للإجابة عن استفساراتكم حول السنة الأولى '' تخصص الطب '' و كذا '' الطب العسكري '' - الصفحة 3

ʀᾄмἷ łᾄʀ · 2014-07-01, 17:04

بسم الله الرحمان الرحيـم , بدايـة أود شكرك عـلى ماتقدمه من مجهود في الاجابة على تساؤلاتنا ..
الطب هو شغفي وحلمـي و لطالما أردت الإبداع في هذا المجال ...
أخي أريد أن أستفسر عن أول عام في الجامعة كيف كان .. و هل كان الأستاذة الجامعيون هناك مرحبون بكم قصدي البشاشة .. إلخ ! ثانيا هل الدراسة صعبة أنا ليس لدي أي مشكلة مع الأجتهاد بالعكس فأنا أطمح للاجتهاد و أحس بالملل في اوقات الراحة ثالثا كيف تعاملت مع الحفظ ! فمايثير مخاوفي هو الحفظ فأنا لم
احفظ في حياتي قط هل تُرَانِي سأنجح في مهمة الحفظ هذه ؟ و كيف كنت تنظم وقتك و أدواتك و حفظك ؟
لغتي الفرنسة لا تشكل عائقاً لي البتة لكن أرغب في تنمية لغتي الفرنسية أكثر فأكثر ... بماذا تنصحني ..
وهل لك أن تخبرني بنظام سير الدروس و الأقامة والمطعم هناك في جامعتكم و شكرآأ لك و بارك الله فيك ( صحآ فطورك) أسف لكثرة الأسئلة ..

.زَيْنْ الْدِيِنْ. · 2014-07-01, 17:46

اقتباس:

المشاركة الأصلية كتبت بواسطة ʀᾄмἷ łᾄʀ

بسم الله الرحمان الرحيـم , بدايـة أود شكرك عـلى ماتقدمه من مجهود في الاجابة على تساؤلاتنا ..
الطب هو شغفي وحلمـي و لطالما أردت الإبداع في هذا المجال ...
أخي أريد أن أستفسر عن أول عام في الجامعة كيف كان .. و هل كان الأستاذة الجامعيون هناك مرحبون بكم قصدي البشاشة .. إلخ ! ثانيا هل الدراسة صعبة أنا ليس لدي أي مشكلة مع الأجتهاد بالعكس فأنا أطمح للاجتهاد و أحس بالملل في اوقات الراحة ثالثا كيف تعاملت مع الحفظ ! فمايثير مخاوفي هو الحفظ فأنا لم
احفظ في حياتي قط هل تُرَانِي سأنجح في مهمة الحفظ هذه ؟ و كيف كنت تنظم وقتك و أدواتك و حفظك ؟
لغتي الفرنسة لا تشكل عائقاً لي البتة لكن أرغب في تنمية لغتي الفرنسية أكثر فأكثر ... بماذا تنصحني ..
وهل لك أن تخبرني بنظام سير الدروس و الأقامة والمطعم هناك في جامعتكم و شكرآأ لك و بارك الله فيك ( صحآ فطورك) أسف لكثرة الأسئلة ..

مرحبا بيك اخي ،،

والله أول عام فالجامعة كان رائع بجميع المقاييس ،، راح تتعلم في حاجات بزاف ،، تعرف ناس ،، دير صحاب ،، خصوصا فالاقامة راح تفوتوا ايام ولا اروع ،،
بالنسبة للأساتذة فيهم و عليهم ،، كاين اللي يرحب بيكم و يضحك معاكم و كاين اللي عام كامل مكشر و كاره ،، نتا ماديرش عليهم ،، اقرا برك

الدراسة مانقولكش صعبة ،، لأنو السيستام يتبدل نهائيا و ريتم الثانوية انساه ،، لأنك راح تكون مسؤوول ،، في احيان كثيرة لازمك تفهم وحدك ،، لأنو الاستاذ مايعاودش ،،، أنا معظم دروسي قريتها وحدي ،، لأني توقفت عن الحضور بسبب اني مانفهمش عالاستاذ ... ماننصحكش دير كيفي

واحد ما يكذب عليك تقرا تجيب ،، يعني تقرا الليلة الاخيرة قبل الكونترول بتركيز تجيب 10 و 11 بسهولة '' فقسنطينة طبعا ''
الحفظ والله راني أكثر منك كنت والوووو ،،، منقدرش ،، غير انك راح توالف ،، انا كنت نحفظ صفحتين على الاكثر في يوم '' في بداية السنة '' لكن راح تتأقلم و تولي تقرا 30 و 40 صفحة في ليلة '' كي يستدعي الامر "
ماتخافش من هاذ الناحية

