تطبيقي لكرواصو ام وليد .

omelbanin · 2016-09-01, 15:27

خلاااااص مانزيدش نشري قع كرواصو تاع برا ،جربت كرواصو ام وليد جا روووووعة هشيش وخفيف . يعطيك الصحة يا ام وليد .

المؤمنة أريام · 2016-09-01, 16:21

ممكن تعطيني الطريقة اختي

اسما38 · 2016-09-01, 17:18

يعطيك الصحة خرجلك هايل

المحبة للخير · 2016-09-01, 18:56

امممم بصحتكم

omelbanin · 2016-09-01, 20:36

شكرا لكم على مروركم الطيب.
.وبالنسبة للوصفة ما عرفتش ندير الرابط.نزيد نحاول ونشوف.

fatisousou · 2016-09-01, 20:38

تطبيق رائع ابصحتك

mosta*limoges · 2016-09-01, 20:55

يعطيك الصحة خرجلك هايل الله يبارك

omelbanin · 2016-09-01, 21:30

ايا نعطيلكم لا غوسات.
ديري كاس حليب دافي ،ربع كاس زيت،حبة بيض،زوج مغارف سكر،زوج مغارف خميرة تاع الخبز،شويه ملح وخلطيهم زيي الفرينة و وحدة خميرة تاع الحلوة .وخاطي حتان تتلم العجينة .
شكلي ستة قرصات صغار ،وخليهم يرتاحو عشرة دقائق.
بعدها ابداي حلي بالوحدة قد بعضاهم ،كي تكملي كامل ،ادهني الاولى بزبدة التوريق ذائبة طبعا،وحطي فوقها وحدة ،وزيدي ادهني لي حطيتيها بالزبدة ذائبة وحطي التالثه فوقها وهكذا حتان ديري سته طبقات .
بعدها حليهم كامل على ضربة بسمك واحد سنتيمتر ،راهي تكون على شكل دائري،
قطعيها كيمانقطعو البيتزا ،يتشكلولك مثلثات ،لويهم على شكل كرواصو وزيدي خليها تخمر ،ادهنيها وديريها طيب،.
انشالله تكونو فهمتو ،هي الوصفة ماشي كيما تشوفيها احسن .