﻮﻃﺔ ﻭ ﺗﻘﺎﺷﺮ ﻃﻮﺍﻝ ﺧﺸﺎﻥ( ﺗﺴﺤﻘﻬﻢ ﻛﻲ ﺗﻠﺒﺲ ﺍﻟﺮﻭﻧﺠﺎﺹ ‏)
- ﺍﻟﺼﺎﻙ ﺩﻭ ﺗﻮﺍﻟﻴﺖ : ﻛﺜﺮ ﻣﻦ ﺷﻔﺮﺍﺕﺍﻟﺤﻼﻗﺔ ﻭ ﺻﺎﺑﻮﻥ ، ﺷﺎﻣﺒﻮﺍﻥ ، ﺩﻳﻮﺩﻭﺭﻭﻥ ،ﻣﻌﺠﻮﻥ ﺃﺳﻨﺎﻥ ﻭ ﻓﺮﺷﺎﺕ ، ﻣﺮﺍﻳﺔ ﺻﻐﻴﺮﺓﺩﻭﻥ ﻧﺴﻴﺎﻥ ﻛﺮﻳﻢ ﺭﺍﺯﺍﺝ ‏( ﻻﻣﻮﺱ ‏)
- ﺃﺩﻱ ﻣﻌﺎﻙ ﺳﻴﺮﺍﺝ ﺃﺳﻮﺩ ، ﺳﺎﺷﻲ ﺃﻭﻣﻮ ،ﺇﺑﺮﺓ ﻭ ﺧﻴﻂ ، ﻻﺳﺘﻴﻚ ﺗﺎﻉ ﺣﻮﺍﻳﺞ ‏( ﻧﺼﻒﻣﺘﺮ ‏)
- ﺃﻧﻮﻩ ﻣﺠﺪﺩﺍ ﻣﺎ ﺗﺪﻳﺶ ﻣﻌﺎﻙ ﺣﻮﺍﻳﺞﺍﻟﺴﻴﻔﻴﻞ ﻷﻧﻚ ﻣﺎﺭﺍﻛﺶ ﺭﺍﺡ ﺗﻠﺒﺴﻬﻢ ﺧﻠﻲ
ﻏﻴﺮ ﻟﻲ ﺗﺮﻭﺡ ﺑﻴﻬﺎ ﻭ ﺳﻴﺮﻓﺎﺗﻤﻮﻥ ﻭﻛﻼﻛﻴﺖ .
- ملابس داخلية متكثرش الحوايج راح يدوهملكم و يخلولك غير الملابس الداخلية
-كادنة وﺳﻠﺴﻠﺔ ﺗﺎﻉ ﺣﺪﻳﺪ ‏( ﺭﺑﻊ ﻣﺘﺮ ‏) ﻷﻥ ﺃﻏﻠﺐ ﺍﻟﺨﺰﻧﺎﺕ ﻣﻜﺴﺮﺓ . سجادة وقرآن وكاش كتب تثقيفية راح يوانسك في الفيد
- ﺑﺎﻟﻨﺴﺒﺔ ﻟﻠﻤﻜﻮﻻﺕ ﻭ ﺍﻟﺤﻠﻮﻳﺎﺕ ﺃﻳﻀﺎ ﺣﺎﻭﻝ ﺃﻻ ﺗﺄﺧﺬ ﻣﻌﻚ ﻛﺜﻴﺮﺍ ﻷﻧﻮﺍ ﻓﻲ ﺑﻌﺾ ﺍﻟﻜﺎﺯﻳﺮﻧﺎﺕ ﻳﻨﺤﻮﻫﻤﻠﻚﻭ ﻟﻜﻦ ﺣﺎﻭﻝ ﻣﺎ ﺗﻜﺜﺮﺵ ﺑﺎﺵ ﻣﺎﺛﻘﻠﺶ ﺭﻭﺣﻚ .
--هاام :خذ معك مغرف وكاس وطبسي اينوكس تحتاجهم قبل ماتلبس
- ﺧﺬ ﺃﻳﻀﺎ ﺑﻌﺾ ﺍﻷﺩﻭﻳﺔ ﻣﺜﻞ ﺣﺒﻮﺏﺍﻟﺮﺃﺱ ‏( ﺩﻭﻟﻴﺒﺮﺍﻥ ‏) ﻭ ﺍﻹﺳﻬﺎﻝ ‏( ﺳﻤﻴﻜﺘﺎ ‏)
ﻭ ﺑﻌﺾ ﺍﻟﻘﻄﻦ ﻭ ﺿﻤﺎﺩﺍﺕ ﻭ ‏( ﺳﺒﺎﺭﺍﺩﺭﺍ ‏)
- البرطابل ممنوع لكن تقدر تخبيه وين ما يقلبكش - ادي بيس افلكسي فيها 1000 دج و خبيها راح تلقى لي يمدلك تهدر كي تكون ثم ....يحكموك بالبرطابل تشبع رخس و تكسرو ونتا تضحك قدام.
-ادي شوية دراهم -- مي متكثرش راح تقدر تشري بهم فالفوايي قاطو و جي
-ادي معاك دوسي ميديكال اذا كان عندك و من الاحسن جديد
-ادي كابه و غلقها بالكادنه خطرش يقدرو يسرقوك .
- ادي شاك و ملفاتك دبلوم صور بطاقة التعريف وبطاقة بريد ﻷﻧﻮ ﻳﻮﺟﺪ ﻣﻜﺘﺐ ﻟﻠﺒﺮﻳﺪ ﻓﻲ ﺍﻟﺪﺍﺧﻞ .

