دورة " ربات بيوت واثقااااااات"

[رندة.]

عودة ميمونة للفراشات الي كانو غائبات
ام متين، غزالة، كلثوم، ام تينة لعقوبة الي مازال غائبين
ام متين الحمد لله على سلامة ميكروك. ان شاء الله مايزيدش يعاودها
غزالة راهو المنتدى ساعات يديرها بينا كامل ومايقبلناش غير بالسيف.
كلثوم على سلامة ولدك، تقلب الجو ما خلى حتى واحد ربي يشفي كل مريض ان شاء الله.
ام تينة بارك الله فيك على النصائح، ربي يقدرنا ويعيننا على مسؤولياتنا المتعددة والمتنوعة.

[لينة71]

بارك. الله فيكم
والله الله نصاءحكم توزن بالذهب
ربي يحفظكم ويستركم من العين

[لينة71]

يومياتي كالعادة نرتب ونطيب فقطط ماضتش بكري باينة نتقلب لسبب صحي تاع العادة حاشاكم
المهم لعبت شوية مع بناتي ورتبت الدار وراني نعمل واحد البروقرام باش نتعلم لغة الفرنسية لانو بنتي راعي تقرا سنة أولى وقاتلي المعلمة تاعها راعي ناقصة وهادي الشي ساكنة في فرنسا لسببعدم مخالطة نسيت اللغة تعلمتها قبل ونسبتهاقلت نحاول أن شاء الله تجيبلي نتيجة

[حياتي كلها امل]

السلام عليكم شكرا ليك رندا والله اهدافنا كلها واحدة وهي الرقي لربات بيوت متالقات وحبيت انقول انو اي شيء تحبي تعمليلو تخطيط في حياتك استعيني والورقة والقلم وهذي عن تجربة مهما كان بسيط لانو راح يخليك منظما وماتنسايش ولا شيء
انا مشكلتي انو دائما انحس نفسي مقصرا في اي مجال البيت الاطفال الجانب الديني الجمالي حتى وانو كاين اشخاص يشكروني ويمدحو عملي في بعض هذه الميادين لكن ماعرفتش الحل كيفاش

[شهد نوراليقين]

المشاركة الأصلية كتبت بواسطة randa2017

مرحبا فراشات.......

دائما نسمعو عبارات تحديد الأهداف حسب الاولويات، احنا ك نساء سواء كنا ربات بيوت او عاملات، أهدافنا وأولوياتنا تتمحور حول النقاط التالية:
نفسي، ديني. زوجي، اولادي، عملي، بيتي، هواياتي، صحتي، متعتي...

جيبي ورقة وقلم وديري عنوان عريض لكل عنصر من العناصر السابقة، وحاولي تحددي اهدافك في كل مجال من تلك المجالات.

رايحة نعطيكم أمثلة وكل وحدة تحاول تكيّفها حسب حالتها وظروفها.

نفسي: تعزيز ثقتي بنفسي. تعزيز ثقتي بجمالي وأنوثتي. الاهتمام بنفسي وجمالي.....

ديني: المحافظة على صلاتي في وقتها. قراءة حزب من القرآن. صلاة الضحى......

زوجي: تحسين علاقتي بيه اكثر من خلال اني نعمل وش يحب ونتجنب وش يكره. تخصيص يوم سبت واحد من كل شهر للخروج معا وحدنا( بدون اولاد).....

أولادي: تدريب محمد على تحسين الخط. تعليم رندة جدول الضرب. تخصيص فترة المساء للاستماع إليهم و للاستمتاع معهم.......

عملي: تحسين مستواي للحصول على ترقية في الدرجة. الانضباط اكثر في العمل واليقين بمراقبة الله لي....

بيتي: بيتي نظيف ومرتب على الدوام. شراء سجادة جديدة. إعادة صباغة المطبخ.....

هواياتي: قراءة كتابي المفضل قبل النوم. صناعة ناب بالكروشيه. تعلم الانجليزية.....

صحتي: تخفيض 20 كلغ من وزني ( لازم تحددي الرقم ماتخليهش مفتوح). تناول الفاكهة. شرب لتر ونص من الماء يوميا.....

متعتي: تخصيص يوم السبت لزيارة صديقاتي أو استقبالهم عندي. مشاهدة برامج ترفيهية....

شوفو البنات انا راني نكتب من البورتابل علابيها ماعرفتش ندير العناوين بالشكل العريض أو بلون مختلف، يخي تعرفوني نحب ننسق موضوعي، المهم عندي انو الفكرة توصلكم وتفهموها. وانتوما في كراريسكم نسقو ولونو كيما تحبو.

بارك الله فيك حبيبتي غالبا نخمم بنفس الطريقة و عندي نفس الأفكار لكن مع الوقت نفشل في التطبيق مع انو نطبق في البداية لكن مع أي طارىء نتراجع و مع ذلك مازلت متمسكة باهدافي حتى نتوفق في تحقيقها باذن الله بارك الله فيك حبيبتي

[ام شمسو محمد]

السلام عليكم ورحمة الله ....كيف الحال فرااااشااااات ...

النهار عاد قصير ....مش كافي لكل الاشغال ...هذا وين قدرت ندخل ...و الحمد لله لقيت الاحباب كامل دخلو .....

الحمد لله على عودة ام متين و غزالة ....و كذلك جهينة و ام هاجر ...الحمد لله كي راكم بخير ...

رندا حتى انا قلت وين راه التنسيق الجميل تاع النص ...بانتلي غريبة عليك ...بصح الفكرة هايلة كالعادة ..

