ورشة الصدر الدهبي مع abir chemss

[crono]

مسااااء الخير والنور


اهلا و سهلا باخواتي و حبيباتي في الله نورتواورشة لمة لحباب..


الاختabir chemss جزاها الله ستقوم بعمل ورشة لهدا الصدر



وهادي لأخت سمرة


ان شاء الله نرجعو النشاط للقسم و نتمتعوا بابداعاتن


الهمه و الشطارة

و مادا بيكم كل وحده توري موديلها و كل مرة تصور وين وصلت باه نزيدو الحماس

قائمه المشتركات
ام حمزة22
خطوة بيضاء
ام ورود
souheila dz
أمّ عبد الله
sarache
mimimouni
ام*اكرام
oum fadoua
رميلة حياتي
فتاة مميزة
بعيدة المنال
kiya
titi119
ღ أمليے بالله كبيرے ღ
ام الرجال
غفران 2
mariana1
iris blanche
نهال13
RIMA.87
fadilasor
شاهة
انا تاني معاكم
أم كوثر


اولا ارحب بكل من سجلت اسمها معنا ....والمجال مفتوح لكل من ترغب الالتحاق بنا حتى ولو وصلت متاخرة

راني فرحانة علاش هناك لي كانو غايبين ورجعونا في هاد اللمة ان شاء الله نتلمو من جديد ونشطو القسم



تمناااتي بالتوفيق للجميع

[crono]

اللوازم : 4كبات خيط حرير و اللي حاب دير كمامات 5 .....+ كروشي رقم 10 أو أرق
الخدمة على زوج


1- كل واحدة تقيس على قندورتها ............انا درت سلسلة تاع 300 قدام و لورة لوحد بصحتها نقفلو الدائرة بمنزلقة

2- نطلعو بـ3 س(=عمود)+2 س نعقبو 2 سلسلة و نديرو عمود و هكذا كي نوصلو لنص ديري في نفس العين 2ع+2س+2ع باش تجي الرقبة v و كملي كيما الاول حتى تفضي اقفلي بمنزلقة







3- (فوق العمود ديري عمود و في وسط السلسلة ديري 2 ع و ع فوق العمود التالي)=4 .ثم 2 س و اعقبي مربع و عاودي نفس الشيئ و كي توصلي للنص ديري في وسط الزوج اعمدة 4ع+2س+4ع .عاودي العمل كيما الاول ان تفضي اقفلي بمنزلقة



4- الدور هذا عمريه الكل اعمدة و كي توصلي للنص ديري في وسط الزوج اعمدة 4ع+2س+4ع عاودي العمل كيما الاول ان تفضي اقفلي بمنزلقة




5- الدور هذا كي الدور ال2 كي توصل للنص في وسط الاعمدة نديرو 4ع+2س+4ع كملي العمل و اقفلي بمنزلقة



6- نفس الدور ال4... فوق (4ع+2س+4ع) عمريها بالاعمدة كاملة و اقفلي بمنزلقة

[crono]

7- هنا رايحين انديرو الوردات انديرو 10 أعمدة + سلسلة تاع 14 و نسوطيو 6 أعمدة و نعاودو نفس العمل .في الوسط نعمرو بالاعمدة حتى للنص الرقبة و نكملو للأخير بنفس الطريقة





8

8- نمشيو لوسط 10 أعمدة بغرز حشو و في وسط السلسلة نعملو 3 عمود بلفتين + 3 س نعاود 6 مرات + 3 عمود بلفتين و في وسط 10 عمود غرزة حشو كي نوصلو في الوسط نديرو غرزة حشو في في العمود 4 نمشي بغرزة حشو حتى نوصلو للوردة اخرى .......نفس الشيئ.





9- في وسط 3 عمود بلفتين غرزة حشو و نديرو صدفة في وسط سلسلة تاع 3 ( 2 نصف عمود+3عمود+2 نصف عمود ) و نعاود نفس الشيئ . في الوسط غرزة حشو حتى نصل للطرف الأخر .و نكملو بنفس الطريقة .





هنا رانا خلصنا الصدر

[crono]

رانا خلصنا الصدر


نديرو الساير داير
صدفة ( 2 نصف عمود+3عمود+2 نصف عمود ) في سلسلة و غرزة حشو في السلسلة التالية حتى تفضو الدورة


نرجعو للوردات الزايدين في الصدر
- ما بين الزوج وردات تاع الأمام ديري سلسلة تاع 14 و نكملو نفس العمل تاع الوردة لكن هنا كل مرة قلبي العمل تاعك ......


