طلب مساعدة من دوي الخبرة

amira back · 2015-01-22, 05:02

سؤالي لدوي الخبرة ايهما اجمل وانسب لارضية الغرف والرواق والبهو(كولوار و الهول)المنكوش الباج مع الابيض اوالباج مع البني؟ وما رايكم في الفايونس نتاع الكولوار هل استعمل لونين (الفاتح مع الغامق وافصل بينهما بفريزة ام استعمل لونا واحدا وايهما افضل الفاتح ام الغامق(الباج والبني)رجائي فيكم بعد الله كبيرا فلا تبخلوا علي بارائكم وادا تفضلتم برفع بعض الصور ساكون ممتنة لكم و لكم مني دعاء بظهر الغيب

amira back · 2015-01-22, 22:23

أنتظر أراءكم بفارغ الصبر فأين أنتم يا أهل الخير؟

stayfiya · 2015-01-23, 10:01

شوفي ياختي اللون اكيد تخيريه على حساب الاضاءه لي عندك اذا كان ضاوي الكولوار تاعك خيريلو لون غامق و اذا كان مظلم. من الاحسن لون فاتح بالنسبه للنوعيه ممكن دير فايونص موحد اللون ب رتوشات خفيفه و الجزء العلوي يكون سيك و تقدي تسيباري بيناتهم بلون او موتيف محفر او ريبون ب عرض 12سم و تقدري الجزء العلوي ديريه بابيي بانت و تقدري تديري الجزء السفلي بالمدياف راه هايل ويستر عيوب الخيط و سهل للتنظيف و كاين كل الانواع في السوق المتر 350الف بالتركاب تاعو يعني ممتاز

amira back · 2015-01-24, 12:06

شكرا أختي سطايفية على إهتمامك بانشغالي و الرد عليه .أريد تلبيس أرضية البيت بالمونوكوش الباج ,فمادا تنصحينني انت و من لهم الخبرة في دلك هل أستعمل الحبة الكبيرة ام المتوسطة واقصد بدلك ابعاد حبة المونوكوش و ماهي قياسات الأكبر في هدا النوع من الكرلاج فخبرتي في مواد البناء واحدث الديكورات ضعيفة .
أرجو ان يبلغ انشغالي العزيزة سلطانة لتفيدني بخبرتها.

ا

amira back · 2015-01-24, 12:10

شكرا أختي سطايفية على إهتمامك بانشغالي و الرد عليه .أريد تلبيس أرضية البيت بالمونوكوش الباج ,فمادا تنصحينني انت و من لهم الخبرة في دلك هل أستعمل الحبة الكبيرة ام المتوسطة واقصد بدلك ابعاد حبة المونوكوش و ماهي قياسات الأكبر في هدا النوع من الكرلاج فخبرتي في مواد البناء واحدث الديكورات ضعيفة .
أرجو ان يبلغ انشغالي العزيزة سلطانة لتفيدني بخبرتها.

ا

~ السلطانة ~ · 2015-01-25, 14:07

السلام عليكم و مساء الخير أختي ...
عندكي ديري شكشوكة ردي بالك هههههههه
.
.
.
هناك نوع جميل من البلاط هو نفس عائلة المنوكوش و القرانيت اسمه الترازو terrazo أو التيراسطون terastone في الأصل هو متنوج ايطالي لكن هناك منه المنتوج الجزائري لا باس به .

ابعاده هي 40*40 سم

يشبه في شكله المنوكوش لكنه لامع جدا

توجد فيه كل الألوان مثل الأزرق و الأخضر و الأصفر و الأحمر و البنفسجي ووووو

يعجبني امكانية التنوع فيه في التركيب و دمج بعض القطع الأخرى من البورسلان و يمكن عمله في شكل موزاييك يخرج روعة .

~ السلطانة ~ · 2015-01-25, 14:36

هذه بعض التركيبات منه

السعر على ما اعتقد في حدود 1200 دج -1300 دج للمتر

~ السلطانة ~ · 2015-01-25, 14:45

لأننا نحبو الأرضيات الامعة هذا النوع من بينها ميزاتها كثيرة جدا ( فيه ألوان كثيرة عكي المنوكوش ) ضف الى انه متنوع في التركيب - طريقة موزاييك و التشكيل حسب الرغبة -

بخصوص منزلك سيدتي .

الفايونس في الهول هو ستيل مغربي بحت و المغاربة يحطو الفايونس حتى في الصالونات و الغرف ..

و احنا الجزائرييت متقاربين جدا في الذوق الى المغاربة لهذا معليش نحطوا الفايونس ...
الفايونس فيه عدة أذواق و ستايلات ...

كاين المزركش فيه الستيل المغربي و الأندلسي و موزاييك هذا النوع فيه تدمج فيه عدة ألوان مثل هذا :

و كاين الفايونس الموحد اللون و نجده اما لون موحد مات كله او فيه تدرج لنوفس اللون ...

في البيوت أو الكولوار و الهول بالخصوص انا نصمم حسب الأثاث ...

لكن دائما نحاول نختار اللون للي مهما غيرنا الديكور يلائم يعني لون و ذوق يناسب جميع الأوان و الأذواق حتى لو رغبنا في تغيير لون الحائط لن يؤثر عليه .

انا اختار لك مثلا هذا اللون بفريزة من نفس اللون بدرجة اغمق شوية

~ السلطانة ~ · 2015-01-25, 15:04

اقتباس:

المشاركة الأصلية كتبت بواسطة amira back

شكرا أختي سطايفية على إهتمامك بانشغالي و الرد عليه .أريد تلبيس أرضية البيت بالمونوكوش الباج ,فمادا تنصحينني انت و من لهم الخبرة في دلك هل أستعمل الحبة الكبيرة ام المتوسطة واقصد بدلك ابعاد حبة المونوكوش و ماهي قياسات الأكبر في هدا النوع من الكرلاج فخبرتي في مواد البناء واحدث الديكورات ضعيفة .
أرجو ان يبلغ انشغالي العزيزة سلطانة لتفيدني بخبرتها.

ا

ابعدا المنوكوش المتوفر في السوق أختي هي من 33سم -40سم -60سم -80 سم -100سم

هذو كتالوجات المنوكوش اذا حبيبتي

~ السلطانة ~ · 2015-01-25, 16:09

اصبري راني نحوسلك على صور للهول

~ السلطانة ~ · 2015-01-25, 16:30

هذا ستيل أندلسي

~ السلطانة ~ · 2015-01-25, 16:33

الفايونس مع الأرضية :

اذا عملتي الارضية حبة بحبة نفضل ما تعمليش فايونس لأنها تولي خلايطة ،
اعملي الأرضية لون واحد بيج فاتح مع الفايونس للي حطيتلك مع لون حائط يكون أفتح من الفايونس باش يبان الفايونس و يضوي اللون أكثر

تقريبا كما في الصورة لكن الفيزة السوداء فسدت الحالة اذا عملتي الفايونس للي قتلك يخرج أفضل

فقط باش تاخذي فكرة

هذا لون الحائط

amira back · 2015-01-25, 20:48

لا اجد كلمات تعبر عن شكري وامتناني للاخت سلطانة على المجهود المبدول فعلا ردك يدل على دوقك الرفيع لقد استفدت كثيرا واستطعت ان ارسم ملامح بيتي مستقبلا.هل استطيع ان اطمع في كرمك واسالك هل استعمل نفس لون البلاط في الغرف و الكولوار والهول ؟

~ السلطانة ~ · 2015-01-25, 20:53

اقتباس:

المشاركة الأصلية كتبت بواسطة amira back

لا اجد كلمات تعبر عن شكري وامتناني للاخت سلطانة على المجهود المبدول فعلا ردك يدل على دوقك الرفيع لقد استفدت كثيرا واستطعت ان ارسم ملامح بيتي مستقبلا.هل استطيع ان اطمع في كرمك واسالك هل استعمل نفس لون البلاط في الغرف و الكولوار والهول ؟

العفو أختي تستاهلي كل خير و ما عندي ما درت ...

نعم من الأفضل تستعملي نفس اللون ... البيج الفاتح يخرج على جميع الفاضاءات ما تخلطيش بزاف و العكس كي يكون لون موحد يجي تناسق اجمل ..
اللهم اذا حابة ديري الصالون و الهول بخامة أخرى ؟؟؟

انا هذا النوع يعجبني و اخترته في العديد من المنازل خرج روعة اذا حبيتي الصالون ديري فيه رسمة بلون الأسود أو البني الغامق و الهول ديري غير الحواف بنفس لون رسمة الصالون ...

ربي يهنيك في دارك .

amira back · 2015-01-26, 06:54

شكرا جزيلا حبيبتي سلطانة على اهتمامك بانشغالي ربي يوفي لك ماتتمني.ادا ممكن تحطي صور لبيوت جزائرية بنيت حديثا باش تعاوني و ما نديرش خالوطة كيما قلتي لي ههههههههههه.نسيت نسولك ماهي ابعاد الكرلاج المناسبة للارضية 33×33 ام 40×40 ام هدا لا يهم وتبقى فقط مسألة دوق و اختيار؟ سمحيلي هبلتك معاي