موضوع مميز جلسات مع orthophoniste لمساعدة ابنك على التكلم - الصفحة 6

ام ياسمين10 · 2014-08-04, 17:10

يارب يشافى وليداتكم يا رب .ام رجاء ربى يعطيك الصبر وليدك مازال صغير لازمك تعالجيه وتصبرى عليه انا كنت نروح عند اورتفونيست وليدى كان ميهدرش عندو 3 سنوات قالى برك معندوش رصيد لغوى المهم خدمت معاه 3شهور والحمد لله تحس كثيرا وكنت نصيب عندو حالات توحد وكل مرة نلاحظ انو تحسنو وكاين الى فيهم بداو يهدرو ويفهمو المهم الصبر والخدمة مع الطبيب نتاعو وربى يشافيه

oum radja · 2014-08-13, 14:27

السلام عيكم
راني درت لولدي ال p e a
و الحمد لله خرج مليح يعني يسمع مئة بالمئة وبقالي نشوف راي الاورتوفونيست

& هبة الرحمن & · 2014-08-13, 14:35

وعليكم السلام ورحمة الله وبركاته
الحمد لله ربي يطمنك عليه و ويفرحك به وتشوفيه في اعلى المراتب ان شاءالله

ايهان · 2014-08-13, 17:07

ربي يطمنكم على وليداتكم ان شاء الله
للاخت صاحبة الموضوع بارك الله فيك وجعل عملك فيميزان حسناتك

أم محمد إسلام · 2014-08-21, 00:03

بارك الله فيك على الموضوع و بارك الله في الاخوات على الافادة
انا ايضا لدي ابن عمره3 سنوات و شهر هو كي كان عمرو سنتين كان يتكلم جملة فيها كلمتين و من بالتدريج و لا يتكلم كلام مفهوم و بعدها ولا يتأتأ يكرر الحرف الاول حتى يتعب باش يقول الجملة ولاحظت هذي المشكلة تزيد كي يبكي بزاف زائد الغيرة لانو عندو أخ اصغر منو
ماديتوش ل أرتوقونيست بصح بديت نشتغل معاه في الدار لقيت هاذو النصائح في النت لكن مشتغلتش بيهم بزاف و شريت سبورة صغيرة و ليت نعلمه الحروف باش يسهل عليه نطق الحرف الاول و الحمد لله نقصت المشكلة و لكن كي يبكي بزاف ترجع من جديد و
والله تعبت و راني مقلقة عليه
تذكرت في عائلة زوجي كاين هاذي الحالة و تحسن الحمد لله

حواء 19 · 2014-09-18, 14:35

السلام عليكم لازم تتولهو الى شيءين هو هل ادا طلب منك ابنك حاجة هل يشير اليها بالسبابة مباشرة و هل ادا كان في مكان فيه اطفال هل يندمج معهم و يلعب معهم او لا هادو هوما اللي يبينو هل ابنك مصاب بالتوحد ام لا انا عندي ابني عمرو 4 سنوات جريت بيه حتان و كل ما نديه للاوغتوفونيست يسالني هادي الاسئلة لانو كان ما يهدرش غير يخلط و درت واش يقولولي بصح والو كي نجق كلمة ما ينطقهاش مليح و عندو خوه اقل منو هي عمرو سنتن كي نطق هو تطق معاه و الحمد لله

hanane09 · 2014-09-18, 15:20

شكرا لكل الاخوات فعلا استفدت واستفادت كل الاخوات من تجربتكنانا ابنتي عمرها اربع سنوات هي تتكلم ولكن كلامها لا بقهم جيدا وليس لدىها التركيز وعنيدة جيدا لا تسمع الكلام ابدا لا اعرف طريقة معاملتها استعملت كل الطرق الحنانة العقاب الضرب ما نفع والو قالولي كي تتدخل المدرسة تعقال اني نسانا اي عندها طرق مجربة تفيدني الله يخليها