ﺛﺎﻧﻴﺎ : ﺃﺛﻨﺎﺀ ﺍﻹﻟﺘﺤﺎﻕ ﺑﺎﻟﻤﺪﺭﺳﺔ .
- اتكل على ربي و روح للثكنه بالنقل و لا معرفتش سقسي عليها الدرك و لا الشرطه متسقسيش شعبي ....قادر يسرقوك و يقريسوك ولا يحقروك ....ولا كانت بعيده سقسي الشرطي و لا الدركي على السعر تاع الطاكسي باه ميسرقوكش لي تاكسيور ...
ﺛﺎﻟﺜﺎ : ﺩﺍﺧﻞ ﺍﻟﻤﺪﺭﺳﺔ او في الثكنه
-ادخل و حمد ربي لوصلت بخير و اعلم لربي اكتبهالك جوزها راح جوزها ...شحال من ناس حفظت الستين ثماك
-ﺇﻋﻠﻢ ﺃﺧﻲ ﺃﻧﻪ ﺑﻤﺠﺮﺩ ﺩﺧﻮﻟﻚ ﺍﻟﻤﺪﺭﺳﺔ ﻓﻼ ﻣﺠﺎﻝ ﻟﻠﻌﻮﺩﺓ ﺇﻟﻰ ﺍﻟﻮﺭﺍﺀ ﻭ ﻟﺬﻟﻚ ﺇﺣﺮﺹ ﻋﻠﻰ ﺍﺧﺘﻴﺎﺭ ﺍﺻﺪﻗﺎﺋﻚ
- الجانب الديني والأخلاقي تهلا في صلاتك وماتنساش قراءة الورد اليومي ويكون معاك كتاب باش تثقف روحك وما تعاشرش صحاب المشاق كيما الدخان والشراب والزطلة ..... إلخ احفظ الميم تحفظك واحفظ قدرك أوما تحكيش أمور شخصية وعائلية لصحابك اوربي اسهل عليكم ان شا الله .او يحميكم اويحفظكم
- راح تتلاقا بحارس يفتشك تفتيش عادي و يسقسيك لعندك برطابل ...من بعد تروح لواحد يفتشلك الكابه و من بعد تدخل تسنى الطبيب و طول حتى الان راك مدني واحد مايهدر معاك .
-ادخل للطبيب لكان عندك ملف طبي مدو ثمه و لا اي حاجه سي نو يمدلك ابت (يعني مقبول) و ينحولك حوايج السيفيل و تلبس الكومبا و الرنجاس ويمدولك طاس تاع حديد و مغرف و زاوره حافظ عليهم خاطر راح تتحاسب بيهم قبل ماتروح
-الرنجاس خير قدك ولا شويه كبير عليك المهم مشي ضيق و اللبسه قدك و جديده و الا ريكلامي من حقك و بلعقل .