بالنسبة لتنظيم الوقت ،،، كنت نرجع للاقامة حوالي 5 مساءا ،، نرتاح ،، نتعشا ،، و نحكي شوي مع صحابي ،، 7 ولا 8 نبداو نقراو الى غاية ال 11 ،، نزيدو نسهروا شوي و خلاص للأسف فسدنا البرنامج فيما بعد و كانت أكبر غلطة ،،، يعني 3 ساعات كل يوم تكفيك و بالزيادة ... فقط المداومة

بالنسبة للأدوات راجع الردود السابقة فقد اجبت احدى الاخوات

بخصوص نصيحتي ،،، تعلم الحديث بالفرنسية بطلاقة و كذا طرح الاسئلة ،،، لأنك تحتاجها فالتواصل مع الاساتذة

أما عن الاقامة فهي اكثر من رائعة ،، لأنها فتحت كأول مرة لنا ،، النظافة في القمة ،، الأكل ما عندي ما نحكيلك رووعة ،، وجبات غذائية جد متكاملة ... انترنت .. غير ان الحاجة السلبية فيها ماكآش الريزو ،، يعني لازملك اوريدوو
.... نظام سير الدروس / عندكم نصف يوم محاضرات و النصف الآخر أعمال موجهة TD / في الشهر الأول تقراو غير المحاضرات يعني عندك الكثير من وقت الفراغ ،، تقدر تستغلو فالحفظ ،، ماتستناش يحطولكم المطبوعات ،، تقدر تحمل كل الدروس _ من هنا _
مرحبا بيك خويا في اي وقت
ماتخلي أي سؤال في بالك

و صحا فطورك ،، تقبل الله منا و منكم صالح الاعمال

sawsen ber · 2014-07-01, 19:03

ze3ma ch7el la medcine cet annèe

ʀᾄмἷ łᾄʀ · 2014-07-01, 19:17

شكرآأ لـك و ربي يخليكـ لنا ( لمأ اتـجأوز 35 لأضـغط على زر شكرأ لكنك تستاهل أكثر شكرأ مرة ثانية )

~صادقة~ · 2014-07-01, 22:40

مشكلتي هي الفرنسية
ماذا أفعل

rafif.ra · 2014-07-02, 11:03

بارك الله فيك اخي..ان شاء الله برك طيرلنا و نديروها

ʀᾄмἷ łᾄʀ · 2014-07-02, 13:04

السلام عليكم ورحمة الله وبركاته وشرأك خويا .. ؟ إن شاء الله تكون لاباس زدت جبت شوية أسئلة اسمحلي بزاف بزاف هههه . أولاأ شحال كاين من امتحان في السنـة و الأسئلة تاع الامتحانات كيفاه تكون في المستوى سهلة صعيبة ؟ ثانيا التخصص كيفاه حتان تخير تخصص نتا حر و لا هم لي يبعثوك .. ؟ والجراحة هل تعـتبر تخصص أم مابعد التخصص ؟ و تقريبا تقريبا Maitre Assistant <أو> Professeur شحال يقرا من عام ( بالتقريب فقط ) و شكرآأ لك و شكرآ لما تبذله من مجهود جزاك الله خيرأ و اسمحلي على الأسئلة بزاف ههه ~

kimoum19 · 2014-07-04, 01:19

اقتباس:

المشاركة الأصلية كتبت بواسطة ʀᾄмἷ łᾄʀ

السلام عليكم ورحمة الله وبركاته وشرأك خويا .. ؟ إن شاء الله تكون لاباس زدت جبت شوية أسئلة اسمحلي بزاف بزاف هههه . أولاأ شحال كاين من امتحان في السنـة و الأسئلة تاع الامتحانات كيفاه تكون في المستوى سهلة صعيبة ؟ ثانيا التخصص كيفاه حتان تخير تخصص نتا حر و لا هم لي يبعثوك .. ؟ والجراحة هل تعـتبر تخصص أم مابعد التخصص ؟ و تقريبا تقريبا maitre assistant <أو> professeur شحال يقرا من عام ( بالتقريب فقط ) و شكرآأ لك و شكرآ لما تبذله من مجهود جزاك الله خيرأ و اسمحلي على الأسئلة بزاف ههه ~

