عاونوني سيارتي تعطلت

[sam2016]

السلام عليكم خاوتي
و انا خرجت ندور بعد الفطور بالطوموبيل حتى حبست و كيما درتلها ما حبتش تنوض مع اني الشهر اللي فات درت فيدونج و عاوت لاشان و الفرانات المهم داهالي الديبانور للميكانيسيان قالي الموتور كولا راك فورصيت عليها و هي سخونة و انا مشيت بيها عادي و في الليل مش في النهار و هي قبل ما طيح اونبان كانت تسينياليلي les injecteurs و الطوموبيل كليو فراشة ديزال تيربو 2009
ماني.فاهم والو اسكو صح واش قال الميكانيسيان و راني خايف خليتهالو قالي حتى للسبت باش تكون واحدة يعني علاش كولا الموتور فهموني و اسكو يتخدم غالي
ربي يحففظكم

[صمت الرجوله]

انت خويا ياك كنت تفيريفي الماء....واش من liquide راك ديرلها?....;و التيرموستا عندك ياك لاباس عليها?...est c que الرياحة عندك تمشي والا لا?

[sam2016]

شكرا اخي و صح فطورك
صح الما كان ناقص و الرياحة قصدك الكليماتيزور؟ ادا راك تهدر عليه ماهوش يمشي و مازال ماخدمتوش و الليكيد هاداك لزرق

[قنون المربي والأستاذ]

المشاركة الأصلية كتبت بواسطة sam2016

السلام عليكم خاوتي
و انا خرجت ندور بعد الفطور بالطوموبيل حتى حبست و كيما درتلها ما حبتش تنوض مع اني الشهر اللي فات درت فيدونج و عاوت لاشان و الفرانات المهم داهالي الديبانور للميكانيسيان قالي الموتور كولا راك فورصيت عليها و هي سخونة و انا مشيت بيها عادي و في الليل مش في النهار و هي قبل ما طيح اونبان كانت تسينياليلي les injecteurs و الطوموبيل كليو فراشة ديزال تيربو 2009
ماني.فاهم والو اسكو صح واش قال الميكانيسيان و راني خايف خليتهالو قالي حتى للسبت باش تكون واحدة يعني علاش كولا الموتور فهموني و اسكو يتخدم غالي
ربي يحففظكم

ياخويا انا عندي سيارة وراتلي النجوم فالنهار.على كل حال ان شاء الله تسمع خبر زين.
وتعيد بصحتك.

[رَكان]

السلام عليكم
حسب قولك أنها حبست فجأة ..هذا يخبر عن قصة طويلة فيها أحداث للأسف أنت لاتنتبه لها ..والظاهر أنك غير خبير سوى بإدارة المفتاح والضغط على كسيليراتور .
أشتم رائحة هنا تتعلق بارتبفاع درجة حرارة المحرك ..تقول أن الماء ناقص .صح ؟
كيف تغامر وتخرج بسيارة والماء فيها ناقص ؟
قد يكون أحد توصيلات أنابيب الماء فيها ثقب فضاع الماء وأن تتسير بها فارتفعت درجة حرارة المحرك لدرجة أن ه يتوقف عن العمل نهائيا يقولوا بالدارجة ( رقدت تحت رجلو ) أستغرب كيف لم تنتبه للإرتفاع مؤشر درجة الحرارة ..ولو
كنت انتبهت لتوقفت عن السير لغاية عودة برودته كان ذلك سيجنبك فاتورة سمينة من التكاليف ..السيارة 2009 لايمكن القول عليها أنه خردة يعني خليني نقلك بصراحة أن جانب المسؤولية كبير تتحمله أنت ...
الإحتمالات كلها واردة وادع الله أ ن يمر المشكل بأقل الأضرار ..

[االحر]

المشاركة الأصلية كتبت بواسطة sam2016

شكرا اخي و صح فطورك
صح الما كان ناقص و الرياحة قصدك الكليماتيزور؟ ادا راك تهدر عليه ماهوش يمشي و مازال ماخدمتوش و الليكيد هاداك لزرق

لا قصده مروحة الرادياتور التي تشتغل تلقائيا عندما يسخن المحرك لتبريده واظن ان في محركات الديزل تشتغل بصفة دائمة ليس كما في محركات البنزين التي تشتغل تلقائيا عندما يسخن المحرك لتبريده ثم تتوقف ربما هي التي كانت السبب وكما قال لك الاخ ركان كيف لم تنتبه لمؤشر الحرارة امامك؟ ام هو ايضا لا يشتغل ؟

[رَكان]

المشاركة الأصلية كتبت بواسطة االحر

لا قصده مروحة الرادياتور التي تشتغل تلقائيا عندما يسخن المحرك لتبريده واظن ان في محركات الديزل تشتغل بصفة دائمة ليس كما في محركات البنزين التي تشتغل تلقائيا عندما يسخن المحرك لتبريده ثم تتوقف ربما هي التي كانت السبب وكما قال لك الاخ ركان كيف لم تنتبه لمؤشر الحرارة امامك؟ ام هو ايضا لا يشتغل ؟

مرحبا أيها الحر
المروحه في الديزل أيضا تشتغل فقط حينما ترتفع درجة حرارة الماء الى مستوى معين ..تماما مثل البنزين ..

