تم قبولي تخصص sage femme في عنابة لكن ...؟؟؟

أميرة مملكة السعادة · 2013-10-17, 08:46

السلام عليكم
أولا عيدكم مبارك و كل عام و أنتم بألف خير

سأطرح انشغالي مباشرة
تم قبولي في معهد الشبه طبي و لكن ليس في ولاية قسنطينة و انما في ولاية عنابة تخصص sage femme مع أنني لم أختر هذا التخصص و كذلك فهذا التخصص لا يوجد في قسنطينة
محتارة في أمري هل أقبل على الدراسة أم لا مع أنني سألت عن أحوال الدراسة في مدينة عنابة قيل لي أنها ليست بالجيدة أو بعبارة أخرى كما سمعتها غير أخطيك منها
يعني أريد من كل من يعرف و لو معلومات قليلة عن الدراسة هناك و خاااااصة الاقامة فلم أجربها من قبل و لا توجد عندي و لا معلومات صغيرة عنها فقط أنها مريييييعة و غير صالحة للسكن و الدراسة

شكرا مسبقا

عبد المؤمن91 · 2013-10-17, 09:19

عيدكم مبارك
يا اختي اولا انت حرة في الاختيار ماعجباتكش قابلة تقدري تبدليها وتتنازلي عنها كيما حنا هنا في باتنة دارو القابلات ومبعد عاودو سقساوهم قالولهم تقراوها ولا لاو لي مابغاتش تقولهم بغيت حاجة اخرى يمدوهالها
اما عن ظروف الدراسة في عنابة واحد مايغلطك جيدة جدا انا عندي وحدة جارتي تقرا ثم كي سقسيتها قاتلي مليحة
نتي ماتتوقعيهاش اقامة جامعية كيما الباقي لا
مليحة ومافيهاش الغاشي بزاف و 2 في غرفة واحدة ومزيرة شوي فيها نظام وقت الدخول وقت الخروج وفاليل ثاني عندهم وقت يطفيو الضوء يعني لقراية و لقدام ماكانش التمسخير
يا أخت الاختيار راهو ليك لاكان ماكيش حابة تقرايها عندك حق تبدلي نورمال

أميرة مملكة السعادة · 2013-10-17, 09:41

بارك الله فيك أخ عبد المؤمن شكرا جزيلا ردك كان مفيدا كثيرا

عبد المؤمن91 · 2013-10-17, 13:41

اقتباس:

المشاركة الأصلية كتبت بواسطة أميرة مملكة السعادة

بارك الله فيك أخ عبد المؤمن شكرا جزيلا ردك كان مفيدا كثيرا

بلا مزية أختي كشما عندك اسئلة تفضلي بالاك نفيدك اكثر

أميرة مملكة السعادة · 2013-10-17, 13:47

اقتباس:

المشاركة الأصلية كتبت بواسطة عبد المؤمن91

بلا مزية أختي كشما عندك اسئلة تفضلي بالاك نفيدك اكثر

شكرا أخي فمشكلتي الوحيدة هي مع الاقامة قيل لي أنها لا تصلح أبدا و لهذا كل مخاوفي هناك و أنت تعلم المجتمع تبدأ القصص من هنا و هناك هذا ما زاد مخاوفي رغم أنني كنت أتمنى قبولي في الشبه طبي و الآن بعد قبولي صرت مترددة
فقط أريد أن أتأكد ان كان بالامكان التحويل الى تخصص آخر ؟ ربما لا يمكن فالمقاعد البيداغوجية محدودة كما تعلم

عبد المؤمن91 · 2013-10-17, 14:37

اقتباس:

المشاركة الأصلية كتبت بواسطة أميرة مملكة السعادة

شكرا أخي فمشكلتي الوحيدة هي مع الاقامة قيل لي أنها لا تصلح أبدا و لهذا كل مخاوفي هناك و أنت تعلم المجتمع تبدأ القصص من هنا و هناك هذا ما زاد مخاوفي رغم أنني كنت أتمنى قبولي في الشبه طبي و الآن بعد قبولي صرت مترددة
فقط أريد أن أتأكد ان كان بالامكان التحويل الى تخصص آخر ؟ ربما لا يمكن فالمقاعد البيداغوجية محدودة كما تعلم

