/// *** التفكير في الطلاق من أول يوم ** //

[ألاء-]

كثر الطلاق ربي يستر من جيلنا

[أمير جزائري حر]

المشاركة الأصلية كتبت بواسطة TOFNINE

يا اخي زواج نيته الطلاق باطل
لكن تخيل العكس المراة تفني عمرها على البيت كامل ونهار يحب يطلقها تدى غير ملابسها كيفها كيف ضيف بات ليلة وراح هل هدا منطق
نعرف شخص طلق الزوجة قسمو الدار نصف هي والاولاد نصف وهو نصف اخر وهو عامل يصرف على ولادو وهى حرة
الواحد لازم يدير النية ويعمر بيتو بالحلال وباه ما طاق وادا وقع الطلاق يقسمو ولو اني ارى انه ادا وقع الطلاق نخليله طباساه ولو شريتهم انا

أختي Tof ... هي فعلا ما تفضلت به و أتفق 100 %
إذا كانت الانطلاقة جيدة ... و النيات حسنة من الطرفين ... فلن يخيب ظن أي منهما ...
بارك الله فيك ..
سلام

المشاركة الأصلية كتبت بواسطة mounaminou

1- لا اضن انه توجد امراة تحب الطلاق من اجل الطلاق... دائما توجد اسباب ...
2- و بما انها كانت عاملة مثل اغلب النساء الجزائريات العاملات تلقاهم يعمرو ديارهم من الشهرية تاعهم... من حقها تدي الشي اللي شرات بلا غش او خداع ..

أخت منى ..
1- عبارة " لا أظن " ... لا تغني من الحق شيئا ... و عبارة " دائما توجد أسباب " ... سؤالي لك .. هل كل الأسباب منطقية .. في المحاكم تجدين العجب ..
2- تدي واش شرات ... من حقها ... و أين حق من تركها تعمل و قدم تنازلات ... و صرف عليها ... و ... و .. هل نقول كان مغفل كبير ... هي تعمل و توفر المال و تشتري " القش " بالفواتير ... و إذا ما عجبهاش الحال .. تخرج و معها الجمل بما حمل ...
هل هذه إنسانة سوية ... هل ستوفق في زواج ثانٍ ... مع العلم أن الأخبار تتسرب و الناس يتكلمون ..
إذا جاءها خاطب جديد تقول له: " هذه شروطي ... مالي و فواتيري في يدي ... و إلا ... "
سلام

[hazaamy]

هاذي فحلة مكانش لامان مع الرجال كل خاينين

[wari1987]

شكرا جزييييلا على الموضووع

[darwina.koom]

هذه نتيجة الزواج من المراة العاملة
لو كانت ماكثة بالبيت ما دير هذا الشيء
14 قرن و المسلمين عايشين مهنين : المراة في الدار و الراجل برا

جات الحضارة الاوروبية الفاسدة المنحلة الملحدة لي ما خلات فساد الا و دارتو ، من اعمال قوم لوط الى قوم نوح الى قوم عاد الى قوم فرعون ,,, و قالتنا : لا ، المراة نصف المجتمع و لازم تعمل في البلدية و البناء و سائقة حافلات و شرطيات و محاميات و قاضيات و معلمات (مؤخرا خبروني الشباب ان التلاميذ في المتوسطات و الثانويات راهم يتحرشو بالاستاذات و يديرولهم اشياء !!!! لا حول و لا قوة الا بالله ، كاش ما بقا ؟) و و و و و ,,,,,

و المليحة انك تسمع لعباد يتحججون بعمل الطبيبة لتبرير الاعمال الاخرى ، يا سيدي ارجعوا للماضي ، هل كان الرجال (يا حسرة على يامات الرجال) هم من يكشفون على النساء ؟


و هذه هي النتيجة : ديار خاربين و اطفال ضايعين
و حتى عقوبة الله سبحانه و تعالى لم تتاخر ، و هاهم ليك راهم بالملايين قاعدين بلا زواج .... لكن المجتمع فاق ؟ الاباء فاقو ؟ والو ,,,,,,, المهم الدراهم الدراهم ثم الدراهم

[أم خلول]

الأخ darwina.koom والله يعطيك الصحة
صح المشكل كان من البداية نهار قبل بالمرأة العاملة طبيعي رايحين يكونو رأيين وراح يكون هذي تاعي وهذي تاعك هذي شريتها أنا وهذي شريتها نتا هذو دراهمي وهذو دراهمك أصلا ما حستش بقيمة هذا الراجل لتحتاجها تشريها كاين ولا ما كانش كيف كيف وهنا كانت النية سيئة ودارت حسابتها باه تسترجع كل شيئ
أنا ضد المرأة المتزوجة العاملة وهذا خير دليل
الرجل اذا كانت ظروفه جيدة علاه يطمع في زوج دورو تاع المرأة ويخسر ألف من حاجة

[إكليل]

السلام عليكم و رحمة الله تعالى و بركاته

شكرا أخي أمير على الموضوع

يحصل هذا لما تصبح الحياة الزوجية علاقة شراكة لا علاقة تكامل و عندما تغيب النية أيضا .