[ام شمسو محمد]

المشاركة الأصلية كتبت بواسطة ام تينة

لكل مجاله يا غاليات

انا متلا لا احسن دندنة ام شمسو ولا الاخوات الغاليات في التدقيق على الفاظ الروتينات الصباحية والمسائية واسلوب الفراشة

الذي نطبقه دون مسميات
لكن كخلاصة للاعمال المنزلية

... بداية نصيحتي لك أختاه أن تحتسبي الأجر من عند الله و أن تخلصي النية لوجهه الكريم في كل ما تقومين به في بيتك حتى تهون عليك الأعباء .....ثم...

أولاً غ‍ الإستعانة بالله عزوجل في كل أمورك ...وكثرة الدعاء أن يبارك لك في وقتك ويومك .

حبيبتي ام لينة انا اشعر بالغرور ...كي تقولي لا احسن دندنتك ...و الحق اني ولا غيري لم نستطع ابدا ان نسد الباب الذي تسدين في مجال الدعوة الى الله ...و تعليم ربات البيوت دينهن ....و الاكيد ان ماقلته عن اساس العمل المنزلي ...النية و الاستعانة ....هو الاصل الذي تقوم عليه كل الاعمال الناجحة
...

[كلثوم146]

مساء الحب لكل فرشات مر علي مر نطل ونشوف رتنات الفرشات لان ولدي مريض وميحبش يقعد وحدو امسي ممتع

[ghazalt assahra]

عجبني برنامج الجديد نتاع الاخت رندة
تقريبا راني دايرة واحد كيما هاك بصح انا مقسمتو على شكل اهداف : قريبة و بعيدة. ربي يعينا على الطاعات ان شاء الله
جمعة مباركة و معطرة بقراءة القرآن و الصلاة على النبي محمد صلى الله عليه وسلم.

[قرويجة]

أصبحنا وأصبح الملك لله والحمد لله ولا إله إلا الله وحده لا شريك له له الملك وله الحمد وهو على كل شيء قدير
حسبي الله ولاإله إلاالله وحده لاشريك له
صباح الخير على الجميع نتمنى تكونو بخير جمعة مباركة عليكم

[ام متين]

اصبحنا واصبح الملك لله والحمد لله
سبحان الذي احيانا بعدما اماتنا واليه النشور

[ام متين]

اللهم جمعة سبقت قد ادبرت ونسي عبدك ما عمل فيها فأحصيته عليه
اللهم ما احصيته علينامن عيوب فأسدل عليه جلابيب سترك
وما احصيته علينا من ذنوب فاغسله بفيض مغفرتك
وهذه جمعة قد اقبلت فأعنا جميعا يا ربي يا رحيم

<*<*<*>*>*>

اللهم يا من أنزلت من سماءك مطرا
وأخرجت من أرضك شجرا
افتح باب رزقك وتوفيقك لنا جميعا
واجعل من نور وجهك الـــكريم
مصباحا يضيء الدرب لنا
وبارك الله جمعتنا وسائر أيامنا

<*<*<*>*>*>

على قدر حبك لله يحبك الخلق..
وبقدر خوفك من الله يهابك الخلق..
وعلى قدر شغلك بالله يشتغل في أمرك الخلق".
فليبارك لنا الله وليسعدنا في كل وقت وحين..
اللهم آمين..

[حياتي كلها امل]

اصبحنا واصبح الملك لله جمعة مباركة للجميع

[رندة.]

صباح الخير فراشات

بالنسبة للأولويات الي تكلمنا عليها سابقا لازمنا نجدولوها عندنا باش ماننساوهاش هذي النقطة الأولى

والنقطة الثانية: لازم نبداو بالمستعجل جدا ثم المستعجل ثم غير المستعجل وهكذا .... لأنو مش راح نقدرو نطبقو كلش الآن كيما قالت غزالة الصحراء اهداف قريبة وأخرى بعيدة.

النقطة الثالثة: كامل يجينا العجز والملل بعد التطبيق، وبالتالي نخصصوا يوم من الاسبوع لتقييم تقدمنا وانجاز اهدافنا، حسب اسلوب الفراشة يوم المكتب الي يتم فيه التخطيط والتقييم، هو يوم الاربعاء بحيث أنو تختاري وقت يناسبك قد يكون صباح أو مساء يكون ثابت وتشوفي نسبة التقدم والانجاز الي حققتيه. تكافئي نفسك على الإنجاز. وتعاودي تبداي في الأهداف الاخرى المسطرة ولم تنجزيها، ربي ورحمتو انجزي قد ما تقدري، وحدة ما تضغط على نفسها.

تدريجيا راح تلاحظو فرق كبير بين لما كانت أهدافنا مجرد أماني وبين لما سجلناها وبدينا في إنجازها يوم بعد يوم.

[رندة.]

ام هاجر مادام الناس شايفة انجازك معناها راكي تتقدمي، واصلي بنفس الطريقة الي راكي تمشي فيها.
بصح كي راكي تشوفي أو تحسي روحك انو عندك نقص في أحد الجوانب الي هي البيت أو الزوج أو الأولاد أو الدين أو الجمال....... معناها انو انتي قادرة تعملي اكثر من الي راكي تعملي فيه الآن علابيها راكي مش راضية على انجازك يعني راكي تعملي اقل مما لديك من طاقة، بمعنى انو راكي حاسة بلي تقدري تنجزي اكثر من انجازك الحالي.
ولهذا تقدري تزيدي اهدافك الى الحد الي تقدري تحققيهم فيه.
ربي يوفقك ان شاء الله