* المعقودة على أصولها و بأسرارها *

[faizarbh]

المشاركة الأصلية كتبت بواسطة السَحابُ الأبيضْ

السلام عليكم


الصراحة طريقة غريبة وجديدة خاصةً عفسة الهريسة


إحنا نفوروا البطاطا ثمَّ وهي سخونة نرحوها مليح ثم نضيف بصلة مقطع رقيق قرفة مرحية ملح فلفل أكحل شوي شابلور حشاوش و صفار بيضة برك وتلميها بالشكل المعروف ثم تغطس في بياض البيض ثم شابلور وإلى الثلاجة طول حوالي ساعة أو أكثر ثم للزيت السخون مُباشرة ً وبألف صحة وعافية


هذي طريقتنا فيها
ولي يحب التنويع فيها حشوات بزاف بالفرماج أو الطون أو فيوند أشي حتى الشكل دوائر أو خبيزات أو شكل إسطواني

هههههه ما تستغرربيش هدا هو الطبخ فيه تنوع بزاف
بالنسبة للهريسة فقط لانو كاين اللي يحب المعقود حار مثلا انا الحار يضرني ندير غييييييييير شوية بنة فقط لكن ماما و بابا يديرو في حقهم كمية مليحة هههه
بالنسبة لطريقتك كانت اديرهالنا ماما بكري لكن بعدما اكتشفت هاد الطريقة اللي بدون بيض ولينا ناكلوه غير هكدا لانو ما اجيش كامل فيه ريحة البيض و انا ما نبغيهش فالاكل لاني نحس روحي طول النهار و نفسي فيه البيض ههههه
بالنسبة لتاع الجبن و الطون هادوك ما نقولولهمش معقودة هادوك نقوقلهم عجيجات او صبيعات الطون

[faizarbh]

المشاركة الأصلية كتبت بواسطة أم سيرين3

وعليكم السلام ورحمة الله
بارك الله فيك على هذه الكيفية ،راح نجربها بطريقتك.

ان شاء الله ام سيرين منورة

[oum radja]

فكرة جديدة و رائعة انا دايما تنجحلي المعقودة بالطريقة العادية بالصح ما يمنعش باش نجرب طريقتك
شكراااااااااااااااا

[السَّحابة البيضاءْ]

المشاركة الأصلية كتبت بواسطة faizarbh

هههههه ما تستغرربيش هدا هو الطبخ فيه تنوع بزاف
بالنسبة للهريسة فقط لانو كاين اللي يحب المعقود حار مثلا انا الحار يضرني ندير غييييييييير شوية بنة فقط لكن ماما و بابا يديرو في حقهم كمية مليحة هههه
بالنسبة لطريقتك كانت اديرهالنا ماما بكري لكن بعدما اكتشفت هاد الطريقة اللي بدون بيض ولينا ناكلوه غير هكدا لانو ما اجيش كامل فيه ريحة البيض و انا ما نبغيهش فالاكل لاني نحس روحي طول النهار و نفسي فيه البيض ههههه
بالنسبة لتاع الجبن و الطون هادوك ما نقولولهمش معقودة هادوك نقوقلهم عجيجات او صبيعات الطون

شوفي ناكل كلش غير الحار لو كان يبقى غير هو على هاذي إستغربت

على بالي بالتنوع ،،في ولاية واحدة تقدري تلقاي تنوع فمابالك من ولاية لآخرى


ما نعرف حنا كلهم نقولولهم سفيرية [ معقودة ]

لكن هذا لايمنع أني نقول يعطيك الصحة على الوصفة [ نسيت ]

[بنت الحاج]

ههههه ضحكتيني أختي السحاب على الحار
أنا عكسك ناكل الحار والهريسة ولكن باعتدال ماشي حتى يخرجوا عينيا

ونزيدكم انتي وفايزة ، كاين ثاني نوع من المعقودة حلوّة عوض ما تحطيلها الثوم والملح ....
يديرولها السكر والقرفة والمعدنوس وصفار بيض ويقلوها. يبدو أن الناس كلها وذوقه، شخصيا لا تعجبني

[السَّحابة البيضاءْ]

المشاركة الأصلية كتبت بواسطة بنت الحاج

ههههه ضحكتيني أختي السحاب على الحار
أنا عكسك ناكل الحار والهريسة ولكن باعتدال ماشي حتى يخرجوا عينيا



اليوم حملة لا للحار

ونزيدكم انتي وفايزة ، كاين ثاني نوع من المعقودة حلوّة عوض ما تحطيلها الثوم والملح ....
يديرولها السكر والقرفة والمعدنوس وصفار بيض ويقلوها. يبدو أن الناس كلها وذوقه، شخصيا لا تعجبني

قالك : كول وش يعجبك والبس وش يعجب الناس

[faizarbh]