رابعا : ﺃﺛﻨﺎﺀ تدريب و تكوين .
ﺍﺣﺮﺹ ﻋﻠﻰ ﺍﻟﻨﻬﻮﺽ ﺑﺎﻛﺮﺍ ‏( ﺑﺎﺵﺗﺮﺍﺻﻮﻣﺒﻠﻲ ‏) ﻭ ﺇﻳﺎﻙ ﺃﻥ ﺗﺘﻐﻴﺐ ﻋﻦ ﺍﻟﺠﻤﻬﺮﺓ ﻷﻧﻬﻢ ﺭﺍﺡ ﻳﺒﻬﺪﻟﻮﻙ .
التدريب 45 يوم ....15 يوم اللولة تاع التدراب منكذبش عليكم راح تفوت صعييبة فاختبار للتحمل النفسي و البدني
في هذي 15 يوم راح تتعب شوي لا مراكش سبورتيف ترقد على 11 تاع ليل و تنوض على 04 تاع صباح تجري ...و تدرب قفز على الحواجز و من بعد فطور الصباح حليب و خبز بالمعجون و الزبده .
-رايح ﻳﺨﺪﻣﻮﻙ ﺍﻟﻜﻮﺭﻓﻲ(تنظيف ثكنة واعمال صيانة ، نزع عشب ، تنظيف مراحيض ، تسياق و كنس لانه لايوجد عمال نظافة في الجيش نظافة الثكنة الان مسؤليتكم مثل نظافة بيتك) ﻟﺬﻟﻚ ﻻ ﺗﺘﺬﻣﺮ ﻣﻦ ﺫﻟﻚ .
-من بعد تروح تفطر غذاء مليح ...... وكي تخلاص 15 يوم تبدى القراية على السلاح وحوايج اخرين راح تعرفهم تم ومدة القراية 10 ايام هكا من بعد تروح لحقل الرمايه مشيا على الاقدام ----و ترجع مع المغرب ----تتعشى عادة يمدو المعجنات و سانك سانك .....و قد يضعوك حراسه
بعد 45 يوم يمدلوك برميسيون والبعض ميمدولكش ماشي كامل ليكازيرنا كيف كيف كاين ميمدولكش حتى تتميتا ويمدوك في البلاصة لي راك رايح ليها
-حذاري من افتعال مشاكل وسرقة وو قادر تتعاقبو جماعيا ، قادر مسؤل عن حادثة يرسلوه للحبس.
بعد ثلاثة اشهر تدخلك منحه
راح يخدمولك بطاقة عسكرية و سلسلة يسموها (القلادة الحربية ) احتفظ بييهم كون يضيعو راح تتباصا
وبعد تجي ميتاسيون يعني يبدلوك بلاصة وتفارقوا احباب بدموع راح تخرج من الكازيرنا وتدي معاك غير لحوايج لي جبتهم معاك ولي عطاوهملك تم يعني بلاك تدي حاجة من تم (رصاصة ولا ...) خاطر راح يحكموك في السكانير تاع المطار راح ترشي روحك في الحبس ..
بعد يدوكم لترونزيت (مركز العبور) هنا عس روحك على قشك
وراح يدوكم للمطار وتروحو للبلاصة تاعكم ( على حساب البلاصة لي راكم رايحين ليها يعني ادا قريبة بلاك يدوكم بالكار )
وراح تتميتا وتدخل الكازيرنا لي تكمل فيها العام التاعك هنا خلاص يبدا السيريو والخدمة رد بالك تزارطي والسرقة و فعايل شر ....
بعد نهاية الخدمة و ايامك الاخيره :
الان لحقت ايامك الاخيره في الخدمه الوطنيه العملية عكسية يولو يسموك لاكيبببييييي من حقك تفوت الفيزيتا باه يعرفوا بلي مخرجتش مريض و الا يعوضولك
رد الكومبا و الرونجاس الزاوره و السلسلة والكاس والمغرف ....
راح تودع صحابك و نضمنلك بالدموع خطرش صحاب الخدمه الوطنية جوزت معاهم محنه و ونستو بعضاكم و رد بالك تخسرهم خطرش هوما لي وقفو معاك فالشده
نمدلك عقلية
- متخلطش بزاف و رد بالك من الشكامين - الموطار - و متهدرش بلي عندك برطابل
- مداسرش المقاجي خطرش نتا وياه مشي عقليه وحده وقادر تضر روحك
- احترم قايد الفصيلة تاعك و جرب متبانش بزاف حتى لا تكون وجه معروف و يجيبوك كي تصرى مشكل
- العقوبه في العسكر جماعيه فلا تعمل اعمال يعاقب عليها زملائك .
- متبيعش صحبك خطرش تتعاقبو كامل
-حافظ على نظافتك ونظافة غرفتك وادوات و مرحاض اعزكم لله لانو في اخير انت رح تستعملها
-قبل ماتروح اشتري دواء بق واذا لاحظتو بقع دم او حكة في ليل من حقك تكلم مسؤول عن وحدة باش يعملو تعقيم للغرف او شاليهات
-كي تحكم مسؤولية خطيك من حقرة وخلي احترام يين رؤسائك ومرؤوسيك
-خطيك من افات اجتماعية (سب ، دخان، شمة ، وسخ، سرقة ...الخ) دخلت نظيف اخرج نظيف كاين بزاف اقلعو على عادات سيئة في عسكر وكاين بعض كتسبها
-كاين بعض افراد ماشاء لله يتطوعو مثلا في غرس اشجار خارج ثكنة خاصة في مناطق نائية رح تكون صدقة ليك وبعض اعمال تطوعية داخل جيش (يلقى ضو خاسر في غرفة يخدمو مثلا )
-اخيرا خلي تربيتك ونظافتك تبان في افعالك ومتتنازلش على مبادئك
ر.ط.ش.د









