كيفية تعديل الصور في برنامج pic collage

[ام سراج وملاك]

تحياتي للجميع اليوم حبيت نحط هذا الموضوع باش نسهل المهمة للاعضاء لي يخدمو بالهاتف او الطابلات او الايباد في المنتدى ونساعدهم في كيفية تعديل الصور وكتابة الاسم الخاص بعضويتهم وايضا كتابة الوصفة الخاصة بهم خطراه كاين منهم لي ميعرفش يخدم بهذا البرنامج
بالنسبة للبرامج كاين برامج بزاف بصح احسن برنامج عجبني في الخدمة هو pic collage تبعوني مليح وان شاء الله تستفادو منو في تصغير الصور
اول حاجة لازم نحملو برنامج pic collage من play store طبعا اي هاتف او طابلات موجود فيه play store نفتحوه ونحملو البرنامج



هنا فتحت play store وبحثت على برنامج pic collage



نقوم بتحميلو installer كي يكمل تحميل نلض على accepter ونكونو انتهينا من تحميل البرنامج



هذي بالنسبة لتحميل البرنامج معا لنرى كيفية العمل على البرنامج



نفتحو البرنامج بمجرد فتحو نلقاو الخانة هذي لي في الصورة نسطيع العمل باي ايطار نوريلكم الايطار لي مكتوب فيه grids
بمجرد النقر عليه نذهب مباشرة وين الصور لي حابين نخدموهم نختار الصور المطلوبة انا خيرت صورتان في الاعلى نجد سهم فيه عدد الصور نلض عليه نوليو في البرنامج ونبداو العمل نلقاو الصور تحملولنا وحدهم تبعو برك الصورة لي حطيتهالكم تفهمو السهم راني درتو في دائرة حمراء





الصور نتم لي تتحكمو فيهم تحبو تخليوهم في ايطار عادي او تسحبوهم بواسطة يديكم وين حبيتو حطوهم وتقدرو ثاني بيديكم تصغروهم وتكبروهم هنا المرحلة هذي ماشي مصورة بصح ان شاء الله تفهموها نوليو نخيرو الزخرفة اول حاجة نلضو على زائد لي في الاسفل يخرجولنا اختيارات نلضو على changer l’arrière-plan نلقاو الزخرفة لتحت نخيرو واش حبينا



يجيونا الاختيارات انا خيرت الزخرفة لي في دائرة لي في الصورة كي نخيروها نلضو على السهم لي في الدائرة باش نكملو الخدمة نتاعنا





نجيو لمرحلة كتابة الاسم
نلضو دائما على زائد ونخيرو ajouter du texte



يخرجلنا الايطار هذا نكتب الاسم او كتابة الوصفة وكي نكمل نلض على fait





هنا الاسم او الوصفة لي كتبتوها تجينا هنا نخيرو الخط من حرف t



انا هنا كتبت غير اسم عضويتي نوليو نخير لون للاسم نلضو على الريشة لي راهي في دائرة



هنا ثاني خيرت لون للخلفية كي نكملو نلضو على fait يروحلنا الاسم فوق الصورة نسحبو بالاصبع ونكبر ونصغر بيدينا ونحطو في المكان لي حبيناه







هنا نلض على fait كي نكملو ونحتافظو بالصورة نلضو على garder






هنا صورتلكم طريقة اخرى لي هيا modèles نخليكم مع صور وشرح مع نفتحوه نلقاو مباشرة اشكال من الايطار نخيرو واش حبينا




هنا خيرت هذي الصورة لي راح نحط فيها الصور



هنا في صور لي في modèles كاين فيهم كتبات اذا معجبوكمش اسحبوه باصبعكم تخرجلكم سلة مهملات بصبعكم طيشوهم هههههههه ساهلة



هنا نبداو نخدمو ونهزو الصور نلضو على زائد لي لتحت ونخيرو ajouter des photos



هنا نروحو وين الصور نخيروهم ونلض على السهم





بالاصبع نحطهم وين حبينا ونكبرهم ونصغرهم



نوليو للاسم نفس الخطوات دايما كيما في الصورة



هنا عدلت وخدمت وخيرت هاذم اللاوان والخط




هنا حبيت نقلكم حاجة اذا غلطتو في كتابة اسم النص او الاسم لضو عليه تخرجلكم كيما لي في الصورة لضو على Edit text ترجعو وين نص صلحو الخطأ عادي



