** مشاركتي في حملة يدا بيد **هذا هو مهري.."شرطي"

[نور لاتراه]

المشاركة الأصلية كتبت بواسطة ميمي ناصر 22

السلام عليكم ورحمة الله تعالى وبركاته
اولا بارك الله فيك على هد الموضوع القيم
راح نحكيلك على مهري
ملي كنت صغيرة نسمع بابا وماما يقولو منشرطوش في العريس المستقبلي لبناتنا *حنا زوج بنات في الدار* مي مكنت فاهمة واش هو الشرط لانو قضية الزواج مكنتش دايرتها في بالي
كي تزوجت اختي فهمت واش كان قصدهم كي جاو اهل العريس يقطعو الشرط كيما نقولو قالولهم مراناش شارطين والو لا ذهب ولا جهاز والمهر عبارة عن مصحف شريف
الكل تفاجئ من عائلة العريس للعايلة نتاعنا و بدات الهدرة من ذوي العقول الناقصة انو الطفلة *اختي* كشما فيها اللي مشرطوش ولا كشما دايرة ... الخ
مي هدا مااثرش في بابا وماما وتم العرس والحمد لله راها عندها طفلة وبالحمل
و نفس الشي تكرر فيا انا نهار قطعنا الشرط ولكن راجلي زاد مليون على المصحف وبعد نقاش بينو وبين بابا قال راجلي لبابا هدا اعتبرو هدية مني لزوجتي مش داخل في المهر
والحمد لله دخلت في سبتمبر 2015 وراني بالحمل بعد ما اجمعو تقريبا كامل العايلة بلي كاينة حاجة فينا وهد الشي جاهم غريب انو منشرطوش
واللي دايما تقلقني كي نجتمعو في مناسبة يقولولي انت مدوك باطل ومشرطوش فيك وكانو المصحف الشريف حاجة قليلة وانا الحمد لله مقتنعة انو كان مهري اغلى مهر في العالم لانو بكلام ربي
انا صراحة حبيت نوجه كلمة للناس اللي يشرطو في الراجل مهر لا يقل على 10ملاين و ذهب من خاتم حتان طقم ذهب و الجهاز من كل حاجة زوج ولا اربعة والعرس في لاصال الفخمة وخلي اللي يشرطو الدار وشهر العسل في ارقى الاماكن وين راكم رايحين ممكن كاين ناس عندهم الدراهم وربي يزيدهم من نعيمو يقدرو يديرو هكدا مي واحد معندوش منين يدير و يقولك العنوسة زادت اكيد تزيد لانو مكانش رحمة و هات يلقاو برك واحد يجبدو منو تقول الراجل راه مالك مال قارون
وفي الاخير اسفة على الاطالة و ربي يهني كل واحدة وواحد اجتمعو في الحلال

السلام عليكم
نعم الوالدان من ربّياكِ أختي
الحمد لله انهما تغلبا على تلك العقلية
سبحان الله
هل أصبحت من تقبل بمهر زهيد في نظرهم او كتاب الله سبحانه
تشوبها شائبة ,فبدل ان يثنوا على هذا الموقف بانه تسهيل على الشباب إنتقدوا ذلك
لكن يكفيكِ فخرا أن الله جمع بينكما في خير
وأنكما سرتم على منهج صحيح
وكان المهر حلال وايّ مهر كلام ربي
لن يدركوا وزنه بموازينهم البشرية لانها ليست اهلا له اصلا
وأنكم سرتما على نهج الأولين
فحفظكم الله جميعا ورعاكم
مثال يحتذى به
بارك الرحمان فيكم ونفع بكم

[lamine_du23]

و الله هذا واقع اراه دائما امام عيني و يكذب عليك لي يقلك نحبو الزوالي المهم يكون راجل هذي بكري ، جل الفتيات يحبون و يتمنون الرجل المرفة لي مستقبلو مضمون و ما يحبوش الزوالي او واحد نورمال قاعد يكون في روحو خصوصا الجامعيات ، لم اقل كل الفتيات لكن معظمهن ، ما عدا فئتين : فتاة ليست جميلة او فتاة فاتها قطار الزواج ، علابالي بلي راح تقولولي كاين و كاين لكن انا انسان نامن بالصح و بالواقع و المشكلة الحقيقية التي احتار فيها ان فتيات الجزائر في الفايسبوك و المواقع الاجتماعية يطيحو بنات فاميلية و ما شاء الله و ما يشرطوش و يحوسو غير على الهناء و شبعانات ..؟ ... اما في العالم الواقعي فعكس ذلك ، الاحصائيات تقول بلي 12 مليون عانس غير بسبب العقلية الفاسدة هذي ، في النت عقلية و البرا عقلية تعيا تفهم ، اين هم الفتيات اللاتي لا يشترطن انا الاول نروح نخطب ؟ انا حاكم روحي عن الحرام بشعرة و الحمد لله ، و الله عندي فتاة نتكلم معها من بولندا تحب الزواج و قاتلي ما نشرط والو غير الحب فقط و زيد فوق ذلك جمال ملائكي و الفتاة عذراء و تحب الاسلام و حابا تتعرف عليه شيئا فشيئا
نصيحة لجميع الفتيات : تفكري كون تبقاي تشرطي حياتك كاملة بلي واحد ما راح يتزوج بيك و كي تكبري و تصبحي 70 سنة ما تلقاي لا راجل يلمك لا اولاد يهزوك في كبرك لا حتى شيء ، اما الشباب فقد يتزوج عادي بفتاة خارج الجزائر

[ياقوت وهران]

المشاركة الأصلية كتبت بواسطة نور لاتراه

السلام عليكم

هل المهم في المهر أم فيما بعد المهر؟
تحديد قيمة معينة له أمر يصعب تحقيقه، كونه يختلف من منطقة إلى أخرى
فبين الشرق والغرب والجنوب الجزائري يتباين, فلا يقلْ المهر عن 12 مليون وفي حالة الإرتفاع يصل من 20 إلى 25
بالإضافة إلى الذهب من "سباعيات" و خواتم وأقراط بمختلف الأشكال
بل وحتى حسب العائلات فالبعض يرى أن الإبنة جوهرة نفيسة لاتقدر بثمن,وبنت فلان أو علان ليست أعلى منها شأنا او
حسبا او مالا او جمالا
قد تكون هذه المشكلة عائق لعدد معتبر من الشباب للإستقرار ناهيك عن إيجاد عمل وبيت مستقل
(حتى أنه أصبح شرطا كذلك لابد منه تحت اي ظرف) بعد إكمال الدراسة ثم أداء الخدمة الوطنية
لكن هناك فئة أخرى من الشباب ميسورة الحال تتطلع إلى إقامة زواج أسطوري
ففي السنوات الأخيرة اصبح من قيمة رمزية دينية إلى موضة للتباهي
صحيح أن المهر شرط ديني من شروط الزواج الشرعي
لكنه لا يحدد أبدا القيمة الحقيقية للفتاة
المرأة الصالحة لاتقدر بثمن ,فكما جاء في الحديث عن الرسول عليه الصلاة والسلام:"خير متاع الدنيا الزوجة الصالحة"
فالدعوة لتقليل المهور ليس غرضها سلب المرأة حقا من حقوقها التي أقرها الشرع لها
بل أن يكون في حدود ماتسير دفعه بعيد عن المغالاة والمزاد العلني
فالمهر يبقى مكرمة لها للحفاظ عليها وعلى حقوقها
قال عليه الصلاة والسلام:
(أقلهن مهرا أكثرهن بركة)

هذه مجموعة مقالات
حول الموضوع

مقالة مهر الزواج
من كتاب:
الروض الوريف: شرح حقوق الجنس اللطيف
المؤلف:
وائل حافظ خلف

رابط التحميل:

https://www.4shared.com/web/preview/pdf/2eOVhIuhba?


مقالة المهر وآثاره
من محاضرات في الأحوال الشخصية
لفضيلة الشيخ الدكتور:
فارس العزاوي

رابط التحميل:

https://www.4shared.com/web/preview/pdf/wBshyCQRce?


بارك الله فيكن أخواتي

[محمد جديدي التبسي]

أغلب الفتيات ضعيفات امام امهاتهن ونساء العائلة لا يستطعن تقليل المهر للاسف والضحية هن والشباب اصبح سن الزواج متأخرا جدا ومن تزوج في الثلاثين فهو محظوظ جدا !
ربي يهدينا ويصلح احوالنا...