لا ماتسمعيش كلام الناس يقولك عنابة واعرة عمبالي الناس كامل تحكي هكا ولكن شوفي نتي واش يساعدك و واش حابة تقراي
لاكان راكي حابة تقراي قابلة روحي على ضمانتي انا
الاقامة مليحة يديرو ماكلة مليحة ومزيرة شوي وزيد مافيهاش غاشي كيما الاقامات الجامعية ديري في بالك راح تروحو في 90 طفلة هذا ماكان وزيد يخي عنابة قريبة لقسنطينة
واذا راكي حابة تبدلي التخصص تقدري حنا هنا في باتنة هذوك لي سجلوا قابلات وماقبلوهمش نهار الاحد لي فات كي جاو يعطيوهم التخصصات جابوهم هوما الاوائل و قالولهم خيرو واش تحبوا مام ماعندهمش معدل عالي
وزيد نوصيك لاكان راح تبدلي ديري مخبري ولاكان ماعطاوكش خلي قابلة خير وراكي راح تندمي عليها
خاطر مخبري ماتخدميش فالليل أما باقي التخصصات كاينة خدمة الليل
راديو فيها خدمة الليل وزيد الاشعة يضرو الطفلة (يديرو ا سرطان الثدي عفانا الله وزيد قادر حتى يسببوا العقم الرجل ولا المرأة كيف كيف) وكاينة ممرض ماننصحكش بيها وكاينة كيني انا تبالي ماهيش مليحة للطفلة مليحة للرجل ( اديري ماساج للناس قادر يجيوك رجال و نسا كامل وهذي اكيد ماتعجبكش)
مليحة مخبري اديري التحاليل خلاص ماتتعامليش مع الناس اطلاقا يجيبولك عينات الدم وتحلليهم وتعمري الوراقي هذا ماكان
بصح ديري في بالك حاجة القابلة تخدم نهار ( 24 ساعة من 8 الى 8) وتقعد 3 ايام والمخبري يخدم نهارين ب نهارين 2 و يقعد 2 وتخدمي من 8 نتاع الصباح الى 8 مساء ولاكان طاحتلك خدمة في لامجي صغير تخدمي من 8 الى 16 برك
وكاينة حاجة اخرى القابلة عندها بريم زايدة نتاع 3000 دج ( prime de risque)
بصح ديري في بالك لاكان خدمتي في عيادة توليد كبيرة راح تكون خدمة بزاف راح تولدي حتى 15 امرأة فالنهار ولاكان خدمتي في مستوصف صغير وفيه عيادة توليد راكي مش راح تخدمي بزاف ولكن ديري في بالك كي تجيك امرأة فالليل وحالتها صعيبة شوي راكي نتي لي راح تروحي معاها للعيادة الكبيرة في سيارة الاسعاف ولازم تقومي بيها وقادر اطيحلك على 2.00 نتاع الليل وكي تروحي ترجعي مع السائق وحدك فالليل وزيد مسؤولية باش تقوليلي نخدم حياتي كامل و مانطيحش في حالة مستعصية لا قدر ربي تموت المرأة ولا الطفل راكي تتحاسبي عليها وقادر حتى تباصي
انا قاتلي وحدة قابلة صرات هذي قاتلي ولدة امرأة ونسات ماكتبتش جنس المولود ذكر اداوهولها وحطولها طفلة باصات 6 اشهر حبس؟؟؟
ماتقوليش راهو يهرب فيا من تخصص قابلات بصح انا عطيتك كل الاحتمالات باش ما تتشكوكايش كي تبداي تخدمي
بصح تبقى خدمة انسانية كي تشوفي المرأة مع الطفل نتاعها تفرحي و تجيك سعادة لا توصف وقادرة تدعيلك دعوة تربحي عليها حياتك كامل (هذي كااااااااااامل راهي هدرة قابلة مجربة)
انا راني عطيتك كل المحاسن والمساوئ نتاع كل تخصص ونتي خيري ورديلي بالخبر واش قررتي
نتمنى نكون افدتك وكشما عندك اي سؤال تفضليييي

