السلام عليكم ورحمة الله وبركاته
بسم الله الرحمان الرحيم
اليوم بذن الله جبتلكم اكلة عصرية لذيذة , دائما الجديد نحبوه و القديم ابدا ما يلزمش نفرطو فيه لان الوصفات التقليدية تعر عن هويتنا وحضارتنا
نعطيلكم مقادير التورت , آسفة عملتها من قبل اول مرة لي مخمختها ما تفكرتش المقادير بالضبط وعاودتها لعيونكم و لي يحبو وصفاتي البسيطة و ليك زقزوقة لي تحبي الخفيف
عجينة مورقة
بصل نحتاج 2 كبار و لآ 3 حسب سمك العجينة لي تحبوها وكذلك فراد الاسرة
صدر دجاج هنا حسب الاسرة
ملح فلفل اسود, سكنجبير
ثوم بودرة
جبن طري مش بزاف
ملعقة كبيرة او زوج جبن رجيم أو كريمة طازجة
فطر اختياري بصح يمد بنة
للتزين صفار بيضة
جبن مبشور اختياري
طريقة التحضير
في قدرة نحط ملعقة زيت مع ملعقة مارغارين او زبدة نقلي صدر دجاج مليح , بسرعة نحيه بجيه, نحط بصل لي قطعناه طوليا ,يتقلى كما تشكشوكة , يبدى يبال و يتكرمل نرشو بشوية ملح باه تحبس عملية الكرملة ويبدى يطلق المء نعاودو نردو صدر الدجاج لي وننقص للفرن لادنى درجة نحط توابل سكنجبير و ثوم بودرة ,فلفل كحل نغطي الدرة نخليه يطيب بلعقل دون اضافة الماء, بصل يطلق الماء تاعو
و لآ تضيفوا فطر حمصوه في شوية زبدة
بعدما يطيب دجاج نفتوه و الصوص تكون شربت , يبرد نضيف الفطر, جبن طري غير شوية , جبن رجيم ونخلط, الهدف من كريمةطازجة أو جبن رجيم يعدل حلاوة البصل
في مول الشكل لي تحبو , نحلوا العجينة المورقة قيس ما ديرو 2 قرصات, دائما كي نقطعوا حسب المول نزيدشوية زيادة باه بعد طياب تتقلص العجينة تجي قد المول
نفرش العجينة فوق المول نثقبها بفرشيطة نضيف الخليط ونزيد القرصة الثانية من العجينة , نعدل الجوانب , ندهنها بصفار بيضة مخلط مع شوية حليب ونثقبها باه تتنفس كي تطيب , كذلك تقدرو تديرو شرائط وتزينو بيهم التزيين كما تحبو نخلوها في ثلاجة باه تتماسك العجينة ساعة , شحال حبيتو
تقدرو تحضروها صباح تطيبوها لعشية
نسخن الفور مسبقا بساعة او نص ساعة على اعلى درجة , ندخل التورتة غير10 د إلى 15 دقيقة غير تبدى تتنفخ ننقصو لآخر درجة نخليها تطيب على مهلها
وبالصحة و الراحة
راني عملتو موضوع طويل ودونت كل ملاحظاتكم
ان شاء الله تنال اعجابكم و تجربوها راهي بنينة بزاف مغذية وصحية لاطفلكم و عائلاتكم و اكثرمن هذا من صنع يديكم
تقدرو تعوضو الحشو بحشو آخر , برك انا حبيت نعطيلكم هذا الوصفة البنينة و الذيذة
دعوة بالشفاء لاخي و سهيل أمور أخواتي
( تقرير عن مشاركة سيئة )، و الموجودة أسفل كل مشاركة .
2016-05-04, 19:04
طورطة البصل و الدجاج بالعجينة المورقة لذيذة
و عليكم السلام و رحمة الله و بركاته
العرض العادي