[نور لاتراه]

المشاركة الأصلية كتبت بواسطة lamine_du23

و الله هذا واقع اراه دائما امام عيني و يكذب عليك لي يقلك نحبو الزوالي المهم يكون راجل هذي بكري ، جل الفتيات يحبون و يتمنون الرجل المرفة لي مستقبلو مضمون و ما يحبوش الزوالي او واحد نورمال قاعد يكون في روحو خصوصا الجامعيات ، لم اقل كل الفتيات لكن معظمهن ، ما عدا فئتين : فتاة ليست جميلة او فتاة فاتها قطار الزواج ، علابالي بلي راح تقولولي كاين و كاين لكن انا انسان نامن بالصح و بالواقع و المشكلة الحقيقية التي احتار فيها ان فتيات الجزائر في الفايسبوك و المواقع الاجتماعية يطيحو بنات فاميلية و ما شاء الله و ما يشرطوش و يحوسو غير على الهناء و شبعانات ..؟ ... اما في العالم الواقعي فعكس ذلك ، الاحصائيات تقول بلي 12 مليون عانس غير بسبب العقلية الفاسدة هذي ، في النت عقلية و البرا عقلية تعيا تفهم ، اين هم الفتيات اللاتي لا يشترطن انا الاول نروح نخطب ؟ انا حاكم روحي عن الحرام بشعرة و الحمد لله ، و الله عندي فتاة نتكلم معها من بولندا تحب الزواج و قاتلي ما نشرط والو غير الحب فقط و زيد فوق ذلك جمال ملائكي و الفتاة عذراء و تحب الاسلام و حابا تتعرف عليه شيئا فشيئا
نصيحة لجميع الفتيات : تفكري كون تبقاي تشرطي حياتك كاملة بلي واحد ما راح يتزوج بيك و كي تكبري و تصبحي 70 سنة ما تلقاي لا راجل يلمك لا اولاد يهزوك في كبرك لا حتى شيء ، اما الشباب فقد يتزوج عادي بفتاة خارج الجزائر

السلام عليكم
في موضوع تم فيه التطرق للمهر في الجزائر ,قرات مرة نفس الحالة لكنها ألمانية
وهنا تم الإطراء على ذلك لانها لم تشترط شيئا سوى الخاتم
لكن بدا التفكير بجدية لارجاعها والسكن معها في بلاد اخرى ,لانها بدات تسال اسئلة محرجة وخطيرة
عن ماتسمعه في الواقع من نقد لها على انها من بيئة غير معتدلة
وماتراه ايضا من اختلاف في واقع من ينتقدونها بحد ذاتهم
واكيد عندما تبدا المقارنة بين الجزائريات والاوروبيات يكون هناك شان آخر,حتى لانقول سوريات
لكن هذا لايعني أن الجزائريات اقل شان ,فكلاهن بنات حوى
وما فضل الله بين عربي او عجمي ,اسود او ابيض الا بالتقوى والعمل الصالح
فالجمال مطلوب لكنه زائل,كما ننا لم نرى الملائكة لنربط الجمال البشري به
ولم يقتصر ذلك على طائفة دون اخرى
إنما اشتهرت به اغلبيتهن ,لكن ماذا عن الاخلاق
هنا لانشكك في الفتاة البولوندية فلا يحق لنا ذلك اصلا
انما ليس هنالك ضير ان كانت حقا راغبة في الاسلام لاجل الاسلام
حتى لاتصطدم بواقع المسلمين او لنقل بعضهم ,فتغير رايها وترتد الى ملتها
لذا وجب التثبت من رغبتها
وفي الواقع عن قرب تشهد امثلة بإحسانهن عندما صدقت رغبتهن في الدين
أما من تقول شيئا وتفعل شيئا,فلا اظن ان ذلك يضلل احدا في هذا العصر
فكل شيئ اصبح مكشوفا
والله اعلم
رزقكم الله من حيث لاتحتسبون

[نور لاتراه]

المشاركة الأصلية كتبت بواسطة alya9oot

هذه مجموعة مقالات
حول الموضوع
مقالة مهر الزواج
من كتاب:
الروض الوريف: شرح حقوق الجنس اللطيف
المؤلف:
وائل حافظ خلف

رابط التحميل:

https://www.4shared.com/web/preview/pdf/2eovhiuhba?


مقالة المهر وآثاره
من محاضرات في الأحوال الشخصية
لفضيلة الشيخ الدكتور:
فارس العزاوي

رابط التحميل:

https://www.4shared.com/web/preview/pdf/wbshycqrce?


بارك الله فيكن أخواتي

السلام عليكم
جاري الإطلاع على المصادر ان شاء الله
بورك فيكم

[نور لاتراه]

المشاركة الأصلية كتبت بواسطة محمد جديدي التبسي

أغلب الفتيات ضعيفات امام امهاتهن ونساء العائلة لا يستطعن تقليل المهر للاسف والضحية هن والشباب اصبح سن الزواج متأخرا جدا ومن تزوج في الثلاثين فهو محظوظ جدا !
ربي يهدينا ويصلح احوالنا...

