دورة " ربات بيوت واثقااااااات"

[جهينة اليقين]

كتبت فقرة كبيرة وطارت قلت الفطور وخصوصا في الشتاء نديرو بعد القهوة على نار هادئة وعلى العاشرة نكون كملت مل شيء واذا جا اي طارئ او ضياف نكون مستعدة ومتحررة
اما فكرة العشاء مع الفطور فمرات مايكونش العشاء باين كيم قالت ام متين او مرات حتى للمساء يروح الزوج يشري

[ابني نور عيني]

اهلا بشطورتنا جهينة ماشاء الله راكي سابقتنا كامل ...اختي اريج اهلين وسهلين ختي ...اروى موفقة في شغلك .. ارواحي نستقهواو كيف كيف عند ام متين المضيافة مزال الحال نشربوها في غرضنا هههه

انا كملت روتيني الصباحي لاني بديتو مباشرة بعد صلاة الفجر و راني مع تنظيف العميق للصالون كل شهر ننظفو مليح و نزيد نكمل روتيناتي اليومية والاسبوعية عليه لذلك عندي حاجة خفيفة
حطيت الفطور يطيب درت دولمة و شعلت الغسالة

[ام متين]

القهوة والخير راه موجود لكل وجوه الخير مرحبا بكل وحدة عندي

[ام شمسو محمد]

ماشاء الله عليكم راكم مجمولين بالخير يا وجوه الخير ...روايح القهوة و البكرة و النشاط و النقا و الذكر الطيب ....انا ثاني نشرب قهوتك حبيبتي ام متين يا كريمة ...

ام محمد يعطيك الف صحة و عافية على تذكيرنا بحقوق ازواجنا ...الحق رانا مقصرين ...دايما ننساو و نتخيلو بلي رانا بمزيتنا عليهم ...ربي يدوم علينا سترهم ...و موضوع صلاة الفجر متجدد ...معركتنا اليومية مع الشيطان ...و ذكر فان الذكرى تنفع المؤمنين ...شكرا ليك ذكرتينا وعلاش لازم نوضو نصليو الفجر ...

انا كملت روتيني في اقل من نصف ساعة ..وااااااي .....درت تبريد غيرت الديكور في غرفة النوم ...و مازلت ننقذ في القاراج ب5 د كل يوم و الله غير تنحات عليا غمة .......و طيبت 2 وجبات مع بعض راكي تسمعي اروى ....و جيت نطل عليكم ...كون نبدا بالنت مانوضش...و الشغل نبداه على 7.30 كي يخرجو ...كاشما عندكم ورد صباحي ...انا وردي نديرو الصباح قبل ما ينوضو ...لاخليتو يروح ....ومع الروتين التجميلي الصباحي ...هذا هو وقتي ...

[ام شمسو محمد]

هيا يا الفحلات ....درتو روتينكم المسائـــــــــــــــــــــــــي ؟؟؟؟؟؟...هذي العادة اللي رانا نحاولو نرسخوها هذا الاسبوع

ماتنساوش التحدي هو اننا نثبتو على هذي العادة لمدة 20 يوم ...و عمرنا ماراح نتراجعو عليها ...

اذا درتو لبارح روتينكم المسائي يعطيكم الصحة راه كل ليلة يزيد يسهال و يسهل نهارك ...

اذا مادرتيهش لبارح ماعليهش ....ابداي ليوم و احسبي 20 يوم ثابتة ...بالتوفيق لكل الفراشات

[arwa alaa]

واش راكم مع الشغل راني كملت الروتينات الصباحية مزلت نطيب الكسرة وخلاص
وانتم واش احوالكم

[arwa alaa]

ام شمسو راني درت روتيناتي المسائية وبنسبة للمواعن رقدو الاولاد ونضت غسلتهم كنت فرزتهم من قبل شكرا لكل فراشة تساهم بكلمة راهي ترفعالمعنويات وتزيد الحماس

[arwa alaa]

ام متين راني جيت نشرب القهوة معليش منبعد نغسلك الفناجل ونلملك المائدة

[رندة.]

ام متين انا جيت متأخرة على القهوة نشرب فنجال واااقفة ونهرب غدوى نجي على الستة تاع الصباح باش نلقى المائدة

[رندة.]

الي مازال ماصلاتش صلاة الضحى غير تنوض تجري تصلي ركعتين ولا أربعة راهو فيهم خير كبيييييييير. والي عندها عذر ماتنساش تقرأ الاذكار: الحمد لله، استغفر الله، لا اله الا الله، الله أكبر...... الخ

[رندة.]

بالنسبة لمهمة 30 دقيقة راني اعتمدتها اليوم بديت بغرفة النوم ترتيب سريع لأنها نظيفة، غرفة الجلوس مسح الغبار وكنس ونفضت الفراش، شغلت الغسالة وخليتها تدور ، غسلت الماعن ودرت الغدا ونظفت المطبخ بصح الوقت كان 35 دقيقة و31 ثانية يعني تجاوزت الثلاثين دقيقة.. وهذا راجع لابني الصغير يأخذ مني وقت مرة حاب ياكل مرة حاب يشرب يلعب....

اما مهمة ال27 حاجة راني مازال معاها ونجمع بالشوية.

