دورة " ربات بيوت واثقااااااات"

[ام شمسو محمد]

المشاركة الأصلية كتبت بواسطة لينة71

السلام عليكم
عجزت ماذا اقول لكم بارك الله فيكم على كل شي ربي يحفظكم ويستركم يارب
والله يا موني راني في ورطة كبيرة وخاصة بعد الولادة حالة لا يرثى لها لم اعد استطيع اعمل اي شي ثاني بعض الخمول والكسل الوقت لي كنت فيه نعتن بيه نفسي هي وقت القيلولة عاد يدخل زوجي يرتاع وينام لانو يبات يخدم راحتلي كل شيوفي الليل يجي يرقد بكري يستمر لقيت الوقت هو وقت الفجر نهار نفطن ولا وتخربطت عليا كل شي
وزوجي كي يعود ينام لازم حتى حس لا دوش للغسيل لماعن بالسيف
كرهت روحي عادت حاجة ما تصلحي عدت متشاءمة وكارهة كل شي حابة نرجع نشيطة نهتم بنفسي واولادي وداريراني غير وحدي تعبت بزاف نفسيا. وخاصة من زوجي طي منهما حاجة بالطبع يبدأ يسب ويحطم فيا وهادي الشي زاد خلاني نرجع لور
ولي زاد اثر فيا هو موت زوج أخت زوجي ماعرفت نفرح ولا نحزن تخلطت عليا وتخاف من دار شيخي. مثلا كي جاتني مناسبة تاع الفاتحة وما فيها والو وهما مزالهم ماثرين وهو مات يوم عيد الاضحىوحلى اولاد صغار ومنبعد كان عندي عرس دار عمي ماراحتشلانو عرس كبير رحت غير الفاتحة برك مكان حتى واحد درك راني خايفة يحسبوهالي ويعودون يستشفاو فيا
والله ربي يهدينا كيفاش راني نخمم عدت موسوسة ياسر مش صائبة روحي خلاص
قهوتي كيفاش نخرج من هاد الورطة كرهت عمري وحياتي
اسمحولي كثرت عليكم ياسر
وزوجي ماهوش متفهمنيديما يسب فيا ويعاير فيا فشلت خلاص وانا لا خرجة لا تنفاسة لاوالو ضاقت روحي ديما وحدي حابة نبكي ماخرجتش عيييت بزاف

اهلا و سهلا باختنا المغتربة لينا ...الاكيد ماكيش غريبة علينا ..و مع انو حبيبتنا ام محمد وفات و كفات و عطاتك اسس الحل اللي شايفاتو انا ثاني و لكني رايت انو من الادب اني نعقب على رسالتك ...اللي واضح فيها نبرة الاحباط و الاكتئاب ...نذكرك بلي هذي المشاعر عادية و تصاحب الولادة لذلك لازم تكوني واعية لهذا الشي و ماتستسلميش لهذي الحالة لانها يقينا راح تاثر على الكائنات الرقيقة اللي راكي عايشة على جالهم ...فانتي الاساس في العش ...المشاعر السيئة يا لينا قناعتي بلي الوسيلة الوحيدة باش نتغلبو عليها هي بذكر الله عزوجل ....لانها من الشيطان و الحالة الوحيدة اللي يتركنا فيها الشيطان هي عند ذكر اسم الله عزوجل فهو لا قبل له به ...الزمي ذكر الله و رطبي لسانك بالاسماء الحسنى و الصفات العليا و الكلم الطيب ..استغفار و تهليل و تكبير و باقيات ...و قوليلي اذا بقات الاحزان ...انتبهي هذي معركة اخرى تخوضيها مع الشيطان اللي ماراحش يخليك تتهناي بالانس بالذكر و راح يمنعك لذلك كوني واعية و اياك و الغفلة و النسيان و الاستسلام ...هذا مخرجك الاول ...

في الدرجة الثانية و كحل لمشاكلك ...اللي نطمنك بلي رانا جميعا جميعا نعانيو منها مهما اختلفت الحالات لانو هذا وصف للحياة الدنيا ...انا خلقنا الانسان في كبد ....قلت بلي مشاكلك الاسرية و الاجتماعية عالجيها فقط ببعض الحكمة و التنظيم ...و ماتنغمسيش فيها ...هي مجرد منغصات عندها بالتاكيد حلول تلقايها فقط ببعض التفكير ...نذكرك بمبدا النطاقات و هذي فكرة قريتها مرة في مقال ...ملخصها انو الانسان صورة لنطاقات تفكيرو ...يعني على واش يركز راح تكون حياتو ..ذرك انتي يا اما تكوني ايجابية و تركزي مثلا على حياتك و دينك و ولادك و تربيتهم و الحوايج اللي تحسن حياتك ...او تكوني سلبية و تركزي على المشاكل و الناس اللي مايضروكش و فلان قال ...و المشكل الفلاني ..و هنا حياتك راح تدور في دوامة من القلق و الجزع و قلة التركيز على الضروريات اللي في حياتك ...

