دورة " ربات بيوت واثقااااااات"

[رندة.]

مساء الخير عليكم
يعطيك الصحة يا ابني نور عيني على الماسكات. انا جربت ماسك الشعر الي قلتي عليه المرة الي فاتت نتيجته فعالة بارك الله فيك، وكيما قلتي كي تخدمي اشغالك بعد صلاة الفجر تحسي براحة كبيرة ولو كان تكون عندك خرجة طارئة ولا ضياف الغفلة تكوني مستعدة دومااا.

[أم فاطيمة]

مساء الخير الاخت ام شمسو مبارك افتتاح هده الدورة لي تنعث النشاط و الهمة راني من المتتبعات
الاخت نور العين يا ريت تفيدينا من الجانب الجمالي لاني مهملة فيه قلينا واش هما كريمات لي تستعمليهم
في الترطيب للوجه و اليدين و الرجليم واش هما المسكات لي مجربتهم خصوصا ان بشرتي حساسة
حياتي كلها امل على سلامتك حنونة فلرحت كي شفنت اسمك
لبنات ربي يقويكم لنو البيت مسؤولية كبيرة و تستحق ندعمو بعضانا

[رندة.]

ام شمسو انا راح نجمع المهمتين مع بعض رمي 27 حاجة والتصدق ب 27 حاجة.
بصح......... وش هو السر وراء الرقم 27 ؟؟؟؟؟

[nihal159]

إبني نور عيني ، قلتي أن تعطير البيت بالزيوت العطرية يدوم أكثر؛ من فظلك واش هو نوع هذه الزيوت؛ عند من نلقاها تتباع؟

[رندة.]

أُذَكِر نفسي واخواتي بأذكار المساء، حملتو تطبيق أذكار المسلم رايح يذكركم في كل وقت بالأذكار تاع الاستيقاظ، الصباح، المساء، النوم بطريقة تلقائية حتى لا نغفل عن ذكر الله.

والي ما عرفتش تقرأ آية الكرسي، سورة الإخلاص والمعوذتين وترطب لسانها بذكر الله قدر استطاعتها ( سبحان الله. الحمد لله. الله اكبر. لا اله إلا الله. أستغفر الله. سبحان الله وبحمده سبحان الله العظيم.... )

[ابني نور عيني]

المشاركة الأصلية كتبت بواسطة randa2017

مساء الخير عليكم
يعطيك الصحة يا ابني نور عيني على الماسكات. انا جربت ماسك الشعر الي قلتي عليه المرة الي فاتت نتيجته فعالة بارك الله فيك، وكيما قلتي كي تخدمي اشغالك بعد صلاة الفجر تحسي براحة كبيرة ولو كان تكون عندك خرجة طارئة ولا ضياف الغفلة تكوني مستعدة دومااا.

بصحتك اختي رندة الماسك فيه فوايد كبيرة لشعرك يغذيه و يقويه و يعطيه انسيابية انا مدمنة على ماسكات الشعر ونتيجتها مع المداومة روووعة

عندك الحق اخت رندة وقت البكور فيه بركة خاصة لهذا وصانا عليه رسول الله صلى الله عليه وسلم باش نكونو ناجحين و تنزل البركة علينا في العمل والرزق

[ابني نور عيني]

المشاركة الأصلية كتبت بواسطة nihal159

إبني نور عيني ، قلتي أن تعطير البيت بالزيوت العطرية يدوم أكثر؛ من فظلك واش هو نوع هذه الزيوت؛ عند من نلقاها تتباع؟

اهلا اختي صحيح الزيوت العطرية رايحتها تدوم واهم شي طبيعية مافيهاش كيمياويات واستعمالاتها متعددة انا نشريها من الكوسمتيك و العطار

[ابني نور عيني]

استعمالات الزيوت العطرية متنوعة منها:

***معطر الجو :

ضعي 4 قطرات من الزيت العطري مع كوب من الماء في زجاجة اسبراي ورشيه في انحاء المنزل.
أضيئي شمعة لبضع دقائق ثم ضعي قطرتين من الزيت العطري على الشمع المنصهر بجوار الفتيل.
إذا كنت تمتلكين مدفأة تعمل على الخشب، ضعي بضع قطرات من الزيت على الخشب قبل إشعاله.
اختاري الزيت العطري المناسب لمزاجك الخاص واستمتعي بتعطير منزلك بأمان بالرائحة المفضلة لديك.