السلام عليكم
المسالة ليست متعلقة بالشرط بل في شرط الشرط كما ذكرتم
الذي فرضه قصر النظر ,وانحساره في الماديات
ثم التخوف من القرينات فتبدأ المقارنات
الشاهد ان الامر يرجع الى القناعة التامة
عندما ينظر اليه كقيمة دينية وليست تثمينية
فالعبرة في بناء بيت اساسه التقوى وليس الماديات ,التي تفقد الاسرة جوهرها وان تم التظاهر بعكس ذلك
نسال الله الهداية والصلاح والسداد للجميع

[lamine_du23]

اختي انا مثتبث من رغبتها و يوميا اتواصل معها عبر النت و اتكلم مع اختها و ابيها و انها حتى امي تتكلم معها ، الحمد لله الصيف جاي انشاء نعقد معها في تونس ، صراحة اختي عن تجربة لي لقيتو فيها ما لقيتوش في بنت بلادي ، الفتاة الاوروبية اذا حبتك تحبك لشخصيتك و لذاتك و لروحك و فقط و لايهمها شكلك او منصبك او مالك او جاهك ، عكس جل فتيات بلادي لم اقل كلهن لكن معظمهن يردن الرجل الغني و المرفه بالدرجة الاولى بغض النظر عن عقليته و سلوكه و اخلاقه و قد يتزوج عليها يوما ما ، مادام غنيا ، المشكلة ليست مشكلة مهر فقط ، بل ايضا الشروط التعجيزية مثل الذهب و جهاز للعرس و الهدايا و صاله الافراح الكبيرة مع الكباش و الكثير الكثير ، ايضا مشكلة السكن ......

[نور لاتراه]

السلام عليكم
بارك الله لكم وجمع بينكم في خير
في الآخر الناس كلهم من خلق واحد ,وطريقة التحكم في الظروف هي التي تجسد الشخصيات والعقليات
الله المستعان

[على حمد 1991]

يا زين الكلام

[RB59711]

المشكل ليس في المهر في حد ذاته انماً انما في بعض العادات المكلفة .

[صفيان 11]

نقول حاجة ميغروكمش هدرت البنات في المواقع اتقلك انا نيسر و نحوس علا وليد فميليا الواقع روح اخطب هد الطفلة ف و الله غير ديرلك شروط غير انت تحير وراي الهدرة لي يقلك المهم الهنا و يكون وليد فميليا بالكو

[نور لاتراه]

المشاركة الأصلية كتبت بواسطة rb59711

المشكل ليس في المهر في حد ذاته انماً انما في بعض العادات المكلفة .

السلام عليكم
صحيح ,وبما انها عادات فهي مكتسبة وليست فرضا او قانونا
والسبب دائما يعود للتباهي ليس فقط للطبقة الغنية بل حتى لميسوري الحال
لمحاولة مقارعة اقرانهم

[نور لاتراه]

المشاركة الأصلية كتبت بواسطة صفيان 11

نقول حاجة ميغروكمش هدرت البنات في المواقع اتقلك انا نيسر و نحوس علا وليد فميليا الواقع روح اخطب هد الطفلة ف و الله غير ديرلك شروط غير انت تحير وراي الهدرة لي يقلك المهم الهنا و يكون وليد فميليا بالكو

السلام عليكم
الامر ليس اتفاقا اعتباطيا على معاهدة والأعين مغمضة
بل هناك اخذ ورد بالحسنى مع أولي الأمر,وتشاور مسبق في حدوده لموضوع كهذا

[جهينة اليقين]

السلام عليكم الجتمع هو الذي فرض كل هذه العقبات فلذا لااااازم هذه العقلية تقلع من جذورها فهم يفرضون على الرجل اغلى المهور وفي المقابل يفرضون على البنت جهاز يفوق المهر بكثييييييرمن حلي والبسة وافرشة خاصة في الغرب وكانها رايحة تفتح حانوت والله تعمر شومبرتها والشومبرة المجاورة ههههحتي معظم اولاد الغرب الجزايري راهم يجيبو من القبايل او الشرق لانهم يطلبو الهنا فقط وراهملا باس عليهم اذن فليستدرك اهل الغرب بناتهم والا فات بناتهم كل القطا رات