كما تدين تدان

[مشكلتي]

كما دارت دارلها ربي
المهم كان واحد في زمن بعيد حاب يخطب وانا مكنتش حالات هو لي أصر عليا
وكل مرة يبيراطيلي كلش ويبعث رساله
تجنبته مليار مرة
طردته وموال مطرود وموال مش حاب يطير من طريقي
هو دركي ويظال يتبع فيا برا بسيارة الدرك
ويبعث صحابة يجيبوله خبري
انا منبغيهش وعمري ولا نفكر نعيش معاه
المهم في زمن بعيد كان يتوسلني باش نقبل وكنت كل مانوافق مايتقدمش
وكل مرة كان يحكي عليا للعالم انو مهبول عليا
كما اشعل نيران الغيرة في اخواته
راحت اختو الصغرى صاحبة الستة وأربعين عام بنقل الخبر لامها ووضعت النميمة وقالت لها أنه يحبها ومجنون بها فاكلتها نيران الغيرة هي وامها واخواتها
احدى اخواتها من الغيرة عملت للخوها سحر التعطيل لكي للايخطبني وأمه وضعت لهم سحر التفريق لكي يكرهني ويتخلى عني
واخته الصغرى كانت هي التي تأتي للأخبار لامها وتقول لها اخي يحبها ومستحيل يتخلى عنها تديريلو السحر أو تخليه مش راح يطلقها
حتى وحد نهار امهم تطرطقلها عرق من القلق الذي سببته لها سماع. الوشاية من بناتها والتحراش فماتت وبعدها مات ابوهم
المهم لي دارت سحر التفريق راحت لقبرها منعرف باربي يحرقها ولا يسويها
ولي دارت سحر التعطيل طلقها راجلها بوالدها مالقاتش شاتوكلهم وراعي تطلب من بيت للبيت
ولي فرقت بالتحرش ماقبلوهاش نسا اخواتها وراعي ترقد وحدها كالغولة وسط الخوف في بيت والديها
وهذا لي كان حاب يخطب كان يقلي منعصيش امي وانا كنت تقولو روح شوف حياتك وتخليه وهو يقلي لا
منطلقكش من يدي
المهم جدا نهار وعرفت الحقيقة وطيشتو وخليتو
وموال يبكي وندمان
ويحوسني ننسى قاع لي فات ونرجع
بصح أنا عمري ولا نكرر نفس الخطأ
وعمري ما ندخل بيت فيها الافاعي