وين نروح ؟ - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى الأسرة و المجتمع > قسم مشكلتي

قسم مشكلتي هنا يمكنك طرح أي مشكلة تواجهك بواسطة الاستعانة بخدمة الوسيط

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

وين نروح ؟

إضافة رد
 
أدوات الموضوع انواع عرض الموضوع
قديم 2021-07-17, 02:37   رقم المشاركة : 1
معلومات العضو
مشكلتي
العضوية خاصة
 
إحصائية العضو









افتراضي وين نروح ؟

سلام عليكم اتمني ان الادارة تنشر مشكلتي لانني في وضع محرج للغاية ارجوكم



ماتت امي وابي مؤخرا في حادث مرور وان لي اخ واحد متزوج واختنا الكبيرة المتزوجة وانا لست متزوجة تخرجت من

الجامعة السنة لفاتت وقعدت بالبيت لانني لم اجد عملا وكنت اعيش احسن عيشة مع امي وابي و لكنهم ماته بغفلة وتدخل
اخي بعدما ماته والدي انه ياخدني اعيش ببيته اخي يسكن بولاية وهران خدام ثماك قال لا يستطيع ان يتركني وحيدة هنا
خصوصا انني لا اعمل وليس لي راتب وطبعا تدخلت حتي اختي وقالت ستدهبين يا اما معي او مع اخوكي المهم لن

نتر**** وحدكي واختي تعيش بنفس ولايتنا ولكن بمنطقة مختلفة وانا اخترت ان ادهب مع اختي فكم سمعنا عن قصص
زوجات الاخ قلت مع اختي احسن واخي وافق ودهبت عند اختي وطبعا اختي لها اربعة اولاد الاكبر بسويام عقب البيام

الثاني والثالث بالابتدائي والرابع مزاله صغير لم يدخل المدرسة بعد واختي موظفة طبعا اختي قالت لي طالما انتي بالبيت ما رئيكي انك تمسكيلي ابني الصغير ومدلك حقه احسن ما نمد دراهم لناس وانا وافقت نشدلها ابنها بمقابل اربعية الاف وطبعا انا لندير الغداء لاني كنت نحشم منهم وولات اختي كي تشوفني ندير الغدا ونسيق وندير شغل الدار ولات تطمع اكثر حتي العشاء ولات تقولي ماندقرش نديره نعيا وليت انا لندير العشاء ونغسل ونسيق شغل خدامة مش برك هكا المشكلة الاكبر بولادها ولادها مش متربيين بزااف همج وانا كي نعيط عليهم هي تزعف عليا ماتحبش قاع نمسك ولادها هما يسوبني قدامها يقولولي ماعندكش باباك ماعندكش ماما وهي تضحك نقولها شوفي ولادك تقولي راهم صغار نمشي يدرولي ديل من الورق يلصقوه فيا ويضحكه وهي تضحك معاهم بنتها جابت المقص قطعتلي شعري وانا نايمة وكي ضربتها اختي زعفت بزاف وقالتلي ولادي ماتمسيهمش

حتي صغير هداك لنمسكه شحال مش متربي شحال واعر انا قلتلها ولدك خلاص مانزيدش نشده مديه لاي واحدة تشدهولك مع العلم مخلصتنيش شديتهولها شهرين جامي خلصتني لحد الان وكي قلتلها هكدا قالتلي لاني مخلصتكش تحبي دراهم انتيا قلتلها مش علجال الدراهم وليدك مش متربي وهي كي نقولها تزعف وتقولي ملا راكي تحبي تقوليلي مانعرفش نربي ولادي البارح بعدما قعدت جا وليدها بال في وجهي ضربته حتي شبع ضرب وهي طردتني من دارها وانا كنت نبكي وين نروح ماخرجتش قعدت ثماك حتي كي طردتني واش ندير يا جماعة نعفس علي كرامتي ونعيش مع الهمج واختي المستغلة ولا نروح عند اخويا ونجرب حظي معاهم مع العلم مرته تبان جونتي بصح ختي طردتني ما بالك البرانية شاوروا عليا









 


رد مع اقتباس
قديم 2021-07-17, 18:20   رقم المشاركة : 2
معلومات العضو
بشرئ عاشقة العلم
عضو مميّز
 
الصورة الرمزية بشرئ عاشقة العلم
 

 