****منظف الأسطح والأرضيات

منظفات الأسطح في المطابخ ومنظفات الأرضيات تحتوي على العديد من الكيماويات الضارة التي قد تؤذي بشرتك. استخدمي قطرات من الزيت العطري مباشرة على فوطة المسح ونظفي الأسطح بسهولة. كما يمكنك إضافة بعض قطرات لماء المسح للحصول على نظافة ورائحة مميزة.


****تلميع النوافذ

ضعي قطرات من الزيت العطري على ورقة جريدة واستخدميها لتلميع النوافذ. وتمتعي بلمعان مميز مع رائحة رائعة من اختيارك.

****تعطير الملابس

عند تخزينك للملابس، استخدمي كرة من القطن أو الصوف مبللة بالزيت العطري المفضل لديك وضعيها في ركن من خزانتك مع الملابس المخزونة. وللقضاء على العثة استخدمي زيت الخزامي، الليمون أو الروزماري.


****التخلص من الحشرات

مع دخول فصل الصيف يبدأ غزو الحشرات، للتخلص من هذا الغزو من دون اللجوء الى المبيدات السامة يمكنك استخدام بعض الشرائط القماشية المبللة بزيت الليمون وربطها في إطار الشباك للتخلص من الحشرات الطائرة. أما بالنسبة للحشرات الزاحفة فيمكنك استخدام زيت النعناع عند أماكن ظهور هذه الحشرات.

واخيرا استخدام الوصفات السابقة يحميك أنت وأسرتك من مخاطر التعرض للعديد من المواد الكيماوية الضارة. كما أنها لا تتطلب سوى وجود الزيت العطري لديك.

[حياتي كلها امل]

السلام عليكم ومساؤكم كله خير اهلا بك غزالة وفاطيمة
ام محمد الله يبارك راك ماشاء الله في النظام وبارك الله فيك على كل المعلومات الي راكي تمديها وفي كل ميدان
انا اليوم حسب البرنامج الي عاملاتو اليوم كان عندي تنضيف عميق لارضية الغرفة والصالون مع مسح كل الغبار
ام شمسو عمليت الرمي تمت والحمد لله والصدقة صراحة كل مانفرز انمد الحوايج الصغار على اولادي او اشياء عندي منها اثنين

[ابني نور عيني]

اهلا اختي حياتي كلها امل مسائك طيب سعيد وبصحتك النقا و شكرا على كلامك الجميل يا جميلة حاجة ماتغلاش عليكم هكذا نتبادلو الافكار وكلنا نستفادو

[ام متين]

اهلاوسهلا بالغزال الجميل نورت الصفحات ليك وحشة شريكتي ان شاء الله تكوني بالف صحة وعافية انت والعائلة الكريمة وكل الفراشات
ما شاء الله ياام محمد قمة في النشاط والحيوية
ام شمسو انا راني مواصلة في رمي 27 للامانة ماحسبتش الشيئ الي ارميتو ام كيس 27 للصدقة راه واجد وراني نلم فيه حوايجج الصيف الي صغارو على الاولاد
نلقى متعة كبيرة لما نفرغ الدار من الحوايج لاان في السابق كنت نقول خلي هذ وخلي هذ لكن الان ارمي ارمي وتقريبا البيت راه مفروز بنسبة 80 / واكيد 20/ كل مرة تنقص وتزيد وهكذا
العناية بالنفس هي تطبيق فازلين مع زيت جونسون وزيت اللوز للقدمين
الى جانب واقي الشمس عند الخروج
اليوم في المطبخ فرزت جهة الاعشاب والزيوت يعني احوايج التيزان لان الزوج نتاعي يشرب في الصباح والمساء كاس تيزانة بالعسل
وفي المس فرزت خزانة صغيرة نتاع الكتب
اما خزانة الاولاد فهي تقريبا روتين يومي
المهم ربي يقدرنا جميعا لما يرضاه ولي عودة ان شاء الله

[ابني نور عيني]

افكار سريعة تساعدك في التنظيف:

***دائما قومي بالتنظيف من أعلى إلى أسفل أي عندما تنفضين الغبار من أعلى إلى اسفل

 قومي بأخذ جميع أدوات النظافة اللازمة معك في كل غرفة لتفادي الذهاب والرجوع دون فائدة.