في الاخير نلضو على fait ثم garder




هنا انتهينا من الصورة



لتعديل الصور من الحاسوب (الكمبيوتر) تجدونه في هذا الرابط نفس الموضوع في الاسفل

https://www.djelfa.info/vb/showthread...post3995314964

رابط كيفية وضع الصور في المنتدى لللاعضاء الجدد تجدوه في نفس الموضوع

https://www.djelfa.info/vb/showthread...post3995957099




نتمنى انكم تفهموه واي سؤال انا في الخدمة تحياتي للجميع دعوة خير منكم تكفيني

[ڪَآتِبةْ إآلَيْڪَِ]

مشكــــ،،ــــــوره|~

[linat]

merciiiiiiiiiiiiiiiiiiiiiiiiiiiiiiiiiiiiiiiiiiiiii iiiiiii
44444444444444444444444444

[idron0]

جزاك الله خيرا حبيبتي في ميزان حسناتك.

[ام عبدو و ملاك]

بارك الله فيك م سراج وجعلها الله في ميزان حسناتك

[البحر الصافي]

الله يعطيك ماتتمني ياام سراج راني جربت ونجحت
وجبتلك تشوفي
الله يجعلها صدقة جارية مقبولة
بارك الله فيك

[ام سراج وملاك]

المشاركة الأصلية كتبت بواسطة ڪَآتِبةْ إآلَيْڪَِ

مشكــــ،،ــــــوره|~

المشاركة الأصلية كتبت بواسطة linat

merciiiiiiiiiiiiiiiiiiiiiiiiiiiiiiiiiiiiiiiiiiiiii iiiiiii
44444444444444444444444444

المشاركة الأصلية كتبت بواسطة idron0

جزاك الله خيرا حبيبتي في ميزان حسناتك.

المشاركة الأصلية كتبت بواسطة البحر الصافي

الله يعطيك ماتتمني ياام سراج راني جربت ونجحت
وجبتلك تشوفي
الله يجعلها صدقة جارية مقبولة
بارك الله فيك

امين يارب شكراااا لمروركم في موضوعي وشكرااا لدعاءكم لي ولكم بالمثل
البحر الصافي فرحت بزاف لما قريت ردك وشفت الصورة جزاك الله خيرا اختي

[ام أمينة]

ام سراج يعطيك الصحة دوك نحمل ونجربو ويارب ويصلح راسي شوي يابس ههههههههه بصح وراه وراه وزمن طويل

[hawa19]

الله يرحم والديك و يعطيك الصحه و في ميزان حسناتك انا راسي شويه ثقيل ما نجي نفهم غير بالسيف ضرك يجي زوجي و نحصل فيه باه يدخلهالي في راسي يعطيك الصحه اختي

[ام سراج وملاك]

المشاركة الأصلية كتبت بواسطة ام أمينة

ام سراج يعطيك الصحة دوك نحمل ونجربو ويارب ويصلح راسي شوي يابس ههههههههه بصح وراه وراه وزمن طويل

اهلا بالغالية كوكا علابالي راسك ماشي يابس شوفي تبعي المراحل لي حطيتهم اكيد تنجحي فيها راهي ساهلة بزاف راهم جربوها لبنات نتاع الكوزينة ونجحو فيها

[ام سراج وملاك]

المشاركة الأصلية كتبت بواسطة hawa19

الله يرحم والديك و يعطيك الصحه و في ميزان حسناتك انا راسي شويه ثقيل ما نجي نفهم غير بالسيف ضرك يجي زوجي و نحصل فيه باه يدخلهالي في راسي يعطيك الصحه اختي

امين اختي ربي يرحمهم ويرحم جميع موتى المسلمين شكرااا لدعائك ولك بالمثل متخافيش منها راهو اسهل برنامج في الخدمة تبعي االمراحل لي حطيتهم اكيد تنجحي فيها

[ام سارة18]

يعطيك الصحة ام سراج على الموضوع المبسط مع الشرح هاكدا لبنات يتعلمو ونشكرك على المجهود المبدول

[wahibaazel]

ربي يجازيك خير يافححححححلة يا طيييبة واسمحيلنا تعبك ان شاء الله في ميزان حسنااتك.

[القناعة كنز]

شكرا انا كنت نخدم بتطبيق اخر بصح هذا اعجبني اكثر

[أم فاطيمة]

شكرا لك ام سراج مش جديدة عليك ملات خير ربي يجازيك قوليلي نقدر نخدم بيه في الميكرو
و لالا و اذا نعم بنفس الطريقة ؟