مشروع فتح حضانة

امينة مناد · 2012-06-22, 17:48

السلام عليكم
جاتني فكرة وحبيت نشاركم بيها وتعطوني رايكم وقترحاتكم
حبيت نفتح روضة صغيرة يعني نكري كراج صغير ونجهزوا ويكون لايق بلاطفال وانا نسكن في حي معضم لامهات عاملات وعلى هدا قررت نفتح روضة صغيرة في بدايتها ولكن بحكم معنديش اديبلوم قولولي واش اندير يعني عندي الباك والاعلام الالي فقط .............
ومنخفيش اعليكم اني حبيت اندير روضة بلا منحصل على الرخصة من عند الدولا في البداية فقط ومن بعد كي نشتهر بعون الله نكبرها ونكون اقريت بلمراسلة على هدا التخصص ندير كل الاجراءات
يعني هل هدا ممكن
ارجوكم انصحوني وارشدوني
انا في الاول والاخير نولي لاصدقاءي في منتدى الجلفة

مريم الصابرة · 2012-06-22, 17:53

السلام عليكم اختي ممكن ما نفدرش مفيدك لانو ما نعرفش في هذو الامور من حيث الفكرة مليحة بزاف علاه لالا الخدمة مليحة والفكرة رائعة بالنسبة للتصريح نظنك مخطأة هذو ولاد الناس وإنت راحا تكوني مسؤولة عليهم قدام ربي ومن بعد اهلهم وممكن كاش ما يصرا لواحد منهم تكوني في وضع سيء خاصة بلا تصريح نظن إتكلي على ربي الفكرة مليحة بزاف ربي يعاونك شكرا جزيلا

امينة مناد · 2012-06-22, 18:06

اقتباس:

المشاركة الأصلية كتبت بواسطة مريم الصابرة

السلام عليكم اختي ممكن ما نفدرش مفيدك لانو ما نعرفش في هذو الامور من حيث الفكرة مليحة بزاف علاه لالا الخدمة مليحة والفكرة رائعة بالنسبة للتصريح نظنك مخطأة هذو ولاد الناس وإنت راحا تكوني مسؤولة عليهم قدام ربي ومن بعد اهلهم وممكن كاش ما يصرا لواحد منهم تكوني في وضع سيء خاصة بلا تصريح نظن إتكلي على ربي الفكرة مليحة بزاف ربي يعاونك شكرا جزيلا

شكرا اختي ولكن المشكل ان التصريح يتطلب مني الشهادة التي تعيقني بعض الوقت اومادا برايك هل اقوم بدورة التدريبية في هدا المجال قبل فتح الحضانة الصغيرة

مريم الصابرة · 2012-06-22, 18:11

اقتباس:

المشاركة الأصلية كتبت بواسطة امينة مناد

شكرا اختي ولكن المشكل ان التصريح يتطلب مني الشهادة التي تعيقني بعض الوقت اومادا برايك هل اقوم بدورة التدريبية في هدا المجال قبل فتح الحضانة الصغيرة

السلام عليكم هي اختي باه تكون امورك قانونية ديري دروة تدريبية ووجدي للحضانة نتاعك ولازم تقولي للي حولك وراكي عارفة النسا اسرع من قناة الجزيرة وإتكلي على ربي لانو حضانة بلا ترخيص حتى الاهل لو يعرفو ما رهمش راحين يجيبو ولادهم وكلهم صغار يخافو راكي عارفة إتكلي على ربي إن شاء الله مشروعك يكبر موفقة اختي

الواثق · 2012-06-22, 18:12

شوفي شريكة عندها الشهادة انت من عندك المصاريف وهي تجيب الاذن وتفتحو مع بعض افضل بكثير ..........ولكن شوفي اللي متفاهمة معاها لخاطر مفاهمة النساء واعرة شوي بلا زعاف هه

imadm201 · 2012-06-22, 18:17

شـــــــــــــــــــــــــــــــــــــــــــكرا جزيلا

امينة مناد · 2012-06-24, 19:17

السلام عليكم
هيا اصدقاءي متخلونيش راني في اشد حماسي للفكرة وحبيت نقوللكم بلي اتصلت بمدرسة التكوين وتدريب مربيات وبشهادة تقني سامي وطلبت الدراسة عن طريق المراسلة وقلت بلي انشد الاطفال في البيت ومن بعد كي ناخد الشهادة نكون قدرت باش ناخد رخصة من عند الدولة باش نفتح روضة يارب ان شاء الله
ولكن انا للاسف نسكن ما عائلة راجلي ولكن منفصلة عنهم يعني عندي زوج بيوت ومطبخ فهل ياترى ننجح في استقطاب الامهات العاملات
وقولولي اد امكن ادن ماهي الوسائل التي استعملها لكي ازين واوفر لهم الراحة وارجوكم ساعدوني كلكم وشجعوني

Rose19 · 2012-06-25, 18:07

اختي المشكل ليس في الدورة التدربية فقط و لكن المكاننننننننننننننننننننننننننن
لن يقبل مستودع (قراج) كروضة لان يوجد شروط اجبارية اعطيك بعض منها:
- مكان خاص للتعليم و اللعب
- مكان خاص للنوم
-المطبخ + المطعم
- علبة الاطفاء
-مدخليين (واحد للاستعمال و اخر للنجدة)
-علبة اسعاف
التهويئة و الانارة
يعني كل جهة و شروطها : الصحة, المطافئ , البلدية.............. هذا لما يكون بصفة قانونية
و الله ياختي هذا مشروع صعب أفضل ان تتكفلي ب طفل 1-2 او حتي 3 كحد اقصى في البيت اضمن و اقل خطورة

silent scarf · 2012-06-25, 19:42

سبحان الله فكرت في نفس الفكرة قلت الواحد يدي اجر الدين و الدنيا
لكن انا خممت في دارنا الصح و كيما قالت الاخت قلت 3 او 4 بزااف مع تحديد السن
الافضل بيتك و النسا الخدامات راهم يدوروا غير على الثقة اللي تهنيهم و يامنوها على اولادهم اما الشروط الاخرى تختلف من مرا لاخرى خاصة كيما قلتي راهم من الحي تاعك يعني تعرفيهم و يعرفوك ... ما تكثريش على روحك الاولاد و ديريهم في غرفة عندك منها خبرة ليك و منها ما تضليش انت تاني داخلة خارجة لبرا كيما الخدامات ههههههه
ربي يسهل اختي و مشروع مليح خير من القعاد لكن اتهلاي في وليدات الناس