[االحر]

المشاركة الأصلية كتبت بواسطة sam2016

السلام عليكم خاوتي
2009
و اسكو يتخدم غالي
ربي يحففظكم

انت وخبرة الميكانيكي فقط اقول لك ان قطع غيار محركات الديزل باهضة الثمن واصلاح محركاتها ليست سهلة كمحركات البنزين وربي يصلح الامور ان شاء الله

[sam2016]

بارك الله فيكم خاوتي انا الله غالب ماعنديش بزاف ملي كسبت طوموبيل و ماكان حتئ واحد قبلي في الدار كسبها و خويا هو اللي يخرج بيها بزاف و مشكلتو ما يفيريفي والو و انا من زهري خرجت هاداك النهار و صرا اللي صرا انا شاريها و هو مستفاد منها و ماهوش متهلي بصح دوك نحيهالو
يعطيكم الصحة

[االحر]

المشاركة الأصلية كتبت بواسطة رَكان

مرحبا أيها الحر
المروحه في الديزل أيضا تشتغل فقط حينما ترتفع درجة حرارة الماء الى مستوى معين ..تماما مثل البنزين ..

اه شكرا على المعلومة انا لم اكسب في حياتي سيارة ديزل منذ ان سمعت من ان الديزل حلاوته لما تكون السيارة جديدة لم يمسس محركها

[softech]

يا اخي هل كنت تراقب مؤشرات الحرارة و الزيت في tableau de bord و الا لا؟
لان المؤشر اذا وصل اللى المنطقة الحمراء معناه المحرك راه رايح يقريي!

نصيحة الى كل سائق سيارة : الوقاية خير من العلاج .. لا بد ان يكون الروتين اليومي قبل الديماراج مراقبة زيت المحرك ..السائل المبرد..
و اثناء السياقة لا تغفل عن مؤشرات الطابلو او اي صوت غريب يصدر من المحرك .
هناك بعض العباد يحطلك البوست على الاخر بحيث ما يسمع والو واش راه صاري في الموتور تاعو.!!!

[صمت الرجوله]

يا اخي قدر الله و ماشاء فعل ...لكن انت على الاقل اتعلم الاساسيات...بالنسبة للتكلفة تكون مرتفعة شوية خاصة و المحرك ديازال,و الضاهر انو لاكولاس ضاعت
بالنسبة للمروحة انا اتكلم على مروحة الرادياتار...ربما اجتمع عندك اكثر الاعطال الشائعة و في نفس الوقت المدمرة (الماء + المانو و التيرموستا+ الرياحة)
و ان شاء الله برك ماتكونش زذتلها الماء و هي راقدة بعد العطل مباشرة

[االحر]

المشاركة الأصلية كتبت بواسطة sam2016

بارك الله فيكم خاوتي انا الله غالب ماعنديش بزاف ملي كسبت طوموبيل و ماكان حتئ واحد قبلي في الدار كسبها و خويا هو اللي يخرج بيها بزاف و مشكلتو ما يفيريفي والو و انا من زهري خرجت هاداك النهار و صرا اللي صرا انا شاريها و هو مستفاد منها و ماهوش متهلي بصح دوك نحيهالو
يعطيكم الصحة

لا عليك هذه ستكون درس لك وتعلمك حيثيات وامورلم تكن تعرفها فقط مرة اخرى لا تسير بالسيارة حتى تراقب مستوى زيت المحرك وماء التبريد في القارورة وهذا قبل تشغيل المحرك صباحا وعند السياقة انتبه للمؤشرات خاصة مؤشر الحرارة وربي يصلح الامور

[رَكان]

ليس بالضرورة تكو نسيارة الديزل جديدة ..كسبت الكثير من السيارات ولم أكسب أبدا البنزين لاأحبه ..
ليبس بالضرورة يكون الديزل جديد ...عن تجربة ..
المهم هو من كان يقود السيارة فإن كان سائق متمرس فمهما كان قديم فإن المحرك لن تجد معه مشكلة
مرة كسبت ديزل ماشي 338 ألف كلمتر ..العمر الإفتراضي للمحرك حسب قرارا المًصنع ..هة 300 ألف ومع ذلك مشيت به مئة ألف أخرى بلا مشكلة ..
محرك الديزل من الأحسن أن ريكون تجاوز ال 200 ألف في العموم وأكثر المشاكل التي تحدث مع الناس وسببها الأكبر هو عدم احترام برنامج الصيانة للسيارة فالإهمال هو الذي يعجل بتلف مكونات أي محرك حتى ولو كان عمره قصير .

[االحر]

الاخ ركان انا عندما ذكرت انه من الاحسن ان تكون سيارة الديزل جديدة وليست قديمة الاسباب هي
-1 غلاء قطع غياره وندرتها احيانا
2- قلة وجود ميكانيكيين مختصين ومتمكنين في اصلاح محركات الديزل في بلادنا
3- كثيرا ما نسمع من ناس كسبوا سيارات ديزل ان فتح محرك ديزل يستهلك الزيت لاصلاحه نادرا ما يعود كما كان عكس محركات البنزين
4- يبدو لي ان حتى في السياقة هناك فرق البنزين اسهل واقل خطورة من مركبات الديزل الذي يتطلب عناية وتمرس السائق خاصة في نظام الفرامل كما انه اذا ضعفت البطارية وتوقف المحرك مثلا سيارة البنزين سهل على سائق اعادة تشغيله بدفع السيارة قليلا عكس الديزل ما رأيك؟