اسوء لحاظاتك

çràzy rihàb · 2016-09-25, 12:40

السلام عليكم
ناس بلادي
ان شاء الله أموركم كامل مليحة

خاوتي و خوتاتي حابة في هذا الموضوع نكتب عن أتعس أو أسوأ لحظات حياتنا

ممكن تكون حاجة او اثنين او أكثر

هي نافذة باش نعرف بعضانا أكثر

رايحة أبدأ
اللحظات التعيسة في حياتي كثيرة
كل مرة رايح نقول حاجة

أكثر حاجة جرحتني و قاستني
و أتعس لحظة
يوم مات جدي ربي يرحمو و يرحم كامل امواتنا المسلمين

اليكم الخط

omelbanin · 2016-09-25, 20:51

سلام حبيبتي رحاب، انا نقولك اتعس لحظات حياتي،...... في الحقيقة هوما بزااااف. بصح والله غير نقولهم مادام الموضوع مخصص.هذا:-)
لحظة وفاة امي بالرغم من اني كنت صغيرة، بصح اللحظة لي قاللنا فيها بابا (يماكم ماتت)، ماحبتش كااامل تروح من اذني.
اللحظة لي تزوجت فيها اختي لي اكبرمني ، توأمي، بعدها بقيت وحيدة.
اللحظة لي قريت فيها نتائج التحاليل تاع بابا وعرفت بلي عندو سرطان.
اللحظة لي توفى فيها بابا، حسيت كل شيء في الدنيا هاذي مليح راحلي.
وفي الاخير نقول بلي كيما عندنا لحظات تعيسة مرت في حياتنا، بالمقابل مرت لحظات كنا فيها اسعد الناس.... المرة القادمة ديريلنا موضوع عن اسعد لحظات حياتك ههههه

çràzy rihàb · 2016-09-26, 11:22

على الانسان ان ينسى الماضي ان ينسى احزانه حتى يستطيع مواصلة الحياة

اشراقة منارة · 2016-09-26, 11:35

السلام عليكم ورحمة الله وبركاته
فالنحاول ألا نتذكر الألم

oumhana · 2016-09-26, 14:40

أتعس لحظة في حياتي كان عمري 12 سنه و جات الممرضه لدارنا و قالت بلي يما توفات.والثانيه كان عمري 32 سنه وغمضت عنين بابا وفهمت بلي مات.مع هذا الله يرحم موتانا و موتى المسلمين وأدام الله علينا نعمه الإسلام.وكما قالو لي قبل مني خلي الحزن وراك والتفت لما هو أمامك.أنعم الله عليك و علينا بدوام الصحة والأفراح.

çràzy rihàb · 2016-09-26, 16:14

امين و يا رب ارحم جميع امواتنا و اموات المسلمين و بالاخص شهداءنا في فلسطين

amira belmehdi · 2016-10-27, 16:59

اتعس لحظة يوم توفات جدتبي

متهور · 2016-10-28, 10:29

إذا كان المرء مؤمنا صادقا فإنه لن يبقى معنى للحظات التعيسة.
من دون ذكر الفوائد الكثيرة
يكفي ذكر أدنى فائدتين:
قوة شخصية وتجربة كبيرة.

Ms aya · 2016-10-28, 19:26

اتعس لحضة في حياتي وفات عمي الله يارحمو و زوجتو و تاني العام الماضي كي مجبتش عامي حتى و انا كنت مريضة و مرحتش نقرا قريب عام مي غاضني بزاف العام لي راحي

ISRAA D · 2016-10-28, 23:34

انا ليس لي اي لحظة تعيسة والحمد لله

ISRAA D · 2016-10-28, 23:35

وان كان لي فانا لا اتذكرها مطلقا

أمنية غفران · 2016-10-29, 17:51

12 نوفمبر 2005
كان فيه أفزع و أصعب و أتعس لحظة في حياتي و أنا أعيشها لحد الآن و في كل لحظة هي لحظة وفاة أختي حبيبتي بين ذراعييا رحمك الله يا أختي و أسكنكي فسيح جنانه

〆 بٰٰاولو 乄 · 2016-10-29, 22:49

الله يرحمووو ويوسع عليه

السـندباد · 2016-10-30, 14:56

ذقت الطيبـات كلها، فلم أجد أطيب من العافية
و ذقت المرارات كلها فلم أجد أمر من الحاجة إلى النــاس
و حملت الصخر و الحديد فلم أجد أثقل من الدَّين

abdelkader90 · 2016-10-30, 20:42

اسوء لحضات حياتي كانت ولا وزال حين اعصي ربي .حينها فقط اتذكر واقول كيف ساقابل خالقي يااااااااااااااا الله