اما مشاكل المنزل و الزوج و الزينة تبعينا في الدورة ...اكيد تلقاي حلول مع الاخوات ...فيهم خير

[ابني نور عيني]

اهلا فراشات ...ماتنسوش صلاة الضحى
اختي ام شمسو نورتي بدخولك ..اختي فراشات شكرا ليك على النصائح القيمة تاع ناس بكري ماشاء الله عليهم هوما اللي عندهن الحكمة و بعد النظر...عندي جدتي من ماما عندها 90 سنة ربي يحفظهالي دايما تنصحني و صدقوني كنت صغيرة كي تقولي حاجة نسجلها و نعمل بيها ...وللان تنصحني في تربيتي لوليدي و معاملتي لزوجي ربي يطول في عمرها...وجدتي من بابا توفات عندها 5 سنين توفات في 91 سنة تاني كانت مجاهدة و جدي شهيد و كانت مليئة بالحكمة والاخلاق ربي يرحمها

[فراشات العمر]

نقلكم حاجة باه تعرفو الايجابي من السلبي
دخلت عائلةمتشائمة للمطعم اكيد ماجاو يدخلو راهم شبعةسبان وإياط وماتو من الجوع والا واحد مايدخل بداو اول عيطة علاه تقعدي مقابلة الناس ويالي فيك ويالي صرالك وجهك ماهوش تاع ريستورات وجوه النحس في لحظة تبديل الاماكن طفلتهم تكسر الكاس بدون قصد ياعيني تتفرغ اما الغش لي لماتو اكل فيها وضرب والاب لقاه سبةنوضو تاكلو الرهج بهدلتوني كل من كان في المطعم نظرو للطفلة على اساس انها متهورة ومشي متربية خرجو تدخل عائلة فرحة ومن شدة الفرح ابنهم يجري ليختار الطاولة امام النافذة واذا به يجبد غلاف احدى الطاولات ويكسر كل ما عليها واذا بام الولد ابني ابني واش بيك وشراه يوجع وابيه يقلب فيه ويتفقدو واذا بصاحب المطعم والناس يلتفون حصل خير حصل خير جاؤو يسالون عن الطفل
الحياة ومضات اذا ركزنا فيها وهولناها تضخمت واذا اهملناها وهوناها اضمحلت ههههه هاني وايت حكيمة مديت حكمة

[جهينة اليقين]

الله الله عليك يا ام لينا راكي عجوزة وانا ما على باليش يسلم تمك
اختي ام لينة الاخوات كفاو ووفاو برك بقاي معانا رانا نستمدو الطاقة من بعضنا ونقول لك بلي ممكن يكون هذا اكتئاب ما بعد الولادة يصرى بزاف حاولي تساعدي روخك وكثري الاستغفار الا بذكر الله تطمئن القلوب

[فراشات العمر]

يقال اذا كنت تريد شئ فتظاهر بانك تفعله وبعد مدة ستصبح عليه
انا جربتها في زوج وخرجت النتيجة تظاهرت بالبكاء ههههههه نولاو عينيا حومر من لبكا بلا سبة هههه ولادي امي واشبيك مقدرتش نضحك
والثانية كي نسمع كلام يقلقني اتظاهر بعد سماعي او اقنع نفسي بان المشكلة في صاحب الكلام هديك نظرته ورايه هو وهدي معتامدتها بزاف في حياتي

[بناتي نور العين]

سلام لبنات
بغبت نسقسيكم
انا اخر دورة لي كانت 30-9-2017
وهاد ااشهر ما كليتش لابيليل
حبيت نشوف التبويض تاعي الزمن
ايا من نهار 12من بداية الدورة درت تست الاباضة ختى اليوم و الاختبار سلبي
و لا توجد اي افرازات
ما معنى هذا لبنات ؟؟؟؟

[ام شمسو محمد]

يعطيك الصحة ام لينة على الصور الايجابية اللي حطيتيها ...منطقية تماما ...و اساس للشخصية المتوازنة ...