اما بالنسبة للتلفاز انا ابنتي الكبيرة كنت اضع لها براعم والله تتكلم وكلمات تنطقهم باللغة ولل من يتفرج قناة براعم
تلاححضينه يتكلم هدا حسب راي وحسب تجربتي مع ابنتي فاالصغيرة لاترى هده القناة

mereyoucef · 2014-09-22, 13:35

صباح الخير اختي حنان بالنسبة لابنتك كلامها لا يفهم انتي صحيلها كل كلمة غالطة انا لماينطقها غالطة اانقولو مثلا مغلوقة ماشي معلوقة فقط ماتزيديش معاها الهدرة وصح قاتلي المختصة لما طولي الهدرة معاه رايح يعاند و يقولها غالطة لكن لما تقولي هاكدا ماشي هاكدا رايح يعاودها تم تم صحيحة و يشدها في راسو
و بالنسبة لقلة التركيز راهم الكل
و بالنسبة للعناد انا كنت نعاندو لكن هي قاتلي ماكانش كيما التجاهللللللللللللل يعني ديري روحك ماعلبلكش بيها خلاص نهار زوج سمانة شهر و من بعد رايحة تكره و تبطل العناد ديالها بصح ماشي حاجة ساهلة يلزملك الصبر انا كي كان يدير و لا يبدا يدير في هبالو نروح للغرفة ديالي ونبدا نفرغ زعافي في المخايد حتى نعيا ونخرج من الغرفة منهكة القوى ç مليحة هاديç بصح كنت انفهمو واش دار لاخاطر ربع سنين يفهم مليييييييييييح انتي حاولي دخليها للجامع او الروضة رايحة تتعلم و تفهم و تتسرح في الهدرة بزاف و التلفاز صح انا نديرلو براعم صح ارفد بزاف كلايم عليهم و الله دايما الناس يقولولي ان البنات عقلين بزاف و ماتتعبيش معاهم في التربية كيما الدكورا بالتوفيق

jawada22 · 2014-12-18, 19:10

بارك الله فيك

saraz09 · 2014-12-25, 22:07

السلام عليكم. أنا بنتي عندها 27 شهر متهدر والو حتى انها متفهمش كيتهدر معاها ولا نعطيها امر حتى لو كان بسيط مثلا هات الكاس وانا نوريهولها بصبعي. ديرتلها تخطيط مخ وطلع سليم و السمع كداك. عند لورتوفونيست قالتلي توحد خفيف يخدمو معاها مرتين في الاسبوع
هي حيوية تتفاعل معانا كينلعب معاها تحب الناس ..تاكل وتشرب وحدها .التطور الحركي عادي هل من مساعدة او معلومة من فضلكم

salima14 · 2014-12-26, 11:03

موضوع رائع بارك الله فيك ربي يجزيك
خير ان شاء الله

ابداع جزائرية · 2014-12-26, 22:11

السلام عليكم ورحمة الله وبركاته
موضوع رائع ربي يجعله في ميزان حسناتك اختي
شخصيا كانت عندي تجربة مع التأتأة
تولدت في ابني مع سن الرابعة ...نتيجة الغيرة من اخته
وتزامنا مع دخوله الروضة
استمرّت ممكن حتى سن السادسة والنصف
وكان علاجها الحمد لله
العمل على تقوية الثقة بالنفس عنده
بعدة طرق ...
مع الدعاء
والحمد لله ماشاء الله شفي تماما الان عنده 8 سنوات
فاللي ماتقدرش تتواصل مع اورتوفونيست
كما الاخت ام رجا ...
ممكن تعمل على تقوية العلاقة بينها وبين وليدها
وتحاول تقوي ثقته بنفسه وتكثف الدعاء
هاذي كانت تجربتي والحمد لله جات بنتيجة
نحيي كل ام تحط نصب عينيها مشاعر وتطور ولادها النفسي والاجتماعي والعلمي والديني
وربي يقدرنا اجمعييين