الإمتحانات كاين مواد فيهم 3 و مواد فيهم 2 ( إيستو اومبريو و ديونتو )
بالنسبة للتخصص في البداية ( 7 سنوات ) الدراسة من أجل الحصول على شهادة طبيب عام ثم اجتياز مسابقة الريزيدانا و بناءا على ترتيبك ( في حال نجاحك ) تختار من بين التخصصات المتوفرة . ،

kimoum19 · 2014-07-04, 01:25

اقتباس:

المشاركة الأصلية كتبت بواسطة ميزتي هدوئي وسكوتي

مشكلتي هي الفرنسية
ماذا أفعل

أعرف الكثير ممن دخلوا بمستوى كارثي في الفرنسية و تمكنوا من النجاح ، لكن يجب بدل مجهود في تعلم اللغة الفرنسية لأن الطب يتطلب مطالعة مستمرة لأحدث ما توصلت إليه الأبحاث .
بعبارة أخرى يمكن تجاوز مشكلة اللغة ببذل مجهود

siimou · 2014-07-04, 01:46

السلام عليكم

خويا و الله حاب نسقسيك على الطب العسكري :

اولا و الله ما نعرف عليه و لا شيئ ,,,,, و حاب نعرف كيفاه ندخلو ,, كاين لي يقولوا لبلي المعدل تاعو يكون طالع بزاف

قولي مثلا العام الي فات قداه كان و كاين لي يقولوا معرفة هل هذا الشيئ صحيح ؟؟

و اذا كان بالمعدل كيفاه ندخلوا ,, نلقاه مع الخيارات تاع الدليل و لا كيفاه ؟؟

siimou · 2014-07-04, 01:49

السلام عليكم

خويا و الله حاب نسقسيك على الطب العسكري :

اولا و الله ما نعرف عليه و لا شيئ ,,,,, و حاب نعرف كيفاه ندخلو ,, كاين لي يقولوا لبلي المعدل تاعو يكون طالع بزاف

قولي مثلا العام الي فات قداه كان و كاين لي يقولوا معرفة هل هذا الشيئ صحيح ؟؟

و اذا كان بالمعدل كيفاه ندخلوا ,, نلقاه مع الخيارات تاع الدليل و لا كيفاه ؟؟

ضوء الايمان · 2014-07-04, 01:59

السلام عليكم و رحمة الله و بركاته
من فضلك عندي الكثير من الاسئلة و لم استطع ايجاد اجوبة ارجوا ان تجاوبني بمعلومات اكيدة
1 --العام الماضي 2013 قالوا ان تخصص الطب بمعدل 14.70 هل هذا اكيد و هل تعرف من تحصلوا على معدل بين 14.99 و 14.70 ودخلوا الطب
2 --هل تتوقع ان هذه السنة يكون نفس المعدل ام ينقص
3--انا تحصلت على 14.93 هل لدي فرصة
4-- ان كانت لدي فرصة هل ستعيقني الفرنسية
5-- ادا كنت ممتاز في مادة العلوم الطبيعية في الثانوي هل يساعدك هذا في تخصص الطب
6--سمعت انه تم فتح تخصص الطب في بشار و اماكن اخرى و قالمة نقلوا من قسنطينة هل هذا سيوفر اماكن اكثر للقسنطينيين
7-- الكثير قالوا لي ان هذا التخصص يتطلب جهد كبير و المستقبل فيه غير مضمون لان فرص العمل قليلة خاصة ان لم تتخصص فهل هذا صحيح
8-- ادا ما كانش عندي الحض في قسنطينة هل يمكن ارسالي لولايات اخرى

في الاخير اعرف انني اكثرت عليك بالاسئلة فعذرا و جازاك الله خيرا على هذه المبادرة الطيبة
تصوموا بالصحة و الهناء
شكرااااااااااااااااااااااااااا

abdelkader1996 · 2014-07-04, 02:10

اقتباس:

المشاركة الأصلية كتبت بواسطة ضوء الايمان

السلام عليكم و رحمة الله و بركاته
من فضلك عندي الكثير من الاسئلة و لم استطع ايجاد اجوبة ارجوا ان تجاوبني بمعلومات اكيدة
1 --العام الماضي 2013 قالوا ان تخصص الطب بمعدل 14.70 هل هذا اكيد و هل تعرف من تحصلوا على معدل بين 14.99 و 14.70 ودخلوا الطب
2 --هل تتوقع ان هذه السنة يكون نفس المعدل ام ينقص
3--انا تحصلت على 14.93 هل لدي فرصة
4-- ان كانت لدي فرصة هل ستعيقني الفرنسية
5-- ادا كنت ممتاز في مادة العلوم الطبيعية في الثانوي هل يساعدك هذا في تخصص الطب
6--سمعت انه تم فتح تخصص الطب في بضار و اماكن اخرى و قالمة نقلوا من قسنطينة هل هذا سيوفر اماكن اكثر للقسنطينيين
7-- الكثير قالوا لي ان هذا التخصص يتطلب جهد كبير و المستقبل فيه غير مضمون لان فرص العمل و العائد المادي قليل خاصة ان لم تتخصص فهل هذا صحيح
8-- ادا ما كانش عندي الحض في قسنطينة هل يمكن ارسالي لولايات اخرى

في الاخير اعرف انني اكثرت عليك بالاسئلة فعذرا و جازاك الله خيرا على هذه المبادرة الطيبة
تصوموا بالصحة و الهناء
شكرااااااااااااااااااااااااااا

سمعت انه سيتم فتح جامعة بمستغانم يعني سيخفف الضغط عليكم
2-بالنسبة للسؤال السابع -التخصص لا يعني بالضرورة العائد المادي- فالرزق على الله فلو هرب الانسان عن رزقه مثلما يهرب
من الموت لادركه رزقه كما تدركه الموت - بمعنى اخر ادا كنت تتوقعين ان الطبيب غير مضمو ن فما بالك بالاختصاصات الاخرى
القناعة والرغبة هي من سيحقق لك الهدف

˙·● بَــدْرَآلَدِّيــــنّ ●·˙ · 2014-07-04, 02:26

السلام عليــكم :

رمضــان كريــم أخ .زَيْنْ الْدِيِنْ. ... وفقّك الله لمــا ترضــاه و الله

وفيت و كفيــت أخــي ... شكــرااا جزيلا لفتحــك هذاا الموضــوع ... و الله مفيــد صراحــة ... أنــا أود طرح سؤال حول الطــب العسكــري

يقولولي صحــابي لي راحوا يحــتاج معريفــة ؟ هل هذا صحيــح ؟؟؟ و هل يحتــاج معدل كبيــر ؟؟؟ + كيف يتــم التسجيــل ... ؟؟

و بطبيعــة الحــال العمــل مضمون ؟؟ + 8 سنــوات ... هذي بلا التخصص ؟؟ يعــني مزال 3 سنوات تخصص اذا نجح الواحد في مســابقة ؟

+ سؤال أخيــر أخي .. في الطب العسكري هل يوجد تخصص طب أسنان ؟؟ أعذرني قد أثقلت كــاهلك باللأسئلــة ... عسى أن تكتب لك

حسنــة و يسدد الله خطايــاك ... وصح سحــورك و شكـــراا جزيلا ... ~

.زَيْنْ الْدِيِنْ. · 2014-07-04, 02:31

اقتباس:

المشاركة الأصلية كتبت بواسطة ميزتي هدوئي وسكوتي

مشكلتي هي الفرنسية
ماذا أفعل

لا تقلقي مطلقا من هذا الجانب ،،، دراسة الطب ماهي الا مصطلحات طبية فقط تكتسبينها بمرور الوقت ،، فحتى الممتاز فاللغة الفرنسية لا يعرفها ،، فقط الفرق الوحيد هو في التواصل مع الاساتذة و طرح الاسئلة اللذان يحتاجان اتقانا للغة بعض الشيئ
عندك الصيف حسني مستواك على قد ما تقدري

اقتباس:

السلام عليكم ورحمة الله وبركاته وشرأك خويا .. ؟ إن شاء الله تكون لاباس زدت جبت شوية أسئلة اسمحلي بزاف بزاف هههه . أولاأ شحال كاين من امتحان في السنـة و الأسئلة تاع الامتحانات كيفاه تكون في المستوى سهلة صعيبة ؟ ثانيا التخصص كيفاه حتان تخير تخصص نتا حر و لا هم لي يبعثوك .. ؟ والجراحة هل تعـتبر تخصص أم مابعد التخصص ؟ و تقريبا تقريبا Maitre Assistant <أو> Professeur شحال يقرا من عام ( بالتقريب فقط ) و شكرآأ لك و شكرآ لما تبذله من مجهود جزاك الله خيرأ و اسمحلي على الأسئلة بزاف ههه ~