بالنسبة الورد الصباحي يا ام شمسو انا نديرو مباشرة بعد صلاة الفجر مانوضش من السجادة حتان نقراه

[ابني نور عيني]

كيف تعاملين طفلك:


التعامل مع الأطفال ليس بالأمر السهل كما يعتقد البعض بل هو أمر غاية بالصعوبة نظراً لأهميته في تكوين شخصية الطفل الحالية وشخصيته المستقبلية، ويعتمد التعامل مع الطفل على طبيعته وتقبله لبعض الأساليب التربوية فليس كل الأطفال كبعضهم البعض فمنهم من يتقبلون التوجيهات والنصائح المقدمة لهم من الأهل ومنهم من يرفضونها دون تفكير. الطفل بحاجة ماسة لمساعدة أهله لمعرفة حدوده والالتزام بها، وحتى يعي جيداً ما يتوجب عليه فعله وما يتوجب عليه تركه والابتعاد عنه. وبالتأكيد جميعنا نتمنى بأن يتمكن أطفالنا من التعامل مع الأمور التي تواجههم في حياتهم بالشكل السليم، وما علينا نحن الكبار سوى التعامل معهم بالشكل السليم لكي نحصل على ما نتمناه. فما هي أساليب التي يمكن اتباعها بالتعامل مع الأطفال؟؟


***الاهتمام والانتباه المستمر لحاجات الطفل وتصرفاته، والانتباه جيداً للتغيرات الجسدية والنفسية التي تحدث للطفل ومعاملته على أساسها وعدم التقيد بأسلوب واحد لأن الطفل لا يتقيد بتصرف واحد طوال فترة طفولته.

*** تنظيم حياة الطفل، من خلال وضع القوانين والأوقات المناسبة لفعل كل شيء، فهذا يجعل الطفل منظماً.

*** التعامل مع الطفل بعاطفة قوية ومحبة، وعدم تعنيفه. التعامل المرن مع الأطفال الذين يفهمون المنطق.

**** التعامل مع الطفل بثقة.

*** الحرص على حصول الطفل على وقت ممتع يقضيه مع والديه، من خلال قراءة القصص أو اللعب أو إمداده بالدفء والحب.

*** عدم الاكتفاء بإلقاء الأوامر على الطفل بل يجب استخدام أسلوب النقاش معه وتبادل الآراء والأفكار، فهذا يساعد على تقوية شخصية الطفل ويحميه من الشعور بالكبت وعدم الأهمية.

***لا للمواقف غير الثابتة، فإن أخذ الوالدين موقفاً يجب عليهما أن يلتزما به، لأنّ ذلك سيعلم الطفل الجدية والثبات.

***لا يجب على الوالدين أن يتعاملوا مع أطفالهم بقسوة، بل يجب عليهم أن يعاملوهم بكلّ حب واحترام ومعاقبتهم إن قاموا ببعض الأعمال الخاطئة بشكل صارم ولكن دون قسوة.

***المرونة بالتعامل والتفاوض مع الطفل يساعده على تعلم قيم التفاهم والمشاركة بالرأي.

***الوصول مع الطفل لحلول ترضي الطرفين أثناء مواجهة مشكلة مع الطفل.

***عدم إهمال رغبات الطفل ورفضها بشكل دائم، بل يجب الاهتمام بها ومحاولة تلبيتها في حال كانت منطقية ولا تضر به وبمصلحته، وفي حال لم تكن مناسبة قوموا بعرض البدائل الممكنة له.

*** تحديد العقوبات قبل أن يقدم الطفل على المخالفة حتى تكن رادعاً له.

***الإنصات باهتمام للطفل عندما يتحدث، مما يدفعه إلى التعبير عن نفسه بشكل مريح بالإضافة إلى تعلمه الإنصات والاستماع للآخرين.

***عدم الوصول لمرحلة الإرهاق من الاهتمام بالأطفال، فيجب على الأم أن ترتاح ولا ترهق نفسها بطلبات أطفالها من خلال استغلال أوقات نومهم، أو عدم تواجدهم بالمنزل، حتى لا يؤثر شعورها بالإرهاق على أسلوبها أثناء التعامل معهم

[arwa alaa]

شكرا ام محمد على المعلومات وكاش ماسكات ساهلين وميديوش وقت
اليوم درت تبريد لسلل اللعب رميت شوية وخبيت شوية وجبت مجموعة كنت مخبيتها المهم نظمت شوية غرفة البنات ولعشية نزيد نكمل الدبدوبات ونتهنى منهم

[رندة.]

انا وياك تفاهمنا على سلة اللعب يا اروى
فرغت سلة اللعب نقصت منها البعض وحدين نمدهم ووحدين مكسرين نطيشهم
وزدت جبدت وحدين كانو مخبيين كنوع من التغيير وحطيتهم فيها
ام محمد شكرا على النصائح الي قدمتيهم بخصوص الزوج والاطفال

[ابني نور عيني]

اهلا اختي اروى عندي ليك ماسك هايل يصفي الوجه و ينعمو رووعة دايما نديرو وفيه ملعقة صغيرة كركم و شوية حليب قيس ما تخلطي كلشي و حطيه على الوجه مدة ربع ساعة واغسلي بالماء الدافي ثم البارد ورديلي الخبر برك نصيحة جيبي كركم نوعيتو مليحة