- درك انديرو 3 وردات بين ال3 وردات الأولين نديرو ال3 مع بعض و ندرور الخدمة كل مرة

- الوردات ال2 الأخرين انا درت وحد كبيرة ( سلسلة تاع 20 و 8 بتلات ) و الاخيرة نفس الوردة

[نور الإسلام26]

سلام عليكم
اختي كرونو اهلا بيكي واش راكي
انشاء الله تكوني بخير
مبروك على الورشة بتوفيق للجميع

[RIMA.87]

السلام عليكم
بارك الله فيك اختياي كرونو و عبير شمس على هذه اللمة المميزة و جعل الله هذا العمل في ميزان حسناتكم
بالتوفيق للجميع

[نهال13]

مسا الخير مبروك افتتاح الورشة قولولى بلمسلك نديرو على زوج والا على واحد وكون نديرو بالحرير يجى خير؟

[RIMA.87]

السلام عليكم
عندي هذا الخيط لي في الصورة

اذا نقدر نخدم بيه و هل نحتاج 4كبات كيما نتاع الحرير لان هذا الكبة فيها 20g و جزاك الله خيرا اختي كرونو

[ام حمزة22]

السلام عليكم
مبروك افتتاح الورشة وربي يجازيكم كل خير غاليتي كرونو واختي عبير

اختي نور الاسلام واش راكي على حساب الشوفة ماراكيش رايحة تشاركي فشلتك سخانة ههههه




حبيبتي نهال واش راكي هدي غيبة

ربي يجعل هاد اللمة لمة خير على الجميع

تحياتي للجميع

بالتوفييييييق

[crono]

المشاركة الأصلية كتبت بواسطة نور الإسلام26

سلام عليكم
اختي كرونو اهلا بيكي واش راكي
انشاء الله تكوني بخير
مبروك على الورشة بتوفيق للجميع

وعليكم السلام اهلا أختي نور الحمد الله ونتي كي راكي مع السخانة تع الصحراء :d

[crono]

المشاركة الأصلية كتبت بواسطة rima.87

السلام عليكم
بارك الله فيك اختياي كرونو و عبير شمس على هذه اللمة المميزة و جعل الله هذا العمل في ميزان حسناتكم
بالتوفيق للجميع

أمييييين ان شاء الله افرحونا بالتطبيقات :d

[crono]

المشاركة الأصلية كتبت بواسطة نهال13

مسا الخير مبروك افتتاح الورشة قولولى بلمسلك نديرو على زوج والا على واحد وكون نديرو بالحرير يجى خير؟

اهلا أختي نهال13 لالا لمسلك خيط على واحد و لا لحرير على 2
أسمحيلي أنا مزال مخدمتوش باش نعطيلك رأيي تدخل أخت عبير ولا سمرة هما خدموه يقدرو يعطونا رايهم

[crono]

المشاركة الأصلية كتبت بواسطة rima.87

السلام عليكم
عندي هذا الخيط لي في الصورة

اذا نقدر نخدم بيه و هل نحتاج 4كبات كيما نتاع الحرير لان هذا الكبة فيها 20g و جزاك الله خيرا اختي كرونو

هههه أختي ريمة حتى أنا نفس الخيط التاعك نستناو عبير ولا سمرة يدخلو ازيدو ياكدونا
أنا نخدم بيه خير الخدمة تطلك تتتتممم:d

[crono]

المشاركة الأصلية كتبت بواسطة ام حمزة22

السلام عليكم
مبروك افتتاح الورشة وربي يجازيكم كل خير غاليتي كرونو واختي عبير

اختي نور الاسلام واش راكي على حساب الشوفة ماراكيش رايحة تشاركي فشلتك سخانة ههههه




حبيبتي نهال واش راكي هدي غيبة

ربي يجعل هاد اللمة لمة خير على الجميع

تحياتي للجميع

بالتوفييييييق

اهلا أختي ام حمزة22 كي راكي ههههه حت أنا حبيت نسقسيها قلت هي متهدرش حت تخرجنا بخرجة ان شاء الله تكون للمة خير علينا
ونتي تخدمي بخيط حرير و مسلك

[ام حمزة22]

المشاركة الأصلية كتبت بواسطة crono

اهلا أختي ام حمزة22 كي راكي ههههه حت أنا حبيت نسقسيها قلت هي متهدرش حت تخرجنا بخرجة ان شاء الله تكون للمة خير علينا
ونتي تخدمي بخيط حرير و مسلك

حبيبتي مع نور الاسلام تقدري تستناي غير المفاجئات

اما عن الخيط هدا لي راح نخدم بيه الا ينفع للخدمة

وعندي مثل لي حطاتو ريم هو شباب بصح نخاف ما يخرجش على انواع الوان القماش لان اللون الدهبي صعيب تلقاي اللون نتاع لقماش لي يوالمو ولا واش رايك ؟