دورة " ربات بيوت واثقااااااات" - الصفحة 112

rowaida18 · 2017-11-12, 22:41

السلام عليكم فراشات
إن شاء الله كامل تكونو بألف خير ، و يشفي إبن أختينا و كل مرضى المسلمين

و أرجو من الله أن يشفي والدتي لأنها أجرت عملية لنزع ورم ..
أرجو الله الرحيم الشافي أن يشفيها شفاءا لا يغادر سقما....ووالله تألمت كثيرا لأجلها و أرجو من الله أن يشفيها منه نهائيا و لا يعاودها .....يا رب إنك سميع مجيب الدعاء .....

و في نفس الوقت راني نحاول باش نرتب برنامجي و نعدل فيه باش نلحق بيكم إن شاء الله

ربي يعينا لما فيه خيري دنيانا و آخرتنا

فقط عندي مشكل هو أن زوجي مع إبني الصغير يسهرو حتى ال 12 ليلا و أحيانا أكثر و بالتالى أسهر معهم و لا أستطيع النوم إلا في الهدوء ....ثم أستيقظ لأداء صلاة الفجر مع قراءة وردى ثم أعود لأنام ساعة و نصف تقريبا لأنني لا آخذ قصطي من النوم و أكون جد متعبة و لا يمكنني البقاء مستيقضة من قبيل الفجر إلى الصباح.......
ففي نفس الوقت لا أستغنى على صلاة الفجر في وقتها حتى و إن لم آخذ قصطا كافيا من النوم و في نفس الوقت لا يمكنني البقاء مستيقضة لأحضى ببركة الفترة الصباحية يعني بعد الفجر مباشرة .....
اللي عندها حل تقولي كيفش راهي تدير باش توفق.......

شهد نوراليقين · 2017-11-13, 06:37

السلام عليكم
صباحكم معطر بذكر الرحمان
أختي ام شمسو لك مني كل الشكر و الامتنان بارك الله فيك تمنيت نبعتلك رسالة لكن رصيدي حاليا لايسمح لي ربي يجازيك كل خير

شهد نوراليقين · 2017-11-13, 06:44

أختي رويدة طهور للوالدة الكريمة ان شاء الله الله يشافيها و يعافيها و يخليها تاج فوق رؤوسكم يا رب و الله يشفي كل مرضى المسلمين يا رب
الحل تاعك أنك تلقاي طريقة كيفاش تغيري توقيت نوم زوجك و صغيرك و تنقصي من فترة السهر و لو حتى للساعة الحادية عشر على الأقل و منها تضمني تنظيم وقت نوم ابنك و حاولي تنبهي زوجك لاضرار السهر و ثاثيرها عليك و عليه و على طفلك
و إن لم يكن فاالمهم انو ماقصرتيش في صلاة الفجر حتى أنا نعمل كيفك في وقت مضى كنت نربي و نسهر مع بنتي و نحاول نصلي الفجر حاضر و نقرا الاذكار ثم نظطر نعاود نرقد باش ناخد حقي من الراحة و نحاول مانتاخرش في النوم صباحا ربي يباركلك و حاولي قدر الإمكان انو تنوضي ولدك الصباح بكري هكذا يعود مايقدرش يسهر و يرقد بكري و يظطر زوجك ايضا للنوم مبكرا لما مايلقاش شكون يسهر معاه ههه

ام متين · 2017-11-13, 06:57

اصبحنا واصبح الملك لله والحمد لله
اللهم اعنا على ذكرك وشكرك وحسن عبادتك
اللهم ارحمنا برحمتك الواسعة اللهم اشفي كل مريض واهدي كل ضال وريح قلب كل مهموم مغبون
رويدا ربي يشفي الوالدة ان شاء الله ويحفظهالك اميين يارب العالمين

رندة. · 2017-11-13, 07:13

أصبحنا وأصبح الملك لله والحمد لله ولا اله الا الله والله اكبر
اللهم أعنا على ذكرك وشكرك وحسن عبادتك
حسبي الله لا اله إلا هو عليه توكلت وهو رب العرش العظيم

صباح الخيرات والبركات لكل الفراشات

حياتي كلها امل · 2017-11-13, 07:45

صبحكم الله بكل خير رويدا ربي يشفي الوالدة الكريمة يارب اختي رويدا فيما يخص النوم حاولي تنوضي ابنك بكري هكذا ينعس ثمثم وانت حاولي تاخذي قيلولة في المساء على الاقل يومكم موفق

