**charlotte aux fruits ممممممم مرحبا بالجميع **

[faizarbh]

[SIZE="5"][B][CENTER]السلام عليكم أحبتي
توحشتكم بزاف
اليوم جبلكم وصفة الشاغلوت ان شاء الله اجربوها و تعجبكم راهي ساهلة و تفرح



الوصفة:
نحتاج قطعة بيسكوي رولي نقطعها دائرة حسب المول اللي راح نعمل فيه الشاغلوت و المول يكون من اللي ينفتح من الجوانب ( الوصفة عملتها سابقا راهي في الصفحة) .
نحتاج 2 علب من بيسكوي longues de chat من النوعية المليحة
نحتاج كريكمة شونتيي
كريمة موسلين راني عملتها من قبل راهي على هاد الرابط

لكن اعملو نصف الكمية فقط

نحتاج فواكه انا خيرت الفراز و الكيوي و علبة أناناس
و شريط للتزيين .
الطريقة
بعدما نقطع الجنوازلدائرة نحطها على كرطون حلواني و نحط عليها المول اللي ينفتح من الجوانب و نغلق ثم نبدا نستف فالبيسكوي على الجوانب و نشرب الجنواز بشوية سيرو او العصير اللي في علبة الأناناس ثم نضع طبفة مليحة من كريم موسلين حتى منتصف البيسكوي و نحط فوقها الفواكه بعدما نقعطعها قطع متوسطة الحجم ثم ندير فوقهم طبقة من البيسكوي langues de chat بعدما نغطس كل حبة في عصير الأناناس المعلب و نبدا نستف فيهم حتى نكمل الطبقة ثم نزيد طبقة من الكريم شونتيي و ممكن نعوضها بكريم موسلين لانو راح تزايدلنا لكي الإختيار و من فوق نزينها بالفاكهة او كيما تحبي لكي الإختيار أيضا و ندهن الفاكهة بلاجولي اي الناباج باش تبقى محافظة على لونها و ندخلها الثلاجة يوم تشد روحها و تتماسك لما نجي نقدمها انحيلها المول اللي على الجوانب و نزينها بشريط حاشية و نقدمها او تمديها هدية .
ملاحظة :
عجينة اللجنواز عملتها فقط ب زوج حبات بيض لاني نحتاج دائرة فقط
لما تزايدلك الكريمة اعمليها في كؤوس مع باقي البيسكوي و الجنواز اللي تزايد من الأطراف و قدميها على شكل verrine
ممكن تستعملي فالوصفة فقط كريم شونتيي و تستغناي على كريم موسلين
ممكن تعوضي طبقة الجنواز ب بيسكوي langues de chat فقط تشمخيهم شوية في سيرو
البيسكوي اللي على الجوانب ما تشمخيهش خليه جاف
و الآن نخليكم مع الصور ولا تنسوني بدعوة خير و شكرا
















سلااااااااام

[ناديـة]

ما شاء الله هايل

[أم ياسين الزهراء]

اممممممممممممممممممم تحفة الله يعطيك الصحة

[fleur de lili]

mmmmmmmmmmmmmm y33333tik saha

[idron0]

الله يبارك يعطيك الصحة

[زينة سلمة]

روعة مشالله

[حياتي نبع امل]

امممم هايلة كون غير صورتيها كى قطعتيها
يعطيك الصحة

[faizarbh]

شكرا احبتي نورتوا الموضوع

[ندى الأمل 2]

الله يبارك يعطيك الصحة روووووووووووعة

[rahma2014]

بارك الله فيك ويعطيك الصحة اختي

[tong2]

الله يبارك ماشاء الله عليك

الله يعطيك الصحة حبيبة

[scorpionoir]

هااااااااااااااااااااااااااااااااااااااااااااااااي لة ما شاء الله
يسلموا ايديكي

[زهرة الريف*]

روعة الله يبارك نموت على هكذا نوع من التحليات شكرا لك فايزة

[faizarbh]

شكرا اخواتي اسعدني مروركن

[ام محمد78]

يعطيك الصحة