فتح محل خاص ببيع الجلباب والحجاب

[Moghtarib]

لمن عنده تجربة او خلفية يمكن يفيدني اذا هو مشروع ناجح واماكن بيع الجلباب بالجملة والعوائق او اي نصيحة

[mtoussa]

المشكلة الاساسية انو الجلباب ايضا دخلت عليه الموضة. قلة قليلة من النساء تعرف مهنى الجلباب الشرعي.
نصيحة:
* حاول تشري حزمة - سيرية - و تبيعها على الفايسبوك قبل ما تفتح محل - و طول بالك حتى تفهم السوق. عن تجربة

[أسامه123]

السلام عليكم أخي انا عندي تجربة في بيع الملابس النسوية

للأسف المنتشر في زماننا هو الحجاب الفاضح والغير مطابق لشروط الحجاب الشرعي

الاحرى انه لا يسمى حجابا فهو كاشف وليس حاجب

المهم انا خدمت لبسة تاع نساء ليكات سروال "حجابات" تريكو بيجاما...الخ

الحجاب الفاضح هاذاك يتباع طاير الفايدة فيه مليحة ثاني حوالي 1000 الى 1500 دينار على حسب المنطقة والموسم لكن كي تجيب لي مودال تاع الحجاب هاذوك وتحطهم

ف الفترينة كونك هاني ميقعدوش جيب الكونتيتي لي تحبها المهم تكون لامود وجديدة

الحجاب الشرعي غالي ويحكملك الدراهم والبيع تاعو قليل..... شحال نسبة النساء لي راهم يلبسو الحجاب الشرعي ذرك

أنا عن نفسي كنت دخلت كشريك مع واحد صديق ف مشروع بيع الالبسة النسائية هذا ...... فوائد كبيرة فيه لكن كي تقعد مع راسك وتتفكر تعرف بلي راك تخدم في صوالح لا

يرضاها الله ورسوله وممكن ينطبق عليك قول الله تعالى ((إن الذين يحبون أ تشيع الفاحشة في الذين أمنوا...))

أنا حبّست من باب من ترك شيئا لله عوضه الله خيرا منه صراحة لم أرتح لها (ودراهمها مربية) بالعامية تاعنا

نصيحة أخي:
الا راك معول تخدم حجابات شرعية لازمك راس مال شوي لاخطرا الحجاب كما قتلك غالي شوي كاين( 2 قطع وكاين 3 قطع )

اخدم معاه الخمار ثاني (الخمار فيه دراهم ورولاج كبير فيه) زيد سقسي العلماء واهل الفتوى في انواع الخمار والوانها لي تتباع

واخدم ملابس داخلية معاهم وربي يوفقك

بالنسبة منين تتسوّق
كاين الجلباب : تجيب من العلمة -- ولا تاجنانت سوق الاحد --ولا تروح لورشات الخياطة بالاك تلقى واحد يساعدك
الخمار العلمة احسن الاسوام
والملابس الداخلية شوف العلمة ولا الحميز

وربي يوفقك

وادعينا معاك دعوة في ظهر الغيب لعلها تكون ساعة استجابة

[bilal_bousaada]

*=== (( ما يلفظ من قول إلا لديه رقيب عتيد )) ===*