هيا نلعب بالبيتزا لالالا

[إلهام07]

الوصفة 12 بيتزا مخادعة

صباح الخير على عيون أحلى حراير

بعد نجاح الحلقة 1 و 2 من مسلسل اللعب بالعجين ، جبتلكم الحلقة 3 ، اليوم رايحين نلعبو بالبيتزا
هما 3 وصفات هايلين نتاع بيتزا : الأولى وصفة نتاع تورت بالعجين السائل و الثانية وصفة بيتزا كيما اللي تتباع أكيد كامل تحوسو عليها والوصفة الثالثة تورت اقتصادية نتاع مشومرين هههههه ، نبدأ بمشيئة الله :

* تورت بالعجينة السائلة تشبه البيتزا

هاذي الوصفة شفتها في 2 منتديات وقلت نجربها وكي العادة كي عجبتني قلت نفيدكم بيها ، راهي ساهلة وسريعة و خفيفة كأنها سفنج ننصحكم جربوها خاصة لما مايكونش عندكم وقت ، أنا طبعا عدلت في الوصفة :

* في خلاط تحطو كاس حليب + 4 بيضات + 8 ملاعق كبيرة فرينة + ملح ( ماتكثروش لأن فيها من بعد جبن و زيتون أخضر مالحين ) + 1 ملعقة كبيرة سكر + 1 كيس خميرة الحلويات + 1/4 كاس زيت ، يخلط الكل ثم :

* ندهن الصينية بالزيت ونسكب نصف الخليط ( هذا الخليط راهو يعمل 2 تورتات ) ، شوفو حجم الصينية نتاعي :

* نقطع 4 حبات جبن و نوزعها فوق الخليط ، ثم نسكب فوقها صلصة الطماطم على شكل قطرات و نزين حسب الرغبة ، أنا درت معدنوس مقطع + زيتون أخضر مقطع + دوائر من الباتي و جبن مبشور و إلى الفرن المسخن مسبقا على درجة 200° ( تعاملو معاها كأنها كيكة ) ، راهي ماطولش في الطياب ( حوالي 15د ) ، أنا ندخل فيها سكين إذا طلع ناشف يعني طابت

* حمروها من فوق و قطعوها و قدموها ، راهي هشة جدا هاذي التورتة الثانية حمرتها بزاف ( نسيتها في الفرن ) :

شوفو واش رقيقة :

وهاذي القرصة الأولى زينتها بحبة بطاطا مغلية + 4 حبات جبن :


* ملاحظة ، لما تصبو الخليط في الصينية رايح يبانلكم قليل ولكن راهو يتضاعف حجمو ما تخافوش
* ممكن تستعمو ورق الزبدة إذا حبيتو

الوصفة 13 : بيتزا 100/100 كيما اللي تتباع في المحلات

هاذي الوصفة لعيون أختي ouricia ، هاذي مدة وهي تقولي حطي الموضوع و ماكانش عندي الوقت ، راهي مهداة ليك :
المقادير نتاع قرصة واحدة :
* كاس فرينة
* ملح
* 1 ملعقة كبيرة سكر
* 1/4 ملعقة كبيرة خميرة
* شوية محسن خبز
* 1/2 كيس خميرة الحلويات
* 1 ملعقة كبيرة زيت
* 1/2 بيضة هههه الفحلة تقسمها على 2 ( اختياري )
* 1 ملعقة كبيرة حليب بودرة ( اختياري )
* ماء دافئ للعجن

*نخلط المكونات لنتحصل على عجينة طرييييية وماشي جارية ( يعني صبعك يدخل فيها بسهولة ولكن ما تلصقش من بعد لما تقرصيها)
* نشعل الفرن يسخن 30 د قبل مانبدا الطياب و نحط الصينية اللي رايحة نطيب فيها مقلبة تسخن
* نخليها تخمر
* نرش الطاولة بالفرينة و نحلها بالحلال ، هنا رايحين تستناو نقول حلوها رقيقة ، لا لا ، حلوها ماشي رقيقة بزاف وإلا جي يابسة من تحت وتتقرمش وما شي طرية

* أنا ماعنديش اللوحة اللي يستعملوها باش يرميو البيتزا في الفرن و هنا الحاجة أم الاختراع ، جبت كرتون نظيف وحليتو ونظفتو ورشيتو بالفرينة و حطيت عليه قرصة البيتزا باش جيك ساهلة كي جي ترميها في الفرن
* حاولي تحركي الكرتون باش تتأكدي أن القرصة ماهيش لاصقة في الكرتون
* هنا ساعة الصفر ههههه ، أرمي القرصة في الفرن بمحاولة أنك تخليها تزلق من الكرتون إلى الصينية ما تقرصيهاش بعد ما ترميها
* خليها طيب و تنتفخ ودير فقاعات كيما البيتزا اللي تتباع ولما طلي عليها من تحت وتلقايها قريب طيب

* خرجي الصينية شوية برك من الفرن يعني نص داخل ونص خارج وحطي بسرعة صلصة الطماطم ، زيتون مقطع ، شرائح باتي ، معدنوس مقطع ، زيتون أسود ، جبن ( حسب الرغبة ) وبسرعة عاودي دخليها للفرن تكمل طياب 5 دقائق وخرجيها نحيها من الصينية و قطعيها و قدميها ساخنة
هاذي صورة البيتزا في الفرن وأنا نزين فيها ( استعملت صلصة الموزاريلا المخادعة ماعنديش جبن مبشور :
https://www.djelfa.info/vb/showthread...C7%D1%ED%E1%C7
شوفو كيفاش طرية و مطاطية و السمك نتاعها مليح :