hyoucef32 · 2013-10-17, 14:54

خاصني رقم الهاتف انتاع مدرسة القابلات انتاع العاصمة

عبد المؤمن91 · 2013-10-17, 14:58

ماكانش مدرسة قابلات في العاصمة

عبد المؤمن91 · 2013-10-17, 16:36

ماذا عن الأخت ماذا قررت؟ وهل لديك اية اسئلة ممكن افيدك؟

أميرة مملكة السعادة · 2013-10-17, 17:34

السلام عليكم
لي عودة لاحقا أخ عبد المؤمن سأتابع حديثي معك لاحقا
شكرا جزيييلاا انت تفيدني حقا

عبد المؤمن91 · 2013-10-17, 18:23

العفو أختي راني ديما هنا كشما تحتاجي نعاونك
خاطر أنا ثاني عندي أختي دارت مخبرية وقبل ما أديرها تشاورنا و سقسينا مليييييييييييح وراني حاس بيك ناقصة معلومات كيما حنا مع الاول ولكن بعد ما عرفنا حبيت نفيد الناس لي كانوا كيما انا مانعرفش بعض المعلومات

radia06 · 2013-10-17, 18:48

عبد المؤمن انا قبلوني تخصص مخبري واش رايك فيه ??وربي يخليك حابة نعرف معلومات على هذا التخصص ?????

radia06 · 2013-10-17, 18:55

takhassos laboratoire fi 9sintina s il vous khouya moumen ida 3abalik lplasa li ya9raw fiha wayn ????

عبد المؤمن91 · 2013-10-17, 19:12

أنا حسب رأيي تخصص مخبري افضل تخصص من بينهم كامل خاطر الوحيد لي مافيهش الخدمة فالليل تخدم غير فالنهار من 8 نتاع الصباح الى 8 مساء (أذا كنت في مستشفى كبير وفيه خدمة بزاف) واذا طاحتلك الخدمة في مستوصف صغير تخدمي من 8 نتاع الصباح الى 16 مساء هذا ماكان
خدمتكم غير التحاليل يجيبولكم الممرضين العينات نتاع الدم ونتوما تحللوهم وتكتبوا واش لقيتوا فالورقة هذا ماكان يعني بالأحرى ماعندكش احتكاك مع الناس خلاص واحد مايكسرلك راسك الطبيب يقول للممرضين ينحيو الدم للمريض ويجيبوهولكم تحللوه ومافيهاش لاقارد كيما قتلك
والراتب راهم كامل كيف كيف غير القابلات عندهم (prime de risque) يزيدولهم 3000 دج عليكم ونورمالمو ضرك المخبري كي يبدا يخدم يدي 33000 دج ولكن ضرك كي بدلو النظام ردوه (ل م د ) يوليو يديو فوق 4 يوصلوا حتى 44000 دج
والمخبري قرايتو راهي 4 اعوام تقراو 3 اعوام ليسانس ومبعد يبدا الخلاص يمشي وتكملي ماستر عام هذا ماعندهم
القابلات لب يقراو ماستر عامين
هذا كل مايخص المخبري نورمالمو وكاش ما عندك اسئلة اخرى تفضلي

عبد المؤمن91 · 2013-10-17, 19:14

اقتباس:

المشاركة الأصلية كتبت بواسطة radia06

takhassos laboratoire fi 9sintina s il vous khouya moumen ida 3abalik lplasa li ya9raw fiha wayn ????

يا أختي انا من باتنة وليس من قسنطينة لذا ماعندي حتى معلومات وين يقراو اسمحيلي سقسي نتاع قسنطينة ( الأخت أميرة مملكة السعادة) ممكن تفيدك