من الطبيعي جدا أن يحصل هذا فهو محصلة لحاصل لواقع طغت عليه المادة و غابت فيه كل الأخلاق قديما كانت كلمة الرجل هي الميثاق وو التي يموت لأجل أن يوفيها أما الأن حتى الوثائق الإدارية قد تصبح غير مجدية .

و مثلما ذكر بعض الإخوة أن هذا نتاج عمل المراة و أن هذه المشكلة لم تحصل في مجتمعنا قديما لأن الرجل هو القوام و هو المطالب بالنفقة .

[acila15]

المشاركة الأصلية كتبت بواسطة الألماسة

لانه كثرت قصص الطلاق لاسباب سطحية و في مدة قياسية بعد الزواج
لهذا اصبحت النساء تتاهب منذ بداية الزواج لخوض معركة الطلاق
فاصبحن يشترطن البيت و الوظيفة و حتى تاخر الانجاب
و هذا كله لان الرجال اصبحو لا يفقهون من مسؤولية الزواج شيئا
و تخلوا عن قوامتهم فاصبحوا مجرد دمى تحركهم امهاتهم او زوجاتهم الا من رحم ربي

صحيح الا من رحم ربي

[karimo.karimo]

يستاهل علاه يتزوج بخدامة

[amelnaft]

المشاركة الأصلية كتبت بواسطة hodayena

اخي انت شفت غير صاحبك مسكين بصح ماشفتش المرءة الي يدولها حوايجها وحوايج وليدها المطرح تع وليدها باه يرقد مداتوش الخزانة تع وليدها تع بلاستيك داوها حوايج الطفل جدد داوهم سرقوهم فراش الطفل غطاءووووو مشفتهاش انا دوك بعد ما شفت الناس كيفاه تخخم ايه عندها الحق مدام هيا تشري من حقها والحاجة الي شراها هو تخليها دايمن يغيضكم الراجل هو مسكين بصح المرة غولة

بردتيلي علي قلبي صحيت يا الفحلة

[& تسنيم &]

هي حالة كغيرها من حالات المجتمع
وما رايك في زوجة ماكثة بالبيت حتى الزيت والسكر تخبيه وتمده لاهلها وتسرق لزوجها المال وتمد لوالديها.
المهم الغش موجود في الحياة ولا يقتصر على عاملة او ماكثة هو تربية وخوف من الله
والله العظيم وربي يشهد انا متزوجة وعاملة منذ تزوجت لم ار مكتب البريد زوجي يتقاضى راتبي ونحن نعمل بنفس المجال يعطيني راتبي وراتبه ويقولي خبي واش تقدري عادي نصرفوا بدون محاسبة ولا يوجد فرق بين المرتبين والحمد لله امورنا المادية تتحسن عام بعد عام وعايشين حياة كريمة ولدين سكن سيارة ، اكيد تمر ايام لا تخلو من المشاكل ونزعفوا ونتصالحوا لكن سحابة وتمر بالمودة والرحمة تمشي الحياة.

[mimooussama]

المشكلة الحقيقية هي مشكلة تقة مابقاتش بين الزوجين وهذا من خلال تجارب الاخرين
لكن لو حدت طلاق كيما ايقولوا حياتي ضاعت وانا نبقى انخمم اعلى المادة حتى لو ما خلاولي والوا نوكل ربي ونطلب انشاء الله ايعوضلي ما خير

[baalache]

المشاركة الأصلية كتبت بواسطة الألماسة

لانه كثرت قصص الطلاق لاسباب سطحية و في مدة قياسية بعد الزواج
لهذا اصبحت النساء تتاهب منذ بداية الزواج لخوض معركة الطلاق
فاصبحن يشترطن البيت و الوظيفة و حتى تاخر الانجاب
و هذا كله لان الرجال اصبحو لا يفقهون من مسؤولية الزواج شيئا
و تخلوا عن قوامتهم فاصبحوا مجرد دمى تحركهم امهاتهم او زوجاتهم الا من رحم ربي

السلام عليكم تبانلي بلي راكي غير تخلطي اختي
اولا عرفينا واش معنى القوامة
ثانيا الرجل اذا لم يعص امه معناه راهو دمية و لكن
في يد نسيبة العزيزة راهو خروف ماشي دمية ثالثا كي تولي المراة مراة و تحترم انثتها ثم تقدر تحاسب ماشي المراة المسترجلة الي حابة تولي كلمة بكلمة هي و راجلها

[kasimo]

غريبببببببببببب

[ahmed 31]

السلام عليكم،
بدون إطالة أخي الفاضل، سبب كل هذا هو إنعدام الثقة، و هي مشكلة كبيرة جدا، بحيث يصبح المرء لا يحس بالأمان، ومن هنا تكون هناك الكثير من المشاكل، لأنه بذلك يتحين الفرص ويكون في إستعداد تام ليفرغ ما في جعبته،
الفرق شاسع بين من يحس بالطمئنينة و بين من لا يحس بها. فحتى التصرفات تتبدل أكيد.
الله المستعان.
أشكرك على موضوعك الرائع.
تقبل مروري.