ام محمد ربي يطولك في عمر جداتك ...و يرحم المتوفية منهم ...و صدقتي كيما رضعنا الحليب من امهاتنا رضعنا من عندهم الحكمة ...و لقينا كلامهم منهاج يصوب لنا حياتنا في حياتهم و بعد مماتهم ..

حبيبتي جهينة نهارك سعيد ....

[فراشات العمر]

شوفي باه تعرفي يوم الاباضة وقتاه قسمي الوقت بين الدورتين مثلا اذا كنت دورتك كل ثلاث وعشرين يوم فالابضة يوم العشر من بداية الدورة
كاين لي يقول سمانة بعد الطهر التست يندار بعد اسبوع الى عش ايام من تاخر الدورة
الحالة نتاعك نظن قلقة اول حاجة ماكليتيش وثانيها انك ماحضتيش ولي كتبولك ربي مرحبا بيه

[بناتي نور العين]

صحا اخي فراشات لعمر

هل التبويض مكانش ولا ممكن يكون متأخر و ننتظر حدوثه ؟؟

[ام شمسو محمد]

اختي ام لينة ..انا فهمت بلي الاخت تتكلم على اختبار تبويض مش اختبار حمل ...و اللي للاسف ماعنديش معلومات عليه ...

[جهينة اليقين]

اونهارك اسعد ام شمسو بارك الله في وقتك

[بناتي نور العين]

..................

[ام شمسو محمد]

المشاركة الأصلية كتبت بواسطة ام تينة

*أخي ...اختي ...إستعيذوا بالله من الشيطان الرجيم
فهو أخطر وأشرس الأعداء على بني آدم
قال الله تعالى :إِنَّهُ لَكُمْ عَدُوٌّ مُبِينٌ
فلقد منعه الكبر قديما ان يسجد لأدم وقد أمره الله بذلك
قال الله تعالى : وَإِذْ قُلْنَا لِلْمَلَائِكَةِ اُسْجُدُوا لِآدَم فَسَجَدُوا إلَّا إبْلِيس أَبَى وَاسْتَكْبَرَ وَكَانَ مِنْ الْكَافِرِينَ
فهو كبر وتعاظم عنده أن يسجد لمن خلق الله
قال الله تعالى : قَالَ أَأَسْجُدُ لِمَنْ خَلَقْتَ طِينًا

فهو لايكل ولايمل من إفتراس أبناء أدم وإخراجهم من النور إلى الظلمات ليجعلهم حطبا لجهنم
قال الله تعالى : قَالَ فَبِمَا أَغْوَيْتَنِي لَأَقْعُدَنَّ لَهُمْ صِرَاطَكَ الْمُسْتَقِيمَ (16) ثُمَّ لَآَتِيَنَّهُمْ مِنْ بَيْنِ أَيْدِيهِمْ وَمِنْ خَلْفِهِمْ وَعَنْ أَيْمَانِهِمْ وَعَنْ شَمَائِلِهِمْ وَلَا تَجِدُ أَكْثَرَهُمْ شَاكِرِينَ
فهو من يزن فرق رأسك صباح مساء ويصغر المعصية في عينك وهي أعظم المعاصي حتى يسقطك فيها ثم يتركك وحدك تتخبط في مرارتها
فلقد وعده الله وعدا لت يتراجع عنه أبدا هو ومن تبعه من إنسان أو جان
قال الله تعالى : لأَمْلأَنَّ جَهَنَّمَ مِنْكَ وَمِمَّنْ تَبِعَكَ مِنْهُمْ أَجْمَعِينَ
فلا تكن منهم رحمك الله ا

نعوذ بالله من حال اهل النار ... و نسال الله ان يجعلنا من المتقين الابرار ...و ان يهدينا الى التوبة و الاستغفار ماتعاقب الليل و النهار

[بناتي نور العين]

الحمدلله







...............

