منتدى العلوم الدقيقة3

[مراسم]

[QUOTE=loubnamias;3307071]

المشاركة الأصلية كتبت بواسطة مراسم

تعيشي هجورتي لعزيزة
خاصتنا لينا ان شاء الله تكون بخير

إن شاء الله .....خلات بلاستها فرغانة توحشتها والله توحشتها دزيتلها رسالة بصح لاحياة لمن تنادي .... على حساب غيبتها هذي نضن راحلو لفرنسا مانعرف المهم نتمنى تكون بألف خير

[اسما88]

المشاركة الأصلية كتبت بواسطة هاري بوتر

السلام عليكم
نتمنى متبعدوش وخاصة باديس راني محتاجك

لبنى واش طلعتي عامك ؟
بالتوفيق لك

اسما88 تقريبا راني معاك في نفس الظروف والشعبة
وان شاء الله نتلاقاو وقت المراجعة للباك sciences exacts
بالتوفيق

السلام عليكم بكل تاكيد اخي سوف نتعاون والتوفيق من عند الله شكرا ==تحياتي ==

[هاري بوتر]

المشاركة الأصلية كتبت بواسطة مراسم

اهلا سيف واش راك ؟ نتمنى تكون بألف خير.....
راني شايفاتك راك ناوي تعاود الباك العام الجاي وحاب تديه بمعدل مليح إن شاء الله مادام عندك الإرادة باه تديه وعلاه لالا بالإرادة تقدر توصل لأي حاجة حابها ربي يوفق الجميع ويحققلكم كل ماتتمناو يارب

شكرا على سؤالك أختي هاجر
صح حاب نعاود العام الجاي مادام اخر عام في الجامعة ( سوماستر قراية وسوماستر بروجي) وضرك تيقنت بلي كنت موفق اني معاودتش الباك 2010 لانو المعدلات مرتفعة وبصراحة منقدرش نجيب معدل مع ظروف القراية كنت قريب نزلق ونعاود العام

بالتوفيق لك في حياتك

[هاري بوتر]

قولولي يا جماعة في اي وقت تكونكتو في المنتدى
حاب نحكي معاكم خاصة باديس ولبنى وسعاد بخصوص الباك العام الجاي وأمور ادارية بالجامعة

[z.youcef]

المشاركة الأصلية كتبت بواسطة loubnamias

اهلا سيف واش راك
انا بخير
الحمد ل الله بعد تعبا كبرااااااااااااجدااااااااااوبعد مشوار شاقا نجحت وخرجت عمي وتهنيت من راتراباج

مبروك عليك العام... فرحة العام الأول كثر من فرحة الباك.... رانا نستناو في الباروووووووووووك.

[z.youcef]

المشاركة الأصلية كتبت بواسطة مراسم

واش راك يوسف؟ نتمنى تكون بخير
راني نشوف ماكش مفاكونسي علاه مابحرتش؟ ول خلصت عليك

صح هاجر.. واش راكي.. مازلت مابحرتش و الله الديقوطاج راهو يقتل مالقينا مانديرو.

[loubnamias]

المشاركة الأصلية كتبت بواسطة هاري بوتر

قولولي يا جماعة في اي وقت تكونكتو في المنتدى
حاب نحكي معاكم خاصة باديس ولبنى وسعاد بخصوص الباك العام الجاي وأمور ادارية بالجامعة

والله معنديش وقت محدد اغلب الوقت على 6.30-7

المشاركة الأصلية كتبت بواسطة z.youcef

مبروك عليك العام... فرحة العام الأول كثر من فرحة الباك.... رانا نستناو في الباروووووووووووك.

يبارك فيك
والله كتر من الباك

[B.Badis]

المشاركة الأصلية كتبت بواسطة هاري بوتر

رسالة الى باديس :
ننصحك تسجل التسجيل الأولي وتشوف التوجيه واذا مكانش طب متسجلش هكذا ميعتبرش سجلت في الجامعة
وعندي ليك طلب مادامك في قسنطينة اذا تقدر تعاوني هو استفسار اذا كان نقدر نلقى عندك الاجابة

بالتأكيد ...راني نستنى في الطلب تاعك

[B.Badis]

المشاركة الأصلية كتبت بواسطة هاري بوتر

حسب مانشوف في المنشور راه كلشي ال ام دي الا المدارس التحضيرية ومدارس الأساتذة والعلوم الطبية

الهندسة المعمارية في قسنطينة ...كلاسيكي على ما أظن

[B.Badis]

المشاركة الأصلية كتبت بواسطة نـور الدنيـا

احتمال كبير نغير واش خيرت في فترة تاكيد التسجيل
لا أدري ان كان باديس سيجيبني قبل فوات الاوان

نعم سعاد ...كيما قالت لبنى ..هي بعيدة عليها ....بصح أحسن من بعض الشعب الأخرى ...أي شعبة تخص البناء فيها مستقبل