 

رد مع اقتباس
قديم 2020-09-09, 20:15   رقم المشاركة : 2
معلومات العضو
عبد الوهاب المؤرخ
عضو مشارك
 
إحصائية العضو










افتراضي

خويا انا لذرك ماخرجتليش لوردبال الثانية نقدر روح للناحية عسكرية ثانية في قسنطينة ندير كونطر فيزيت?









رد مع اقتباس
قديم 2020-12-25, 22:46   رقم المشاركة : 3
معلومات العضو
Islam_eden_park
عضو جديد
 
إحصائية العضو










افتراضي

التحضير النفسي أهم شيء








رد مع اقتباس
قديم 2021-01-15, 19:28   رقم المشاركة : 4
معلومات العضو
mani20
عضو مشارك
 
إحصائية العضو










افتراضي

بارك الله فيك









رد مع اقتباس
قديم 2021-03-25, 03:20   رقم المشاركة : 5
معلومات العضو
zakiking2
عضو جديد
 
إحصائية العضو










افتراضي

أريد أن أعلم ما الفرق بين الحياة العسكرية في المدرسة ثم اثناء الخدمة الميدانية بالنسبة للظباط من كل النواحي ، السكن الإطعام ..إلخ .بارك الله فيكم









رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 23:38

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2020 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc