الاجواء في سيدي بلعباس تجربة

3ab2ou · 2013-07-28, 00:12

السلام عليكم خاوتي امس رحت نسجل في جامعة سيدي بلعباس حيث قطعت حوالي 1000 كم ف 10 سوايع و الحمد الله كاين الطريق السيار رحنا فالطوموبيل الاجواء في سيدي بلعباس و الله جميلة جدا ناسها ناس ملاح يهضرو باحترام يساعدوك السونطر فيل تاعها تقول عليه paris و لكن اكثر ما اعجبني هو ناسس سيدي بلعباس ربي يحفظهم زيدلها فالجامعة رحت نسجل يرحبو بيك يضحكو معاك يساعدوك صح الحالة منظمة الله يبارك متحسش بروحك برااني خلاص ,,,خخخخخ عجبتني الهضرة تاعهم وااه صاحبي شغادي نقولك ,,روح نيشاان و احكم لاضروات و كمل نيشاان معا الاول كنت حاط فبالي بلي نيشان يعني روح فرحان و مبعد تولهت بلي نيشاان يعني قدقد خخخخخخخ المهم ولاد بلعباس الله يبارك + بصح فالتسجيل مطلبوش عليا شهادة الباكالوريا الاصلية ????

عاشق الاله · 2013-07-28, 00:18

أنا غذا ساذهب في الكار رحت في الطونوبيل نتاعكم و لا لا كم استغرقت الرحلة و هل يوجد طلاب من ميلة يدرسون أشغال عمومية

3ab2ou · 2013-07-28, 00:22

انا هندسة كهربائية رحت مع الاب تاعي فالطوموبيل و الله منكدب عليك خويا انا سجلت على 8 تاع الصباح لقيت غير تاع بلعباس

mica nour · 2013-07-28, 00:25

ههههههه ضحكتني
مين تقول حاجة صحيحة يقولوا نيشان و فالاتجاه روح غي نيشان هعهعهعههع

3ab2ou · 2013-07-28, 00:29

اقتباس:

المشاركة الأصلية كتبت بواسطة mica nour

ههههههه ضحكتني
مين تقول حاجة صحيحة يقولوا نيشان و فالاتجاه روح غي نيشان هعهعهعههع

هههههه والله صح روح غي نيشاان

didou rakkaus · 2013-07-28, 00:30

ههههههههه حمد الله عجبتكم الحالة عدنا ......زيد صح ناسها ملاااح بزااف وانشاء الله ديروا صحاب من بلعباس باه يعاونوكم........
صح الحالة منظمة في التسجيلات ما تعيوش خلاص انا اقل من ربع ساعة كملت كلش ر رجعت للدار نكمل رقادي لوووول

عاشق الاله · 2013-07-28, 00:30

اقتباس:

المشاركة الأصلية كتبت بواسطة 3ab2ou

انا هندسة كهربائية رحت مع الاب تاعي فالطوموبيل و الله منكدب عليك خويا انا سجلت على 8 تاع الصباح لقيت غير تاع بلعباس

غاذي نقولك حنا عندنا طونوبيل بصح ماحبينش نروحو بيها بويسك الباصة بعيدة
متى انتهيت من التسجيل
من اي بلدية أنت

Remàn · 2013-07-28, 00:50

انا يوم الثلاثاء ان شاء الله وراني رحت م قبل واستغرقنا بالسيارة 3 ساعات في الطريق السيار ....

3ab2ou · 2013-07-28, 00:50

اقتباس:

المشاركة الأصلية كتبت بواسطة didou rakkaus

ههههههههه حمد الله عجبتكم الحالة عدنا ......زيد صح ناسها ملاااح بزااف وانشاء الله ديروا صحاب من بلعباس باه يعاونوكم........
صح الحالة منظمة في التسجيلات ما تعيوش خلاص انا اقل من ربع ساعة كملت كلش ر رجعت للدار نكمل رقادي لوووول

حتى انا ,,بلاك القيتك ,,قولي مشفتش واحد لابس تريكو بيض و كحل كيما تاع الحمار الوحشي ??? المهم هاداك هو انا خخخخخخخ

اقتباس:

المشاركة الأصلية كتبت بواسطة عاشق الاله

غاذي نقولك حنا عندنا طونوبيل بصح ماحبينش نروحو بيها بويسك الباصة بعيدة
متى انتهيت من التسجيل
من اي بلدية أنت

الى كان باباك موالف يسوق لبعيد نورمال و توله ابقى عسو يزيد يرقد انا بابا و الله شويا و قلبنا ف الدودانة فايت كاطريام عليها خخخخخخ انا من ميلة الديانسي

Remàn · 2013-07-28, 00:52

وصح ناسها ملاح ومحترمين وبلعباس مليحة بزااااف لكن التخصص الله يدير الخير فيه برك ههه

عاشق الاله · 2013-07-28, 00:53

اقتباس:

المشاركة الأصلية كتبت بواسطة 3ab2ou

حتى انا ,,بلاك القيتك ,,قولي مشفتش واحد لاباس تركي بيض و كحل كيما تاع الحمار الوحشي ??? المهم هاداك هو انا خخخخخخخ

الى كان باباك موالف يسوق لبعيد نورمال و توله ابقى عسو يزيد يرقد انا بابا و الله شويا و قلبنا ف الدودانة فايت كاطريام عليها خخخخخخ انا من ميلة الديانسي

كم استغرقت في التسجيل و بارك الله فيك

3ab2ou · 2013-07-28, 00:55

wahd rba3 sa3a

عاشق الاله · 2013-07-28, 00:57

لازم ديرو التعييرات و لا لا
كاينة الكار تمشي من ميلة و لا لا

didou rakkaus · 2013-07-28, 00:59

عبدوما نتبهتش لووول زيد في بلعباس ماكان غي نيشان كاين تاني خيي (khayé) راح تشبع منها
عاشق اله ادا بسيارة احسن تكون مرتاح تحبس وقت لي حبيت وتقلع وقت لي حبيت و زيد باه تحوس شوية في بلعباس

3ab2ou · 2013-07-28, 01:03

عاشق الاله
تاعماه التغييرات ,,مكانش كاين شهادة طبية و صدرية + منين نتا اكزاكت
didou rakkaus

هههههه صح كاينة منها