ملك الروح · 2014-12-26, 23:02

السلام عليكم ورحمة الله وبركاته
موضوع رائع بارك الله في كاتبته
قدا استفدت منه ومن ردود الاخوات الفاضلات
جزاكن الله كل خير
ابني عمره 20 شهر وهو متعلق بطيور الجنة
و يتتكلم بلغة غير مفهومة الشينوية لكن يقول بابا وماما وكلمات بسيطة
وهو عنيد وادا لم يستجب لمطلبه فورا يغضب ويرمي روحو على الارض
وعندو ثاني صنعة انو يرمي الاشياء
ساعدوني من فضلكم هل ابني مصاب بالتوحد ؟

oum radja · 2014-12-26, 23:16

الحمد لله لي رجعت الروح لهاذ الموضوع
بصراحة انا ديته عند اورتوفينيست هنا في المستشفى وقعدت تقولي مازال صغير وماتخافيش عليه يعني مادارت معاه لا جلسات لا والو مانعرف علاه
بالصح كاين هنا اخت نصحتني ب واحد السيرو هو عبارة على فيتامينات تساعد على نمو الدماغ و التركيز راني نعطيه يشربه
بالصح راني نحس فيه مازال ناقص يعني كي نهدر معاه ما يفهمنيش
الا اذا قلت له هات مثلا الحاجة لي في يده يمدهالي او نقوله بوسني او ارواح عندي هاذا ماكان
حاجة اخرى ما يفهمهاش
وهو يلعب مع اخته مليح
والكلام ينطق الحروف كي يكون يلعب مثلا يقول لا لا لا ولا يايا ولا ادادا
بالصح باش يقول كلمةولا يناديني مايقول والو
والله مرات يبانلي بلي راه في تحسن ومرات اخرى نقول راه يتراجع للوراء
وهاذ الدوا اذا جاب معاه نتيجة رايحة نقول ليكم عليه اكيد على خاطر راني حاسة بيكم
تمنيت لوكانت هنا في المنتدى اورتوفونيست تقدر تساعدنا ونتواصلو معاها

saraz09 · 2014-12-27, 15:40

السلام عليكم. ام رجاء على ما اظن ابنك عندو عامين ونص يعني لورتوفنيست تقدر تحدد واش عندو ما تقولكش صغير وتخليك حايرة. مثلا بنتي عندها توحد خفيف ماشي تاخر في الكلام وهدا راح يعاوني باش نخدم معاها والتوحد عندو صفات رايحة نعطيك معلومات عن بنتي بلاك تساعدك وحط في بالك بلي كل طفل يختلف عن غيره في التطور بصح كاين اشياء لازم يديروها معظم الاطفال في سن محددة. والصفات رايحة ندكرها ونحط قدامها العمر اللي اكتسبتها فيها على خاطرش كل مرة يديرو طبيعة حتى يولوا مجموعة صفات. عدم الاستجابة للاسم من اول الشهور.التصفيق و الرفرفة 10 اشهر. الدوران 14 شهر كي بدات تمشي. طقطقة الاسنان والنظر الى مصدر الضوء وتمزيق الاوراق في عمر السنتين. واحيانا تمشي على رؤوس الاصابع. وحاليا قدرت نحيلها عدة صفات التصفيق الرفرفة التمايل الدوران النظر الى الضوء. بدات تشير الى الشيء عندما تريده تكرر الافعال اللي نخدمها قدامها. العناد من صفاتهم . عدم التركيز وكيما قلتلك تختلف من طفل لاخر بالنسبة للدواء انا نعطيه لبنتي زايد معاه فيتامين اخر لكن اعطاتهولي pedopsychiatre طبيبة مختصة في طب نفس الاطفال لانو الجرعة محددة وراني 15 يوم ملي بديتهولها ومدة العلاج 3 اشهر. عذرا عندي زائر لعشية انشاء الله نرجع ونكمل الحديث .سلام