 
إحصائية العضو










افتراضي

روحي عند خوك و جربي حظك اختيو احسن حل هو انك تتزوجي، بسكو الناس يبانو بالعشرة، و مرت خوك مرحش تقعد جونتي كيما ركي تقولي ،بالعشرة رح تستغلك نفس الشي و الله اعلم ،الله يفرج عليك اختي و يرزقك بالزوج الصالح الناس مبقات فيها رحمة حتا الخاوة سيرتو كي يروحو الوالدين










رد مع اقتباس
قديم 2021-07-17, 18:35   رقم المشاركة : 3
معلومات العضو
رَمَادِيَاتْ
عضو نشيط
 
الصورة الرمزية رَمَادِيَاتْ
 

 

 
إحصائية العضو










افتراضي

ابحثي عن عمل.. حتى ولو كان في غير تخصصك
أسوأ ما قد يحدث للانسان أن يصبح عالة على غيره.
واذهبي إلى أخيك إلى أن يفرج الله عليك بالزوج والولد.










رد مع اقتباس
قديم 2021-07-17, 19:36   رقم المشاركة : 4
معلومات العضو
ميهانيدار
عضو فعّال
 
الصورة الرمزية ميهانيدار
 

 

 
إحصائية العضو










افتراضي

انا نقلك روحي وين تريحي وين تحسي روحك في داركم الاز ماشي ضيفة والله أعلم









رد مع اقتباس
قديم 2021-07-17, 20:50   رقم المشاركة : 5
معلومات العضو
حورية تو
مشرفة الخيمة
 
الصورة الرمزية حورية تو
 

 

 
إحصائية العضو










افتراضي

بما أنه المنزل العائلي مزال روحي تما وشوفي ابن اختك يجي يبات عندك وفي نفس الوقت* ابحثي عن عمل من أجل متطلباتك اليومية أو اطلبي مالا من اخيك ريثما تحصلين على عمل فهو مسؤول عليك شاء أم أبى...
رجعنا في وقت الأخ ما يرحمش اختو والاخت ما ترحمش اختها وين رايحة بينا ...
كان الله معك










رد مع اقتباس
قديم 2021-07-17, 21:20   رقم المشاركة : 6
معلومات العضو
اللهم ارزقني عفةمريم
مشرفة منتديات عامة للترفيه و التسلية
 
الصورة الرمزية اللهم ارزقني عفةمريم
 

 

 
إحصائية العضو










افتراضي

روحي جربي حظك عندك خوك ختي بلاك يكون احسن من ختك مهما كان تكوني في دار خوك احسن من تعيشي عند راجل ختك خوك هو لي يحملك وميقدرش يرميك برا يخاف عليك ياختي وهاهو هو لي طلب منك تعشي عندو روحي لخوك حتان ربي يفرررج عليك وربي يكون في عونك صح كي يغيبو لوالدين دنيا ماتسواش بلا بيها بصح ربي مينساش عبدو ربي يستر عليك










رد مع اقتباس
قديم 2021-07-18, 23:44   رقم المشاركة : 7
معلومات العضو
Rofrof
عضو مشارك
 
الصورة الرمزية Rofrof
 

 

 
إحصائية العضو










افتراضي

اختي ربي معاك*
لكن اولا اخوك واجب عليه ينفق عليك حتى تتزوجي.*
واختك مش ملزمة بيك*
انت خيرت قرار جيد كي قلت اختي خرمن برانية وجربتي حظك مي راكي تشوفي الحالة كيفاه والحمد لله ماتطورتش اكثر الحكاية الحمد لله حبست في مشاكل مع اولادها .
ماعندكش حل واحداخر روحي لدار خوك* وحاولي تكوني شادة بلاصتك ماتدخليش روحك بزاف لانو هادي دار مرتو شئنا ام ابينا، حاولي تساعديها بلا مبالغة اتعلمي من درس وش صرالك مع اختك وماتخليهاش تطمع بزاف،*
في نفس الوقت حاولي انك ماتديرونجيهمش*
انت رح تروحي لعند خوك مؤقتا برك ديري هادا في رالك كاين احتمال يصراو مشاكل تاني*
انت مكانك الاصلي في داركم، والا مكاش* تبيعو الدار وخوك يبنيلك بحقك وحقو قدامو حتى تتزوجي* ولا يشريلك دار صغيرة قدامو ، وبعد ماتتزوجي تتحاسبو وترديلو دراهمو ولا ديرو الدار تتكرا وتستفادو من الايجار ديالها هكدا ديرو مشروع مربح وبلا تكسار الراس.
الحل انك تخدمي تان ايدا رحتي لدار خوك اعتبريه مثل الفندق وحوسي على خدمة*
الحل انك تخدمي وتتزوجي بالزوج المناسب بلاكي ترمي روحك برك لاي واحد، وماتتكلي لا ع خوك ولا ع ختك .. على ربي ممبعد عليك*
حاولي تحوسي ع خدمة اون لين اما تسويق اما تعليم اون لاين خاصة ايدا تعرفي لغات رح تستفادي ..لازم تكسري راسك وتحوسي ع خدمة*