المشاركة الأصلية كتبت بواسطة السَحابُ الأبيضْ

شوفي ناكل كلش غير الحار لو كان يبقى غير هو :d:d على هاذي إستغربت

على بالي بالتنوع ،،في ولاية واحدة تقدري تلقاي تنوع فمابالك من ولاية لآخرى


ما نعرف حنا كلهم نقولولهم سفيرية [ معقودة ]

لكن هذا لايمنع أني نقول يعطيك الصحة على الوصفة [ نسيت ]

ههههههههههههههه انا تاني ماناكلوش يوجعني بصح ردي بالك هوما كي يديروه فالوصفة يديروه بصورة عقلانية يعني شوية برك ماشي حتى يولو يفلفلو ههههه

[faizarbh]

المشاركة الأصلية كتبت بواسطة oum radja

فكرة جديدة و رائعة انا دايما تنجحلي المعقودة بالطريقة العادية بالصح ما يمنعش باش نجرب طريقتك
شكراااااااااااااااا

.
ان شاء الله أختي مرحبا بيك

المشاركة الأصلية كتبت بواسطة بنت الحاج

ههههه ضحكتيني أختي السحاب على الحار
أنا عكسك ناكل الحار والهريسة ولكن باعتدال ماشي حتى يخرجوا عينيا

ونزيدكم انتي وفايزة ، كاين ثاني نوع من المعقودة حلوّة عوض ما تحطيلها الثوم والملح ....
يديرولها السكر والقرفة والمعدنوس وصفار بيض ويقلوها. يبدو أن الناس كلها وذوقه، شخصيا لا تعجبني

ياااااااااااااا حلوة ؟ إذن هادي ما نصنفوهاش مع الموالح هادي حلوة ياك فهميني مليح ههههه كيما سفنج و بيني بالاك ايه

[ام ولي]

بارك الله فيك اختي ان شاء الله نجربها

[faizarbh]

المشاركة الأصلية كتبت بواسطة ام ولي

بارك الله فيك اختي ان شاء الله نجربها

ان شاء الله أختي ام ولي و ان شاء الله تعجبك

[بنت الحاج]

المشاركة الأصلية كتبت بواسطة faizarbh

.

ياااااااااااااا حلوة ؟ إذن هادي ما نصنفوهاش مع الموالح هادي حلوة ياك فهميني مليح ههههه كيما سفنج و بيني بالاك ايه

لا تعتبر من الحلويات إطلاقا، تقدم مع الأكل كمقبلة أو طبق رئيسي بصح المذاق حلو.

يعني نفس طريقة التحضير تطحني البطاطا وتحطي لها مغرف صغيرة قرفة مطحونة وشوية معدنوس مقطع رقيق وصفار بيضة أو حسب الكمية تاع البطاطا والسكر قدر اللي تكون حلوة المذاق وتخدميها عادي وتقليها. بصح ما يليقش تزيدي السكر والبطاطا حامية على خاطر يطلق الماء وتولّي في حصلة معاها ههه

[faizarbh]

المشاركة الأصلية كتبت بواسطة بنت الحاج

لا تعتبر من الحلويات إطلاقا، تقدم مع الأكل كمقبلة أو طبق رئيسي بصح المذاق حلو.

يعني نفس طريقة التحضير تطحني البطاطا وتحطي لها مغرف صغيرة قرفة مطحونة وشوية معدنوس مقطع رقيق وصفار بيضة أو حسب الكمية تاع البطاطا والسكر قدر اللي تكون حلوة المذاق وتخدميها عادي وتقليها. بصح ما يليقش تزيدي السكر والبطاطا حامية على خاطر يطلق الماء وتولّي في حصلة معاها ههه

يا سبحان الله والله فاجئتني بصح اظن عادي مادامنا ناكلو اللحم اللحو يعني طاجين الحلو هههه حتى هادي عادية و خاصة شفتي المغاربة كل أكلاتهم تلقايها تقريبا فيها سكر يعني مزجو بين الحلو و المالح و الله الطبح بحر واسع يعطيك الصحة اختي على المعلومة

[حب الله لا يعادله حب]

مشكككورة بارك الله فيكي انا سمعت بهذي الوصفة هذا الاسبوع لكن اضافة الى الفرينة والخميرة المايزينة يعني النشاء ماعرفتش اذا نجربها هكذا ولا نضيف المايزينة اذا عندك فكرة مادابيك ترشديني حبيبتي

[faizarbh]

المشاركة الأصلية كتبت بواسطة حب الله لا يعادله حب

مشكككورة بارك الله فيكي انا سمعت بهذي الوصفة هذا الاسبوع لكن اضافة الى الفرينة والخميرة المايزينة يعني النشاء ماعرفتش اذا نجربها هكذا ولا نضيف المايزينة اذا عندك فكرة مادابيك ترشديني حبيبتي

للاسف اختي ما عنديش فكرة على المايزينة لكن جربيهم الاثنين و اللي تعجبك ابداي تعتامديها

[سحر الكلمات]

يعطيك الصحة اختيييييييييييييي