وصفات من مطبخي .....في قمة اللذة والروعة

[اسمهان79]

السلام عليكم ورحمة الله وبركاته
فرحتي لاتوصف كي نكون نحط في مواضيعي
حتى ولو يتعبو وياخذو وقت لكن ماش خسارة فيكم
لانكم في القلب والله غاليين
على بركة الله وبسم الهه

مقلوبة اللحم



ساهلة وبنينة وبريزونتابل
نتبل اللحم المرحي ملح فلفل اسود لفاح 1 م ص نشاء ثوم 1 م ص طماطم مصبرة 1 م ص موطارد( الخردل) 1 م ص هريسة ( اختياري) نخلط كلشي مع بعض ثم ندهن مول اي مول عندك صغير كبير الحجم اللي حبيتي ادهنيه مليح بالزبدة ورشي الخبز المرحي ثم اطرحي اللحم المرحي وحطيه في المول وطلعي الجوانب شغل طبسي
ثم عمري بالحشوة اللي هي
شوية بصل مقطع رقيق دبشة ومعدنوس ثوم زيتون اخضر مقطع رقيق وزيتون اسود مقطع رقيق راس فلفل حار ورأس فلفل حلو مقطعين رقيق نصف حبة طماطم مقشرة ومقطعة مكعبات رشة فلفل اسود و 1 م ك خل ونخلط ثم نعمر فوق اللحم ونغلق باللحم الباقي ندهن السطح بشوية ماء وزيت ونحطو في حمام مائي ونطيبو في الفور تقريباً ساعة غير ربع
وممكن الحشوة اللي بغيتي






لما نجي نقدمو نقلبو وهو سخون ونفرغ عليه الجبن الكريمي نتاع لافاش كيري او اي جبن سائل صنع منزلي



امممممممم روعةةةةةةة الصحن يكاد ينطق
رولي الدجاج بالسلق والجبن



نأخذ صدر دجاج نرحيه مع شوية موطارد ( خردل) القليل من الملح فلفل اسود وزنجبيل ثوم بودرة فلفل احمر مرحي حار او حلو الاختيار يرجع ليكي و 1 م ك زيت ثم اطرحيه ما بين زوج بلاستيك ضعي فوقه على كامل المساحة السلق اللي تكوني من قبل فورتيه او ذبلتيه في شوية زبدة مع بعض المنكهات فلفل اسود وكسبر وثوم بودرة ثم فوقه الفرماج الكريمي او اي جبن سائل عندك وممكن حتى تستعمي لابيشاميل حاولي ترولي الدجاج نتاعك على الحشوة نتاع السلق والفرماج اللي غطيتيه بيه حاولي يكون الرولي نتاعك متوسط الحجم باه تقدري تهزيه وممكن تلفيه في الورق البلاستيكي ثم الالمنيون وتغليه مدة 20 د ومن بعد تقليه



لفيه في البيض منكه بالفلفل الاسود والملح والثوم البودرة شوية هريسة ولاموطارد ثم لفيه مرة اخرى في لاشابلير ( الخبز المحمص والمرحي) اللي تكوني خلطتي معاه المعدنوس المقطع و م ص غبرة لفريك وم ص دقيق رطب ثوم بودرة فلفل اسود



ثم اقليه على كل الجوانب حتى يحمار مليح



قدميه مع صوص طماطم تكوني حضرتيها من قبل بشوية دجاج مرحي



طريقة سهلة وباهية وفي نفس الوقت مذاقها روعةةةةة

قوارب الدجاج بالسلق



بزاف اولادهم ما ياكلوش السلق راح نقدموهلهم بهاذ الطريقة نتمنى تعجبكم وتعجبهم
خذي صدر الدجاج تقسميه على زوج ثم بواسطة سكين حاد اعملي حفرة في الوسط بهاذ الطريقة الصورة توضح اكثر



وتبليه بالملح والفلفل الاسود زنجبيل لفاح وشوية ليمون وموطارد
من جيه فوري او ذبلي كمية من السلق مقطع رقيق وفي مقلا مع شوية زبدة وفلفل اسود ثوم بودرة وزج او ثلاثة ملاعق كبار خل وغير شوية ملح والا حبيتي تمديلو نكهة لاموطارد والهريسة ديريلو وغطي حتى يذبل مليح مليح ثم قطعي كمية مليحة من الفرماج الطري وعمري الحفر اللي درتيهم في الدجاج



غطيهم بورق بلاستيكي ثم ورق الامنيوم ولوحيهم في الفور نصف ساعة او اكثر شوية ثم اجبديهم وحميريهم غير شوية
البنة والشكل يهوسسسسسس



في امان الله حبيباتي

[HADIL2044]

يعطيك الصحة

[toulay]

سلام عليكم
يعطيك الصحة
صراحة دخلت باش نسقسي عليك اذا ريحتي
ربي يجعلك الشفاء ان شاء الله
بالتوفيق

[أ م ساجد وسيم]

واش الفن هذا صراحة والله العظيم وصفات تهبل تهبل وطير العقل باينة بنينة وتحمر الوجه والحمد الله كي رجعتي وريحتي الله يعطيك واش في قلبك....

[اللهم ارزقني عفةمريم]

رووعة يعطيك الصحة

[oum razane]

يعطيك الف الف الف صحة بصراحة وصفاتك كلها رائعة فلما ارى اسمك افتح بسرعة موضوع الوصفة لقراءتها فشكرا على المجهود ودمت وفية للمنتدى شكرا

[ريحانة24]

وصفاتك قممممممممممممممممممة وراقية وبرزونتابل جدا دمت متااقة بافكارك الذهبية

[أم ياسين الزهراء]

اه منك يالحبيبة باين حرشوك علينا وقالولك راهم وزن الدببة وانت زيديعليهم باش يولو وزن الدينصورات اه واه من الاطايب والحطات والسخفات وربي يحفظك ويخليك لاهلك ولينا يايمى قتلني طبق الرولي تاع السلق نمووووووووووووووووووووووت عليه ربي يحليك يااحلى شاف

[اريج 07]

اممممممممممممممممممممم كلمة روعة قليلة عليك

[ايمان نور الجزائر]

الله يبارك اطباق روعة

[زهر التوليب]

عودة ميمونة اشتقنا لوصفاتك
اممممممممم روووووووعة دائما في القمة

[dorya]

اممممممممم روووووووعة يعطيك الصحة

[طالبة النجاحْ~]

ماشا الله كل الوصفات تشهييييي
يعطيك الصحة

[زينب 83]

بلعقل علينا يا اسمهان حابة تسمنيني واقيل
رووعة حبيبتي رووعة موضوع مميز

[Fatima DM]

والله غير فرحت لي لقيتك درتي موضوع جديد بعد هدي الغيبة ربي يعطيك صحتك ان شاء الله وتكوني ريحتي شوية ولا على طيابك كي نشوفهم نغير منك نتمنى نكون شاطرة كيما انت ربي يهنيك