Recette hamborgars

Amina Imen · 2015-02-20, 18:46

Labnat t3ichou madouli recette pour les hamborgars haba njarabhom baraka allah fikom

كلاك · 2015-02-21, 01:43

انا عندي لاغوسات غدوة نمدلهلاك

<نَجْمَاتْ> · 2015-02-21, 08:36

اختي روحي لوصفات حراير الجلفة تلقاي وصفة ام ابراهيم ربي يجازيها كل خير راني جربتو وجا روعة شوفي في الصفحات لخرين

فايزة1207 · 2015-02-21, 08:56

انا ثاني عجبني نتاع ام ابراهيم

الكرواسون oum ibrahim

تاع لطفي حيمر, حبيت نقولكم انو الكرواسون نتاع برا السر نتاع الريحة نتاعو هو العجينة المخمرة الي يوجدوها يوم من قبل او تقدري تخلي شوية عجين من البريوش او اي عجين فيه خميرة و تستعمليه للكرواسون انا هذا واش نعرف و الله اعلم
500غ فرينة
مغرف كبيرة سكر انا ندير 3 نحب الحلاوة
مغرف كبيرة حليب غبرة
مرف كبيرة خميرة الخبز
مغرف صغيرة ملح
مغرف صغيرة لفاني
مغرف صغيرة محسن انا ماعنديش ندير باكي خميرة الحلوى
فنجان صغير زيت
2 حبات بيض وحدة للعجينة ووحدة للدهن
ماء دافئ
250 غ مرغرين توريق
تخلطي كل المكونات ماعدا الزبدة و تلمي بالماء دافئ تتحصلي على عجينة طرية اعجنيها مليح و خليها تريح 10 دقائق
من جهة اخرى احمكمي الزبدة و اعجنيها مليح بين يديك حتى تبيض و ديريها بين ورقتي زيدة و حللهيها على شكل مربع
حللي العجينة على شكل مستطيل و حطي فوقه مستطيل الزبدة و اغلقي عليه الاطراف
عاودي حللي المستطيل الي تحصلتي عليه و طبقيه على 3 هنا عندك دورة واحدة
كرري العملية هادي 2 مرات اخرين يعني المجموع 3 دورات بسيطة
في الاخير حللي العجينة الي تحصلتي عليها و شكلي الكرواسون نتاعك او البتي بان او البان سويس و احشيه بالشكولا اذا حبيتي
خلطي البيضة مع شوية حليب و قهوة طايبة و زيت و ادهني الكرواسون و غطيه و خليه يخمر من ساعة الى ساعتين
سخني الفرن ملييييييح 200 د ةو دخلي الكرواسون يطيب مدة 15 الى 20 دقيقة حسب الفرن و حمريه مليح
لما تخرجيه ادهنيه بالعسل او معجون او جولي و اذا حبيتي ممكن ترشي عليه سكر قلاصي.
ملاحظة 1:
تقدرو تخدموه في الليل تديرو الادوار نتاع العجينة و تشكلوه و تدهنوه و تدخلو البلا للثلاجة و في الصباح بمجرد ما تنوضو مباشرة للفرن شعلوه و خليوه يسخن مليح و خرجو الكرواسون من الثلاجة يزيد يخمر شوية و طيبوه و طيبو الحليب و تلذذو بيهم سخونين اممممممممممم و هذا الي حطيتو درتلو هكذا و فطرت بيه و ما نقولكمش على الريحة مع الصباح تنوض النايمين ههههههههه
ملاحظة 2:

شكليه و حطيه في بلاتو مدهون او مغلف بورق الطهي و ادهنيه بخليط البيض و القهوة او الحليب و مرات ندير معاه حتى اللبن يعطي لون روووووووووعة و غطي البلاتو نتاعك بكيس بلاستيكي نظيف و ما تضغطيش خلي الكرواسون يخمر براحتو و دخليه الثلاجة
في الصباح خرجيه و خليه بيدما تسخني الفور و تقدري تعاودي تدهنيه لكن برفق باه ما تهبطيلوش الخمور و دخليه يطيب 200 د مدة 20 الى 25 د حسب الفرن و اذا ما تحمرش من فوق شعليلو و حمريه و بس .

إضغط هنا لرؤية الصورة بحجمها الطبيعي.

وعجبتني نصيحتها هاذي
حقى البنات حبيت نقولكم على ملاحظة فيما يخص الكرواسون
تقدرو تخدموه في الليل تديرو الادوار نتاع العجينة و تشكلوه و تدهنوه و تدخلو البلا للثلاجة و في الصباح بمجرد ما تنوضو مباشرة للفرن شعلوه و خليوه يسخن مليح و خرجو الكرواسون من الثلاجة يزيد يخمر شوية و طيبوه و طيبو الحليب و تلذذو بيهم سخونين اممممممممممم و هذا الي حطيتو درتلو هكذا و فطرت بيه و ما نقولكمش على الريحة مع الصباح تنوض النايمين ههههههههه

فايزة1207 · 2015-02-21, 08:57

كي تجربيه حطيهولنا نشوفوه

idron0 · 2015-02-21, 20:57

https://www.djelfa.info/vb/showthread...712996&page=27
رقم المشاركة : 397

مسعودي خولة · 2015-02-22, 14:43

اختي انا ننصحك بالعجينة السحرية للبيتزا لام كوثر كلمة روعة قليلة عليها لي يذوقها يقولي شريتيه جربيه على ضمانتي

nfifi2011 · 2015-02-22, 22:53

une recette kima ta3 lhanout

SAMAH SAMAH · 2015-02-23, 18:24

االسلام عليكم
https://www.djelfa.info/vb/showpost.p...&postcount=397
https://www.djelfa.info/vb/showthread.php?t=1274140
https://www.djelfa.info/vb/showthread.php?t=1305317
https://www.djelfa.info/vb/showthread.php?t=962089
المقادير
كأس فرينة
كاس ماء فاتر
مغرف كبيرة خميرة الخبز
02مغارف كبار سكر
مغرف صغيرة ملح
كاس زيت
جلجلان

نتحصل علي هذه العجينة سائلة نخليها تخمر 10دقائق

من بعد نزيدولها كاس زيت ونمزجوه مليح

ونديرو شوية فرينة نخلطوه مليح

وهنا خرجت الخليط باش نلمو بالفرينة مليح

ونزيدو الفرينة حتى نتحصل على خليط متماسك

هنا العجينة حطيتها تخمر

هنا خليتها تخمر شوية

هنا وجدت كاس فيه ماء وملح وجلجلان للتزيين

نصنع من العجينة همبرغارات صغار ونخليهم يخمرو

نمسح وجه الهمبرغر بالماء ونذرذر الجلجلان من الفوق

180°الى الفرن

زوم اكثر للتشويق