سؤال للاحرار ولي عقبوا الباك من قبل

[*آمنة*]

جماعة نسقيكم
العام لي فات كي اقترحوا مقالات
طاحت منهم ولا لالا

[ايوب122]

واقيل واقيل طاحت وحدة للادبيين

العلميين نسيت

[ايوب122]

ايه تفكرت

مقترحات الاستاذ قنشوبة للادبيين طاحت منهم وحدة

[karlita]

المشاركة الأصلية كتبت بواسطة ايوب122

ايه تفكرت

مقترحات الاستاذ قنشوبة للادبيين طاحت منهم وحدة

علاه مقريتش من المقترحات ول العام ليفات

انا كنت نقرعج جابلي ربي طاحت مقالة المشكلة و الاشكالية شفت جوفر كان مقترحها و ليديا

[ايوب122]

المشاركة الأصلية كتبت بواسطة karlita

علاه مقريتش من المقترحات ول العام ليفات

انا كنت نقرعج جابلي ربي طاحت مقالة المشكلة و الاشكالية شفت جوفر كان مقترحها و ليديا

مقريتهاش كامل سيريو الفلسفة

اديت 8 في المشكلة والاشكالية

[أمل أميرة]

نعم كل عام تقريبا يطيحو منهم انا نتبع قنشوبة فالمقترحات تاع الفلسفة لانو دائما هو لي يقترح الاول ويكونو على الاقل 2 يجيو مالن=مقترحات تاعو

[〆 بٰٰاولو 乄]

العلميين لالا
😁

[〆 بٰٰاولو 乄]

المشاركة الأصلية كتبت بواسطة أمل أميرة

نعم كل عام تقريبا يطيحو منهم انا نتبع قنشوبة فالمقترحات تاع الفلسفة لانو دائما هو لي يقترح الاول ويكونو على الاقل 2 يجيو مالن=مقترحات تاعو

🧐 🤨
متأكدة ؟

[ايمانو الجزائرية 01]

سلامو امونة
صراحة ننصحك كاخت متبعيش المقترحات . تحكيلنا واحد الاستاذة بلي عست فواحد العلم قسم الاغلبية جاو حافظين غير النقترحات و مطاحت حتى وحدة فيهم قريب هبلوا مساكن

+
كانوا يقولوا مقترحات الاشتاذ شهاب دايما يطيحو ( الا حبيتي تركزي عليهم ) بصح معلاباليش وين نلقاوهم صراحة
موفقة

[*آمنة*]

المشاركة الأصلية كتبت بواسطة 【★ بـ,ـآۅلـ,ـۅ ★】

العلميين لالا
😁

سيريو راك 😣😒😒

[*آمنة*]

المشاركة الأصلية كتبت بواسطة أمل أميرة

نعم كل عام تقريبا يطيحو منهم انا نتبع قنشوبة فالمقترحات تاع الفلسفة لانو دائما هو لي يقترح الاول ويكونو على الاقل 2 يجيو مالن=مقترحات تاعو

بصح هذا لعام محطش

[*آمنة*]

المشاركة الأصلية كتبت بواسطة ايمانو الجزائرية 01

سلامو امونة
صراحة ننصحك كاخت متبعيش المقترحات . تحكيلنا واحد الاستاذة بلي عست فواحد العلم قسم الاغلبية جاو حافظين غير النقترحات و مطاحت حتى وحدة فيهم قريب هبلوا مساكن

+
كانوا يقولوا مقترحات الاشتاذ شهاب دايما يطيحو ( الا حبيتي تركزي عليهم ) بصح معلاباليش وين نلقاوهم صراحة
موفقة

والله خلعتيني
ربي يجيب لخير
نحاول نتواصل مع الاشتاذ شهاب

[fifi tery]

السلام عليكم اختي*
أولا اتمنى لك التوفيق والنجاح في شهادة البكالوريا، عليك بالتركيز والعمل، وان تكوني واثقة من نفسك.
بخصوص المقترحات شخصيا، لم اعتمد عليها مطلقا، من الضروري ان تراجهي دروسك بشكل عادي، واعتبري المواضيع المقترحة، بمثابة مراجعة خفيفة لا اكثر، لا تخلي تلك المواضيع على اساس انها هي نفسها المواضيع التي ستكون بامتحان البكالوريا، فذلك سيشوش تفكيرك، وقد يحرمك من مراجعة نقاط مهمة.
بالتوفيق*

[عاشقة الكواكب]

بصح اذا مدرناش على مقترحات
شكون حيحفظ 21 مقالة و خلي على الاقوال لي فيها

[صمت النّبض]

المشكلة و الاشكالية كانت مقترحة وطاحت و طاحو قاع المقترحات
حتى الادب كان مقترحين الشعر الرومانسي تاع ايليا ابو ماضي و طاح
و تاريخ وجغرافيا تاني طاحو المقترحات
نتوما اقراو كلش وشنو المقترحات ركزو عليها مليييح