تاي غرداية خص نص لعاشقة الجنة

om mita · 2014-02-25, 15:07

سلالم حبيباتي
هذا التاي هو تاي غرداية علمتني سلفتي كيفاه نحضروا
وهو لاختي عاشقة الجنة ونقولها اسفة علا التاخير لاني ماكنتش قاعدة
نبداو في كيفية التحضير
اولا انا التاي الي ستعملتوا هذا هو
يعني رخيص وبنين

والسر الاول هو نوعيت السكر قاتلي تاع الحجرة هو الي يدير الرغوة وجي بنين علا العادي
انا استعلت هذا

والي لقات واحد مداير كي الجبل وراسمين فيه راجل تاع الصحراء يكون احسن واحسن انا ملقيتوش هنا في سطيف
اولا حطي الماء يغلي مليح
ديري 2 مغارف كبار تاع عشاء تاع تاي
حطيهم في الابريق وصبي عليهمخ كميه من الماء وحركي ثم سيحي هذاك الماء
وعاودي كبي عليهم كمية من الماء وخليه يغلي علا نار جد هادية يعني تنسفي عليه يطفى ههههههههههههههههههههه
تخليه حوالي نصف ساعة متقلقيش عليه هو يحب يتقلش
الكمية تاع 2 مغارف تعملك ابريق تاع 0.75 لتر
جيبي الابريق التاني وديري فيه نعناع 4 او 5 اعراف
والسر الثاني هو انو النعناع يكون جديد
لما تفوت النص ساعة هزي الابريق وفرغيه في الابريق الي فيه النعناع واغلقيه وخليه
عاودي كبي كمية الماء الي بقاتلك ولازم يكون سخون
وعاودي رجعي التاي علا نار هادئة لمدة نصف ساعة او اكثر 40 د
وعاودي افتحي ابرق النعناع وكبي التاي في النعناع
وخليه يتشرب بنة النعناع بلا متشعلي عليه النار
لانو راح يفقد بنتو الحقيقية وهذا السر الثالث
لانو كاين ناس بزاف يشعلوا علا النعناع النار
اذا كنتي رايحة تشربيه في هذاك الوقت
ديري السكر في كاس وكبي التاي ورجعي للابرق
وكري العملية عدة مرات باه تتشكل الرغوة مع رفع اليد
واذا كنت رايحة تشربيه في المساء
متحليهش
خليه حتى تبغاي تشربيه
ومتسخنيهش مع النعناع اغسلي الابريق الي كان فيه اوراق التاي وسخنيه فيه ثم رجعيه لابريق النعناع وحلي
نخيكم مع الصور

هاو ليكم منين وجد

اسفة اذا طولت في الهدرة
اي استفسار انا في الخدمة
ملاحظة
التاي هذا بنين ورائع
لكن التاي قلاسي اروع واروع
شفتو مرات عدة لكن مجربتوش بصح كي جربتوا ندمت كي مشربتوش من قبل رائع ويبرد القلب خاصة في الصيف اممممممممممممممممم
شوفو موضوع الهام تاع التاي قلاسي وجربوه

MINAT ARAHMENE · 2014-02-25, 15:41

rabi barek fiki .knt nhaws 3la wasfa madmouna

الأمنيات · 2014-02-25, 15:43

نفس طريقتي في تحضير لتاي صحراوي على اصوله هههههههههههههههههه
مهم جدا نوعية لتاي حتى يخرج مليح
وايضا طريقة تخلاط تاعه
شكرا على الوصفه

R I A D · 2014-02-25, 15:43

تسلم ايديك ام ميتا يشهي و الرغوة من فوق.... هايل

زخة مطر · 2014-02-25, 15:45

بارك الله فيك اختي
اكيد تاي الصحراء لا يعلى عليه
شكرا

omomnia15 · 2014-02-25, 15:50

الله يعطيك الصحة تاي وعليه الكلام نموت عليه

أم ياسين الزهراء · 2014-02-25, 15:55

والكوكاو وين راه رغم اني مانشربش التاي بصح سخفتيني ندي طريقتك ونديرها اولادي وزجي يمدلي دايما 0 من 10 في تحضير لاتاي هههههههههههههههه

يعطيك الصحة

النرجووسة · 2014-02-25, 15:55

تسلم اديكي على لتاي لمشحر

فاطمةع · 2014-02-25, 17:32

يعطيك الصحة

lahna moka · 2014-02-25, 17:33

شكرااااا حبيبتي مممممممممم يهبل بارك الله فيك

فاطمةع · 2014-02-25, 17:37

لكن انا مفهمتش بعد نصف ساعة تهزي الابريق لي فيه اتاي وتضفيه للابريق لي فيه نعناع وتخليه 40د
قصدك كيما هاك

فاطمةع · 2014-02-25, 17:55

وبعد 40د افتحي ابريق النعناع وكبي التاي في النعناع يعني هنا شحال من ابريق نتاع اتاي انا راها تخلطتلي هههههه

أم محمد تاج · 2014-02-25, 17:59

حبيبتي الله يحفظك روووووعة يعطيك الصحة وحابة نقولك بلي وحدة حبيبتي من تقرت قاتلي الماء تاع الصحرا مالح عليها يجي التاي بنين وكي تجي عندنا وتخدملنا التاي تملح الماء على خاطر الماء حلو تاعنا واش رايك حنونتي????

om mita · 2014-02-25, 18:10

شوفي حبيبتي فاطمة كاين 2 ابريق واحد فيه التاي واحد فيه النعناع
تخلي تاع التاي يغلي 30د
علا نار جد هادئة وهومن الاحسن يطيب علا الجمر
وتفرغيه في ابريق النعناع
ثم تجبي ماء غالي وتزيديه علا اوراق التاي الي كان يغلي المرة الاولى يعاود يغلي 40د
وتعاودي تكبيه في ابريق النعناع
ملاحظة
قلت 2 مغارف يعملولك 0.75 لتر اي اقل من 1 لتر باه ميجيش خفيف
يعني ابريق الصغير الي متوب فيه0.75
اي استفسار من عيوني حبيبتي

om mita · 2014-02-25, 18:11

امممممممممم هذي فكرة .ام تاجو مقاتليش عليها
معلباليش بيها نجربها ونردلك الخبر بلاك يجي احسن