مطلوع البيترا

أم ياسين الزهراء · 2012-09-18, 11:55

بعد تجارب كثيرة ومغامرات وبحوث ههههههههههه زعم النازا ههههه المهم خرجت بافكار ومعلومات راح تفيد الاخوات اللي عندهم البيترا واللي ناوين يشرو غير يزربو وماننساش نشكر كل اخت دخلت موضوعها وشفت طريقتها في العجن وخاصة الاخت الوهرانية الاساس تاع المطلوع هو انتاعها

اولا نحط الدقيق + الفرينة + السكر + الملح والسانوج + الخميرة نصيحتي ماتكثروش دوقى الخميرة راهو سخون الحال وزيد الخميرة الرقيقة اللي نستعملوه فورية ثم ثم تطلع عجينها ونبلوكلش بالماء الدافئ ملازمش يكون سخون بزاف ولا بارد مهم جدا وبعدها نلمو عجين انتاعنا بلامنعجنو ونجيبو ساشي ونبلوه بالماء ونحطو فيه العجين هذي طريقة الوهرانية ونخلوه في بلصة دافية وروحي ديري شغالك اما الوقت كيما تحبي من نص ساعة وطلع راح تشوفي عجينك طلع خفاف اهنا ديريه في البيترا وابدا تعجني وعلى بالك على الاول سرعة بطيئة وبداي تزيدي في الماء غير بشوي ومنبعد حطي السرعة في رقم 2 ماتفوتيهش حبسي البيترا ومسي عجينك اذا كافيه الماء كان بيها واذا شفتيه ناقص زيدي اعجنيه مليح حوالي 5 د والحمد لله كلش مليح خلي عجينك شوي يريح هذا مهم في عجين البيترا لانو راح يكون سخون وابعد مايريح ابداي تقرصي انا ندير شوي زيت في يدي ونحل عجيني في منشفة مذري فوقها الفرينة شحال كتبت 00000000000 المهم الملاحظة المهمة كيما قتلك على الاول الخميرة راهي ثم ثم تطلع كيتغطي الخبزات انتاوعك حطي الطاجين يسخ وابداي تطيبي وان شاء الله فدتكم واللي عندها عفسى مليحة تزيد تفيدنا وربي يكملنا الكل

هنا في الطاجين واووووووووووووو على الفقاقيع

هنا قلبتها

حقى نسيت نقلكم ديرو سنيوة فوق الكسرة كيتحطوها في الطاجين راهي تنفشهالكم مليح وحتى هذي فكرة الوهرانية

ان شاء وفقت في المعلومة واي سؤال راني هنا وحظ موفق

ويناروز · 2012-09-18, 14:08

شكرا يعطيك الصحة

الوهرانية 1 · 2012-09-18, 14:15

شكرا حبيبتي على الثقة وبالصحة عليك

jijou g · 2012-09-19, 14:38

يعطيك الصحة اختي الفاظلة

linat · 2012-09-19, 16:21

الله يبارك
يعطيك الصحة

مملكة لينة · 2012-09-19, 17:17

يعطيك الصحة الكسرة باينة هشيشة وتشهي

الأمنيات · 2012-09-20, 13:36

يعطيك الصحة اختي تبارك الله فحلة

ام سامي15 · 2012-09-24, 22:10

يعطيك الصحة اختي

و كاين طريقة اخرى للعجن بالمولينكس

اسرع و اروع

صدقيني

ام مؤمن · 2012-10-05, 22:28

يعطيك الصحة حنونة معلومات قيمة ان شاء الله نطبقها انا المغبونة مازلت نعجن بيديواتي ان شاء الله قريبا نشري بيترا غير هي اللي خاصتني و راني نخمم في بلاصتها كوزينتي ضيقة و راني نسنى في الكوزينة الواسعة لا كتب ربي يعطيك الصح

ام ايمان16 · 2012-10-05, 23:02

يعطيك الصحة

mordia · 2012-10-06, 11:25

اقتباس:

المشاركة الأصلية كتبت بواسطة ام سامي15

يعطيك الصحة اختي

و كاين طريقة اخرى للعجن بالمولينكس

اسرع و اروع

صدقيني

اعطينا كيفية الوصفة.....................

أم ياسين الزهراء · 2012-10-06, 16:45

اقتباس:

المشاركة الأصلية كتبت بواسطة ام مؤمن

يعطيك الصحة حنونة معلومات قيمة ان شاء الله نطبقها انا المغبونة مازلت نعجن بيديواتي ان شاء الله قريبا نشري بيترا غير هي اللي خاصتني و راني نخمم في بلاصتها كوزينتي ضيقة و راني نسنى في الكوزينة الواسعة لا كتب ربي يعطيك الصح

الله يسلمك حنونة والله يااختي انا قعدت شحال من عام كل مايقلي زوجي نشريلك بيترا نقلو خلي حتى ندير كوزينا كبيرة منبعد قرر يشريلي بلا مايشاورني قالي راح طيح صحتك وانت تستنى في الكوزينا والحمد لله نحى علي الكثير وحتى القواطو ندير بيهم وكوزينتي صغيرة فرغتلو بلاصة يستاهل سومى وموعاونة ههههههههههه اشري برك وربي يفرج علينا الكل

jackin · 2012-10-06, 16:59

شكرا يعطيك الصحة

Basketteuse · 2012-11-25, 10:12

شكرًا على الطريقة ... نحب أنقولك انوا احنا نحضر وها بالسميد فقط ونتبعوا نفس طريقة العجن باليد في البيترا... وتجي هايلة سواءا باليد او بالبيترا

صالح سوفي · 2012-11-27, 16:21

اسأل كل من جربت البيترا شحال شريتوها ومن أي نوع وماهي النوعية المليحة وشحال كيلو تعجن
شكرا