رندة. · 2017-11-13, 08:12

رويدة ربي يشفي الوالدة تاعك ان شاء الله
بالنسبة لولدك الصغير ماتخليهش يرقد القايلة وبالتالي لما يتعب راح يرقد بكري في الليل وما يسهرش، أما الزوج كي يلقاكم رقدتو كامل يضطر يرقد

rowaida18 · 2017-11-13, 16:58

بارك الله فيكن أخواتي الغاليات على الدعاء
إن شاء الله ربي يتقبل منا جميعا و يشفيها ...إنه هو الشافي .......و يبعد عنها السوء ...... و يرزقني برها و بر والدي ....
......يا أرحم الراحمين إنك سميع مجيب الدعاء..

rowaida18 · 2017-11-13, 17:16

و بالنسبة لإبني صح هو ينام متأخر و يستيقظ على التاسعة أو العاشرة صباحا......سأحاول إيقاضه مبكرا ....و أحاول أن أعوضها في القيلولة ...إن تركني إبني أنام ............وهذاهو الجهاد ......إن شاء الله ربي يجازينا خير الجزاء ......آآآآآآآمين

ام شمسو محمد · 2017-11-13, 17:22

اقتباس:

المشاركة الأصلية كتبت بواسطة rowaida18

السلام عليكم فراشات
إن شاء الله كامل تكونو بألف خير ، و يشفي إبن أختينا و كل مرضى المسلمين

و أرجو من الله أن يشفي والدتي لأنها أجرت عملية لنزع ورم ..
أرجو الله الرحيم الشافي أن يشفيها شفاءا لا يغادر سقما....ووالله تألمت كثيرا لأجلها و أرجو من الله أن يشفيها منه نهائيا و لا يعاودها .....يا رب إنك سميع مجيب الدعاء .....

و في نفس الوقت راني نحاول باش نرتب برنامجي و نعدل فيه باش نلحق بيكم إن شاء الله

ربي يعينا لما فيه خيري دنيانا و آخرتنا

فقط عندي مشكل هو أن زوجي مع إبني الصغير يسهرو حتى ال 12 ليلا و أحيانا أكثر و بالتالى أسهر معهم و لا أستطيع النوم إلا في الهدوء ....ثم أستيقظ لأداء صلاة الفجر مع قراءة وردى ثم أعود لأنام ساعة و نصف تقريبا لأنني لا آخذ قصطي من النوم و أكون جد متعبة و لا يمكنني البقاء مستيقضة من قبيل الفجر إلى الصباح.......
ففي نفس الوقت لا أستغنى على صلاة الفجر في وقتها حتى و إن لم آخذ قصطا كافيا من النوم و في نفس الوقت لا يمكنني البقاء مستيقضة لأحضى ببركة الفترة الصباحية يعني بعد الفجر مباشرة .....
اللي عندها حل تقولي كيفش راهي تدير باش توفق.......

حبيبتي رويدا ...اسال الله العظيم رب العرش العظيم ان يشفي امك ...و ان يمن عليها بالصحة و ينعم عليها بالعافية ...الوالدين صعاب ...و في مرحلتنا العمرية هذي لازم نوزعو الاهتمام بين ولادنا و والدينا ماننساوهمش ...طبعا كل واحد و امكانياتو ...و لكن الوالدين حقيقة دائما ننساوهم و نبقاو غير نديو من عندهم كيما كي كنا صغار ...ربي يحفظ ميمتك و يشفيها و امي و جميع امهات المسلمين......

بالنسبة للنوم و الاستيقاظ المتاخرين ...والله مافيهم خير يا رويدا ...كاين حديث في النهي على السهر لما بعد العشاء الا لطلبة العلم او المتزوجين ...و بالنسبة للصباح جربت كلشي و مالقيتش خير من تخطفي بكرة كيما يقولو امهاتنا ...البركة حقيقة في البكور ...و كي تنوضي بكري و تبداي بكري يكون اليوم اسهل و الشغل طالع خصوصا في هذي الايام القصيرة ...و رقدة الصباح تحسي يروج معاها كامل اليوم ...و لا شئ يعادل كي تنوضي بكري و تخلصي شغلك بكري ...بصح رويدا لازم تحصلي على النوم الكافي ...و ثاني انتي مدبرة البيت يسمى لازم تكوني متحكمة في كل شي ...انتي اللي تقرري ماشي هوما ...و انما بالسياسة و الحيلة ...ترقدو بكري باش تنوضو بكري ...و ديري شغلك مع الصباح ..حاولي اولا تضبطي ساعة نوم وليدك ..يرقد بكري الصغار يحتاجو حتى لعشر سوايع ..خليه ينوض بكري باش يرقد بكري ...و الزوج هو اللي صعيب بصح من المفروض خدام ...احتالي عليه هو ثاني و تحكمي في ساعة نومو ...من المهم يا رويدا تكوني مسيطرة في دارك و تسهري على ترتيب حياتهم ...و الرائع انك حريصة على صلاة الفجر ...كي تنوضي للصلاة جربي مع تنوضي ترتبي السرير ماراحش يهون عليك تفسديه ههه و هكذا ماتقدريش ترحعي ترقدي و لكن لازم تكوني شبعانة نوم ...و اذا ما قدرتيش ترقدي بكري جربي تقيلي و لكن ماترقديش الصباح ...مع اني اعلم ان هذا صعب على الام ..و لكن جربي الاختيارات ربما تناسبك ...

