tarte au citron meringuée // من مطبخي

Blue*flower · 2014-01-25, 15:16

تارت الليمون

وصفة راااااااائعة لكل محبي الحمضيات و خاصة اننا في موسمها

هادي الوصفة عطاتهالي صحبتي رااائعة و سهلة ...

العجينة :
1=) حبة بيض + 2 م ك سكر عادي + 125 غ زبدة : تخدميهم كيما الكرام . تزيدي رشة ملح و تلمي بالفرينة
العجينة لازززززززم تبقى طرية

2=) نخلوها ترتاح في الثلاجة 15 د على الاقل

كريمة الليمون :

نصف لتر ماء
كاس متوسط الحجم : سكر
4 م ك مايزينة او فرينة مغربلة
3 صفار بيض

1**تخلط المكونات معا جيداااااااا

2**توضع على نار هادئة مع التحريك المستمر حتى تصبح ثقيلة

3**نضيف لها 1 م ك زبدة و نخلط .. تم نتركها تبرد على جنب

4** نزيدولها عصير حبة ليمون صفراء و نخلطو مليح .. و الان راهي واجدة كريمة الليمون

الميرانغ :

3 بياض البيض الي يبقالنا . نحضروها بيه
الطريقة: للاامانة تبعت طريقة الاخت ام سامي

في هاد الرابط .. الطريقة بالتفصيل
https://www.djelfa.info/vb/showthread.php?t=1243906

و الان

نطيبو العجينة مليح .. حتى تتحمر
نخلوها تبرد شوية .. نزيدو فوقها الكريمة الحامضة
و نزوقوها بالمورانغ
تم نشعلو عليها مالفوق غير عدة دقائق .. لازم نعسوها .. خيما تنحرق

و شهية طيبة