[ام شمسو محمد]

المشاركة الأصلية كتبت بواسطة شهد نوراليقين

ام محمد يعطيك الصحة على المسمن يا الفحلة نموت عليه و الله يحفظلك وليدك و يفرحك بيه و يعينك و يقدرك على الشغل و شكرا على مقتطفاتك الرائعة و المتنوعة
حبيبتي جهينة نعرفك من الدورات السابقة حرة الأحرار الله يبارك عليك و ربي يعطيك صحتك و يفرحك بوليداتك هههه عجبتني فكرة 5 نظريات ههه أنا ممكن كانو عندي 3 نظريات كي جبت 3 أولاد و لا نظرية لقيت هههه
تحية ليك ام شمسو و يعطيك الصحة راكي ناشطة و الله يتقبل منك
سلام لكل الفراشات بدون استثناء
راني فرحانة بانجازي هههه تهنيت من التخمام يبقالي بعض الترتيبات لما تكون على نظافة تجيني ساهلة إن شاء الله و المهم الوحدة تحافظ على الشيىء اللي وصلتلو باش تكون أعمالها فيما بعد مجرد صيانة و روتينات يومية بسيطة و تتفرغ لامور اخرى و خاصة لاولاد و ماتظطرش تعاود من جديد اللهم اذا كانت طوارئ ربي يحفظنا انا الطوارىء تربكني و تخوفني
و الآن إلى النوم نغفى شوية قبل ماتنوض بنتي باش ننشط في المساء اذا كان في العمر بقية في أمان الله.....بارك الله فيك ام تينة في ميزان حسناتك يا رب

يعطيك الصحة ام شهد و يهنيك الانجاز ..اخترتي المثالية و قمتي بالعمل الكامل .....بصح راكي مقلقة ...تحبي تحافظي على شبابك و تظهري جمالك ...و حابة تؤدي الامانة مع ولادك الصغير فيهم و الكبير و تخرجيهم علم على الزمان ...و حابة تعبدي ربي و تتنعمي في طاعتو ...و حابة ترضي زوجك و تكوني صديقتو ...و حابة تلقاي راحتك و تعيشي زمنك ..و حابة تكون دارك نظيفة و يومياتك منظمة ...ببساطة حابة كيما كل وحدة فينا تكوني مسيطرة على حياتك و تحققي اهدافك و تنجحي في اختياراتك ....

حبيبتي ام شهد ....حققتي انجاز رائع لبارح بالتنظيفات العميقة اللي درتيها ...و بالتاكيد كان احساسك بالنصر لا يقهر ...و ملاحظتة كانت في محلها لازم نحافظو على النتيجة اللي حققناها و تقوموا بالصيانة باستمرار ...و لكني اؤكد ان الروتينات لا تكفي للقيام بالصيانة ...سرعان ما ستتراكم النقاط الساخنة و تشعل النار ...و سنجري لاحقا في حالة من الهلع لاطفائها ..و نعود مجددا للتقصير في هدف اخر من اهدافنا في الحياة ...

اعرف انك ترغبين في العمل الكامل و النتائج المثالية ...و لكن هل يتحقق هذا ..ام انك فقط تزيدين الضغط على نفسك ...و في المرة القادمة عندما ترغبين في القيام بعمل و تعرفين حتما انه لا يكفيك فيه 20 د تؤجلينه حتى الحصول على فرصة لتقومي بالمهمة كاملة ...و غالبا لن تجدي الوقت الكافي ..و لكن العمل سيبقى ينتظرك ...و بالتالي فان الحرص على المثالية سيعيقك...بينما لو اكتفيت ببعض الدقائق من العمل كل يوم فلن تجدي صعوبة في القيام به...و النتائج ابطا و لكن احسن

اؤكد هنا انو لو نخصصو ثماني ساعات يوميا للعمل المنزلي غير المخطط و الضاغط و الخاضع للظروف و الطوارئ .و .....فلن نن ننجح في الحصول على البيت المرتب الذي نتمناه ...و فوق كل ذلك ...لن نجد الوقت للعناية بانفسنا و لا للحصول على الراحة ...فضلا عن العناية بمشروعنا الحقيقي في الحياة ..ابنائنا و تربيتهم و مستقبلهم ...و اتساءل في النتيجة الحتمية للعمل الشاق اذا كنا سنجد وقتا لقراءة كتاب الله ...او لابهار الزوج بامكانياتنا الانثوية ....

ليس لدينا وقت ابدا لنضيعه بالساعات على العمل المنزلي ...اليوم ليس فيه الا 24 ساعة ...و الاهداف كثيرة و متعددة ...ولو غالبنا انفسنا في اداء الواجبات فستغلبنا ...اذ ان المنبت لا ارضا قطع ولا ظهرا ابقى ....انما بالاحتيال على الزمن و التخطيط المنظم و اقولها و اعيدها و لست خجولة بها ...لا تبحثي عن المثالية ...و لا تضيعي وقتك في البحث عن النتائج الكاملة ....

نعم يمكن ان تقضي اشهرا طويلة قبل الوصول الى النتيجة التي تتمنينها و لكن هذا افضل من عدم الحصول عليها ابدا ...