وماتخافيش لي خلق مايضيع، عن تجربة
، وهاد الشعور بالطرد ربي ماينساش عبدو ورح "يطبطب عليك"*
حاولي تكوني قوية وتكوني مسؤولة*
واكثري من الدعاء**










رد مع اقتباس
قديم 2021-07-19, 19:48   رقم المشاركة : 8
معلومات العضو
روح المي
مؤهّلة منتدى مشكلتي
 
الصورة الرمزية روح المي
 

 

 
إحصائية العضو










افتراضي

السلام عليكم انا تخلعت اختي معندكش منزل
الاصل في المسلم حسن ظن باخيه المسلم
تجربة مع اختك تعلمي منها وروحي عند الاخ تاعك وقوليلو لتقدري تتعلمي حرفة تخدمي بيها خاطر دنيا عادت صعيبة هو ومسوؤلياتو وزيدهم انت
او كما تفضلت الاخت يعني تكرو بيت عائلة ويعطوك حقك منه يعني مهم عندك مصروف
حاولي تكوني خفيفه على زوجة اخيك ولا تدري ربما ربي يحط فيها رحمة اكثر من اختك










رد مع اقتباس
قديم 2021-07-30, 19:52   رقم المشاركة : 9
معلومات العضو
نفحات
عضو نشيط
 
إحصائية العضو










افتراضي

انت مخطئة اختاه كيف تختارين ان تعيشي مع اختك وزوجها غريب عنك وغير محرم؟!
كان عليك منذ البداية ان تذهبي مع اخيك لانه محرم ويستطيع حمايتك
كي تروحي عندو تمشي بقانون اسرته وتحكمي قدرك وهذا ما كان وكي يجيمكتوبك تتزوجي تخرجي من دار خوك
ماش من دار راجل اختك!!
اختي اذهبي لعند اخيك هذا هو الحل لست مجبرة على العبش مع اختك الظالمة
وايضا قد تستغربين قولي لكن قد تجدين الخير في زوجة اخيك اكثر من اختك التي من دمك ولحمك
فرب اخ لك لم تلده امك
فقط اوصيك ان تحترمي خصوصية زوجة اخيك ولا تحدثي معها مشاكل تذكري دائما انها كانت تعيش مستقلة
وبقدومك اوتوماتيكيا ستقل حريتها واستقلاليتها ذلك ساعفيها وكون طيبة ومتسامحة
وحطي غي بالك بلي راكي ڨاعدة معاهم مؤقت وكي تتزوجي تسهلي
والافضل تبحثي عن عمل هكا احسن ليك وشغل البيت تتشاوري معاها واش تخدمي اتكلمي مع مرت خوك بالرحمة والاحسان
ربي يفرج عليك اختي ماتزيديش طولي عند اختك وادعي ربي يسترك ويحميك
دعواتي لك (خبرينا بالتغيير الجديد باذن الله في موضوع مستقل يعني اذا خيار انتقالك عند اخيك كان جيدا)










رد مع اقتباس
قديم 2021-07-31, 15:07   رقم المشاركة : 10
معلومات العضو
بـــيِسَة
مشرفة الخيمة
 
الصورة الرمزية بـــيِسَة
 

 

 
إحصائية العضو










افتراضي

السلام عليكم .

" وين نروح " قاستني بزاف أختي ربي يفرج عليك
نصيحتي جربي عيشي يامات عند خوك و في نفس الوقت راكي تحوسي على خدمة
الا تفاهمتو اللهم بارك و الا متفاهمتوش عيشي في بيت الورثة لهي بيت أبوك
و ربي معاك










رد مع اقتباس
قديم 2021-07-31, 15:29   رقم المشاركة : 11
معلومات العضو
بدوون إسم
عضو جديد
 
إحصائية العضو










افتراضي

أرجعي لبيت أهلك

وشوفي أي وحدة من قريباتك تبات معاك.

وإذا الجيران ملاح باتي وحدك ما فيها والو

المهم يكون باب الدار صحيح ومتين



حاولي تخدمي ديري لي كور للذراري

أخدمي لكروشي

حوسي على الاستخلاف

المهم ماتقعديش

خدمتك تحفظلك كرامتك










رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 11:25

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc