احتاجكم

الجميلة انا · 2021-08-12, 14:29

راح نسقسيكم ادا واحد رح يقرا في الجامعة ويعاود الباك يدي معاه قرايتو تع الباك و يقرا شكون جربها قولولي و كيفاه كنت توفقوا بين الجامعة و الباك

〆 بٰٰاولو 乄 · 2021-08-12, 23:37

ياك نتي لعام لي فات كنتي تقراي في لافاك وتعاودي باك في نفس وقت ولالا ...؟؟؟

الجميلة انا · 2021-08-12, 23:51

هو صح انا العام هدا عاودت الباك مي بلوكيت العام و درك نسقسي على كيفاه تقدر توفق بين الباك و الجامعة لانو العام هدا مرحتش واش حابة فاني مترددة اذا نعاود والا لا

مِيمْ · 2021-08-20, 18:05

نشوف بلي هو امر متعلق بالانضباط و كيفاش تنظمي وقتك و ثاني فكرتك على نفسك
يعني اذا كنتي دايرة فكرة انو مش رح تقدري توفقي بيناتهم و غارستها في عقلك هنا ما راح ديري والو
كاين ناس كانوا يقرا في الجامعة و كي بقى شهر قليلة على الباك قراوله و جابو مليح
و كاين ناس يقعدوا عام كامل في الدار و ما يديروا والو
شوفي روحك ذرك اذا رح تقدري تقلبي الظروف و ديريهم في صالحك و لا رح تقعدي برك متخوفة من فكرة زوج قرايات في نفس الوقت
اضبطي روحك نظمي وقتك و تقدري ديري كلش اذا كانت عند الارادة و واثقة في روحك
اه و بالاجابة على سؤالك حاولي شهر لولين تتاقلمي مع قرايتك تع الجامعة ركزي عليها مع لول جيبي مليح و من بعد ركزي على الباك كثر
good luck 💜