جهينة اليقين · 2017-11-13, 18:34

مساء الخير يا رويدة عندنا واحد الحكمة تاع المجربين تقول رقاد الصباح يجيح ورقاد المقيل يريح يعني تخدمي شغلك في البكور لانه بركة وترقدي فالقيلولة لانها تريح جسمك ولها فوائد والصغير فيقيه بكري باش يرقد معاك والزوج اذا ما حبش الله يسهل عليه ربي بشفي ميمتك ويعافيها امين

rowaida18 · 2017-11-13, 19:03

بارك الله فيكم أخواتي على النصيحة سأحاول و سأبذل قصار جهدي لأغير نمط إستيقاضي و نبدأ نغير في توقيت إستيقاظ إبني ........و إن شاء الله ربي يعيننا

و سؤال آخر هو أني حاولت عدة مرات نبقى نايضة و نبدأ شغلي مباشرة بعد صلاة الفجر و لاكن ما نقدرش نكمل مدة طويلة ......سرعان ما يظهر عليا التعب و نرقد و أنا قاعدة....

فاللي جربت ووالفت ......كم أخذ منك الوقت و هل هذاك الشعور بالتعب حدث معكم أم لا و كيف كانت تجربتكم مع النهوظ مبكرا ..........يا ريت اللي مرت بتجربتها تقاسمنا إياها و تقولنا كيف وصلت باش نستفادو و ربي يجازيها .........

جهينة اليقين · 2017-11-13, 20:08

اولا يا رويدة نقول لك بلي رانا نبقاو قاعدين غير فالشتاء لانو الفجر راه على الساعة السادسة وضرك يرجع على السادسة والنصف ويعاود يولي حتى للربيع يرجع بالاك على الخامسة والنصف اما فالصيف كي يعود على الرابعة فمستحيل ما نرجعوش نرقدو لان الليل قصير جدا
اما ضرك الليل راه طويييييييييل يعني ترقدي على العاشرة والنصف مثلا راكي اخذتي كفايتك من النوم ما تتكاسليش في الاول فقط تبان لك صعيبة بصح كي تتعودي ترجعي عادي وتخلصي شغاك بكري وتصلي الظهر وتتكاي شي ساعة اوساعتين او اقل واذا ما رقدتيش كامل النهار راه قصير ما فيها والو نتمنى اني افدتك ولو بالقليل

rowaida18 · 2017-11-13, 21:34

بارك الله فيك جهينة رايحة نبذل مافي وسعي باش نعود روحي على النوم مبكرا و البقاء بعد الفجر مستيقضة............
ياخي قلتلي بلي كامل مريتو بهذا الإحساس في أول التعود لأني كنت نحسب غير أنا اللي كان عندي مشكل مع البقاء مستيقضة .......................
و كنت نحسب غير أنا اللي ما رانيش قادرة على التحكم في حالة التعب اللي نشعر بيها بعد أداء صلاة الفجر...............و رغبتي في العودة إلى النوم لأستريح.......

بسبب سهري أصبحت نخدم الشغل تاع الدار و المسيح في الليل...و كي الملابس ....إلخ....و لاكن ما كنتش مرتاحة في هذه الطريقة......
بارك الله فيكم و في نصائحكم و دمتم أخوات وفيات

شهد نوراليقين · 2017-11-13, 22:47

السلام عليكم
أنا كيما قلتلك أختي رويدة كنت نسهر مع بنتي ترضع و الصباح نصلي الفجر و نعاود نرقد لانو مهما حاولت نبقى فاطنة و ندير الشغل نفقد توازني لانني مانخدش حقي من النوم لكن نحاول ننوض مع ل 8 صباح حتى كبرت بنتي شوية و عادت ترقد في الليل
الأيام الأولى لما رجعت نبكر كنت نتعب بزاف و اظطربت نشرب القهوة مع إني مانشربهاش غير باش نصحصح مليح و ناخد قسط من الراحة في القيلولة و مع الوقت عدت نرقد بكري في الليل تقريبا مدة أسبوع إلى عشر أيام تلقاي روحك تعودي تنوضي مصحصحة و توالفي و لما تحسي بالتعب غلبي نفسك و عوضي رغبتك في النوم وقت القيلولة و النوم مبكرا ليلا