التزيين راهو ناقص و لكن شوفو للعجين ناجحة 100/100
* ملاحظة : طيبوها في الرف الوسط نتاع الفرن وعلى أعلى درجة حرارة ممكنة .[/COLOR][/SIZE][/FONT]
* نحب نقول انو هاذي النتيجة وصلت ليها بمساعدة الأخوات اللي هنا في المنتدى ، نشكرهم بزاف

الوصفة 14 ، تورت اقتصادية

بقاتلي عجين نتاع بيتزا حق قرصة و المكونات الأخرى حق 2 قرصات ، قلت باش مانفسدش ، نديرلكم هاذي التورتة :

نحيت شوية من العجين احتفظت به و الباقي قرصتو في الصينية بعد ما دهنتها و حطيت صلصة طماطم و فوقها باقي المكونات ( وزدت معاهم حبة بطاطا و حبة باذنجان مقطعة مكعبات و مقلية ) و قسمت العجين اللي احتفظت به إلى 8 كريات صغيرة و برمتهم بين يدي باش نشكل حبل و العجين يرجع مطاطي مايتقطعش

و حطيتهم بهذا الشكل :

خفقت بيضة مع م ص حليب سائل و م ص عسل ورشة ملح و دهنت بيها حبال العجين و الباقي صبيتو فيو التورتة وزينت الحبال بالسينوج والجلجلانية وإلى الفرن


راهي بنينة وخفيفة و طريييية
تحياتي للجميع

[linat]

روعة تاكلوهم بالهناء
dazili sahmi rani nastana ya ilhammmmmmmmmmmmmmmmme

[oum anas 69]

أوااااااااه نتي وحدك في المنتدى راهم يهبلو شهتيني يعطيك الصحة يا لعزيزة
ربي يهدي هدوك الناس باش نفرحو بيك قريبا هههههه ياخي علابالك شكون هههه
هكدا تروحي لدارك و تهبلي راجلك كيما راكي مهبلتنا آآآآآآآآمييييين و الله راني ندعيلك من قلبي

[أم شيماءْ]

فحلة فحلة فحلة تسلمي يا الغالية واله هذا ما نحب ناكل غيرالبيتزا
جوعتيني في هذا البرد والثلج واكيد جميع البيتزات الي درتيهم ليا وحدي

[oum ibrahim]

ااااه يا مخادعة حتى البيتزا تلعبي بيها لعب ههههههههههه والله برافوووووووو روووووعة هايلة

[sim1]

للاسف الصور لم تظهر شكراااااااااااااااااااااا

[ام عبيدة]

الله الله حنا حاصلين في العجينة باش تصلحلنا و انت تلعبي بها لعب

صحيتي راهم هايلين يعطيك الصحة

[ام ساجد]

الله يبارك عليك اختي الهام راكي فحلة ونص
يزين سعدك ان شاء الله ان شاء الله العام الجاي تكوني في دارك امين

[إلهام07]

المشاركة الأصلية كتبت بواسطة linat

روعة تاكلوهم بالهناء
dazili sahmi rani nastana ya ilhammmmmmmmmmmmmmmmme

الله يسلمك LINAT انت مولات الدار ، كولي بلا استإذان

المشاركة الأصلية كتبت بواسطة oum anas 69

أوااااااااه نتي وحدك في المنتدى راهم يهبلو شهتيني يعطيك الصحة يا لعزيزة
ربي يهدي هدوك الناس باش نفرحو بيك قريبا هههههه ياخي علابالك شكون هههه
هكدا تروحي لدارك و تهبلي راجلك كيما راكي مهبلتنا آآآآآآآآمييييين و الله راني ندعيلك من قلبي

ههههه ، راني فاهمة آآآآميييين ، شكرا حبيبتي كثريلي الدعوات بالاك هاذو ليام يحن علي ربي

المشاركة الأصلية كتبت بواسطة ouricia

فحلة فحلة فحلة تسلمي يا الغالية واله هذا ما نحب ناكل غيرالبيتزا
جوعتيني في هذا البرد والثلج واكيد جميع البيتزات الي درتيهم ليا وحدي

هههههه ، راهم ليك كولي و سماني ههههههه

المشاركة الأصلية كتبت بواسطة oum ibrahim

ااااه يا مخادعة حتى البيتزا تلعبي بيها لعب ههههههههههه والله برافوووووووو روووووعة هايلة

ههههههه ، الله يسلمك أم إبراهيم ، كرا حبيبتي على المرور العطر

المشاركة الأصلية كتبت بواسطة sim1

للاسف الصور لم تظهر شكراااااااااااااااااااااا

حاولي فيما بعد أو أعيدي تحميل الصفحة

المشاركة الأصلية كتبت بواسطة ام عبيدة

الله الله حنا حاصلين في العجينة باش تصلحلنا و انت تلعبي بها لعب

صحيتي راهم هايلين يعطيك الصحة

ههههه ، أم عبيدة بركاي تواضع ، راكم ماشاء الله كامل فحلات

[الأمنيات]

[soriaalg]

ما شاء الله عليك روووووووووووووووووووعة

[أم ياسين الزهراء]

كنت نستنى في هذا الاختلراع الله يعطيك الصحة جربت الجبن انتاعك وجاني مليح تعيشي

[zahra30]

ما شاء الله ..... كل شيئ هايل ..يعطييك الصحة ... بصح ما فهمتش حاجة علاه تضلي تقلبي في الصينية كي تجي تطيبي في الفرن ههههه؟؟؟؟؟؟ اعلاه ما ينفعش تطيبي فيها عادي ؟؟؟....

[minoucha2008]

شكرا واله هدا ما نحب غير البيتزا

[layansandi]

يعطيك صحــــــــــــــــــــة