اهلا اخي ،، والله في نعمة الحمد لله ،، كيف كانت النتيجة ؟؟
مرحبا بيك في أي وقت يا خويا لعزيز
بالنسبة لعدد الامتحانات فعلا حسب الكلية ،، كيما قسنطينة عندنا 3 ثلاثيات على غرار باقي الكليات اللي يعتمدو نظام السداسيات
كاين مواد دير فيهم 3 امتحانات فالسنة و كاين مواد دير فيهم 2 برك (( علم الاجنة_امبريولوجي - الاحصاء - الفيزيولوجي - الهيستولوجي_ علم الانسجة ))
الاسئلة في معظمهاتكون متوسطة ليس تلك التعجيزية '' تقدر تضمن 15 بمجهود متوسط '' و اذا حبيت 20 لازملك تجتهد و تقرا من مصادر اخرى ،، فقسنطينة ــ جميها بنظام ال QCM يعني نظام الاختيارات ،، لكنو صعب من ناحية التصحيح '' الكل او لا شيئ '' ماتخافش تقرا تجيب كيما قلتلك من قبل ــ و كاين مواد يتصححو بال PARTIELLE يعني سهل ماش كي TT OU RIEN
بالنسبة للتخصص ،، بعد ما تكمل السنوات العجاف خخخ '' قصدي ال7 '' تدخل امتحان و اسمو residanat تُسأل فيه عن كل ما درسته ،، و علا حسب ترتيبك تخير التخصص اللي راك حاب ...
الجراحة تعتبر تخصصا ،، كاين جراحة عامة ، جراحة القلب ، جراحة الاعصاب ، ....
maitre assistant ممكن تكون واحد 13-14 عام تقريبا برك ،،، بالنسبة للبروفسور فليست لدي معلومات كثيرة ،، نسقسي و نقولك
خويا العزيز مرحبا بيك فأي وقت ،،، سقسي اللي تحب والله نجاوبك و بلا مزية '' آو لازم ههه ''
و صحآ صحورك

اقتباس:

السلام عليكم

خويا و الله حاب نسقسيك على الطب العسكري :

اولا و الله ما نعرف عليه و لا شيئ ,,,,, و حاب نعرف كيفاه ندخلو ,, كاين لي يقولوا لبلي المعدل تاعو يكون طالع بزاف

قولي مثلا العام الي فات قداه كان و كاين لي يقولوا معرفة هل هذا الشيئ صحيح ؟؟

و اذا كان بالمعدل كيفاه ندخلوا ,, نلقاه مع الخيارات تاع الدليل و لا كيفاه ؟؟

و عليكم السلام ،، مرحبا بيك أخي
بالنسبة لطريقة الدخول ،،، وش راح نقولك ،، بعد مايقبلوك فالطب المدني ،، تسجل فالجامعة و يعطوك شهادة التسجيل و وثائق اخرى ... ،،، نتا كي تطبع ورقة التوجيه من النت ،، دير عليها نسخ ،، و هوما يفتحو الدخول في تاريخ معين ،، سقسي برك يقولولك عادي ،، تأخذ ملف اولي برك مافيهش وثائق بزااف ،، '' نحاول نلقاهولك '' و تدفعو فالمستشفى العسكري فعين النعجة كتسجيل أولي ... ممبعد اذا قبلوك راهم يعيطولك تكمل الملف النهائي '' كبييييييييييييير '' و تفوت عالفحص الطبي و الرياضي و ترجع لداركم و أخيرا اذا قبلوك يعيطولك توجد حوايج و تروح مرة وحدة يدخلوك لشرشال و مرحبا بك في سلك الصحة العسكرية
بالنسبة للمعدلات ،، هوما راهم يقولو علا حسب الولاية ،، يعني كل ولاية عندها عدد مقاعد محدد ،، نتا و ترتيبك و الطلب على الطب العسكري في ولايتك ،، يعني كيما قادر يكون 17 في ولاية قادر يكون 15 في ولاية ،، و أنا العام اللي فات نعرف اللي دخلو ب 14.71 و كاين اللي ب 17 و مادخلش ماتنساش قضية المعريييفة راهي كل محضر تحضر خخخخ
بالتوفيق أخي

اقتباس:

kimoum19

شكـــرا على المساعدة