 افصلي التليفون وأغلقي التلفزيون وانت تنظفين.

 دائما حاولي ان تزيلي الفوضى فمنزل غير فوضوي يبدو افضل كثيرا من منزل نظيف من الأتربة لكن فوضوي.

 دائما نظفي ونظمي أينما ذهبت في المنزل بمعنى أن تنظفي دائما افضل كثيرا من أن تنتظري و تنظفي الأتربة المتراكمة .

 المنزل ذو الرائحة العطرة يعطي انطباع بالنظافة لذا قومي بترك الباكنج صودا على السجادة ليلا لتمتص كل الروائح الكريهة ثم قومي صباحا بتنظيفها بالمكنسة الكهربائية .

 اجعلي في المطبخ سلة صغيرة للرسائل والجرائد و مفاتيح السيارة وما شابه.وعند الطهي ضعي كيس بلاستيكي وضعي فيه كل الاوساخ و القشور .... الخ وذلك لتحافظي على نظافة مطبخك .

***عند دخولك للبيت ضعي كل غرض في مكانه المفاتيح و الملابس و الاكسسوارات والاحذية و افرغي حقيبتك من المحتويات و ضعي كلشي في مكانو و هكذا تلقاي اي شي تبحثي عليه في مكانو و ماتضيعيش وقتك

***ديري دورة غسيل كل يوم او يومين حسب حاجتك و اطويه مباشرة بعد جفافه هكدا تبقاي مسيطرة على غسيلك و قومي بكي الملابس اللي تحتاج كي المهم كلشي يكون منظم و في مكانو

 اكتبي ورقة بالمهام التي يجب أن تنتهي وعند الانتهاء من مهمة علمي عليها ستشعرين بالراحة لإنجاز هذه المهمة.

[ابني نور عيني]

ام متين راكي في القمة يعطيك الصحة عندي نفس تفكيرك في الرمي ههه مانشفقش المهم عندي كلشي مفروز و منظم

[ام شمسو محمد]

كيف تحافظين على منزلك نظيفا ..




هل تلقاي روحك عاجزة قدام العمل المنزلي ؟..و عندك احساس دائم بلي الشغل مش يمشي و الحالة مش تتحسن ؟...ماكيش محتاجة لجهد جبار او قوة خارقة ...او لتكريس 8 ساعات يوميا للعمل المنزلي ....داومي فقط على نقاط ثابتة و فعالة ...و احصلي على المتعة القصوى في بيتك السعيد

خلينا نبداو من اللحظة اللي تحطي فيها رجليك في الارض صباحا ....لالا خلينا نرجعو لليلة السابقة ...قبل ما ترقدي مباشرة ..

1-هل انجزتي روتينك المسائي ...يكمن جمال هذا الروتين في انك دائما سابقة يومك بخطوة ...و ما يستغرقش منك الا دقائق قبل ما ترقدي ...مراجعة مفكرتك لواش رايحة ديري غدوة تخلي الاعمال حاضرة في مخك مع الصباح و تنوضي عارفة وش رايحة ديري ..

]

2- هل درتي روتينك الصباحي ....صليتي الفجر ..اكيد ماكانش اجمل من انك ترجعي لسريرك حتان يطلع النهار .....هذا خاطئ تماما ...شفتي شحال تلقاي روحك مقلقك هذاك الاحساس بالذنب ....معظمنا ما يكونش يومو مليح في هذي الحالة ....نديرو هذا الشي في انفسنا كي ما نحصلوش على الراحة الكافية و بالتالي تنوضي تسحبي و زعفانة ...سعادتنا تتبع لحصولنا على الراحة المناسبة ....روحي ترقدي في الوقت المناسب و نوضي بكري باش تعطي بداية مليحة ليومك مع روتينك الصباحي ...