[B.Badis]

المشاركة الأصلية كتبت بواسطة هاري بوتر

الحمد لله كيراكم بخير
عندي استفسار اتمنى تجاوبوني عليه
كان تشفاو جبت الباك 2009 بصح صغير بزاف 12.04 سمحولي ندخل في ترتيب الطب لكن معطاونيش لانو لحق العدد حتى 12.66
مسجلت بيه حتشي ولفت انتباهي لاول مرة في المنشور الصفحة 4 (حامل باك قبل 2010 ) العبارة التالية ( ... تقديم طلب .... حسب 1 الشروط البيداغوجية و 2 المعدل الادنى و3 حدود المقاعد)
1 و3 فاهمهم لاني علوم دقيقة (شروط بيداغوجية) والمقاعد (فوتونا منها)
نجي ل2 المعدل الادنى محتار باش يقصد مادامني باك2009 يقصد 12 او 12.66
انا دققت مليح لقيتو اغلب الظن يقصد 12 لان الشرط 12 مش 12.66 وحبس في 12.66 لان المقاعد لا تكفي صح ؟
هل يمكنني وضع طلب للتسجيل سنة 2010/2011 وما هي حظوظي في القبول

أنا على حساب ما فهمت ...قصدهم 12 مش 12.66 ...لكن أيضا على حساب ما فهمت لازم يكون معدلك العام اللي فات أكبر من معدل القبول النهائي لهذا العام ....لكن ماك خاسر والو ...دير طلب للتسجيل ...أنا العام اللي فات درت طلب للتسجيل بباك 2007 حيث كان 12.92 أكبر من 12.66 لكنهم رفضو ...قالولي لولم أكن سجلت بيه في الجامعة لقبلوني في الحال

[B.Badis]

المشاركة الأصلية كتبت بواسطة مراسم

السلام عليكم ورحمة الله تعالى وبركاته
كيف هي احوالكم (لبنى- سعاد-باديس- سيف- يوسف) والبقية نتمنى تكونو بخير؟
باديس ربي يكون معاك ...... كأخت ننصحك خليك من كلمة لو و نقولق ماتقلقش روحك راني شايفاتك مشوش خلي كل شيء لربي العالمين وماتضارش تطلع وتهبط حنا نتمناو يكون معدل القبول تاع الطب 14 وإذا كان كتر معناه ربي ماهوش شايفلك الخير في الطب على هذي كمل قرايتك وماتعاودش الباك العام الجاي خلاص بزاف معاودة شوف درك مستقبلك وأبد كون روحك يعني خلص قرايتك إن شاء الله ونوض تخدم أحسن والواحد ماهوش علابالو ربي فاه راه شايفلو الخير على هذي خلي أمورك كاملة لرب العالمين ..... صح لقراية مليحة بالنسبة للطفلة والطفل بصح الواحد يدي حياتو كاملة قراية ومستقبلو ناسيه ماجاتش ....خلص قرايتك وأضمن مستقبلك ومن بعد إذا حبيت تعاود الباك نضام جديد عاودو ونزيد نقول ونعاود الخدمة وثم الخدمة .....سامحني باديس ممكن تدخلت في حوايج مايعنيونيش ماكنتش رايحة نعطيك رأيي خلاص بصح مقدرتش على خاطر راكم خاوتي ولازم ننصحو بعضانا ويبقى مجرد رأي

شكرا لكي مراسم ...أوافقك الرأي مانيش خلاص مخمم نعاود الباك ...و الله العام اللي فات سجلو في آخر لحظة و صليت صلاة الإستخارة ...و الله في آخر لحظة ...يعني قريب ما سجلتش ...أنا العام هذا كانت آخر فرصة لي ...و مازال عندي أمل يقبلوني طب

[B.Badis]

المشاركة الأصلية كتبت بواسطة هاري بوتر

قولولي يا جماعة في اي وقت تكونكتو في المنتدى
حاب نحكي معاكم خاصة باديس ولبنى وسعاد بخصوص الباك العام الجاي وأمور ادارية بالجامعة

و الله راني نحكي من السيبار ....اتفق على وقت محدد و نجي إن شاء الله

[''أسيل'']

المشاركة الأصلية كتبت بواسطة b.badis

نعم سعاد ...كيما قالت لبنى ..هي بعيدة عليها ....بصح أحسن من بعض الشعب الأخرى ...أي شعبة تخص البناء فيها مستقبل

خلاص باديس
قررت اني نغير في فترة تاكيد التسجيل.........
هكذا تكون مختلفة عن الهندسة المدنية ولالا ؟

ان شاءالله يقبلوك
ربي معاك

[loubnamias]

مرحبا واش راكم سعاد وباديس ان شاء الله بخير
سعاد رياضياتواعلام الي اختصاص مليح
انصحكي ان تختار شعبة تكمل الشعبة لي قاعدة تقراي فيها