3- المطبخ النظيف ..كي يكون المطبخ نقي باقي المنزل يكون نظيف ...يعني كيما تكون كوزينتك يكون بيتك ...المطبخ المتسخ يعدي باقي الغرف ...خلينا نسعاو جاهدين باش نحافظو على مطبخنا نظيف ..



*الغسيل المنتظم للماعن اهم شي في صيانة المطبخ ..

*خلي حوضك دائما نظيف و لامع ..كي يكون حوضك لامع مش راح يعطيك قلبك تحطي فيه لماعن مسخين

*استعملي شيفونة و ممسحة اواني نظيفة كل يوم ..

*عمري بسينة صابون وما سخون كي تبداي طيبي ...هكذا كل ما تستخدمي حاجة تغسليها و ما تتراكمش الاواني و تكثر عليك ...امسحسهم و حطيهم في اماكنهم ..

*ارمي الكناسة و المواد القابلة للتدوير اول ما تفرغي البدون ..

*اغلقي ابواب البلاكار ..

*حطي دائما سائل تنظيف و بخاخ تلميع و ممسحة نظيفة في متناول يدك باش تبقى الحوايج تبرق ..

*خليهم يعاونوك في تنظيف طاولة الطعام ...كل واحد يهز الطبسي تاعو و المغرف و الكاس و يغسلهم ...اي طفل يقدر يدير هذا الشي ..

قائمة الطعام ..



خذي اجندة و اكتبي كل وجبة طيبيها لمدة شهر ...في نهاية الشهر راح يكون عندك قائمة ثابتة تقدري تضمي لها حتى الوجبات اللي تاكلوهم في الخارج ...من هذي القائمة تقدري ديري لائحة وجباتك و بالتالي البقالة ...كي يكون عندك المكونات الضرورية راح تلقاي دائما وش تطبخي ..خلي دائماقائمة " بقالة رئيسية "في ثلاجتك ..."قائمة البقالة الرئيسية" هي قائمة لكل شي تشريه للمنزل ..تقدري تكتبيها حسب الانواع او بالترتيب الابجدي ...كي تخلاصلك حاجة علميها في القائمة و اشريها في اليوم المخصص للتبضع ...نظفي الثلاجة في اليوم السابق للتسوق هكذا تعرفي واش يخصك ...و ما تنسايش ترتبي المصروف اول ما تجيبيه باش ما يثقلش عليك ...و ابداي طبعا باللحم و ما يوضع في الثلاجة ..

تنظيم الغسيل ..



اعطاء الغسيل الاهمية اللي يسحقها ضروري باش ما يكثرش عليك وما يخرجش على السيطرة
1-الفرز ....ديري 3 سلال لجمع الملابس المسخة ...البيضاء و الملونة و الرقيقة ...كل واحد يحط غسيلو الوسخ في هذي السلال حسب تصنيفها باش تلقايها مفروزة ...حتى الاطفال يقدرو يديرو هذا الشي ..
2-اغسلي وجبة وحدة كي يكون عندك وقت كافي لكل شيء ..الغسيل و النشير و الطي و الحفظ ..

3-طبقي الحوايج اول ما تدخليهم ...حطي كل حاجة في المكان المحدد ...عمرك ما تخليهم في السلة ..



الحمام ....ضعي دائما بخاخ فيه محلول التنظيف الخاص بيك مع فرشاة و منشفة تظيفة في كل حمام...هكذا تلقاي روحك تنظفي بدون تفكير ..
*لمعي يوميا حوض الحمام ...نفس مبدا حوض المطبخ ..



غرف النوم ..رتبي السرير اول ما تستيقظي و بمجرد عدم وجود اي احد فيه هكذا ما تقدريش ترجعي اذا حبيتي تعاودي ترقدي ..
امسحي الغبرة كل يوم ..

غرفة الجلوس ..



رتبي وارمي الاوراق يوميا
امسحي الغبرة كل يوم
رتبي المخاد و الكانابيات
رجعي لحوايج اللي تستخدموهم ..

[ابني نور عيني]

الف شكر ام شمسو راكي في القمة وافكارك من ذهب